အာဇာနည်နေ့နှင့်​ အနာဂတ်မြန်မာနိုင်ငံ

အာဇာနည်နေ့နှင့်​ အနာဂတ်မြန်မာနိုင်ငံ

အာဇာနည်နေ့သည် လာမည့် ဇူလိုင်လ ၁၉ ရက်ဆိုလျှင်     နှစ်ပေါင်း (၇၁)နှစ်  ရှိတော့မည်ဖြစ်သည်။ အာဇာနည် နေ့သည် မြန်မာနိုင်ငံအတွက် အခြားသောနေ့ရက်များ နှင့်မတူ။   အခြားသောနေ့ရက်များသည် ဘာသာရေးပွဲ၊ နှစ်ကူးပွဲ၊ အောင်မြင်မှုအထိမ်းအမှတ်ပွဲများ ဖြစ်သည်။ အာဇာနည်နေ့မှာ နိုင်ငံ့ခေါင်းဆောင်ကြီးများ ကျဆုံး သောနေ့၊  လုပ်ကြံခံရသောနေ့ဖြစ်သည်။ တစ်နည်းအား ဖြင့် မြန်မာနိုင်ငံအတွက် မှောင်မိုက်သောနေ့တစ်နေ့၊ လွန်စွာဝမ်းနည်းဖွယ်နေ့တစ်နေ့ ဖြစ်သည်။

ထိုသို့သော နိုင်ငံအဝှမ်း ဝမ်းနည်းဖွယ်နေ့တစ်နေ့ ကို ကျွန်တော်တို့ မည်သို့သောပုံစံဖြင့်   ပုံဖော်ကြမည် နည်း။  တာဝန်အရဝမ်းနည်းနေရုံ၊ ရုပ်ပြဝမ်းနည်းနေရုံ ဖြင့် အာဇာနည်နေ့၏ အနှစ်သာရ၊ လွတ်လပ်ရေး ဖခင်များ၏ဆန္ဒ၊ ရည်မှန်းချက်များနှင့် ကိုက်ညီမှုရှိ၊ မရှိ အပြန်အလှန် စဉ်းစားမိသည်။ လွတ်လပ်ရေးဖခင်ကြီးများ ယနေ့အချိန် သက်ရှိထင်ရှား ရှိနေခဲ့လျှင် မည်သို့သုံးသပ် ကြမည်နည်း။ ဝမ်းသာကြမည်လား၊ ဝမ်းနည်းနေကြမည် လား။ ယင်းအပေါ် တစ်ဦးနှင့် တစ်ဦး အမြင်အယူအဆ များ ဝိဝါဒကွဲပြားနိုင်ကြသော်လည်း လွတ်လပ်ရေးဖခင် ကြီးများ၏ လိုလားချက်၊ မျှော်မှန်းချက်များနှင့် တိုင်းတာ ကြည့်မည်ဆိုပါက အနီးစပ်ဆုံးအဖြေတစ်ခု  ရရှိနိုင်မည် ထင်သည်။

လွတ်လပ်ရေးသည်သာ ကိုယ်ကျိုးစီးပွား

ဗိုလ်ချုပ်အောင်ဆန်းနှင့်တကွ     အာဇာနည် ခေါင်းဆောင်ကြီးများ၊  အခြားအခြားသော မျိုးချစ် စိတ်ဓာတ်ရှိသော ခေါင်းဆောင်ကြီးများသည်  နိုင်ငံ လွတ်လပ်ရေးအတွက် ကျရာတာဝန်များကို ကိုယ်တိုင် အသိတရား၊ ကိုယ်တိုင်မျိုးချစ်စိတ်ဖြင့် ပင်ပန်းဆင်းရဲစွာ ကြိုးစားခဲ့ကြသည်ကို အားလုံးအသိပင်။ နိုင်ငံလွတ်လပ် ရေးမှလွဲ၍ ကိုယ်ကျိုးစီးပွားဆိုသည်မှာ ဘယ်နေရာတွင် ရှိမှန်းမသိခဲ့ကြ။  ကိုယ်ကျိုးစီးပွားအတွက် အလုပ်လုပ်ခဲ့ ကြသည်မဟုတ်။ ၁၉၄၆ ခုနှစ် နိုဝင်ဘာလ ၂၈ ရက်နေ့ တွင် မြစ်ကြီးနား၌ ဗိုလ်ချုပ်အောင်ဆန်းက ''ဗမာပြည် ကို လွတ်လပ်တဲ့ တိုင်းပြည်ဖြစ်အောင်   ကျွန်တော်တို့ ကြိုးစားနေပါတယ်။ လွတ်လပ်မှာတော့ အနှေးနဲ့အမြန်ပဲ သေချာနေပါတယ်''လို့ ပြောကြားခဲ့သည်ကို ကြည့်ခြင်း အားဖြင့် ဗိုလ်ချုပ်အောင်ဆန်း၏ ရည်မှန်းချက်အတိ အကျကို တွေ့ရပေမည်။

