ကမ္ဘာတွင်တစ်ယောက် ထွန်းတောက်သည့်ယောက်ျားအာဇာနည်

ကမ္ဘာတွင်တစ်ယောက် ထွန်းတောက်သည့်ယောက်ျားအာဇာနည်

တိုင်းပြည်တစ်ပြည်၏ လွတ်လပ်ရေးဗိသုကာ၊ အမျိုးသားခေါင်းဆောင်ဆိုသည်မှာ လွန်စွာ ရှားပါးလှသည်။  ခေါင်းဆောင်တိုင်း၊  သူရဲ ကောင်းတိုင်းလည်း အမျိုးသားခေါင်းဆောင် မဖြစ်ပါ။ ပြည်သူတစ်ရပ်လုံးက ချစ်ခင်လေးစား ပြီး ပြည်သူတို့ နှလုံးသားထဲမှ ယုံယုံကြည်ကြည် နှင့် လက်ခံအသိအမှတ်ပြုထားမှသာ နိုင်ငံ့ခေါင်း ဆောင်၊ အမျိုးသားခေါင်းဆောင် ဖြစ်သည်။ ဗိုလ်ချုပ်အောင်ဆန်းသည် မြန်မာ့လွတ်လပ်ရေး ကို လက်ရုံးရည်၊ နှလုံးရည်အပြည့်နှင့် တိုက်ပြီး တစ်မျိုး၊ ဆွေးနွေးပြီးတစ်ဖုံ အရယူခဲ့သူဖြစ်၍ လွတ်လပ်ရေးဖခင်ဟုလည်းကောင်း၊ နှစ်ပေါင်း တစ်ရာကျော် ဆုံးရှုံးခဲ့ရသော မြန်မာ့လွတ်လပ် ရေးအတွက်    မိမိအသက်ကို    စတေးကာ  ဦးဆောင် ဦးရွက်ပြုပြီး ပြန်လည်ရယူပေးနိုင် သောကြောင့် လွတ်လပ်ရေးဗိသုကာဟု လည်း ကောင်း အသိအမှတ်ပြုခြင်းခံရသည်။ နယ်ချဲ့ တို့၏   သွေးခွဲမှုကြောင့်   တွေဝေနေသော၊ သူတစ်လူ ငါတစ်မင်းဖြစ်နေသော တောင်ပေါ် မြေပြန့် တိုင်းရင်းသား လူမျိုးစုများကို    အမျိုး သားသွေးစည်း ညီညွတ်ရေး အောင်လံတော် အောက်အရောက် ပို့ပေးနိုင်ခဲ့သူဖြစ်၍လည်း   အမျိုးသားခေါင်းဆောင်ဟု အသိအမှတ်ပြုခံ ရခြင်း ဖြစ်သည်။
တက္ကသိုလ်ကျောင်းသားဘဝ
ပြည်ထောင်စုမြန်မာနိုင်ငံတော်ကြီး၏ဖခင်၊ လွတ်လပ်ရေးဗိသုကာကြီးဖြစ်သော ဗိုလ်ချုပ် အောင်ဆန်းကို သက္ကရာဇ် ၁၂၇၆ ခု တပေါင်း လဆန်း ၁ ရက် (၁၉၁၅ ခု  ဖေဖော်ဝါရီ ၁၃ ရက်) စနေနေ့တွင် မကွေးခရိုင်  နတ်မောက်မြို့၌အဖ အမိန့်တော်ရရှေ့နေ ဦးဖာ၊  အမိဒေါ်စုတို့မှ ဖွား မြင်သည်။ အသက် ခုနစ်နှစ်အရွယ်တွင်  နတ် မောက်မြို့ ဆရာတော်ဦးသောဘိတ၏ကျောင်း တွင် ပညာသင်၍ အသက် ၁၄ နှစ်အရွယ်တွင် ရေနံချောင်းမြို့၊ အမျိုးသားအထက်တန်းကျောင်း သို့ ကူးပြောင်းသင်ကြားသည်။ အသက် ၁၈ နှစ် အရွယ် ၁၉၃၂ ခုနှစ်တွင် အထက်တန်းပညာကို အောင်မြင်ပြီး ထိုနှစ် ဇွန်လ၌ ရန်ကုန်တက္ကသိုလ် သို့ ရောက်ရှိသည်။ ၁၉၃၅ ခုနှစ်တွင် တက္ကသိုလ် သမဂ္ဂ အမှုဆောင်အဖြစ်လည်းကောင်း၊ သမဂ္ဂမှ ထုတ်ဝေသော အိုးဝေစာစောင်တွင် စာတည်း အဖြစ်လည်းကောင်း ဆောင်ရွက်သည်။ ၁၉၃၆-၁၉၃၇ ခုနှစ်တွင် တက္ကသိုလ်ကျောင်းသားသမဂ္ဂ ဒုတိယဥက္ကဋ္ဌအဖြစ် ရွေးချယ်တင်မြှောက်ခြင်း ခံရပြီး ၁၉၃၇-၁၉၃၈ ခုနှစ်တွင် မြန်မာနိုင်ငံလုံး ဆိုင်ရာ  ကျောင်းသားသမဂ္ဂဥက္ကဋ္ဌအဖြစ် ရွေး ကောက်တင်မြှောက်ခြင်းခံရပြန်သည်။   ဤသို့ ကျောင်းသားရေးရာများကို မဆုတ်မနစ် ရှေ့ ဆောင်ဦးရွက် ဆောင်ရွက်ခဲ့ပြီးနောက် ၁၉၃၈ ခုနှစ်တွင် မြန်မာနိုင်ငံလုံးဆိုင်ရာ ကျောင်းသား သမဂ္ဂဥက္ကဋ္ဌအဖြစ်မှ နုတ်ထွက်လိုက်သည်။
သခင်ဘဝ
ထို့နောက်  ဗိုလ်ချုပ်အောင်ဆန်းသည် ဦးနု နှင့်အတူ တို့ဗမာအစည်းအရုံးသို့ တစ်ရက်တည်း ဝင်လိုက်ကြ၏။ ထိုသို့ တို့ဗမာအစည်းအရုံးသို့ ဝင်လိုက်ခြင်းသည် ကိုအောင်ဆန်းအတွက် စွန့် လွှတ်မှုများစွာ ပေးဆပ်လိုက်ရခြင်းဖြစ်သည်။ တက်လက်စ   ဥပဒေတန်းကို   စွန့်လွှတ်လိုက်ရ သည်။   သူမြတ်နိုးသော   တက္ကသိုလ်ကျောင်း သားလောကမှ   လုံးဝထွက်လိုက်ရသည်။  ထို အချိန်က သခင်ပေါက်စ၊ ထောင်ခြောက်လ  ဟူ ၍ နာမည်ကြီးနေချိန်လည်း ဖြစ်သည်။
သခင်အောင်ဆန်းသည် တို့ဗမာအစည်းအရုံး အထွေထွေအတွင်းရေးမှူး    ဖြစ်လာချိန်တွင် မြန်မာပြည်ကြီး  နယ်ချဲ့လက်အောက်မှ  လွတ် မြောက်ရန်  အမြဲကြံစည်တွေးတောနေသည်။ ဖြစ်နိုင်သည့်အချက်များကို အမြဲလိုလို ရှာဖွေနေ လေ့ရှိသည်။  မြန်မာပြည်ကြီး  သူ့ကျွန်ဘဝက လွတ်မြောက်ရေးမှလွဲ၍ အခြားသောစိတ် သူ့မှာ မရှိ။ လွတ်လပ်ရေးရရန်သာ အဓိကဖြစ်နေ၏။ ဆင်းရဲပြတ်လပ်လိုက်သည်မှာလည်း အမြဲလိုလို ပင်။    ထမင်းစားရန်    ငွေကြေးတစ်ပြားမှမရှိ။ တစ်စုံတစ်ယောက်က  လာကျွေးလျှင်  ထစား တတ်ပြီး  မကျွေးလျှင်  ရေသောက်  ဗိုက်မှောက် နေ၏။ သို့ရာတွင် တစ်ကြိမ်တစ်ခါမျှ မညည်းညူ ခဲ့ပေ။  တစ်ခါတစ်ရံ  တစ်နေ့လုံးနေ၍ ထမင်း တစ်နပ်မှ မစားရ။ အမှန်တကယ် အငတ်ငတ်၊ အပြတ်ပြတ်  လုပ်ကိုင်ရ၏။  ထို့ကြောင့်လည်း သခင်များကို လူထုက ချစ်ခင်၊ လေးစား၊ မြတ်နိုး တန်ဖိုးထားကြခြင်းဖြစ်သည်။
