Latest News

Tuesday, July 10, 2018

ကမ္ဘာ့လူဦးရေနေ့

ကမ္ဘာ့လူဦးရေနေ့


ကမ္ဘာ့လူဦးရေ သန်း ၅ဝဝဝ ပြည့်သည့် ၁၉၈၇ ခုနှစ်မှစ၍ ဇူလိုင်လ ၁၁ ရက်နေ့ကို ကမ္ဘာ့လူဦးရေနေ့ဟု ကမ္ဘာ့လူဦးရေ ရန်ပုံငွေအဖွဲ့က သတ်မှတ်ခဲ့သည်။ နှစ်စဉ် ဇူလိုင်လ ၁၁ ရက် နေ့ရောက်တိုင်း ကမ္ဘာ့လူဦးရေနေ့ အထိမ်းအမှတ်အခမ်း အနားကို ကုလသမဂ္ဂ အဖွဲ့ဝင်နိုင်ငံများတွင် ကျင်းပကြသည်။ မြန်မာနိုင်ငံသည် ကုလသမဂ္ဂ အဖွဲ့ဝင်နိုင်ငံတစ်နိုင်ငံ ဖြစ်သည် နှင့်အညီ ကမ္ဘာ့လူဦးရေနေ့ အထိမ်းအမှတ်အခမ်းအနားကို ၁၉၉ဝ ပြည့်နှစ်မှ စတင်ကျင်းပခဲ့သည်။

▲ဆောင်ပုဒ်များ▲

နှစ်စဉ် ကမ္ဘာ့လူဦးရေနေ့ အထိမ်းအမှတ်အခမ်းအနားများ အတွက် ကုလသမဂ္ဂ လူဦးရေရန်ပုံငွေအဖွဲ့က ဆောင်ပုဒ်များ ချမှတ်ပေးလေ့ရှိသည်။ ၂ဝဝဝ ပြည့်နှစ်က ကမ္ဘာ့လူဦးရေနေ့ ဆောင်ပုဒ်မှာ 'အမျိုးသမီးဘဝရှင်သန်ရေး၊ ဝိုင်းဝန်းကူညီပံ့ပိုး ပေး' ဖြစ်သည်။ ၂ဝဝ၅ ခုနှစ် ကမ္ဘာ့လူဦးရေနေ့ဆောင်ပုဒ်မှာ '၂၁ ရာစု တို့အားပြု၊ လူငယ်ပျိုရွယ် ကျန်းမာမှု'ဖြစ်သည်။ ယခုနှစ်အတွက် ကမ္ဘာ့လူဦးရေနေ့ဆောင်ပုဒ်ကား 'လူ့အခွင့် အရေးအခြေခံလို့ မိသားစုစီမံကိန်း ဖော်ဆောင်စို့' ဖြစ်သည်။
ကမ္ဘာ့လူဦးရေသည် နှစ်စဉ် လျင်မြန်စွာတိုးပွားလျက်ရှိရာ ၁၈ဝဝ ပြည့်နှစ်တွင် သန်း ၁ဝဝဝ၊ ၁၉၃ဝ ပြည့်နှစ်တွင် သန်း ၂ဝဝဝ၊ ၁၉၆ဝ ပြည့်နှစ်တွင် သန်း ၃ဝဝဝ ရှိခဲ့သည်။ လာမည့် ခရစ်သက္ကရာဇ် ၂ဝ၅ဝ ပြည့်နှစ်တွင်မူ ကမ္ဘာ့လူဦးရေသည် သန်း ၉ဝဝဝ အထိ တိုးပွားလာဖွယ် ရှိသည်ဟု လူဦးရေဆိုင်ရာ ကျွမ်းကျင်သူများက ခန့်မှန်းထားသည်။

▲ပိုမိုသာယာသော လောကကြီး▲

ထိုသို့ သန်းပေါင်းများစွာ တိုးပွားလာသော လူသားတို့၏ စားဝတ်နေရေး၊ ကျန်းမာရေး၊ စိတ်ပျော်ရွှင်ရေးတို့ကို ဆောင် ရွက်နိုင်မှ ပိုမိုသာယာသော မိသားစုဘဝများကို ပိုင်ဆိုင်မည် ဖြစ်သည်။ လူတစ်ဦးချင်း၏ဘဝသာယာမှ မိသားစုဘဝ သာယာမည်။ မိသားစုဘဝများ သာယာမှလည်း ပိုမိုသာယာ သောလောကကြီးကို ဖန်တီးနိုင်မည်ဖြစ်သည်။

