ကျန်းမာစွာ နေထိုင်ရေး နည်းလမ်း(၁ဝ)ချက်

ကျန်းမာစွာ နေထိုင်ရေး နည်းလမ်း(၁ဝ)ချက်

မြန်မာစကားပုံ တစ်ခုဖြစ်သည့် အသက်ကိုဉာဏ်စောင့်ဟူသော စကားပုံသည် လူတိုင်းလူတိုင်း ကျန်းမာရေးအသိ၊ ကျန်းမာရေး သတိရှိရန်  လိုအပ်ကြောင်း ညွှန်းဆိုထားခြင်းဖြစ်သည်။ယနေ့ နည်းပညာခေတ်တွင် ရုပ်ဝတ္ထု ပစ္စည်းများ၊ နည်းပညာများ တိုးတက်ပြောင်းလဲ လာသည်နှင့်အညီ ရောဂါအမျိုးအမည် များလည်း တိုးပွားဆန်းပြားလာသည်။

ယခင်က အသက်ကြီးပိုင်းတွင်သာ ဖြစ်လေ့ဖြစ်ထရှိသော ရောဂါများသည် ယခုအခါ အသက်အရွယ်မရွေး ဖြစ်ပွားနေသည်ကို တွေ့ရှိရသည်။ ထို့ပြင် လူဦးရေထူထပ် များပြားလာမှုနှင့်အတူ ကူးစက်တတ်သော ရောဂါများသည်လည်း ကပ်ရောဂါသဖွယ် ခြိမ်းခြောက်လျက်ရှိသည်။   သို့ဖြစ်၍  လူတစ်ဦးချင်းစီတိုင်း ကျန်းမာရေးနှင့် ညီညွတ်စွာ ပြုမူနေထိုင်မှသာ ပိုမိုကောင်းမွန်သော လူမှုအဖွဲ့အစည်းကို တည်ဆောက်နိုင်မည် ဖြစ်သည်။

လူတစ်ယောက်အနေဖြင့် ကျန်းမာရေးနှင့် ညီညွတ်စွာ ပြုမူနေထိုင်နိုင်ရန် လိုက်နာကျင့်သုံး သင့်သည့်အချက်များကို ကမ္ဘာ့နိုင်ငံ အသီးသီးမှ ဆေးသိပ္ပံပညာရှင်များ၊ သုတေသီများက သုတေသနများ ပြုလုပ်၍ တွေ့ရှိချက်များကို သတင်းစာ၊ ဂျာနယ်၊ မဂ္ဂဇင်းများနှင့်    အင်တာနက်   ဝက်ဆိုက်များတွင် ဖော်ပြထားကြသည်။ ထိုဖော်ပြချက်များထဲမှ ၂ဝ၁၇ ခုနှစ် စက်တင်ဘာ ၁၁ ရက်တွင် www.livestrong.com တွင် ဖော်ပြခဲ့သည့် 10 Ways To Fit And Healthyကို ကောက်နုတ်တင်ပြလိုသည်။

ရေးသားသူသည် New York City မှ အာဟာရဆိုင်ရာ အကြံပေးနှင့် အားကစား ယောဂလေ့ကျင့်ရေး ဆရာမ Danielle O' Connell ဖြစ်သည်။ သူမ၏ဆောင်းပါးတွင် ကျန်းမာစွာ နေထိုင်နိုင်ရန်အတွက် နည်းလမ်း ၁ဝ ခုဖြင့် တင်ပြထားသည်။ ထိုနည်းလမ်း ၁ဝ ခုအနက် ပထမဦးဆုံး အချက်မှာ ''မိမိအကျင့်ဆိုးများကို မောင်းထုတ်လိုက်ပါ''ဟူ၍ ဖြစ်သည်။  အကျင့်ဆိုး ဆိုသည်မှာ  လူအများသိကြသည့်အတိုင်းကျန်းမာရေးကို ထိခိုက်စေနိုင်သည့် အပြုအမူ ဆောင်ရွက်ချက်များကို   ရည်ညွှန်းခြင်းဖြစ် သည်။ ဥပမာအားဖြင့် ဆေးလိပ်သောက်သုံးခြင်း၊ ဆေးရွက်ကြီးဝါးခြင်း(ကွမ်းစားခြင်း)၊ မူးယစ်ဆေးဝါးသုံးစွဲခြင်း၊ အကာအကွယ်မဲ့ လိင်အပျော်အပါး လိုက်စားခြင်း၊အရက်သေစာ အလွန်အကျွံ သောက်သုံးခြင်း စသည် တို့ကို ဆိုလိုခြင်းဖြစ်သည်။ ထို့ပြင် ရေရှည်တွင်    ကျန်းမာရေးကို ထိခိုက်စေနိုင်သည့် အချိုအဆိမ့်များ အလွန်အကျွံ စားသုံးခြင်းကိုလည်း ရှောင်ကြဉ်ရမည်ဖြစ်သည်။