ရဲဘော်သုံးကျိပ်
သခင်အောင်ဆန်းသည် ၁၉၄ဝ ပြည့်နှစ်တွင် ဗမာ့ထွက်ရပ်ဂိုဏ်း၏ အထွေထွေအတွင်းရေးမှူး ဖြစ်လာ၏။ ထိုအချိန်က ဟင်္သာတ ဒေါင့်ကြီးရွာ တွင် သခင်အောင်ဆန်း၏ ဟောပြောချက်ကို မနှစ်မြို့၍ ခရိုင်ရဲဝန် ဇေးဗီးယားက ဖမ်းဝရမ်း ထုတ်ရာ ရှောင်တိမ်းနေရ၏။ ရှောင်တိမ်းနေစဉ် သွားတုတပ်ကာ    တရုတ်သင်္ဘောသားဟန် ဆောင်၍ တရုတ်အကူအညီရရန် တရုတ်ပြည်သို့ ထွက်ခွာသွား၏။ သို့သော် တရုတ်နှင့်အဆက် အသွယ်မရဘဲ ဂျပန်နှင့် အဆက်အသွယ်ရကာ စစ်ပညာသင်ယူရန်    မြန်မာလူငယ်များအား လာရောက်ခေါ်ယူပြီး  ရဲဘော်သုံးကျိပ်နှင့်အတူ ဂျပန်ပြည်၌  စစ်ပညာသင်ယူခဲ့ကြသည်။ စစ် ပညာကို ခက်ခက်ခဲခဲ ပင်ပင်ပန်းပန်း ကြမ်းကြမ်း တမ်းတမ်း သင်ယူခဲ့ရသည်။ ၁၉၄၁ ခုနှစ် ဒီဇင် ဘာလတွင် ထိုင်းနိုင်ငံ  ဗန်ကောက်မြို့၌ ရဲဘော် သုံးကျိပ်နှင့်အတူ   ဗမာ့လွတ်လပ်ရေး တပ်မတော် ကို  ဖွဲ့စည်းလိုက်သည်။  ထို့နောက် ဂျပန်တပ် များနှင့်အတူ    မြန်မာပြည်တွင်း     ပြန်လည် ဝင်ရောက်လာကာ အင်္ဂလိပ်တို့အား မောင်းထုတ် ခဲ့ကြသည်။
ဖက်ဆစ်တော်လှန်ရေး
သို့သော် ဂျပန်စစ်တပ်သည် လွတ်လပ်ရေး ပေးမည်ဟူသော  ကတိကို ဖောက်ဖျက်ရုံသာမက ပြည်သူအပေါင်းတို့အား ညှဉ်းပန်းနှိပ်စက်မှုများ ပြုသဖြင့် ဗိုလ်ချုပ်အောင်ဆန်းသည် ဖက်ဆစ် တို့အား   တိုက်ထုတ်ရန်   ဆုံးဖြတ်လိုက်တော့ သည်။ ထို့နောက် ၁၉၄၅ ခုနှစ် မတ်လ ၁၇ ရက် နေ့တွင်     ရန်ကုန်မြို့    တော်လှန်ရေးပန်းခြံ၌    စစ်ထွက်အခမ်းအနား   ကျင်းပသည်၊  စစ်ရေးပြ အခမ်းအနားကြီးတွင်   ရန်ကုန်မြို့သူ   မြို့သား နှစ်သောင်းကျော်တို့   လာရောက်အားပေးခဲ့ကြ သည်။ အဓိပတိ ဒေါက်တာဘမော်နှင့် ဗိုလ်ချုပ် အောင်ဆန်းတို့ မိန့်ခွန်းပြောကြသည်။ ဗိုလ်ချုပ်၏သမိုင်းဝင်စစ်ထွက်မိန့်ခွန်းမှာ-
