ချွေးနှဲစာသည်သာ သန့်ရှင်း၍ အားရှိသည်

ချွေးနှဲစာသည်သာ သန့်ရှင်း၍ အားရှိသည်

အဂတိလိုက်စားမှု တိုက်ဖျက်ရေးဆိုင်ရာ ဥပဒေပြင်ဆင်ချက်   အများအပြားအား အိန္ဒိယ အောက်လွှတ်တော်က  ဇူလိုင် ၂၄ ရက်၌ အတည်ပြုပေးလိုက်သည်ဆိုသော သတင်းတစ်ပုဒ်ကို ကျွန်ုပ်ဖတ်ရှုရသောအခါ ကြီးမြတ်ထည်ဝါလှသော ဒီမိုကရေစီ နိုင်ငံကြီးတစ်နိုင်ငံဖြစ်သည့် ယင်းနိုင်ငံ၏ ဖွံ့ဖြိုးရေးလုပ်ငန်းစဉ်တွင် ခလုတ်တံသင်း သဖွယ် ရှိနေသော အကျင့်ပျက်ခြစားမှုကို အခါမလင့်မီ တားဆီးကာကွယ်နိုင်ရန် တာဝန်ရှိသူများ၏   ကြိုးပမ်းချက်များ အသို့ရှိပါသနည်းဟု စေ့ငုမိလေ၏။

အဂတိလိုက်စားမှု တားမြစ်ရေး (ပြင်ဆင်ချက်) ဥပဒေမူကြမ်းကို လော့ခ်ဆာဘား (ဝါ) အောက်လွှတ်တော်က အတည်ပြု ပေးခြင်း မရှိမီ အဆိုပါ ဥပဒေ မူကြမ်းကို အထက်လွှတ်တော်က ငါးရက်စော၍ အတည်ပြုပေးခဲ့ပြီးဖြစ်ရာ ဥပဒေအဖြစ် အာဏာသက်ဝင်လာပေတော့မည်။

နောက်ကျနေပြီ

ဥပဒေပြင်ဆင်ချက်  ပြုလုပ်သည်မှာ အချိန်အခါအရပင် လျှင် နောက်ကျနေသည့် လုပ်ဆောင်ချက်အဖြစ် ဝေဖန်မှုအချို့   ပေါ်ထွက်ခဲ့သည်။ လာဘ်ယူသူများကိုသာ အရေးယူ အပြစ်ပေးခဲ့ရာမှ လာဘ် ပေးသူများကိုလည်း အရေးယူအပြစ်ပေးရန်၊  စွပ်စွဲခံ  လူပုဂ္ဂိုလ်များကိုသာမက ကုမ္ပဏီများကိုပါ   စွပ်စွဲခွင့်ရှိစေရန်စသည့် အချက်များမှာ   ဥပဒေပြင်ဆင်ချက်၏ ထူးခြားချက် များဖြစ်ကြောင်း၊ သို့ရာတွင် ဥပဒေပါ   စည်းမျဉ်းပြဋ္ဌာန်း ချက် အများအပြားမှာ ပြင်းထန်မှုမရှိဘဲ   'အားပျော့'   နေကြောင်း၊    အထူးအားဖြင့် အစိုးရ တာဝန်ရှိသူများအား စုံစမ်းစစ်ဆေးခြင်း ပြုလုပ်မှု
နှင့် သက်ဆိုင်သည့် ပြဋ္ဌာန်းချက်များဖြစ်ကြောင်း ဥပဒေလေ့လာ သုံးသပ်သူများက ပြောကြားကြသည်။

တာဝန်ထမ်းဆောင်ဆဲ ဝန်ထမ်းများကို
ဖြစ်စေ၊ အငြိမ်းစားယူပြီး ဝန်ထမ်းဟောင်း
များကိုဖြစ်စေ ဗဟိုအစိုးရအဖွဲ့က ထူ
ထောင်ပေးသော အာဏာပိုင်အဖွဲ့တစ်ဖွဲ့
၏ သဘောတူခွင့်ပြုချက်မရှိလျှင် ပဏာမ
စုံစမ်းစစ်ဆေးမှု ပြုလုပ်ခွင့်မရှိဟု ဥပဒေ သစ်တွင် ဖော်ပြထားရာ အစိုးရ တာဝန်ရှိ သူများအား ယခင်ကထက် ပိုမို၍ အကာ အကွယ်ပေးထားသော ဥပဒေသစ်ဟု ဆို ကြလေသည်။

