Latest News

Monday, July 30, 2018

ပြည်ထောင်စုဝန်ကြီး ဒေါက်တာဝင်းမြတ်အေး နှင့်အမေးအဖြေ

ပြည်ထောင်စုဝန်ကြီး ဒေါက်တာဝင်းမြတ်အေး နှင့်အမေးအဖြေ


ကယ်ဆယ်ရေးလုပ်ငန်းများကို လျင်မြန်အောင်ကြိုးစားတဲ့ကြားက နှေးနေသေးတယ်ဆိုရင် ရုံးဖုန်းတွေကို ရအောင်ဆက်သွယ်ပါ


နိုင်ငံတစ်ဝန်း ရေကြီးရေလျှံမှုများဖြစ်ပွားလျက်ရှိရာ ကူညီကယ်ဆယ်ရေးလုပ်ငန်းများ ဆောင်ရွက်နေမှုများနှင့်စပ်လျဉ်း၍ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးအား ဆက်သွယ်မေးမြန်းထားသည်များကို ပြန်လည်တင်ပြလိုက်ပါသည်-

မေး ။ ။ အခုဆိုရင်  တိုင်းဒေသကြီးနဲ့ပြည်နယ်အချို့မှာ

 ရေဘေးအန္တရာယ်နဲ့ ရင်ဆိုင်ကြုံတွေ့နေရပါတယ်။  ဒါနဲ့ ပတ်သက်ပြီး  ဒီရေဘေးဒုက္ခသည်တွေအတွက်  ကူညီ ဆောင်ရွက်မှုအပိုင်းကို ပြောပြပေးစေလိုပါတယ်။

ဖြေ ။ ။ ရေကြီး ရေလျှံမှုနဲ့ ပတ်သက်တဲ့အခါ နံပါတ်(၁)

 က   ရွှေ့ပြောင်းရတယ်။   ယာယီစခန်းတွေ  ရေဘေးရှောင်စခန်းတွေမှာ နေရတယ်။ အခုကျွန်တော်တို့ တွေ့တာကတော့ တချို့နေရာတွေမှာ လူဦးရေနဲ့ ရှိတဲ့ နေရာမမျှတတဲ့  ပုံစံမျိုးရှိတယ်။ အခု စာသင်ကျောင်းတွေ ဘုန်းကြီးကျောင်းတွေမှာပဲ နေရတယ်။ နေတဲ့အခါကြတော့ လူများတယ်။  အဓိက   ရင်ဆိုင်ရတဲ့ပြဿနာက   အညစ် အကြေးစွန့်တဲ့ ပြဿနာတွေရှိလာတယ်။ ကျန်းမာရေးနဲ့ ပတ်သက်ပြီးတော့ သတိထားစရာတွေ  ဖြစ်ပေါ်လာတယ်။   အညစ်အကြေး စွန့်မယ့်နေရာက နည်းတယ်။ လူတွေက များတယ်။ နေရာတစ်နေရာထဲမှာ  အဲဒါမျိုးတွေရှိတယ်။  လတ်တလောဖြေရှင်းနည်းတွေနဲ့ ရသလောက်တော့ ဖြေရှင်း ပေးထား တယ်။ ရေဘေးရှောင်စခန်းဆိုတာ အခိုက်အတန့် ပဲ၊ တစ်ပတ်တန် သည်ဖြစ်စေ၊ ၁ဝ ရက် တန်သည်ဖြစ်စေ  ဒီလိုပဲနေရတာပါ။  ဒီနေ့ကတော့  မနေ့ကထက်စာရင် ပဲခူးတိုင်းဒေသကြီးမှာ ရေက တန့်နေသေးတယ်။ ကျတာ မရှိဘူး။ ဘီးလင်းမှာတော့ မနေ့က တော်တော်လေးတက်ပြီး ဒီနေ့တော့ နည်းနည်းတန့်နေတယ်။ 

လက်ရှိအခြေအနေကတော့ ရေဘေးသင့်ပြည်သူ တွေအနေနဲ့ ပဲခူးတိုင်းဒေသကြီးမှာ ဇူလိုင် ၂၈ ရက် ညနေ အထိက  တစ်သောင်းရှစ်ထောင်ခုနစ်ရာကျော်ရှိတယ်။ ဇူလိုင်  ၂၉ ရက်မှာတော့   နှစ်သောင်းကျော်သွားပြီ။  မွန်ပြည်နယ်မှာလည်း တစ်သောင်းခုနစ်ထောင်၊ တစ်သောင်း ရှစ်ထောင်ရှိတယ်။   တနင်္သာရီတိုင်းဒေသကြီးမှာလည်း ခြောက်ထောင်ကျော်လောက်ရှိတယ်။