ဒဒရဲဘော်တို့ ... အကျယ်ချဲ့ပြီး ရှည်ရှည်ဝေး ဝေးမပြောချင်ဘူး၊  အခု စစ်မြေပြင်ကို ထွက်ရ မယ်၊  ဆင်းရဲမယ်၊  ငတ်မယ်၊  အခက်အခဲတွေ ရင်ဆိုင်ရမယ်၊ ဗမာပီပီ ဗမာ့သွေးကိုပြပါ၊ အထက် ဗိုလ်များရဲ့အမိန့်ကို နာခံကြပါ၊ အထက်ဗိုလ်တွေ ကလည်း   သာတူညီမျှ   ရဲဘော်စိတ်ထားပါ၊ ရဲဘော်တို့ကို ကတိပေးထားတဲ့အတိုင်း ကျုပ် ကိုယ်တိုင်  ရဲဘော်တို့နဲ့အတူ  ချီတက်မယ်၊ ဗမာ့ ရန်သူကို   ချေမှုန်းကြ။    အနီးကပ်ဆုံးရန်သူကို ချေမှုန်းကြဒဒဟူ၍ဖြစ်သည်။
ဗိုလ်ချုပ်ဒေါသထွက်သောနေ့
တစ်ဖန် ဗိုလ်တာရာရေးသည့် ဗိုလ်ချုပ်ဒေါသ ထွက်သောနေ့ ဆောင်းပါးတွင်လည်း ဗိုလ်ချုပ်၏ ရဲရဲတောက်မိန့်ခွန်းတစ်ခုကို အောက်ပါအတိုင်း တွေ့ရသည်။
ဒဒမင်းတို့မှတ်ထား၊   ငါတို့တပ်မတော်ဟာ ပြည်သူလူထုရဲ့ သားသမီးဆိုတာ။ ကြည့်လိုက် စမ်း။ တို့ပြည်သူလူထုတွေဟာ စစ်ဘေးစစ်ဒဏ် သင့်ပြီး တစ်ဖက်က  ငပုတွေက  တွေ့ကရာဆွဲယူ အနိုင်ကျင့်ချင်တိုင်း   အကျင့်ခံနေရတဲ့ဘဝမှာ မင်းတို့လိုအကောင်တွေက ဇိမ်ခံချင်နေတယ်။ ကားသစ်ကြီးတွေ စီးချင်တယ်။ ဒုက္ခရောက်နေတဲ့ ပြည်သူလူထုထက်    အခွင့်အရေးပိုယူချင်ကြ တယ်။ အစားကောင်းတွေ ဖိစားချင်တယ်။ လူထု က ဝတ်စရာ ပုဆိုးအင်္ကျီမရှိတဲ့ဘဝမှာ မင်းတို့လို အလိုက်ကန်းဆိုးမသိတဲ့ အကောင်မိုက်တွေက စစ်ဝတ်စုံအကောင်းတွေ ဝတ်ချင်ကြတယ်။ မှတ် ထား။ ဒီလိုစိတ်မျိုး အမြင်မျိုး အကျင့်မျိုးတွေရှိ သမျှ  ငါမျှော်မှန်းလာတဲ့   ပြည်သူ့တပ်မတော်နဲ့ တော့   ဝေးပါသေးတယ်ကွာ။   ရှက်စရာ  သိပ် ကောင်းတယ်။    မင်းတို့   ပြည်သူလူထုအတွက် စစ်တိုက်နေတယ်ဆိုတာ    အလကားပဲ။    လုံးဝ အဓိပ္ပာယ်မရှိတော့ဘူး။ မှတ်ထား။ ငါ့တပ်ထဲမှာ အခွင့်အရေးယူချင်တဲ့အကောင် တစ်ယောက်မှ မရှိရဘူး။  မပါစေရဘူးကွ။  လူထုငတ်ရင် တို့ အားလုံး ငတ်ရမယ်။ လူထုဆင်းရဲရင် တို့ရဲဘော် တွေအားလုံး  ဆင်းရဲရမယ်။   ငါလည်း   ဆင်းရဲ ရမယ်။  ငါတို့တစ်တွေ  တည်ဆောက်ခဲ့တဲ့ တပ် မတော်ကြီးဟာ  ဒီဝါဒ၊  ဒီလိုအမိန့်နဲ့   ချီတက်ဖို့ အရေးကြီးတယ်ဒဒဟူ၏။