ဥပဒေပြင်ဆင်ချက်များ ပေါ်ထွက်လာ ခြင်းမရှိမီ လက်မွန်မဆွကမူ စုံစမ်းစစ်ဆေးရေး အရာရှိများအနေဖြင့် စုံစမ်းစစ်ဆေးမှုကို လွတ်လပ်စွာ ပြုလုပ်ခွင့်ရရှိခဲ့ကြသည်။

သို့ရာတွင် ခြွင်းချက်အနေဖြင့် ပူးတွဲအတွင်းဝန်  ရာထူးအထက်ရှိ  အစိုးရ တာဝန်ရှိသူများအား စုံစမ်းစစ်ဆေးမှုကို လုပ်ထုံးလုပ်နည်းများနှင့်အညီ လုပ်ဆောင်ကြရသည်။

ဥပဒေဒိုင်းလွှား အကာအကွယ်

အစိုးရတာဝန်ရှိသူတစ်ဦး လာဘ်ယူ သည်ကို လက်ပူးလက်ကြပ် တွေ့ရခြင်းမှ အပ အခြားသော လာဘ်ပေးလာဘ်ယူ ကိစ္စများနှင့် ပတ်သက်၍ စုံစမ်းစစ်ဆေးမှု ကို ထိန်းထိန်းသိမ်းသိမ်း ဆောင်ရွက်ရမည် ဆိုသော ပြဋ္ဌာန်းချက်မှာ အစိုးရ တာဝန်ရှိ သူများအား ဥပဒေဒိုင်းလွှားအရ အကာ အကွယ်ပေးမှုကို ချဲ့ထွင်ခြင်းဖြစ်သည် ဆို၏။

လာဘ်ပေးလာဘ်ယူမှု အများစုကိုကြည့် လျှင် လာဘ်ယူသည်ကို လောလောလတ် လတ် လက်ပူးလက်ကြပ် ဖမ်းမိဖို့ဆိုသည် မှာ ဖြစ်မြဲဓမ္မတာမဟုတ်ချေ။ ပင်လယ် ရပ်ခြားရှိ ဘဏ်တစ်ခုခုကို အသုံးပြု၍ သော်လည်းကောင်း၊ လူမြင်သူမြင်မခံ 'မသမာကြေး' အပေးအယူလုပ်သည့် ပုံစံ ဖြင့်သော်လည်းကောင်း တစ်ဆင့်ခံ လာဘ် ပေးလာဘ်ယူပြုမှုများသာလျှင် ရှိနိုင်ပါ
၏။

လုပ်ငန်းကန်ထရိုက်ချပေးခြင်းအတွက် အာဏာပိုင်တစ်ဦး၏ မိသားစုဝင်များအား 'ဆုလာဘ်' ပေးခြင်း၊ မတန်မရာ ရာထူးတိုးပေးသူ အရာရှိကိုသူ၏ တပည့်သားမြေးက'စောင်မကြည့်ရှုခ' ပေးခြင်းစသည်တို့မှာ လုပ်ရိုးလုပ်စဉ် လာဘ်ပေး၊ လာဘ်ယူပြုလုပ်သော နည်းလမ်းများ မဟုတ်ပါလား။ (ဆရာသမားကို လက်ချည်းသက်သက် 'သြကာသ' လုပ်၍ မသင့်၊ လက်သိပ်ထိုး လာဘ်ပေးမှ သင့်သည်ဆိုသော ယူဆပုံမျိုးဟူပေ)

သိုသပ်လျှို့ဝှက်သော လာဘ်ပေးလာဘ် ယူမှုများကို ဖော်ထုတ်ရသည်မှာ လိုက်တမ်းပြေးတမ်း ကစားပုံမျိုးနှင့် ပမာတူလှပြီး ဖမ်းမိရန် နီးလျက်နှင့် ဝေးနေတတ်သည်။