နှစ်စဉ်တိုးပွားနေသော လူဦးရေအတွက် စားနပ်ရိက္ခာ ဖြည့်တင်းရေး၊ အိုးအိမ်နေရာချထားရေး၊ ဆေးဝါးကုသရေး စသည့် စားဝတ်နေရေးတို့ကို ဆောင်ရွက်ရန် ပတ်ဝန်းကျင်ကို ပိုမိုကောင်းမွန်စေရာ၏။ ပတ်ဝန်းကျင်ကို ထိန်းသိမ်းစောင့် ရှောက်ရေးသည် လူသားတို့၏ တာဝန်လည်းဖြစ်သည်။ လူဦး ရေဖွံ့ဖြိုးတိုးတက်ရေးနှင့် ဆက်စပ်ယှက်နွှယ်နေသော ပတ် ဝန်းကျင်မပျက်စီးမဆုံးရှုံးရေးသည် လူသတ္တဝါများ အသက် ရှင်ရပ်တည်ရေးအတွက် အဓိကအရေးကြီးပေသည်။

သြကာသလောကရှိ သဘာဝသယံဇာတများ၊ ပင်လယ် သမုဒ္ဒရာများ၊ သစ်တောများ၊ ရေလုပ်ငန်းများ၊ စိုက်ပျိုးခင်း များနှင့် တောတောင် စိမ့်စမ်းများသည် သုံးစွဲသူများအပေါ် မူတည်၍ တိုးတက်ခြင်း၊ ဆုတ်ယုတ်ခြင်းတို့ ရှိကြသည်။ ထင်း အတွက် တောခုတ်ခြင်းကြောင့် သဘာဝသစ်ပင်ကြီးငယ်တို့ ကုန်ဆုံးရသည်။ တောအုပ်များပြုန်းတီးလျှင် ရာသီဥတုကို ဖောက်ပြန်သွားစေနိုင်သည်။ ကမ္ဘာ့အခြေအနေများကို သုံး သပ်လျှင် အိုဇုန်းလွှာပေါက်မှုကြောင့် ကမ္ဘာကြီးပူနွေးလာကာ စိမ်းလန်းစိုပြည်မှုများကို ထိခိုက်လာလျက်ရှိသည်။

▲မြန်မာနိုင်ငံ၏ သဘာဝတောတောင်များ▲

မြန်မာနိုင်ငံ၏ သဘာဝတောများသည် ရာသီဥတုကို ညီညွတ် မျှတစေသည့်အပြင် သဘာဝဘေးဒဏ်များဖြစ်သည့် ရေကြီးခြင်း၊ မြေပြိုခြင်း၊ မုန်တိုင်းတိုက်ခြင်း စသည်တို့မှလည်း အကာအကွယ်ပေးပါသည်။ လူနှင့်သက်ရှိများအား အကျိုးပြု နေသည့် သစ်တောများတွင် ဒီရေတောများလည်း အပါအဝင် ဖြစ်သည်။ ဒီရေတောများသည် ပင်လယ်နှင့် ကုန်းမြေကြား တွင်ပေါက်ရောက်သည့် သစ်တောအမျိုးအစားဖြစ်သည်။ လယ်မြေ ယာမြေများအတွင်းသို့ ဆားငန်ရေဝင်ရောက်မှုကို တားဆီးပေးသည့်အပြင် လေပြင်းမုန်တိုင်း ဝင်ရောက်မှုဒဏ် ကိုလည်း ကာကွယ်ပေးနိုင်သည်။

လူများ စည်းကမ်းမဲ့ခြင်းနှင့် သဘာဝပတ်ဝန်းကျင်ထိန်း သိမ်းရေး အသိအမြင်အားနည်းမှုတို့ကြောင့် မြန်မာနိုင်ငံ အစိုးရက 'သစ်တစ်ပင်ခုတ် ထောင်သုံးနှစ်'ဟု သတိပေး စာတန်းများ ချိတ်ဆွဲပညာပေးခဲ့သည်။ 'သက်ရှိလောက တည် မြဲဖို့ သဘာဝတောတောင် ထိန်းသိမ်းစို့'၊ 'ဇီဝမျိုးစုံမျိုးကွဲတွေ ကြွယ်ဝစေဖို့ သဘာဝတောတွေ ထိန်းသိမ်းစို့'စသော ဆောင် ပုဒ်များဖြင့်လည်း သဘာဝပတ်ဝန်းကျင်ကို မည်မျှအလေး အနက်ထားကြောင်း ပေါ်လွင်စေသည်။ သဘာဝသစ်တော ကြီးများကို ကြိုးဝိုင်းများကန့်သတ်ခြင်းဖြင့်လည်း ရှားပါး တိရစ္ဆာန်များ မျိုးမတုံးစေရန် ကာကွယ်ပေးခြင်းမှာ နိုင်ငံတော် အစိုးရအနေဖြင့် ကမ္ဘာနှင့်အညီ ပတ်ဝန်းကျင်စိမ်းလန်းရေးတွင် အားကြိုးမာန်တက် ဆောင်ရွက်နေခြင်းဖြစ်သည်။

