မော်လမြိုင် ဇွန် ၁၈
မော်လမြိုင်မြို့ဇွန်လ(၁၈)ရက်နေ့မွန်ပြည်နယ်မော်လမြိုင်မြို့တွင်ဇွန်
(၁၆)ရက်နေ့မှစ၍ဇွန်လ(၁၇)ရက်နေ့ထိ မိုးအဆက်မပြတ်ရွာသွန်းမှုကြောင့်ကျိုက်သလ္လံစေတီတော်ကြီးအရှေ့ဘက်မုဒ်ဦးဓာတ်လှေကားအနီးရှိမြေထိန်းနံရံများနှင့်အနောက်ဘက်မုဒ်ဦးအနီးရှိမြေထိန်းနံရံများဇွန်လ(၁၇)ရက်နေ့နံနက်(၉)နာရီခွဲအချိန်ကပြိုကျသွား
ခဲ့ကြောင်းသိရသည်။
ထိုမြေထိန်းနံရံပြိုကျသည့်နေရာသို့တပ်မတော်သားများ၊ရဲတပ်ဖွဲ့ဝင်များ၊
လူမှုကယ်ဆယ်ရေးအဖွဲ့များ၊မီးသတ်တပ်ဖွဲ့ဝင်များရောက်ရှိလာပြီး
ရှင်းလင်းကြသည်။၎င်းမြေထိန်းနံရံများပြိုကျမှုနှင့်ပတ်သက်၍ဂေါပက
အဖွဲ့ဝင်ဂေါပကစာရင်းစစ်တစ်ဦးမှနံနက်(၃)နာရီအချိန်ခန့်တွင်ကျိုက်သလ္လံစေတီတော်မြတ်ကြီးအရှေ့ဘက်မုဒ်ဦးရှိမဟာဗောဓိညောင်ပင်ကြီးမှာမိုးအဆက်မပြတ်ရွာသွန်းပြီးလေများတိုက်ခတ်မှုကြောင့်ပြိုလဲကျခဲ့ကြောင်း၊၎င်းနောက်နံနက်(၇)နာရီအချိန်ခန့်တွင်ကျိုက်သလ္လံစေတီတော်မြတ်ကြီးမြေထိန်းအုတ်နံရံအလျား(၃၀)ပေခန့်ပြိုကျသွားခဲ့သဖြင့်ရဲတပ်ဖွဲ့ဝင်များ၊တပ်မတော်သားများ၊လူမှုကယ်ဆယ်ရေးအဖွဲ့များကရောက်ရှိလာပြီးလမ်းပိုင်းပိတ်ဆို့မှုများကိုရှင်းလင်း၍အရှေ့ဘက်မုဒ်ဦး၌လှဲကျနေသောမဟာဗောဓိညောင်ပင်ကြီးကိုင်းဖျားကိုင်းနားများခုတ်ထွင်ရှင်းလင်းခဲ့ကြောင်း၊ထို့နောက်ခုတ်ထွင်ရှင်းလင်းပြီးနံနက်(၉)နာရီခွဲအချိန်ခန့်တွင်ခုတ်ထွင်
ရှင်းလင်းပြီးသောမဟောဗောဓိညောင်ပင်ကြီးမှာအောက်သို့ပြိုကျသွားခဲ့ပြီးအနီးရှိမတ်တပ်ရပ်ကိုယ်တော်ဘုရားသုံးဆူ၊လေးဆူပြိုကျသွားခဲ့ကြောင်း၊ရှင်သီဝလိကျောင်းဆောင်၊ဘိုးဘိုးအောင်၊ဘိုးမင်းခေါင်ကျောင်းဆောင်တို့မှာပြိုကျမည့်အနေအထားရှိနေကြောင်း၊ယခုလိုဆက်လက်မိုးရွာသွန်းနေမည်ဆိုပါကထပ်မံပြိုကျဖွယ်ရှိကြောင်း၊ယခုအချိန်တွင်မြေထိန်းနံရံများပြိုကျထားမှုကြောင့်အန္တရာယ်ရှိနေသဖြင့်၎င်းနေရာများသို့ဘုရားဖူးများသွားလာမှုမပြုကြရန်တားဆီးထားကြောင်း၊လျှပ်စစ်မီးပြန်လာပါကယခင်ပုံမှန်အတိုင်းဓာတ်လှေကားဖြင့်တက်ရောက်ဘုရားဖူးခွင့်ပေးမည်ဖြစ်ကြောင်း၊ဓာတ်လှေကားကြီးတိမ်းစောင်းသွားကြောင်းပြင်ပ၌ကောလဟာလပြောကြားနေသည်မှာမဟုတ်ပါကြောင်း၊၎င်းကိစ္စနှင့်ပတ်သက်၍တာဝန်ရှိသောအစိုးကအဖွဲ့အစည်းမျာရ၊အင်ဂျင်နီယာများနှင့်စစ်ဆေးပြီးပါကတိမ်းစောင်းသွားခြင်းဟုတ်မဟုတ်သိရမည်ဖြစ်ပါကြောင်း၊ယခုအချိန်တွင်ဘုရားဖူးများလာရောက်မည်ဆိုပါကရွှေသာလျောင်းဇောင်းတန်းမှတက်ရောက်၍ဖူးမြော်နိုင်ပါကြောင်းပြောကြားသည်။
တင်ထွဋ်(မော်လမြိုင်)
No comments:
Post a Comment