လာဘ်ပေးသူ

ဥပဒေဟောင်းအရ လာဘ်ပေးသူများ သည် ပြစ်မှုကျူးလွန်သူများအဖြစ် သတ် မှတ်ခံခဲ့ရခြင်းမရှိသော်လည်း ဥပဒေပြင် ဆင်ခြင်းအရ လာဘ်ပေးခြင်းသည်ပင် လျှင် ပြစ်မှုကျူးလွန်ခြင်းအဖြစ် သတ်မှတ် နိုင်ပေပြီ။ သို့ဖြစ်၍ လာဘ်ပေးမှုရော၊ လာဘ်ယူမှုပါ အပြစ်သင့်သည်။

အဂတိလိုက်စားမှု တိုက်ဖျက်ရေး ဥပဒေ စည်းမျဉ်းများ တင်းကြပ်လှပါသည်ဆိုသောအိန္ဒိယနိုင်ငံ၌ စုံစီနဖာ အကျင့်ပျက်ခြစား မှုများမှာ တွေ့ရိုးတွေ့စဉ်ဖြစ်၏။ ဝဝဖီးဖီး စားနေကျ ကြောင်ဖားကြီးများ ရှိတတ်သည် မှာလည်း လောကတံထွာ ဓမ္မတာဖြစ်၏။

အစိုးရ ဌာနများ၏ ဝန်ထမ်းလောက အတွင်း စွတ်ကယ်စွတ်ကယ် စားလားဝါး လား လုပ်တတ်သူများ တိမ်ကောပပျောက် သွားခြင်း မရှိသည့်အတွက် ပြည်သူများမှာ စိတ်ပျက်ငြီးငွေ့လျက်ရှိနေကြပြီး 'ငရုတ်သီးထဲကပိုး အစပ်မကြောက်' ဘိအလား အဂတိတရားနှင့် ယဉ်ပါးနေသူများ ပြဿနာသည်နိုင်ငံရေးသမားများ ရင်ဆိုင်ဖြေရှင်းပေးရ မည့် ပြဿနာ၊ ရွေးကောက်ပွဲ မဲဆွယ်စည်း ရုံးရေးအတွက် အလေးပေး လှုံ့ဆော်ပြော ကြားရမည့် ပြဿနာအဖြစ်ရှိလာရပေသည်။

အိန္ဒိယနိုင်ငံ၌     အဂတိလိုက်စားမှုကို ထိန်းချုပ်နိုင်ရေးအတွက် ၁၉၄၇ ခုနှစ် အဂတိလိုက်စားမှု တားမြစ်ရေး အက် ဥပဒေကိုလည်းကောင်း၊ ၁၉၈၈ ခုနှစ် အဂတိလိုက်စားမှု တားမြစ်ရေး အက်ဥပဒေကိုလည်းကောင်း  ပြဋ္ဌာန်းခဲ့သည်ကို လေ့လာတွေ့ရှိရ၏။ ထိုမျှမက အဂတိလိုက်စားမှု မဖြစ်ပေါ်ရေးအတွက် ချိတ်ဆက်ဖော်ပြထားသော  အခြားဥပဒေများစွာကိုလည်း တွေ့မြင်နိုင်၏။

လှိုက်စားမြဲ

ဗြိတိသျှ အုပ်စိုးမှုကို နှစ်ပေါင်း ၂ဝဝ နီးပါးမျှ ဖြတ်သန်းခဲ့ရသော အိန္ဒိယနိုင်ငံ သည် အင်္ဂလိပ်တို့ရေးဆွဲခဲ့သော ဥပဒေ အမျိုးမျိုးကို လက်ဝေခံရရှိခဲ့သည့် နိုင်ငံဖြစ်ကာ ဘက်စုံထောင့်စုံမှ ရေးဆွဲပြဋ္ဌာန်းထား သော  ဥပဒေများရှိနေသည့်တိုင်အောင် အဂတိလိုက်စားမှုများ မြေပြင်တွင် လှိုက်စား မြဲလှိုက်စားနေခြင်းမှာ အကျင့်ပျက်မှုကိုကိုယ်တိုင်လက်ခံထားသူများရှိနေခြင်း၊ ဝန်ထမ်းဆိုင်ရာ ကျင့်ဝတ်စည်းကမ်းများ ရှိပါလျက် လိုက်နာကျင့်သုံးမှု လျော့ရိလျော့ရဲနိုင်ခြင်း၊ အကျင့်ပျက်ခြစားမှုကို ဥပဒေ လက်တစ်လုံးခြား လုပ်ကာ ဖုံးကွယ်လျက်ရှိ ခြင်း၊ ကိုယ်ကျင့်သိက္ခာကို မိမိကိုယ်တိုင် (မိမိ၏ အသိစိတ်ဓာတ်အရ) စောင့်ထိန်း ရန် ပျက်ကွက်ခြင်းစသည့် အကြောင်း တရားများအရ ဖြစ်နိုင်သည်ဟု ကျွန်ုပ်တွေးတောမိ၏။