သူတို့ဘဝသည် လွတ်လပ်ရေး၊ သူတို့အသက်သည် လွတ်လပ်ရေး၊ သူတို့ အနာဂတ်သည် လွတ်လပ်ရေး ဖြစ်သည်။ ထို့ကြောင့်ပင် ဗိုလ်ချုပ်ကြီး ဆလင်းက သူ၏ အရှုံးမှအနိုင်သို့ (Defeat into Victory) စာအုပ်တွင် ဗိုလ်ချုပ်အောင်ဆန်းနှင့် ပတ်သက်ပြီး ''ကျွန်ုပ်သည် အောင်ဆန်းကို လေးစားမိသည်။ ကျွန်ုပ်ထင်ခဲ့သကဲ့သို့ သူသည် ကိုယ်ကျိုးရှာ၊ တာဝန်မဲ့ ပြောက်ကျားခေါင်းဆောင် မဟုတ်ပေ။ သူသည် မျိုးချစ်ပုဂ္ဂိုလ်အစစ်ဖြစ်၍ စိတ်ကူး ယဉ်သမားမဟုတ်။ လက်တွေ့သမားဖြစ်သည်။   သူသည် အလွန်ရိုးသားသည်။ သူသည် ပေးခဲ့ပြီးသော ကတိ အတိုင်းလည်း တည်သည်။ ကျွန်ုပ်သည် အောင်ဆန်းနှင့် အလုပ်လုပ်၍ ဖြစ်သည်''ဟု ရေးသားခဲ့သည်ကို ဖတ်ရ သည်။ ရန်သူကပင် ချီးကျူးလေးစားရသည့် ခေါင်းဆောင် ပင်။

(၇၁)နှစ်လွန် မြန်မာနိုင်ငံ

အာဇာနည်နေ့ရောက်တိုင်း အာဇာနည်နေ့ဝမ်းနည်း ခြင်း အထိမ်းအမှတ်ကျင်းပခဲ့သည်မှာ   ယနေ့အထိပင် ဖြစ်သည်။ အာဇာနည်နေ့ပင် မျိုးဆက်တစ်ဆက်တိုင်ခဲ့ပြီ ဖြစ်သည်။ သို့သော်လည်း   မြန်မာနိုင်ငံသည်   ဗိုလ်ချုပ် အောင်ဆန်း မျှော်မှန်းခဲ့သည့် ကမ္ဘာတွင်  ရင်ပေါင်တန်းနိုင် သော နိုင်ငံအဖြစ်သို့   ရောက်ရှိရန်   ယနေ့အချိန်အထိ ရုန်းကန်နေရဆဲဖြစ်သည်။ ယင်းနှင့် ပတ်သက်၍ အချက် နှစ်ချက် ထုတ်နုတ်တင်ပြလိုသည်။

