Latest News

Friday, July 27, 2018

ဦးဝင်းတင်နဲ့ နေထိုင်ခြင်း(13) ကုိုရာဇာ


● ဦးဝင်းတင်နဲ့ စစ်သားတရား

ကျနော့်အဖေဟာ စစ်သားဟောင်းတစ်ယောက်ဖြစ်ပါတယ်။ ခုလက်ရှိ ကျနော့်နှမသားချင်းတွေ စစ်သားမယားတွေဖြစ်ပါတယ်။ ကျနော် အထူးထွေပြောစရာမရှိပါ။ အချို့ကိစ္စတွေမှာ ရွေးချယ်စရာ ရှားသွားတတ်ပါတယ်။ ကျနော့်အပေါင်းသင်းထဲ မိတ်ဆွေသူငယ်ချင်းရင်းထဲမှာ လည်း စစ်သားတွေ အတော်လေးများများရှိပါတယ်။ အရင်စစ်အာဏာရှင်တွေက တပ်မတော်ကိုဘယ်လိုအသုံးချသွားသလဲဆိုတာ အား လုံးအသိပါ။



ပြည်သူ့တပ်မတော်ဆိုတဲ့ဝေါဟာရအစား စစ်တပ်ဆိုတဲ့စကားရပ်နဲ့ အစားထိုးလာကြတယ်။ အဲ့ဒီစစ်တပ်ကလည်း ပြည်သူကိုပစ်သတ်တဲ့ စစ်တပ်ဖြစ်အောင် အမိန့်ပေးလုပ်ဆောင်ကြခဲ့တယ်။ ဒီတော့ တပ်မတော်နဲ့ ပြည်သူကြားမှာ ကမ္ဘာခြားသွားတယ်။ ဒီ့ထက်မကဆိုးလွန်း တာကတော့ ဒီမိုကရေစီ အရေးဖော်ဆောင်သူများကို တပ်မတော်ကိုဖြိုခွဲနေသူများ တိုင်းပြည်ရဲ့ဓမန္တရယ်များဖြစ်လာအောင် ၀ါဒဖြန့်ခဲ့ကြ တယ်။ ဒီလိုအမြင်တိုသမားတွေ တပ်မတော်မှာနေရာရ ခေါင်းဆောင်တက်ဖြစ်တာ စစ်တပ်နာ တိုင်းပြည်လည်းပြာဆိုတာမျိုး အဖြစ်ဆိုးနဲ့တိုး စေခဲ့တယ်။



ဒီတော့ ဒီမိုကရေစီအရေးလိုလားသူ ပြည်သူကို သေနတ်တပြပြ ခြိမ်းခြောက်ပြီး အနောက်မျှော်ဝါဒစွဲကိုင်သူများ တိုင်းပြည်ကိုရောင်းစား   ချင်သူများဆိုပြီး အောက်တန်းစားစကားတွေထုတ်ပြောခဲ့ ကြတယ်။ အနောက်မျှော်သမား တိုင်းပြည်ရောင်းစားသလားဆိုတဲ့ ဒီက နေ့သက်သေပါပဲ။ ဟိုနေရာဟုတ် ခနဲထတောက်၊ ဒီနေရာဖြုတ်ခနဲထတောက်နေတဲ့မီးဟာ တရုတ်မွှေးတာချည်းလို့တောင်ပြောလို့ရတယ်။ ဘယ်အနောက်မျှော်ဒီမိုကရေစီသမားမှမရောင်းစားဘူး။ ဦးဝင်းတင်စကားအငှားပြောရင်တော့ အာဏာချိုးကပ်နေတဲ့ကောင်တွေရောင်းစားသွားတာ လယ်ပြင်မှာဆင်သွားစရာမလိုဘူး။



တကယ်တမ်းတော့ ဒီလိုအာဏာချိုးကပ်သူတွေ အစိုးရတက်လုပ်ပြီး ချမ်းသာချင်တိုင်း ချမ်းသာနေကြပေမယ့် အောက်ခြေစစ်သားတွေ က နင်းပြားက နင်းပြားပဲဖြစ်နေတယ်။ ဒါပေမယ့် စစ်တပ်တွေရဲ့ထုံးစံအတိုင်း ဘာဖြစ်နေနေ အမိန့်ပေးစေခိုင်းတဲ့အတိုင်းကို လုပ်လုပ်နေကြ ရတာပါပဲ။ ဒီတော့ စစ်အာဏာရှင်တွေဟာ တိုင်းပြည်နဲ့လူမျိုးအကျိုးလိုလိုနဲ့ စစ်တပ်ကိုအသုံးချ ပြည်သူကိုစော်ကားပြခဲ့ကြတာပဲဖြစ်ပါ တယ်။ ဒေါ်အောင်ဆန်းစုကြည်ကို ပြည်ဖျက်မအဖြစ် ပုံဖော်ဝါဒဖြန့်သလို စစ်တပ်ဟာ တိုင်းပြည်ကိုကယ်တင်ရှင်အဖြစ် အထူးသဖြင့်တော့ ဒီအချုပ်အမှူးကြီးတွေ အရှုပ်အရူးကြီးတွေက သူတို့သာလျင်ဆိုတဲ့ အတွေးခေါ်တွေနဲ့ စစ်တပ်ကိုဇာတ်သွင်းခဲ့တာပါ။



စစ်သားတိုင်းလူဆိုးမဟုတ်ပေမယ့်လူဆိုးတိုင်းကတော့ စစ်သားများဖြစ်လာအောင် လေ့ကျင့်သွန်သင်ကြတယ်။ ဒီမိုကရေစီဆိုတဲ့စကား   ပြောကြားရင်ကို နားခါးအောင်ဖြစ်စေခဲ့ပြီးတော့ ဒီလိုလူသားတွေဟာ စစ်တပ်ကိုဖြိုခွဲပြီး တိုင်းပြည်ရောင်းစားမယ်ဆိုတဲ့အတွေးတိမ်လေး လည်းရှိခဲ့ကြတယ်။



ဓာတ်ပုံ မူရင်းလင့် – http://enigmaimages.photoshelter.com/image/I0000LoYBuLynoTU

No comments:

Post a Comment