ယနေ့ကာလတွင်   အဂတိလိုက်စားမှု ပြဿနာသည် မည်သည့်နိုင်ငံရေးစနစ် ကျင့်သုံးသော နိုင်ငံများတွင်မဟူ ကင်ဆာ ရောဂါသဖွယ် အနည်းနှင့်အများရှိနေတတ် ပြီး အဂတိလိုက်စားမှုများက သက်ဆိုင်ရာ နိုင်ငံရေးစနစ်ကို လှိုက်စား၊ တိုက်စားလျက် ရှိနေ၏။

သန့်ရှင်းသော အစိုးရအဖွဲ့တစ်ရပ်အဖြစ်အခိုင်အမာရပ်တည်ရေးမှာ အဂတိလိုက်စားမှု တိုက်ဖျက်ရေးလုပ်ငန်း၏  ထိရောက်အောင်မြင်မှုအပေါ် မှီတည်နေသည်ဟုကျွန်ုပ်ယူဆမိပြီး အဂတိလိုက်စားမှု ပြွမ်းတီးနေသော     နိုင်ငံများသည်   ဖွံ့ဖြိုးတိုးတက်မှု နှေးကွေးကာ အမျိုးသား
စီးပွားရေးဘဝတွင်  ထိခိုက်နစ်နာရမှုများနှင့်တွေ့ကြုံနေရပေသည်။

အဂတိလိုက်စားမှု    ပြဿနာသည်'သံသရာ'ပမာလည်မိလျှင်   မနားတမ်း၊မရပ်တမ်း လည်ပတ်နေတတ်ပြီး 'သံသရာ'(ဝါ) 'သံသာရ'  ကွန်ခြာ  အဆက်မပြတ်တရစပ် လည်နေမှုကို ရပ်တန့်သွားစေရန်မဟာဗျူဟာများ ချမှတ်ကျင့်သုံး၍ အရေးယူဆောင်ရွက်သွားရန် လိုအပ်ပေမည်။

လူ့အဖွဲ့အစည်းအတွင်း နေရာဌာန အမျိုးမျိုး၌ အဂတိမြှု>ွပမ်းတီးနေသည်ကို စူးစမ်းလေ့လာကာ မည်သည့် အကြောင်းတရားများက အဂတိမှုများအပေါ် ဖိစီးနေ
ပါသနည်းဟု စောကြောဝေဖန်ရပေမည်။

ကိုယ်ကျင့်တရားထိခိုက်

အဂတိမှုများသည် 'ဆားငန်ရေနောက်၊ ငတ်တိုင်းသောက်၊ သောက်လေသောက် လေ ငတ်မပြေ' ဟူဘိသို့ လူ့ကိုယ်ကျင့်တရားကို ဖျင်းသိမ်သွားအောင် ပြုလုပ်နေသည့် အခြင်းအရာအဖြစ် ပြည်သူတို့ စိတ်အမှတ် တွင် တံဆိပ်ခတ်နှိပ်ထားသလို စွဲစွဲမြဲမြဲရှိ နေစေရေးအတွက် အသိပညာပေးရေး လုပ်ငန်းများကို ကျယ်ကျယ်ပြန့်ပြန့် လုပ် ဆောင်သွားရမည်ဟု ကျွန်ုပ်စေ့ငုမိ၏။