▲ကမ္ဘာကြီးနှင့် လူသားတို့ အပြန်အလှန်ဆက်စပ်မှု▲

အနာဂတ်တွင် တိုးပွားလာမည့် လူဦးရေများအတွက် သဘာဝပတ်ဝန်းကျင်ဖွံ့ဖြိုးအောင် ထိန်းသိမ်းစောင့်ရှောက် ခြင်းသည် လူသားတို့ ကျန်းမာရေးနှင့် ဘဝလုံခြုံပျော်ရွှင် အောင် ဆောင်ရွက်ခြင်းဖြစ်သည်။ ပိုမိုသာယာလှပသော လောကကြီးကို ဖန်တီးရေးသည် လောကလူသားများ၏ တာဝန်ပင်ဖြစ်သည်။

ကမ္ဘာကြီးနှင့် လူသားတို့သည် အပြန်အလှန်ဆက်စပ်မှုရှိ ကြသည်။ ကမ္ဘာမြေကြီးသည် လူသားတို့ အသက်ရှင်ရန် လိုအပ်သော လေ၊ ရေနှင့် ရိက္ခာများကို ဖြည့်ဆည်းပေးနေ သည်။ တစ်နေရာရာတွင် ထိုအခြေအနေများ အပြောင်းအလဲ တစ်ခုခုဖြစ်ခြင်းသည် တစ်ကမ္ဘာလုံးကို ထိခိုက်စေမည်ဖြစ် သည်။ ဥပမာ မြစ်ချောင်းများတွင် ရေညစ်ညမ်းမှုများဖြစ်ပွားပါ က အခြားနေရာများကိုပါ ကျန်းမာရေး၊ စိုက်ပျိုးရေးတို့တွင် ထိခိုက်စေမည်ဖြစ်သည်။

လူသားတို့ မှီတင်းနေထိုင်ကြသော ပတ်ဝန်းကျင်အခြေ အနေမကောင်းပါက ကမ္ဘာသူ ကမ္ဘာသားများသည် ပိုမိုဆင်းရဲ နွမ်းပါးလာကြမည်ဖြစ်သည်။ မျက်မှောက်ကာလတွင် ကမ္ဘာ့ လူသားများစွာသည် သဘာဝသယံဇာတများကို ပိုမိုလျင်မြန် စွာ သုံးစွဲနေသည်။ ချမ်းသာသောနိုင်ငံများဆိုလျှင် ပို၍ အလျှံ ပယ်သုံးစွဲနေကြသည်။ လူတိုင်းလူတိုင်း သဘာဝပတ်ဝန်းကျင် ကို ချစ်မြတ်နိုးစွာ ထိန်းသိမ်းပါမှ သာယာလှပသော လူမှုဘဝ များ တည်ဆောက်နိုင်ပေမည်။

▲အမျိုးသမီးများနှင့် ပိုမိုလှပသောပတ်ဝန်းကျင်▲

ကမ္ဘာကြီးကို လှပတင့်တယ်စေသော အကြောင်းအရာ များတွင် 'အမျိုးသမီးများနှင့် ပိုမိုလှပသောပတ်ဝန်းကျင် 'သည် လည်း အဓိကအရေးပါသော အကြောင်းတစ်ခု ဖြစ်သည်။ အမျိုးသမီးများ၏ အဆင့်အတန်းကို မြှင့်တင်ပေးခြင်းသည် ပတ်ဝန်းကျင်ကိုကာကွယ်ရာတွင် အထောက်အကူပြုနေပေ သည်။ လူဦးရေတိုးပွားမူကိုလည်း နှေးကွေးသွားစေပါသည်။ နိုင်ငံအများအပြားတွင် အမျိုးသမီးငယ်များ အပါအဝင် အမျိုးသမီးများသည် ထင်းခွေသူများ၊ ရေခပ်သူများ၊ စိုက်ပျိုး သူများဖြစ်ကြ၍ ကမ္ဘာမြေပြင်နှင့်အနီးကပ်ဆုံး အလုပ်လုပ်သူ များဖြစ်ကြသည်။ ပတ်ဝန်းကျင်အခြေအနေ ယိုယွင်းလာလျှင် အမျိုးသမီးများသည် ပိုမိုပင်ပန်းစွာလုပ်ကိုင်ကြရပေမည်။

