ပေါ်တူဂီစူပါစတား စီရိုနယ်လ်ဒိုအား အီတလီစီးရီးအေကလပ် ဂျူဗင်တပ်အသင်းသို့ ရောင်းချခဲ့ခြင်းမှာ ရီးယဲလ်မက်ဒရစ်အသင်းက သမိုင်းဝင်အမှားတစ်ခုကို ကျူးလွန်မိတာဖြစ်ကြောင်း ရီးယဲလ်မက်ဒရစ် အသင်းဥက္ကဋ္ဌဟောင်းတစ်ဦးဖြစ်သည့် ရာမန်ကယ်လ်ဒါရွန်က ပြော ကြားခဲ့သည်။
တိုက်စစ်မှူး စီရိုနယ်လ်ဒိုသည် ရီးယဲလ်မက်ဒရစ်အသင်းတွင် ကိုးနှစ်ကြာကစားပေးခဲ့ပြီး ဂျူဗင်တပ်အသင်းသို့ ပြောင်းရွှေ့ကြေးပေါင် သန်း ၁ဝဝ ဖြင့် လေးနှစ်သက်တမ်းရှိစာချုပ်တစ်ရပ်ချုပ်ဆိုကာ ပြောင်း ရွှေ့သွားခဲ့ခြင်းဖြစ်သည်။
အသက် ၃၃ နှစ်အရွယ် တိုက်စစ်မှူး စီရိုနယ်လ်ဒိုသည် ရီးယဲလ် မက်ဒရစ်အသင်းအတွက် သွင်းဂိုး ၄၅၁ ဂိုးသွင်းယူပေးခဲ့ပြီး ချန်ပီယံ လိဂ်ဆုဖလားကို လေးကြိမ်ဆွတ်ခူးပေးခဲ့သူဖြစ်သည်။ တိုက်စစ်မှူး စီရိုနယ်လ်ဒိုသည် ကမ္ဘာ့အကောင်းဆုံးကစားသမားဆု (ဘလွန်းဒီ အောဆု)ကို ငါးကြိမ်အထိရယူဆွတ်ခူးနိုင်ခဲ့ပြီး များပြားသည့်လုပ်ခ လစာဖြင့် ဂျူဗင်တပ်အသင်းသို့ ပြောင်းရွှေ့သွားခဲ့ကာ ဂျူဗင်တပ် အသင်းတွင် အသက် ၃၇ နှစ်အရွယ်အထိ ဆက်ရှိနေမည်ဖြစ်သည်။
ရီးယဲလ်မက်ဒရစ်အသင်းဥက္ကဋ္ဌ ကယ်လ်ဒါရွန်သည် ၂ဝဝ၉ ခုနှစ် အတွင်းက တိုက်စစ်မှူး စီရိုနယ်လ်ဒိုအား ပြောင်းရွှေ့ကြေးပေါင်သန်း ၈ဝ ဖြင့် မန်ယူအသင်းမှ ရီးယဲလ်မက်ဒရစ်အသင်းသို့ ခေါ်ယူခဲ့ရာတွင် အဓိကတာဝန်အရှိဆုံးဖြစ်ပြီး လက်ရှိတွင် စီရိုနယ်လ်ဒိုအား ဂျူဗင် တပ်အသင်းသို့ ရောင်းချခဲ့သည်မှာ အမှားတစ်ခုလုပ်ခဲ့ခြင်းဖြစ်သည် ဟု ထောက်ပြပြောဆိုခဲ့သည်။
''တိုက်စစ်မှူး စီရိုနယ်လ်ဒိုအား ရောင်းချခဲ့လို့ ရီးယဲလ်မက်ဒရစ် အသင်း ပေါင်သန်း ၁ဝဝ ဒါမှမဟုတ် တစ်ဘီလီယံပဲ ရနေပါစေ၊ ဒါဟာ သတင်းကောင်းမဟုတ်ပါဘူး၊ စီရိုနယ်လ်ဒိုလို ကစားသမား မျိုး နောက်ထပ်ရမှာမဟုတ်ပါဘူး၊ အဲဒါကြောင့် အခုလိုရောင်းချခဲ့ တာက သမိုင်းဝင်အမှားတစ်ခုပါပဲ''ဟု ကယ်လ်ဒါရွန်က ပြောကြား ခဲ့သည်။
Mirror
No comments:
Post a Comment