အခုလောလောဆယ်  သတိထားနေရတာက  မွန် ပြည်နယ်နဲ့ ပဲခူးတိုင်းဒေသကြီးပါ။  ကရင်ပြည်နယ်မှာ လည်း ဖြစ်နေတယ်။  ကရင်ပြည်နယ်မှာ  တစ်သောင်း လေးထောင်နီးပါးလောက် ရေဘေးသင့်ပြည်သူတွေရှိတယ်။ အဓိက အခုဖြစ်နေတဲ့  ပဲခူးတိုင်းဒေသကြီး တစ်ခုလုံးမှာ ရေဘေးကယ်ဆယ်ရေးစခန်း  ၄၂ ခုရှိတယ်။ ပြန်ပိတ်ဖို့ ကတော့  လတ်တလောမဖြစ်နိုင်သေးဘူး။ မွန်ပြည်နယ် ဘီးလင်းကလည်း ဖြစ်နေပြီဆိုတော့ နဂိုရှိတာကတော့ စခန်းပေါင်း  ၃၉ ခုရှိတယ်။   တနင်္သာရီတိုင်းဒေသကြီးမှာလည်း စခန်း ၁၃ ခုလောက်ရှိတယ်။  ကရင်ပြည်နယ်မှာ စခန်း ၅၂ ခုရှိတယ် ။ 

မေး ။ ။ တာဝန်ရှိသူတွေအနေနဲ့ အခုနောက်ထပ် ဘာတွေ

 ဆက်လက်လုပ်ဆောင်သွားဖို့ ရှိပါသလဲ။

ဖြေ ။ ။ ကျွန်တော်တို့ အမျိုးသားသဘာဝဘေးအန္တရာယ်

 ဆိုင်ရာ စီမံခန့်ခွဲမှုကော်မတီကနေပြီးတော့ ပိုမိုပြီး ထောက်ပံ့ပေးနိုင်ဖို့ လုပ်နေတာရှိတယ်။  ဥပမာအားဖြင့် မဒေါက်မှာ ရေကာတာ ပေါက်မထွက်ဖို့  အလွန်အရေးကြီး တယ်။  ဒါနဲ့ပတ်သက်ပြီးတော့ ကျွန်တော်တို့ သက်ဆိုင်ရာ တာဝန်ရှိတဲ့ ဌာနအသီးသီးကနေပြီးတော့ ပြည်သူတွေ ပူးပေါင်းပါဝင်ပေးဖို့လိုတယ်။ ဒါမျိုးတွေ ကျွန်တော်တို့က တိုက်တွန်းမယ်၊  ကြီးကြပ်မယ်၊  တစ်ကယ်ဖြစ်အောင် ဆောင်ရွက်ပေးမယ်။   ကျွန်တော်တို့  ဝန်ကြီးဌာနက ထောက်ပံ့ကူညီနေတဲ့ ဝန်ကြီးဌာနပါ၊ လ်ိုအပ်တဲ့နေရာကို အလျင်အမြန် တုံ့ပြန်သွားမယ်။

  ဥပမာ ပဲခူးတို့၊  သနပ်ပင်တို့မှာ ရေကြီးတဲ့ကြားက ပြီးခဲ့တဲ့  တစ်ရက်ကျော်က   လေဘေးကြုံလိုက်တယ်။ တစ်ခါတည်း အိမ်တွေအမိုးလန်တာ၊ ပြိုတာတွေ ဖြစ်တယ်။  ဒါတွေကို ကျွန်တော်တို့ လိုက်ထောက်ပံ့နေတယ်။  အဲဒါမျိုး တွေကို  ကျွန်တော်တို့က   လတ်တလောမဆိုင်းမတွ တုံ့ပြန်တဲ့ ပုံစံမျိုးနဲ့ ကျွန်တော်တို့အဖွဲ့က မရပ်မနားပြည်သူ တွေရဲ့ လိုအပ်ချက်ကို  လိုက်လုပ်ပါတယ်။   အဲဒါတွေက ကျွန်တော်တို့ လုပ်တဲ့အလုပ်တွေပါ။  ဒါပေမယ့် ပြည်သူ တွေရဲ့ ပူးပေါင်းပါဝင်မှုက အားကောင်းပါတယ်။  ပဲခူးမှာ ဆိုရင်လည်း လူမှုရေးအဖွဲ့တွေက အများကြီး ကောင်းပါ တယ်။  ဥပမာ  ရင်ခွင်မဲ့ကလေးများ  လျှော့ချရေးအဖွဲ့ ကလည်း  ရောက်လာပြီးတော့  ထမင်းထုပ်ဝေတာတွေ လုပ်တယ်။