ထို့ကြောင့် အမျိုးသမီးများ၏ ဘဝလုံခြုံရေးနှင့် ဖွံ့ဖြိုးတိုး တက်ရေးကို ရည်သန်၍ အမျိုးသမီးငယ်များအပါအဝင် အမျိုး သမီးများအား ပညာရည်မြင့်မားရေး၊ ဝင်ငွေရရှိနိုင်မည့် အခွင့် အလမ်းများ ဖန်တီးပေးရေး၊ ကျန်းမာရေးသင်တန်းများ ပို့ချ ရေးတို့ကို ဆောင်ရွက်ကြရမည်ဖြစ်သည်။ မြေသယံဇာတ၊ ရေသယံဇာတကြွယ်ဝသော လယ်မြေများတွင် အမျိုးသမီး များနှင့် အမျိုးသားများ တန်းတူရည်တူအလုပ်လုပ်ကိုင်ခြင်း ဖြင့် မိသားစုအတွက်ရော၊ သဘာဝပတ်ဝန်းကျင်အတွက်ပါ အဆင်ပြေ ကောင်းမွန်လာမည်ဖြစ်သည်။

နှစ်စဉ်တိုးပွားလာသော ကမ္ဘာ့လူဦးရေတွင် အမျိုးသမီး ဦးရေမှာ ၅ဝ ရာခိုင်နှုန်းကျော် ပါဝင်သည်။ ပြည်ထောင်စု မြန်မာနိုင်ငံတွင်လည်း နိုင်ငံလူဦးရေ၏ ၅ဝ ရာခိုင်နှုန်းကျော် ရှိသော မြန်မာအမျိုးသမီး အင်အားစုသည် ကြီးမားသော နိုင်ငံ့အင်အားဖြစ်သည်။ မြန်မာအမျိုးသမီးများသည် အခြား နိုင်ငံမှ အမျိုးသမီးများနှင့်မတူဘဲ ရှေးအစဉ်အဆက်ကတည်း က ဥပဒေအရ၊ ယဉ်ကျေးမှုအစဉ်အလာ ဓလေ့ထုံးစံအရ အမျိုးသားများနှင့် တန်းတူအခွင့်အရေးရှိပြီးဖြစ်သည်။

▲အမျိုးသမီး စွမ်းအားစုကြီး▲

အမျိုးသမီးများ၏ ဗဟုသုတနှင့် အတွေးအမြင်ပိုင်း ဖွံ့ဖြိုး တိုးတက်မှ အမျိုးသမီးစွမ်းအားစုကြီးသည် နိုင်ငံတော်တည် ဆောက်ရေးတွင် ထိရောက်စွာပါဝင်နိုင်မည်ကို နိုင်ငံတော် အကြီးအကဲများက သိရှိ၍ မြန်မာနိုင်ငံလုံးဆိုင်ရာ အမျိုးသမီး ရေးရာကော်မတီကို ၁၉၉၆ ဇူလိုင် ၃ ရက်က ဖွဲ့စည်းပေးခဲ့သည်။ ထိုနေ့ကိုပင် အမျိုးသမီးများနေ့အဖြစ် သတ်မှတ်ပြီး ၁၉၉၈ ခုနှစ်မှစ၍ မြန်မာနိုင်ငံတွင် အထိမ်းအမှတ်အခမ်းအနားများ ပြုလုပ်ခဲ့သည်။ ၁၉၉၆ ခုနှစ် အောက်တိုဘာ ၇ ရက်တွင် မြန်မာနိုင်ငံလုံးဆိုင်ရာ အမျိုးသမီးရေးရာလုပ်ငန်းကော်မတီကို ဆက်လက်ဖွဲ့စည်းပြီး ပညာရေးအဖွဲ့၊ ကျန်းမာရေးအဖွဲ့ ၊ ယဉ်ကျေးမှုအဖွဲ့ ၊ စီးပွားရေးအဖွဲ့ ၊ အမျိုးသမီးများအပေါ် အကြမ်းဖက်မှုပပျောက်ရေးနှင့် ပြန်လည်ထူထောင်ရေးအဖွဲ့ စသည်များကို ဖွဲ့စည်းဆောင်ရွက်ခဲ့ကြသည်။