ထို့နောက်  ဗမာ့တပ်မတော်ကြီးနှင့်တကွ တစ်ပြည်လုံးကို ခေါင်းဆောင်လျက် ၁၉၄၅ ခုနှစ် မတ် ၂၇ ရက်တွင် ဖက်ဆစ်ဂျပန်တို့အား အတိ အလင်း စစ်ကြေညာ၍  တော်လှန်ခဲ့ပြီးလျှင် လူထုကြီးတစ်ရပ်လုံးကို   ဖက်ဆစ်တို့၏  ကြမ်း ကြုတ်ရက်စက်မှုဘေးမှ ကယ်တင်ပေးလိုက် သည်။
ဖက်ဆစ်ဂျပန်များ ဆုတ်ခွာထွက်ပြေးကြပြီး နောက် ဗြိတိသျှတပ်များ ဝင်ရောက်လာပြန်ရာ ဗြိတိသျှတို့သည် မြန်မာပြည်ကို ကျွန်သက်ရှည် စေမည့် စက္ကူဖြူစာတမ်းကို ယူလာကြပြန်သည်။ ဗိုလ်ချုပ်အောင်ဆန်းသည် ဖက်ဆစ်ဂျပန်တို့ကို တော်လှန်ခဲ့သော ဖ၊ ဆ၊ ပ၊ လ ခေါ် ဖက်ဆစ်တိုက် ဖျက်ရေး  ပြည်သူ့လွတ်လပ်ရေး  အဖွဲ့ချုပ်ကြီး ကို အမျိုးသားတပ်ပေါင်းစုကြီးအဖြစ် ပြန်လည် ဖွဲ့စည်းလိုက်သည်။   ထို့နောက်   လွတ်လပ်ရေး အောင်လံကြီးကို လွှင့်ထူ၍  လွတ်လပ်ရေး တိုက် ပွဲကြီး ဆင်နွှဲပြီး ယာယီကြားဖြတ် အစိုးရအဖွဲ့သို့  ဝင်ရောက်ဆောင်ရွက်လေသည်။ ဗြိတိသျှ တို့ထံ လွတ်လပ်ရေး  အဆက်မပြတ်  တောင်းဆိုရာ ၁၉၄၆  ဒီဇင်ဘာ ၂ဝ ရက်နေ့တွင် လန်ဒန်သို့ ဖိတ်ကြားခြင်းခံရပြီး ၁၉၄၇ ခုနှစ် ဇန်နဝါရီ ၂ ရက်တွင် လန်ဒန်သို့သွားရောက်လေသည်။
အောင်ဆန်း-အက်တလီ စာချုပ်
ဗိုလ်ချုပ်အောင်ဆန်းသည်         ပြည်သူလူထု အား အသင့်ရှိစေရန်   ဒဒခါးတောင်းကျိုက်မဖြုတ် ကြနှင့်ဒဒဟုမှာကြားပြီးနောက်   ဗြိတိသျှ အစိုးရ ၏   ဖိတ်ခေါ်ချက်အရ   လန်ဒန်မြို့ကို   သွား ရောက်ကာ လွတ်လပ်ရေးအတွက် အရေးဆို၍ အောင်ဆန်း-အက်တလီ စာချုပ်ကို ချုပ်ဆိုခဲ့ပြီး တစ်နှစ်အတွင်း လွတ်လပ်ရေးရရမည်ဟူသော ရဲရဲတောက်ကတိကြီးကို ပြည်သူလူထုအားပေး လေသည်။ ထို့နောက် ပင်လုံတွင် တစ်ပြည် ထောင်လုံးညီညွတ်ရေးကို   မြဲခိုင်စွာ  အုတ်မြစ်ချ ပြီးနောက်  တစ်နိုင်ငံလုံး   ကိုယ်စားလှယ်များ ပါဝင်သော   တိုင်းပြုပြည်ပြုလွှတ်တော်ကြီးကို   ရွေးကောက်ဖွဲ့စည်း၍   က္ဘာက   ချီးကျူးရသည့်   ဒီမိုကရေစီအုတ်မြစ်         အခြေခံရှိသော ပြည်ထောင်စု    မြန်မာနိုင်ငံတော်    ဖွဲ့စည်း အုပ်ချုပ်ပုံအခြေခံဥပဒေကြီးကို        ရေးဆွဲခဲ့ လေသည်။