ပထမအချက်မှာ တိုင်းရင်းသားစည်းလုံးညီညွတ်ရေး ဖြစ်ပါသည်။   တိုင်းရင်းသားစည်းလုံးညီညွတ်ရေးဖြင့် လွတ်လပ်ရေးကို အရယူပေးခဲ့ကြသော်လည်း ယနေ့ လွတ်လပ်ပြီး မြန်မာနိုင်ငံ၏ တိုင်းရင်းသားစည်းလုံးညီညွတ် ရေးရရှိရန်မှာ ဦးနင်းပဲ့ထောင်၊ ပဲ့နင်းဦးထောင် ဆိုရမလို ပင်။ တိုင်းရင်းသားစည်းလုံးညီညွတ်ရေးအတွက် မရှိမဖြစ် လိုအပ်သည်မှာ ရိုးသားမှုပင်ဖြစ်သည်။ ထိုအချက်ကို ဗိုလ်ချုပ်အောင်ဆန်းက   အခိုင်အမာ သက်သေပြခဲ့ပြီး ဖြစ်သည်။ ဗိုလ်ချုပ်အောင်ဆန်း၏ ရိုးသားမှုကို တိုင်းရင်း သားအားလုံးက ယုံကြည်သည်။ ယုံကြည်၍ လက်တွဲခဲ့ကြ သည်။   ယနေ့   တိုင်းရင်းသားစည်းလုံးညီညွတ်ရေး အတွက် လိုအပ်နေသော အဖြေအားလုံးမှာ လွန်ခဲ့သော ၇၁ နှစ်ကျော်က ရှိခဲ့ပြီးဖြစ်သည်။ သို့သော် အဖြေရှိပါ လျက် တွက်မရသော ပုစ္ဆာတစ်ပုဒ်သဖွယ် ဖြစ်နေသည်ကို အလေးအနက် ပြန်လည်သုံးသပ်စေလိုပါသည်။

ဒုတိယအချက်မှာ နိုင်ငံတကာဆက်ဆံရေး အခြေ အနေဖြစ်ပါသည်။   ယနေ့ မြန်မာနိုင်ငံသည် ပြည်တွင်း စိန်ခေါ်မှုများနှင့် ရင်ဆိုင်နေရသလို နိုင်ငံတကာဖိအားများ နှင့် ရင်ဆိုင်နေရပါသည်။ စနစ်အပြောင်းအလဲ အခြေမကျ သေးခြင်း၊ တိုင်းရင်းသားစည်းလုံးမှု အားနည်းနေသေးခြင်း၊ အင်အားကြီးနိုင်ငံများက ကိုယ်ကျိုးစီးပွားအတွက် အသုံးချ လာခြင်း၊  အခြားသော  နိုင်ငံတကာအဖွဲ့အစည်းများ၏ သွေးထိုးလှုံ့ဆော်ခြင်းစသည့် အကြောင်းတရားများကြောင့် ရခိုင်ဒေသဖြစ်စဉ်များမှာလည်းြေ>ွမပူရာ ကင်းမှောင့်လျက် ရှိနေပေသည်။

ထိုနေရာတွင်လည်း ဗိုလ်ချုပ်အောင်ဆန်း၏ နိုင်ငံတကာဆက်ဆံရေးကျင့်သုံးမှုနှင့်  ချိန်ထိုး သုံးသပ်လိုပါ သည်။ ယင်းအချိန်၊ ယင်းခေတ်ကပင် ဗိုလ်ချုပ်အောင်ဆန်း သည် အင်္ဂလိပ်၊ ဂျပန်၊ အိန္ဒိယ၊  တရုတ်  စတဲ့နိုင်ငံများ အကြားSoft Power၊  Hard Power  တို့ကို ကျွမ်းကျင်စွာ ပေါင်းစပ်ပြီးSmart Power အဖြစ် ပြောင်းလဲကျင့်သုံးကာ လွတ်လပ်ရေး ရယူခဲ့သည်မှာ   လေးစားလောက်သည့် စစ်ဘက်ခေါင်းဆောင်တစ်ဦးအဖြစ်    တွေ့မြင်ရသလို ကျွမ်းကျင်သော   နိုင်ငံရေးခေါင်းဆောင်တစ်ဦးအဖြစ် လည်း တွေ့မြင်ရမည်ဖြစ်သည်။ ယနေ့ နိုင်ငံတကာဆက်ဆံ ရေးတွင် မြန်မာနိုင်ငံ  လိုအပ်နေသည်မှာလည်း ယင်းSmart  Power ပင်ဖြစ်သည်။ မိမိနိုင်ငံ အကျိုးစီးပွားအတွက် အင်အားချိန်ခွင်လျှာ    ညှိနိုင်မှသာ    မိမိနိုင်ငံအပေါ် သက်ရောက်နေသည့် ဖိအားများ လျှော့ချနိုင်မည်ဖြစ်သလို နိုင်ငံတော် အကျိုးစီးပွား၊ ပြည်သူများ၏ အကျိုးစီးပွားကို ဖော်ဆောင်နိုင်မည် ဖြစ်ပါသည်။