အဂတိလိုက်စားမှု   တိုက်ဖျက်ရေးတွင် ပြည်သူတိုင်း၊ ပြည်သူ့ဝန်ထမ်းတိုင်း ပါဝင် ကူညီလိုစိတ် မြင့်မားလာကြပါလျှင် အဂတိမှုများ လျော့ပါးသွားနိုင်ဖွယ်ရှိလိမ့်မည်။ မိမိ၏ပတ်ဝန်းကျင်တွင် အဂတိလိုက်စားမှုနှင့် ဆက်နွှယ်နေသော လှုပ်ရှားမှုများ ရှိ-မရှိအစဉ်အကဲခတ်နေသင့်ပြီး အဂတိလိုက်စားမှုကို တားမြစ်သူအဖြစ် လှုပ်ရှားဆောင်ရွက် သင့်ကာ မိမိ၏ အနီးဝန်းကျင်တွင် အမှား လုပ်နေသူများရှိနေပါက ဝိုင်းဝန်းဖော်ထုတ် ပေးရပေမည်။

မိမိကိုယ်တိုင် အဂတိမှုမကျူးလွန်လို
သော စိတ်ဓာတ်၊ ပတ်ဝန်းကျင်အတွင်း ကျူးလွန်ခြင်းကိုလည်း လက်မခံလိုသော စိတ်ဓာတ်ကို လူတိုင်းရင်ဝယ် ခိုင်ကျည်စွာ ရှိနေကြမည်ဆိုပါလျှင် ''ကျွန်တော်ကတော့ သြ ပါပဲ'' ဟူသော လက်သုံး စကားကို စွဲစွဲမြဲမြဲ သုံးနိုင်ပေ မည်။

ဖြောင့်မတ်စွာ ကျင့်ကြံလိုသူများက သူတွေ့မြင်ခဲ့ရသော အဂတိမှုဖြစ်စဉ်နှင့်  ပတ်သက်၍ ရင်ထဲတွင်   မျိုသိပ်မထားဘဲ သက်ဆိုင်ရာသို့ သတင်းပို့ တိုင်ကြားနိုင်ရေးအတွက် အလွယ်တကူ တိုင်ကြားနိုင်သော စနစ်များ (ဥပမာ၊ အွန်လိုင်းမှတစ် ဆင့် သတင်းပေးရေးစနစ်) ရှိသင့်ပေသည်။

တာဝန်ယူမှု၊ တာဝန်ခံမှု၊ ပွင့်လင်းမြင်သာမှုစသည့် ဒီမို
ကရေစီ ယဉ်ကျေးမှု ထွန်းကားလာခြင်းဖြင့်လည်း အဂတိမှုများ လျော့ပါးလာဖွယ်ရှိလိမ့်မည်။

'စာမရီမျိုး   အမွေးတစ် ချောင်း အကျွတ်မခံ' ဟူဘိသို့
မိမိ ကိုယ်ကျင့်တရားကို လူတိုင်းအလေးထားသင့်သည်။ အဂတိလိုက်စားခြင်းသည် ဒုစရိုက်မှုသာဖြစ်သည်ဟု ယဉ်ကျေးသော လူ့အသိုင်းအဝိုင်းကတုံးတုံးချလက်ခံ
ကြသည်။ ''ကျွန်ုပ်တို့၏ ကမ္ဘာကြီးသည် ဒုစရိုက်အမှု ပြုသူများ၏ လက်ချက်ကြောင့်  ပျက်စီးလိမ့်မည် မဟုတ်၊ ဒုစရိုက်မှုပြုသူများကို ဟန့်တားတုံ့ပြန်ခြင်းမရှိဘဲ လက်ပိုက်ကြည့်နေသူများ၏ လက်ချက်ကြောင့်သာ ပျက်စီးလိမ့်မည်'' ဟူသော ကမ္ဘာကျော် သိပ္ပံပညာရှင်ကြီး အဲလ်ဘတ်အိုင်းစတိုင်း၏ အဆိုအမိန့်တစ်ရပ်ကို ကြားယောင်မိရင်း ''ချွေးနှဲစာသည်သာ သန့်ရှင်း၍ အားရှိသည်' ဟု ကျွန်ုပ်ကျူးရင့်
မိပါသတည်း။     ။

Ref: India just passed an anti-corruption bill that offers greater protection to government officials (Businessinsider)

ကို    ရင်  သြ