▲အမျိုးသမီးများအတွက် အသိပညာပေးမှုများ▲

မြန်မာနိုင်ငံတွင် နှစ်စဉ် လူဦးရေတိုးတက်လျက်ရှိရာ ၂ဝဝ၂ ခုနှစ် ခန့်မှန်းချက်အရ လူဦးရေ ၅၂ ဒသမ ၁၇ သန်း ရှိနေပြီးဖြစ်သည်။ ယင်းတွင် အမျိုးသားဦးရေ ၂၅ သန်းကျော် ရှိပြီး အမျိုးသမီး ၂၆ သန်းရှိသည်ဟု ပညာရှင်များက ဖော်ပြ သည်။ တစ်နိုင်ငံလုံး၏ ၅ဝ ဒသမ ၂၈ ရာခိုင်နှုန်းရှိသော အမျိုး သမီးများအတွက် ကျန်းမာရေးစောင့်ရှောက်မှုအဖြစ် အမျိုး သမီးငယ်များ၏ အပျိုဘော်ဝင်စ ကျန်းမာရေး၊ မျိုးဆက်ပွား ဆိုင်ရာ ကျန်းမာရေးများကို ကျေးရွာအရောက် အသိပညာ ဖြန့်ဖြူးခြင်းများ ဆောင်ရွက်နေသည်။

မိခင်တိုင်း ကျန်းမာရေးဗဟုသုတရှိမှ မီးတွင်းမိခင် သေဆုံး မှုနှုန်းနှင့် မွေးကင်းစ တစ်လအတွင်း ကလေးသေဆုံးမှုနှုန်း ကျဆင်းမည်ဖြစ်ကြောင်းလည်း ဆရာဝန်၊ ဆရာမများနှင့် ကျန်းမာရေးဝန်ထမ်းများက လမ်းညွှန်ဟောပြောကြသည်။ မိခင်သည် အခြေခံကျန်းမာရေး ဗဟုသုတနည်းလျှင် တစ်ကိုယ်ရေသန့်ရှင်းမှုနှင့် ပတ်ဝန်းကျင်သန့်ရှင်းမှု နည်းပါးပြီး မိမိအခြေအနေကို မခန့်မှန်းတတ်သဖြင့် ဆေးရုံအရောက် နောက်ကျတတ်သည်။ အခြေခံကျန်းမာရေး ဗဟုသုတ သည် လူ့အသက်ကို ကယ်တင်နိုင်ပုံကို ဟောပြောပို့ချချက်များ ကြောင့် ထင်ရှားခဲ့ပြီးဖြစ်သည်။

မြန်မာနိုင်ငံအနေဖြင့် ကမ္ဘာ့လူဦးရေနေ့ အထိမ်းအမှတ် အခမ်းအနားများကို ဤသို့ နှစ်စဉ်ကျင်းပခဲ့ခြင်းသည် ကုလ သမဂ္ဂအဖွဲ့ ကြီး၏ ရည်မှန်းချက် လုပ်ငန်းစဉ်အပေါ် ကမ္ဘာ့မိသားစုဝင် နိုင်ငံတစ်နိုင်ငံပီပီ အလေးထားပါဝင်နေမှု ပေါ်လွင် နေသည်။ ယခုနှစ်တွင်လည်း ကမ္ဘာ့လူဦးရေနေ့ အခမ်းအနား ကျင်းပခြင်းနှင့်အတူ ကမ္ဘာ့လူဦးရေနေ့၏ ဆောင်ပုဒ်ဖြစ်သော 'လူ့အခွင့်အရေးအခြေခံလို့ မိသားစုစီမံကိန်းဖော်ဆောင်စို့'ဟူသော ဆောင်ပုဒ်နှင့်အညီ လိုက်နာကျင့်သုံးပါက ကမ္ဘာ့မိသားစုဘဝများ သာယာလှပလာမည်မှာ မုချပင်ဖြစ်ပါ တော့သည်။ ။

မောင်လွမ်းရည်

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post