လူမှုရေးအသင်းတွေကလည်း  ဒီလိုမျိုး  ထမင်းထုပ် ဝေတာတို့၊ ကူညီထောက်ပံ့တာတို့၊ ရေသန့်ဘူးဝေတာတို့ လုပ်နေပါတယ်။  နီးစပ်ရာ  ပဲခူးတိုင်းဒေသကြီးဆိုရင်  ဥပမာ  ညောင်လေးပင်၊  ပြွန်တန်ဆာ၊  ပိန်းဇလုပ်တို့ စသည်ဖြင့် တိုက်နယ်လေးတွေကနေပြီးတော့ မြို့နယ်မှာ ဖြစ်နေတာကို  အဖွဲ့လိုက် လာပြီးတော့ ထမင်းထုပ်ဝေ တာတို့၊ ရေသန့်ဘူးဝေတာတို့   လုပ်နေတာတွေ့တယ်။ ပြည်သူတွေက ပူးပေါင်းပါဝင်နေကြတယ်ဆိုတာ တွေ့ရပါ တယ်။ အစိုးရကလည်း လိုအပ်တာတွေ ထောက်ပံ့နေတယ်။ သူတို့ ကိုယ့်ဟာကိုယ် ထမင်းချက်စားလို့ မရနိုင်ဘူးဆိုတာ သိတဲ့အခါကျတော့ လက်ထဲမှာ ငွေနည်းနည်းရှိရင် မဆိုး ဘူးဆိုပြီး ကျွန်တော်တို့က တစ်နေ့ကို ဘယ်လောက်နှုန်းနဲ့ ဆိုပြီး တွက်ပြီးတော့ ငွေကို လက်ထဲထည့်လိုက်တယ်။

ဘာကြောင့်လဲဆိုတော့ သူတို့ကို ဒီလို ချက်ပြုတ်ကျွေး ပြီးတော့  ထမင်းထုပ်ဝေတဲ့ဟာတွေက မပြတ်ကို ရှိနေ တယ်။  သူတို့လက်ထဲမှာ  ငွေလေးရအောင်ဆိုပြီးတော့ ဖန်တီးတယ်၊  လိုအပ်ရင်  ကျွန်တော်တို့  ထပ်ပြီးတော့ ပံ့ပိုးမယ်။  ဒီလိုမျိုး ကျွန်တော်တို့ ဆောင်ရွက်နေတာ ရှိပါ တယ်။  ကိုယ်ဝန်ဆောင်တွေ၊  သက်ကြီးရွယ်အိုတွေ၊ ကလေးလေးတွေ၊  မွေးကင်းစကနေ  ခြောက်လအောက် ကလေးတွေအတွက် အမေတွေကို ငွေထောက်ပံ့တဲ့  စနစ် တွေလည်း ကျွန်တော်တို့ လုပ်ပါတယ်။  ဘာကြောင့်လဲဆို တော့ လိုအပ်မှုတွေ ပိုရှိလာနိုင်တယ်။

မေး ။ ။ ပြည်သူ တွေအနေနဲ့ သဘာဝဘေးအန္တရာယ်နှင့်

 ကြုံတွေ့ခဲ့မယ်ဆိုရင်   ဆက်သွယ်အကူအညီ တောင်းခံနိုင်မယ့် လိပ်စာနဲ့ ဖုန်းနံပါတ်ကိုလည်း ပြောကြား ပေးစေချင်ပါတယ်။

ဖြေ ။ ။ ဒါက အမြဲတမ်းTV မှာလည်းပါတယ်။  ကြေညာ

 နေတာတွေလည်း အမြဲတမ်းရှိတယ်။ ဖုန်းနံပါတ် ဝ၆၇၃၄ဝ၄၆၆၄၊ ဝ၆၇၃၄ဝ၄၇၇၇ တို့ကို  ဆက်သွယ်လို့ ရပါတယ်။