ထပ်တူရည်မှန်းချက်

ဗိုလ်ချုပ်အောင်ဆန်းနှင့်  အာဇာနည်ခေါင်းဆောင် ကြီးများသည် နိုင်ငံရေးအကွဲအပြဲ၊ ကိုယ်ကျိုးစီးပွားရှာ နိုင်ငံရေးသမားများနှင့် နယ်ချဲ့တို့၏ သွေးခွဲလှုံ့ဆော်မှုများ ၏ အကျိုးဆက်ကြောင့် ဝမ်းနည်းဖွယ်ရာကျဆုံးခဲ့ရသည်။ ''လွတ်လပ်ရေးရပြီးရင်   နိုင်ငံရေးက   ထွက်တော့မယ်၊ မထွက်လို့လည်း မဖြစ်တော့ဘူး၊ ဘာဖြစ်လို့လဲဆိုတော့ လွတ်လပ်ရေးရပြီးရင် အာဏာနိုင်ငံရေး လာတော့မယ်၊ အာဏာနိုင်ငံရေးနဲ့ ကျွန်တော်နဲ့ မဖြစ်ဘူး''ဟု   ဗိုလ်ချုပ် အောင်ဆန်းက ပြောကြားခဲ့သည်။

ဗိုလ်ချုပ်အောင်ဆန်း မနှစ်သက်သော အာဏာနိုင်ငံ ရေးကြောင့် ဗိုလ်ချုပ်အောင်ဆန်းနှင့်တကွ  အာဇာနည် ခေါင်းဆောင်ကြီးများ ကျဆုံးခဲ့ရပြီး မြန်မာနိုင်ငံအတွက် လည်း အစားထိုးမရသော ဆုံးရှုံးမှုဖြစ်ခဲ့ရသည်။ ယင်းသည် အာဏာနိုင်ငံရေးနှင့် အမျိုးသားနိုင်ငံရေး၏ ကွာဟချက်ဟု မြင်မိပါသည်။ နိုင်ငံတည်ဆောက်ရာတွင်  အမျိုးသား နိုင်ငံရေးသက်သက်ဖြင့် တည်ဆောက်ရန် မဖြစ်နိုင်သလို အာဏာနိုင်ငံရေး သို့မဟုတ် ပါတီနိုင်ငံရေးသက်သက်ဖြင့် လျှောက်လှမ်းရန်လည်း မဖြစ်နိုင်ချေ။ အမျိုးသားနိုင်ငံရေး ဖြစ်စေ၊ အာဏာနိုင်ငံရေးဖြစ်စေ နိုင်ငံနှင့် ပြည်သူ အကျိုး စီးပွားအတွက် ဘုံရည်မှန်းချက်ရှိကြမှသာ အတ္တ၊ ပရ မျှတ သော နိုင်ငံရေးဖြစ်နိုင်ပေမည်။ တစ်ဦးနှင့် တစ်ဦး၊ တစ်ဖွဲ့ နှင့် တစ်ဖွဲ့ နိုင်ငံရေးအယူအဆ ကွဲပြားနိုင်သော်လည်း ဘုံရည်မှန်းချက်အတွက်   လက်တွဲလုပ်တတ်ရန်လည်း လိုအပ်မည် ဖြစ်သည်။

ကိုယ်ကျိုးစီးပွားနိုင်ငံရေးကြောင့်      အာဇာနည် ခေါင်းဆောင်ကြီးများသည်   နိုင်ငံအတွက် ကြီးမားသော ဆုံးရှုံးမှု၊ နစ်နာမှုများဖြစ်ခဲ့ရပြီး ဖြစ်ပါသည်။ ယင်းသို့သော မှားယွင်းမှုများကို သင်ခန်းစာယူကြရပေမည်။ နိုင်ငံ၏လက်ရှိအခြေအနေသည် ပို၍ပင်အရေးကြီးသည်ဟု ဆိုနိုင် ပါသည်။   အားလုံးမျှော်လင့်သည့်    အနာဂတ်နိုင်ငံတော် တည်ဆောက်ရေးအတွက် ကိုယ်စီကိုယ်စီလိုလားချက်၊ ဆန္ဒများထက် ထပ်တူရည်မှန်းချက်များ လိုအပ်နေပါသည်။