ဤသို့ ပြည်သူလူထုကြီးတစ်ရပ်လုံးကို လမ်း ပြ ခေါင်းဆောင်လျက် မိမိ၏ အသက်စည်းစိမ် ကို မြူတစ်ခြမ်းမျှ    ပမာမပြုဘဲ    ပြည်သူလူထု အကျိုး၊ ပြည်ထောင်စုကြီးအကျိုးကိုသာ ရှေးရှု ပြီး တစ်မိနစ်၊ တစ်စက္ကန့် ရပ်နားခြင်းမရှိ၊ အပြင်း အထန် ကြိုးပမ်းဆောင်ရွက်နေဆဲမှာပင် ၁၉၄၇ ဇူလိုင် ၁၉ ရက်နေ့၌ နယ်ချဲ့လက်ပါးစေ မသမာ သူ လူတစ်စု၏လက်ချက်ဖြင့် ပြည်သူလူထုဖခင် ကျေးဇူးရှင်၊  မြန်မာ့တပ်မတော်ဖခင်၊  မြန်မာ့ ခေါင်းဆောင်၊ အာရှတိုက် သူရဲကောင်း၊ မြန်မာ့ လွတ်လပ်ရေးဗိသုကာကြီး၊ အာဇာနည်အမျိုးသား ခေါင်းဆောင်ကြီး   ဗိုလ်ချုပ်အောင်ဆန်းသည် လုပ်ကြံခံရပြီး ကျဆုံးသွားခဲ့လေသည်။
အာဇာနည်စိတ်ဓာတ်
ဗိုလ်ချုပ်အောင်ဆန်းသည်  ကိုယ်ကျိုးမဖက် အနစ်နာခံခြင်း၊ စွန့်လွှတ်အနစ်နာခံခြင်း၊ တိုင်း ပြည်အတွက်  အရိုးကြေကြေ  အရေခန်းခန်း အသက်ကိုပင်ပဓာနမထားဘဲ ရွပ်ရွပ်ချွံချွံ ဆောင် ရွက်ခြင်း၊ အမှန်တရားအတွက် လူထုရှေ့ထွက် ၍    မားမားမတ်မတ်    ရပ်တည်ပေးခြင်း၊ 
 တာဝန်ခံပေးခြင်း၊ အရာရာကို လမ်းòန်ပြသ ဦးဆောင် နိုင်ခြင်း၊  ပြည်သူလူထု၏ အကျိုးစီးပွား  တိုးတက်အောင် ဆောင်ရွက်ပေးခြင်း၊   အကျင့်စာရိတ္တနှင့်    ပြည့်စုံခြင်း၊   စည်းကမ်းလိုက်နာခြင်း     စသောအရည်အချင်းများနှင့် ပြည့်စုံသူဖြစ်သည်။  ဒုက္ခရောက်မည့်   မိမိနိုင်ငံသားများ၏ အသက်၊ အိုးအိမ်၊  စည်းစိမ်၊   ချမ်းသာမှုများ    ရရှိစေရေး  အတွက် မိမိအသက်ကို  ပဓာနမထားဘဲ အသေခံကယ်တင် သော  ဗိုလ်ချုပ်၏   အာဇာနည်စိတ်ဓာတ်သည်   မြင့်မြတ်လှ ပေ၏။
ဗိုလ်ချုပ်သည်  မြန်မာတွင်သာမက  က္ဘာသိ  ထင်ရှား ကျော်ကြားသော  ခေါင်းဆောင်ဖြစ်သည်။  ဗိုလ်ချုပ်သည် နိုင်ငံနှင့်လူမျိုးအတွက် စံပြ မျိုးချစ်ခေါင်းဆောင်ဖြစ်သည်။ ရိုးသားသည်။ သတ္တိရှိသည်။ မျိုးချစ်စိတ်ဓာတ် ပြင်းထန်သည်။