ဒုတိယအချက်အနေဖြင့် ''ပုံမှန်ကျန်းမာရေး ဆေးစစ်ကြရန်''  တိုက်တွန်းထားသည်။ကားစသည့် စက်ပစ္စည်းများကို ပုံမှန်စစ်ဆေးရန် လိုအပ်သလို လူ့ခန္ဓာကိုယ်ကိုလည်း ပုံမှန်စစ်ဆေးရန် လိုအပ်ပါသည်။   သို့မှသာ မကျန်းမာနေမှုများကို    ဆောလျင်စွာ သိရှိကုသနိုင်မည်ဖြစ်ပါသည်။  ထိုသို့ ကျန်းမာရေးစစ်ဆေးရာတွင်  ဆေးရုံ၊  ဆေးခန်းများတွင် စစ်ဆေးခံရန်  လိုအပ်သလို  မိမိကိုယ်တိုင်လည်း   စစ်ဆေးကြရန်  အထူးလိုအပ်သည်။ ဥပမာ- ရင်သားကင်ဆာ ဖြစ်ပွားနေမှု ရှိ၊ မရှိ မိမိရင်သား(သားမြတ်)ကို   မိမိကိုယ်တိုင်စစ်ဆေးခြင်းစသည်ကို ဆိုလိုခြင်းဖြစ်သည်။  ရောဂါအများစုသည် ဖြစ်ပွားမှု ကနဦးအဆင့်တွင် သိရှိပါက ကုသရန် လွယ်ကူ၍  ရောဂါနှောင်းပိုင်းမှ သိရှိရပါက ကုသရန်အတွက် အခက်အခဲများစွာ   ဖြစ်ပေါ်စေနိုင်သည်။ သို့ဖြစ်၍    ပုံမှန်ဆေးစစ်မှု ခံယူခြင်းသည် ကျန်းမာစွာ နေထိုင်ရေး နည်းလမ်းများထဲမှ အဓိကကျသော အချက်တစ်ချက်ဖြစ်သည်။

တတိယအချက်အနေဖြင့် လုံလောက်စွာ အိပ်စက်ခြင်းဖြစ်သည်။    အိပ်စက်ခြင်းသည်  စိတ်ရောကိုယ်ပါ  အင်အားဖြစ်စေသော အရာဖြစ်ပါသည်။ လုံလောက်သော အိပ်စက်ခြင်းမရှိလျှင်  ခန္ဓာကိုယ်၏ ဇီဝဖြစ်စဉ်များ  ပျက်စီးခြင်း၊   အတွေးအခေါ် မှတ်ဉာဏ်များ ကျဆင်းခြင်း၊   ခန္ဓာကိုယ်လှုပ်ရှားမှုများ ယိုယွင်းခြင်းနှင့်   ခုခံအားစနစ်လျော့နည်းခြင်း စသည်တို့ကြောင့် ကျန်းမာရေးကို  ဆိုးဝါးစွာ ထိခိုက်စေသည်။  လုံလောက်သော အိပ်စက်ခြင်းဆိုသည်မှာ လူတစ်ယောက်သည် တစ်နေ့လျှင် အိပ်ချိန် ၆ နာရီမှ ၉ နာရီအထိရှိခြင်းကို ဆိုလိုသည်။   အိပ်စက်ခြင်းသည် စိတ်ဓာတ်ကျခြင်း၊ ခန္ဓာကိုယ်ပျက်စီးခြင်း တို့ကို လျော့ကျစေနိုင်သည့် သဘာဝ အားဆေးဖြစ်သည်။