ဗိုလ်ချုပ်အောင်ဆန်းသည် နယ်ချဲ့၏လက်အောက် မှာပင် အခက်အခဲအမျိုးမျိုးကြားမှ တိုင်းရင်းသားစည်းလုံး ညီညွတ်ရေးကို တည်ဆောက်နိုင်ခဲ့သလို လွတ်လပ်ရေး ကိုလည်း အရယူပေးနိုင်ခဲ့ပါသည်။ ယနေ့ အချိန်အခါ သည် နယ်ချဲ့လက်အောက်မဟုတ်သလို ကိုယ့်နိုင်ငံကို ကိုယ်တိုင်အုပ်ချုပ်နေရသည့် အချိန်ကာလဖြစ်ပါသည်။ ယင်းသို့သောကာလတွင် နိုင်ငံ၏အခြေခံအင်အားစုများ အားလုံးပေါင်းစည်းလုပ်ကိုင်ရန်     လိုအပ်ပေမည်။ အခြေခံအင်အားစုများသည်   နိုင်ငံတည်ဆောက်ရေး အတွက် အခြေခံအုတ်မြစ်များ ဖြစ်ပါသည်။

အခြေခံအုတ်မြစ်ကောင်းမှ ရေရှည်ရပ်တည်နိုင်မည်ဖြစ်သကဲ့သို့ အဆင့်ဆင့်သို့လည်း တက်လှမ်းနိုင်မည် ဟု ယုံကြည်ပါသည်။ အခြေခံအုတ်မြစ် မခိုင်သေးသရွေ့ နိုင်ငံတည်ဆောက်ရေး ခက်ခဲနေမည်ဖြစ်သည်။ သို့ဖြစ်၍ နိုင်ငံ၏ အခြေခံအင်အားစုများအားလုံး ထပ်တူရည်မှန်း ချက်များ ရရှိနိုင်ပါစေကြောင်း မျှော်လင့်မိပါသည်။

အနှစ်သာရပြည့်သော ဂါရဝ

မြန်မာနိုင်ငံ၏ စနစ်အပြောင်းအလဲသည် ဗိုလ်ချုပ် အောင်ဆန်းပြောသကဲ့သို့ သူများခြေတစ်လှမ်းလှမ်းလျှင် မိမိတို့က ခြေလှမ်းဆယ်လှမ်း လှမ်းကြရမည့် အချိန်ဖြစ် သည်။ အာဇာနည်ခေါင်းဆောင်ကြီးများကို ချစ်ခင်ပါက၊ လေးစားပါက၊  အနှစ်သာရရှိရှိ   ဂါရဝပြုမည်ဆိုပါက ဗိုလ်ချုပ်အောင်ဆန်းကို   အတုယူကြရမည်ဖြစ်သည်။ သူ၏ စကားကို လိုက်နာကြရမည်ဖြစ်သည်။ သူမျှော်မှန်း ခဲ့သည့် နိုင်ငံဖြစ်ဖို့  ကျွန်တော်တို့အားလုံးတွင် တာဝန် ကိုယ်စီ ရှိပါသည်။

ယနေ့ဆောင်ရွက်ခဲ့သမျှကို အနာဂတ်မျိုးဆက် များက  သမိုင်းမှတ်တမ်းတင်ကြမှာ သေချာပါသည်။ ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင် ကြီးများ၏ ကြိုးစားမှုရလဒ်ကို ယနေ့ ကျွန်တော်တို့ခံစား နေရပြီ ဖြစ်သည်။ ထို့အတူ လက်ရှိဆောင်ရွက်နေသမျှ အားလုံး၏ ကောင်းမွေ၊ ဆိုးမွေအကျိုးဆက်ကို နောင်လာ နောက်သားများ ခံစားကြရမည် ဖြစ်ပါသည်။ အာဇာနည် ခေါင်းဆောင်ကြီးများကဲ့သို့ အနာဂတ်မျိုးဆက်သစ်များ အတွက်   ကောင်းမွေများကို   ဆောင်ရွက်ပေးခြင်းဖြင့် အာဇာနည်ခေါင်းဆောင်ကြီးများအား အနှစ်သာရရှိရှိ ဂါရဝပြုရန်  လိုအပ်ပါကြောင်း  တိုက်တွန်းရေးသားအပ် ပါသည်။  

သိန်းထွန်း(IR)