ငွေမမက်၊  အာဏာမမက်၊  တစ်ကိုယ်ကောင်းမဆန် စသည့်  လက်ရုံးရည်သာမက  နှလုံးရည်လည်း ပြည့်စုံသူဖြစ် သည်။ ကျွန်တော်တို့  ချစ်ခင်၊ မြတ်နိုး၊   တန်ဖိုးထားရသော ဗိုလ်ချုပ်ကို  မွေးဖွားသန့်စင်ခဲ့သည်မှာ  နှစ်ပေါင်း  ၁ဝ၃ နှစ် ပြည့်ပြီဖြစ်သည်။    ဗိုလ်ချုပ်ရယူပေးခဲ့သော    လွတ်လပ်ရေး  အသီးအပွင့်များ၊   ဗိုလ်ချုပ်၏  ရိုးသားပွင့်လင်းမှုများ၊   စွန့်လွှတ် အနစ်နာခံမှုများ၊   မျိုးချစ်စိတ်ဓာတ် ရင့်သန်ခိုင်မာမှုများ၊  အမျိုး ဂုဏ်၊  ဇာတိဂုဏ်ထိန်းသိမ်းမှုများ၊   အမျိုးသားစည်းလုံး ညီညွတ် ရေးအတွက် တည်ဆောက်ပေးခဲ့မှုများသည်  လာမည့် နှစ် ထောင်သောင်းချီ၍     သမိုင်းတွင် ကျန်ရစ်နေမည်  ဖြစ် သည်။
မြန်မာပြည်မှ အောင်ဆန်း
''နယ်ချဲ့လက်အောက်မှ  လွတ်မြောက်လုဆဲ  အာရှနိုင်ငံ များကို မှန်ကန်သောခေါင်းဆောင်မှုပေးနိုင်သူမှာ မြန်မာပြည် မှ  အောင်ဆန်းသာ    ဖြစ်သည်ဟု   အိန္ဒိယလွတ်လပ်ရေး ခေါင်းဆောင်ကြီး   ဂျဝါဟာလာနေရူးက  ယုံကြည်သည်''ဟု သမီးဖြစ်သူ အင်ဒီရာဂန္ဒီက ဗိုလ်ထွန်းလှ (တက္ကသိုလ်နေဝင်း)အား ပြန်ပြောခဲ့သည်ဟု  ဖတ်ရှုရပါသည်။ ဗိုလ်ချုပ်လုပ်ကြံခံ ရသောအခါ Not Burma,  but Asia has lost a great leader ဟု Forum   မဂ္ဂဇင်းက ကောက်ချက်ချခဲ့သည်။
သမိုင်းပညာရှင်   ဒေါက်တာဂျီအိတ်ခ်ျလုစ် က   ဗိုလ်ချုပ် ကို   ''မြန်မာ့သမိုင်းတွင်   ကျန်စစ်သားပြီးလျှင် တိုင်းရင်းသား စည်းလုံးညီညွတ်ရေးကို လက်နက်မပါဘဲ ပထမဆုံးစွမ်းဆောင် နိုင်သူ''ဟု ဆိုခဲ့သည်။ ကိုယ်ကျိုးမဖက်သော၊ အများအတွက်    စွန့်လွှတ်အနစ်နာခံဝံ့သော  ဗိုလ်ချုပ်၏     စွမ်းဆောင်ရည် မြင့်မားမှုကြောင့် တိုင်းရင်းသားစည်းလုံးညီညွတ်မှုကို ဆုပ်ဆုပ် ပိုင်ပိုင်၊ ထူးထူးခြားခြား ရရှိခဲ့ခြင်းသာမက လုံးဝလွတ်လပ်ရေး ကိုပါ  ရရှိခဲ့ခြင်းဖြစ်သည်။