စတုတ္ထအချက်မှာ    လေ့ကျင့်ခန်းပုံမှန် ပြုလုပ်ခြင်းဖြစ်သည်။ နေ့စဉ် လေ့ကျင့်ခန်း ပုံမှန်ပြုလုပ်ခြင်းသည်   တန်ဖိုးကြီးသည့် အာဟာရဓာတ်စာများ၊ ဆေးဝါးများ သုံးစွဲခြင်းထက် ခန္ဓာကိုယ်ကို များစွာ အထောက်အကူဖြစ်စေသည်။   တစ်နေ့လျှင် နာရီဝက်ခန့် လမ်းလျှောက်ခြင်းသည် သက်ရှည်ကျန်းမာခြင်းအတွက် များစွာ အကျိုးပြုစေနိုင်သည့် အချက်တစ်ချက်ဖြစ်သည်။   လေ့ကျင့်ခန်း ပြုလုပ်ခြင်းသည် ခန္ဓာကိုယ်၏ သွေးလည်ပတ်မှုကိုကောင်းမွန်စေပြီး နှလုံးနှင့်အဆုတ်ကို ပိုမိုကောင်းမွန်စေသည့်အပြင် ကြွက်သားများ၊    အရိုးများကိုလည်း သန်မာစေသည်။ ထို့ပြင်  လေ့ကျင့်ခန်း ပုံမှန်ပြုလုပ်ခြင်းသည် စိတ်ကျရောဂါကိုပါ ဟန့်တားနိုင်သည့် အစွမ်းသတ္တိလည်းရှိသဖြင့် လူတိုင်းလူတိုင်း အလေ့အကျင့် အလေ့အထအဖြစ် ပြုလုပ်သင့်သောအချက်တစ်ချက်ဖြစ်သည်။

ပဉ္စမမြောက်အချက်မှာ     ကျန်းမာရေးနှင့် ညီညွတ်စွာ      စားသုံးခြင်းဖြစ်သည်။  စားသောက်မှု ပုံစံသည်လည်း လူ့ကျန်းမာရေးကို အဓိကလွှမ်းမိုးသော အချက်တစ်ချက်ဖြစ်သည်။ လတ်ဆတ်သော သစ်သီးသစ်ရွက်များ၊ ကောက်ပဲသီးနှံများသည် ခန္ဓာကိုယ်ကို များစွာအကျိုးပြုသဖြင့် နေ့စဉ်စားသုံးနေသော အစားအစာများထဲတွင် ၎င်းတို့အား ပါဝင်အောင် စားသုံးရမည်ဖြစ်သည်။   ထို့ပြင် ခန္ဓာကိုယ်စွမ်းအင် ရစေသည့် အသားဓာတ်အတွက် သင့်တင့်မျှတသော အသားများကို စားသုံးရန်လည်း  လိုအပ်သည်။   အစားအသောက်များကို စားသုံးရာတွင်   အလွန်အမင်း၊ အပြည့်အကျပ် စားသုံးခြင်းမှ ရှောင်ကြဉ်ရမည်ဖြစ်သည်။  ထို့ပြင်  ဓာတုဗေဒ ပစ္စည်းများဖြင့် ပြုပြင်ပြောင်းလဲထားသော (အရောင်လှစေရန်၊ အရသာပိုရှိသွားစေရန်) အစားအစာများကို  အတတ်နိုင်ဆုံး ရှောင်ကြဉ်ရမည်ဖြစ်သည်။အသင့်စားသုံးနိုင်သော အစားအစာများသည်လည်း ခန္ဓာကိုယ် ကျန်းမာရေးအတွက် ညီညွတ်ခြင်း မရှိလှပေ။

ဆဋ္ဌမမြောက်အချက်မှာ နေ့စဉ်နေ့တိုင်း မနက်စာ စားသုံးသင့်ကြောင်း တင်ပြထားသော အချက်ဖြစ်သည်။ ပုံမှန်လေ့ကျင့်ခန်းသည် ခန္ဓာကိုယ်အတွက် များစွာ အကျိုးရှိသလို မနက်စာ ပုံမှန်စားသုံးခြင်းသည်လည်း တစ်နေ့တာ ကြံစည်တွေးခေါ် လှုပ်ရှားရမည့် ခန္ဓာကိုယ်အတွက် လိုအပ်သော စွမ်းအင်များကို ပေးစွမ်းနိုင်သည့် အကျိုးကျေးဇူးများ ရှိသည်။   ထို့ပြင်   မနက်စာစားသုံးခြင်း သည် သွေးတွင်း သကြားဓာတ်ပမာဏကို ပုံမှန်အတွင်း ထိန်းညှိပေးခြင်းနှင့် တစ်နေ့တာ အတွင်း အစာများများ စားခြင်းကို လျှော့ချပေးခြင်းတို့ကြောင့် ခန္ဓာကိုယ်အလေးချိန်ကိုလည်း ပုံမှန်အတွင်း ဖြစ်စေနိုင်သည်။