မေး ။ ။ ဖြည့်စွက်ပြောကြားလိုတာများရှိရင်  ပြောပြပေး

 စေလိုပါတယ်။

ဖြေ ။ ။ ကျွန်တော့်အနေနဲ့ ပြောချင်တာက ကျွန်တော်တို့

 အစိုးရအနေနဲ့ ပြည်သူတွေရဲ့ ဒုက္ခကို ကျွန်တော်တို့ မျှဝေ ခံစားတယ်။   အခုဖြစ်နေတဲ့  အရာဟာတစ်ကမ္ဘာလုံး အတိုင်းအတာအနေနဲ့ ရာသီဥတုတွေ  ဖောက်ပြန်ပြီးတော့ ဖြစ်နေတယ်။    ကမ္ဘာ့နိုင်ငံအရပ်ရပ်မှာဖြစ်ပါတယ်။  တစ်နိုင်ငံတည်း မဟုတ်ပါဘူး။

အခြားနိုင်ငံတွေမှာ ဒီထက်ဆိုးတဲ့ အခြေအနေတွေ လည်း ရင်ဆိုင်နေရတာရှိတယ်။  ဘယ်လိုပဲ ရင်ဆိုင်နေရ နေရ  အတတ်နိုင်ဆုံး ကျွန်တော်တို့အနေနဲ့ ပြည်သူတွေနဲ့ ပူးပေါင်းပြီးတော့  မဖြစ်ခင် ကြိုတင်ကာကွယ်တဲ့လုပ်ငန်း၊ ထိထိရောက်ရောက်တုံ့ပြန်တဲ့လုပ်ငန်း၊ ပြန်လည်ထူထောင် တဲ့လုပ်ငန်းတွေမှာ ထိထိရောက်ရောက် ဆောင်ရွက်ပေးဖို့ ကျွန်တော်တို့   အမြဲတမ်းရှိတယ်။    တကယ်လည်း အားထုတ်ကြိုးစားနေပါတယ်။ 

တစ်ခါတလေကျရင် ကျွန်တော်တို့ ဝန်ထမ်းအင်အား ကလည်း နည်းတယ်၊ မရောက်သေးဘူး၊ မလာသေးဘူး၊  အဲဒီလိုမျိုးတွေလည်း  ရှိတတ်ပါတယ်။   ကျွန်တော်တို့က လိုအပ်ချက်တွေ  မှန်သမျှကို  အရေးပေါ်ရင်ပေါ်သလို ကျွန်တော်တို့ကို ဆက်သွယ်ပါ၊  အရေးတကြီး လိုအပ်တာ တွေရှိလို့ ဆက်သွယ်လိုက်ရင် ကျွန်တော်တို့က ဦးစားပေး အနေနဲ့ လုပ်ပေးပါမယ်။

ပုံမှန်အားဖြင့်  ကျွန်တော်တို့  ဆောင်ရွက်သင့်၊ ဆောင်ရွက်ထိုက်တာ အကုန်လုံးကိုတော့  လုပ်နေပါတယ်။  ဒါကိုလည်း ကျွန်တော်တို့က လျင်မြန်အောင် ကြိုးစားနေ တယ်။  သို့သော်  လျင်မြန်အောင်  ကြိုးစားတဲ့ကြားက နှေးနေသေးတယ်ဆိုရင်၊    အထူးလိုအပ်တယ်ဆိုရင်  ဆက်သွယ်လိုက်ပါ။ အထူး ဆက်သွယ်တယ်ဆိုတာ ရုံးဖုန်း တွေကို  ရအောင်ဆက်သွယ်ပါ။  ရအောင်ဆက်သွယ် လိုက်ရင်   ပိုပြီးတော့ ဦးစားပေး ဆောင်ရွက်လို့လည်းရတယ်။  ပိုပြီးတော့ အာရုံစိုက်လို့လည်းရတယ်။  ကျွန်တော်တို့ရှိတဲ့ အင်အားနဲ့  အစွမ်းကုန်ကြိုးစားနေတယ်လို့  ပြောချင်ပါ တယ်။       

ကြေးမှုံသတင်းအဖွဲ့

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post