လူသေသော်လည်း နာမည်မသေ
တိုင်းပြည်နှင့်လူမျိုးအတွက်    အသက်ပေးဆပ်ကြသူများ၊ အများအကျိုး  သယ်ပိုးကြသူများသည်    လူပင်သေသော် လည်း  နာမည်မသေသူများ ဖြစ်ကြသည်။  ထိုသို့သော သူများ ကို အချိန်ကာလ   မည်မျှပင်ကြာမြင့်ပါစေ    တိုင်းပြည်နှင့် ပြည်သူလူထုက   မေ့နိုင်ကြမည်မဟုတ်ပါ။      အမြဲသတိရ  လျက်   လွမ်းဆွတ်၊    တမ်းတနေကြမည်သာ    ဖြစ်သည်။      ထိုပုဂ္ဂိုလ်များထဲတွင်   ဗိုလ်ချုပ်အောင်ဆန်းသည်   ထိပ်ဆုံးမှ  ပါဝင်သည်။
ဗိုလ်ချုပ်အောင်ဆန်းသည်   သာမန်ထက်  လက်ရုံးရည်၊ နှလုံးရည် ထူးကဲသာလွန်၍  အများအကျိုးအတွက်  သက်စွန့် ကြိုးပမ်းဆောင်ရွက်သူ၊  မတစ်ထောင်တစ်ကောင်ဖွား    မြန်မာ့ ဇာနည်ဘွား ဖြစ်သည်။   အာဇာနည်ခေါင်းဆောင်ကြီး  ဗိုလ်ချုပ် အောင်ဆန်း၏   အရည်အသွေး၊    စိတ်ဓာတ်၊    ကြိုးပမ်းမှု၊     စွန့်လွှတ်အနစ်နာခံမှု   သတ္တိထူးတို့ကား    နိုင်ငံ့တာဝန်  ယူနေကြဆဲနှင့်  ဆက်၍   တာဝန်ယူကြဦးမည့်   မျိုးဆက်သစ်များအတွက်     စံနမူနာပြလျက်ရှိသည်။   တိုင်းပြည်နှင့်   လူမျိုး  အကျိုးဖြစ်ထွန်းစေမည့်အတွေးမှန်၊  အမြင်မှန်၊   လမ်းကြောင်းမှန်ကို လမ်းပြနေဆဲဖြစ်၏။
မြန်မာ့လွတ်လပ်ရေးအတွက် လက်ရုံးရည်၊ နှလုံးရည် တို့ဖြင့် ခေါင်းဆောင်ခဲ့သူ   ဗိုလ်ချုပ်ကား   နိုင်ငံရေးအပြင် စီးပွားရေး၊ နိုင်ငံတကာဆက်ဆံရေးတို့တွင်လည်း ကျွမ်းကျင် သူဖြစ်၏။   သက်ရှိထင်ရှားရှိစဉ်က   ပြောကြားခဲ့သော   မိန့်ခွန်းများကိုကြည့်လျှင်    ကာကွယ်ရေး၊    တိုင်းရင်း သားစည်းလုံး ညီညွတ်ရေး၊   နိုင်ငံပြန်လည်ထူထောင်ရေး  တို့အတွက်  လုပ်ဆောင်သင့်သည်များကို   အမြော်အမြင်ရှိရှိ ဖြင့်   သုံးသပ်ပြောကြားထားသည်များကို    တွေ့နိုင်ပေ  သည်။  ထို့ကြောင့်   ဗိုလ်ချုပ်အောင်ဆန်းသည် ကမ္ဘာတွင် တစ်ယောက်ထွန်းတောက်သည့်    ယောက်ျားအာဇာနည် ဖြစ်ပေတော့သည်။      ။

ဒေါက်တာအောင်သန်းဝင်း(အရှေ့တိုင်းပညာ)