သတ္တမမြောက်အချက်မှာ ရေသောက်သုံးခြင်းဖြစ်သည်။  လူ့ခန္ဓာကိုယ်သည်  ရေဓာတ်ဖြင့် အများဆုံးစုဖွဲ့ထားခြင်းဖြစ်သည်။ အစားအစာများနှင့် ဖျော်ရည်များတွင် ရေဓာတ်ပါဝင်သည် ဆိုသော်လည်း သန့်ရှင်းသော ရိုးရိုးရေသည်သာလျှင် ကျန်းမာသော ခန္ဓာကိုယ်အတွက်    အကောင်းဆုံးဖြစ်သည်။ ရေသည် ခန္ဓာကိုယ်၏ ကိုယ်တွင်းအင်္ဂါများနှင့်    အစာအိမ် အူလမ်းကြောင်း အတွက် အကောင်းဆုံးသော သန့်ရှင်းရေး နည်းစနစ်ဖြစ်သည်။ ခန္ဓာကိုယ်က ရေဓာတ်ပြည့်ဝနေမှသာလျှင် အညစ်အကြေး အဆိပ်အတောက်များကို အလွယ်တကူ စွန့်ထုတ်နိုင်မည်ဖြစ်သည်။ သို့ဖြစ်၍ လူတစ်ယောက် တစ်နေ့လျှင် သောက်သုံးရမည့်ရေပမာဏဖြစ်သည့် နှစ်လီတာခန့်ကို သတိပြု၍ သောက်သုံးကြရမည်ဖြစ်သည်။

အဋ္ဌမမြောက်အချက်မှာ  စိတ်ဖိစီးမှုကို လျှော့ချခြင်းဖြစ်ပါသည်။ စိတ်ဖိစီးမှုသည် ခန္ဓာကိုယ်၏ နှလုံးနှင့် အစာချေဖျက်မှုစနစ်ကို ထိခိုက်စေနိုင်သည့် အချက်တစ်ချက်ဖြစ်သည်။    စိတ်ထောင်းကိုယ်ကြေဆိုသည့် စကားပုံအတိုင်း စိတ်ခံစားမှုသည် ခန္ဓာကိုယ်၏  ရုပ်ပိုင်းဆိုင်ရာ ကြံ့ခိုင်မှုကိုပါ  များစွာအကျိုး သက်ရောက်မှု ရှိစေနိုင်သည်။  စိတ်ဖိစီးမှုသည် ရုတ်တရက် ချက်ချင်းဖြစ်ပေါ်လာသည့် အရာမဟုတ်သည့်အတွက်  စိတ်ဖိစီးမှု ကင်းဝေးစေသည့် နည်းလမ်းများ၊ လျှော့ချစေနိုင်သည့် နည်းလမ်းများကို သိရှိထားရန် လိုအပ်သည်။ အထက်တွင်ဖော်ပြခဲ့သည့် အတိုင်းပုံမှန်လေ့ကျင့်ခန်း ပြုလုပ်ခြင်း၊ ကောင်းမွန်စွာ အိပ်စက် အနားယူခြင်းတို့သည် စိတ်ဖိစီးမှုကို ကင်းဝေးစေနိုင်သည့် အချက်များဖြစ်သဖြင့် လိုက်နာဆောင်ရွက်သွားကြရန် လိုအပ်ပေသည်။ ထို့ပြင် စိတ်ဖိစီးမှု ခံစားရပါက ဝင်လေ၊ ထွက်လေ ရှူခြင်း(တရားထိုင်ခြင်း)၊ မိမိနှစ်သက်သော ဝါသနာ(သီချင်းဆိုခြင်း၊ ကခုန်ခြင်း၊ စာဖတ်ခြင်း၊ ဇာတ်ကားကြည့်ခြင်း)ကို ပြုလုပ်ခြင်း၊ မိမိချစ်ခင်နှစ်သက် အားကိုးယုံကြည်ရသူကို ဖွင့်ဟတိုင်ပင်ခြင်း၊ စကားစမြည်ပြောဆိုခြင်းစသည်တို့ကို ပြုလုပ်သင့်သည်။ လုပ်ငန်းခွင် စိတ်ဖိစီးမှု ကင်းဝေးစေရန်အတွက် အလုပ်လောဘကြီးခြင်း၊  မနိုင်ဝန်ထမ်းခြင်း တို့ကိုရှောင်ရှားသင့်ပြီး အပန်းဖြေခရီး၊ လေ့လာရေးခရီးများကိုလည်း  ထွက်သင့်ကြောင်း ဆောင်းပါးရှင်က အကြံပြုထားသည်။

နဝမမြောက်အချက်အနေဖြင့် လွတ်လပ်ပေါ့ပါးစွာ နေထိုင်သင့်ကြောင်း တင်ပြထားသည်။ မိမိ မကျေနပ်ချက်များ၊ အလိုမကျမှုများကို  မျိုသိပ်ထားခြင်းသည်  စိတ်ကျရောဂါကို ဖြစ်ပွားစေနိုင်သည့်အပြင် အိပ်စက်ခြင်းတွင် အနှောင့်အယှက်ပေးခြင်း၊ အစားအသောက် မမှန်ခြင်း စသည်တို့ကိုဖြစ်စေနိုင်ပြီး  ခန္ဓာကိုယ် ကျန်းမာရေးတွင်   ဆိုးကျိုးများစွာကို ဖြစ်စေနိုင်သည်။  သို့ဖြစ်၍  စိတ်ထွက်ပေါက်အဖြစ် အားကစားပြုလုပ်ခြင်း၊ ပန်းချီ၊ ဂီတ၊ အနုပညာ အစရှိသည်တို့ ပြုလုပ်ခြင်းများကို   ဆောင်ရွက်သင့်သည်။ စိတ်တွင်ခံစားရသော မကျေနပ်ချက်များကို စာရွက်ပေါ်တွင်    ချရေးခြင်းသည်လည်း စိတ်ထွက်ပေါက်ရှာသည့် နည်းလမ်းများထဲမှ အကောင်းဆုံး နည်းလမ်းတစ်ခုဖြစ်သည်။ သူတစ်ပါးကို ထိခိုက်စေနိုင်သည့် အပြုအမူမှ ရှောင်ရှားနိုင်သည့် အချက်လည်းဖြစ်သည်။

နောက်ဆုံးအချက်အနေဖြင့် တင်ပြထားသည်မှာ လိုက်လျောညီထွေစွာ ပြုမူနေထိုင်ခြင်း ဖြစ်သည်။ ကျန်းမာစွာ နေထိုင်နိုင်ရန် အတွက် အဓိကကျသော အရေးကြီးသော အချက်တစ်ချက်ဖြစ်သည်။ ပတ်ဝန်းကျင်၊ ရာသီဥတု၊ လူနေမှုပုံစံနှင့် လိုက်လျောညီထွေစွာ ပြုမူနေထိုင်နိုင်မှသာလျှင် စိတ်ရောကိုယ်ပါ ကျန်းမာမည်ဖြစ်သည်။ တန်ဆေး လွန်ဘေးဆိုသည့် အတိုင်း အစားအစာကို သင့်တင့်မျှတစွာ စားသုံးခြင်း၊ ကိုယ်၏စွမ်းဆောင်ရည်နှင့် သင့်လျော်သော လုပ်ငန်းဆောင်တာများကို ဆောင်ရွက်ခြင်း၊ မျှတလုံလောက်သောလေ့ကျင့်ခန်း၊ အိပ်စက်အနားယူခြင်း တို့ကို ဆောင်ရွက်ခြင်း စသည်တို့သည် ကျန်းမာရေးအ
တွက် လိုက်လျောညီထွေစွာ ပြုမူနေထိုင်ခြင်းဖြစ်သည်။

အချုပ်အားဖြင့်ဆိုသော် ''ကာကွယ်ခြင်းသည် ကုသခြင်းထက် ကောင်း၏''ဟူသော ဆိုရိုးစကားအတိုင်း ရောဂါဘယမှ ကင်းဝေးစေရန်အတွက် ကျန်းမာရေးနှင့် ညီညွတ်စွာ ပြုမူနေထိုင်ခြင်းသည် လူသားတိုင်းအတွက် အရေးကြီးသော အချက်တစ်ချက်ဖြစ်သည်။    ကျန်းမာမှသာလျှင်အရာရာကို စွမ်းဆောင်နိုင်မည်ဖြစ်သည်။ ကျန်းမာခြင်းသုခကို ရရှိရန်အတွက် အထက်တွင် ဖော်ပြခဲ့သည့် အချက် ၁ဝ ချက်ကို ပြုမူလိုက်နာသင့်သည့်အပြင် စနစ်တကျလက်ဆေးခြင်း အပါအဝင် ဖြစ်သည့် တစ်ကိုယ်ရေ တစ်ကာယ သန့်ရှင်းရေးကိုလည်း  အထူးဂရုပြုဆောင်ရွက်သင့်ကြောင်း ဖြည့်စွက်ရေးသား တင်ပြလိုက်ပါသည်။   ။

ကိုလွင်ဘို(မေ့ဆေး)