ရာသီကျောင်းပိတ်ရက်များ ကုန်ဆုံး ပြီးနောက် စာသင်နှစ်သစ်တစ်နှစ် ပြန်လည်အစပြုတော့မည်ဖြစ်၍ ကျောင်း သား၊ ကျောင်းသူများ လှုပ်လှုပ်ရွရွ နိုးထ သက်ဝင်နေကြသည်။ မေ ၂၅ ရက် နံနက်ပိုင်းမှစ၍ နိုင်ငံတစ်ဝန်းရှိ အခြေခံပညာ ကျောင်းများ၌ ၂ဝ၁၈-၂ဝ၁၉ ပညာသင်နှစ် အတွက် ကျောင်းအပ်နှံခြင်းလုပ်ငန်းကို စတင်ခဲ့ပြီး ကျောင်းအသီးသီးမှ ဆရာ၊ ဆရာမများက ကျောင်းအပ်နှံမှုလက်ခံခဲ့ကြသည်။
ယခုဇွန် ၁ ရက်မှစ၍ နိုင်ငံ တစ်ဝန်းရှိ ကျောင်းများ၌ စာအံသံများ ညံညံစီစီစတင်ကြားနေရပြီဖြစ်သည်။ ယနေ့လူငယ်များသည် နောင်တစ် ချိန်တွင် တိုင်းပြည်တာဝန်ကို ပခုံးပြောင်းတာဝန်ယူထမ်းဆောင်ကြမည့်သူများဖြစ်သည်။ တစ်နည်းဆိုရသော် ယနေ့ကာလ လူငယ်များသည် လူတော်လူကောင်းများဖြစ်နေမှသာ ထိုလူငယ်များ လူကြီး ဘဝ သို့ ရောက်လာလျှင် ပညာပြည့်ဝနှလုံးလှ၍ တိုင်းပြည်တာဝန်ကို လွှဲပြောင်းထမ်းဆောင် ကာ နိုင်ငံ တော်ကြီး ဆက်လက်ကောင်း မွန်နေမည်ဖြစ်သည်။ ထို့ကြောင့် လူငယ်ကောင်းမှ လူကြီးကောင်းမည်၊ လူကြီးကောင်းမှ နိုင်ငံကောင်းမည်ဟု ဆိုခြင်းဖြစ်သည်။ လူကောင်းသူကောင်းများ ဖြစ်စေရန် လူငယ်များကို ယခုအချိန်မှစ၍ ပြုစုပျိုးထောင်ပေးရမည်ဖြစ်သည်။
ကလေးငယ်များကို ကိုယ်ကျင့်တရား ကောင်းမွန်သော၊ ပညာရည်ထူးချွန်ထက်မြက်သော လူငယ်များ ဖြစ်လာစေရန် ငယ်စဉ် ကာလမှစ၍ စနစ် တကျနည်းမှန်လမ်းမှန် ပြုစုပျိုးထောင်ပေးရန် လိုအပ်သည်။ အရွယ်ရောက် လာသော လူကြီးတစ်ဦး၏ စိတ်နေစိတ်ထားနှင့် အပြုအမူများသည် ထိုလူငယ် ငယ်စဉ်ဘဝက တွေ့ကြုံဖြတ်သန်းလာခဲ့ရသော အခြေအနေ များပေါ်တွင် များစွာမူတည်နေသဖြင့် ငယ်ရွယ်စဉ် ကလေးဘဝ ကတည်းကပင် အလေ့အကျင့်ကောင်းများ၊ ပတ်ဝန်းကျင် ကောင်းများဖြင့် နည်းမှန် လမ်းမှန်ပြုစု ပျိုးထောင်ပေးရမည်ဖြစ်သည်။ ကလေးဘဝတွင် နည်းမှန်လမ်းမှန် ပျိုးထောင်မှုကိုရရှိစေရန် မိဘများ၏ပြုစုမှု၊ လေ့ကျင့်ပေးမှုသည် အရေးပါ သော လိုအပ် ချက်တစ်ခုဖြစ်သလို စာသင်ကျောင်းများ၌ ဆရာ၊ ဆရာမများ၏ သွန်သင်ဆုံးမနည်း လမ်းပြမှု သည်လည်း ကလေးငယ်များ၏ အနာဂတ်ဘဝကို ထိန်းကျောင်းမှုပြုသည်။
စာသင်ကျောင်းများသည် စာပေသင်ကြား ပေးရုံသာမက ကလေးငယ်များ၏ ဘဝ တစ်သက်တာအတွက် မှတ်သားလိုက်နာရ မည့် ပြည်သူ့နီတိ၊ လူ့ကျင့်ဝတ်များကို လည်း သင်ကြားပေးရမည်။ လူတစ်ဦး သည် စာတတ်စာတော်နေရုံမျှနှင့်မပြီးပါ။ လူ့ကျင့်ဝတ်များကို နားလည်၍ လေးစား လိုက်နာတတ်သော၊ တစ်နည်း အားဖြင့် လူသားဆန်သော လူကောင်းများဖြစ်ရန် လည်းလိုသည်။
လူတော်ပင်တော်သော်လည်း အကျင့် ဆိုး၊ အတ္တဆိုးများက လူ့လောကကြီးကို မိမိ ၏အကျိုးအတွက်ဆိုလျှင် ဖျက်ဆီးမည့်သူ များဖြစ်သဖြင့် လူငယ်များကို ထိုသူများကဲ့သို့ မဖြစ်စေဘဲ လူတော်လူကောင်းများဖြစ် စေရန် ငယ်စဉ်ကတည်းကစ၍ စနစ်တကျ ပြုစုပျိုးထောင်ရမည်ဖြစ်သည်။ ကျောင်းသား၊ ကျောင်းသူများအား အထူးသဖြင့် ကျောင်းစတက်နေသော သူငယ်တန်းအပါအဝင် မူလတန်း ကျောင်း သားများအား ကိုယ်ကျင့်တရားကောင်းစေ သော၊ ယဉ်ကျေးသိမ်မွေ့စေသော ဘာသာတရား အခြေခံများကို သိရှိနားလည်ပြီး မိမိ တို့၏နေ့စဉ်ဘဝတွင် မည်ကဲ့သို့ပြုမူနေထိုင်ရမည်ကို သဘောပေါက်စေရန် ငယ်စဉ်က တည်းကပင် လေ့ကျင့်သင်ကြားပေးသင့်သည်။
ကလေးများ၏အဇ္ဈတ္တတွင် အခြေခံ ဘာသာရေးအသိမှစ၍ကျင့်သုံးရမည့် ပြည်သူ့ နီတိကျင့်ဝတ်များကို လေးစား လိုက်နာ တတ်စေရန် ငယ်စဉ်ကတည်းကစပြီး ကျောင်း သင်ခန်းစာတစ်ရပ်အနေဖြင့်သာမက လက် တွေ့ဘဝ တစ်လျှောက်လုံးတွင်ပါ လိုက်နာ ကျင့်သုံးတတ်စေရန် သင်ကြားပေးရမည်။ ဥပမာဆိုရသော် ကားလမ်း ကူးလျှင် မီးနီ၊ မီးဝါ၊ မီးစိမ်းကိုကြည့်၍ မည်သို့ကူးရမည်၊ မိမိတို့၏အမှိုက်များကို စည်းကမ်းမဲ့မပစ်ဘဲ အမှိုက်ပုံး၌ ပစ်ရမည်၊ လူကြီးမိဘများ၊ ဆရာသမားများကို မည်ကဲ့သို့ ယဉ်ကျေးစွာ ပြောဆိုဆက်ဆံရမည်၊ အစား အသောက်ကို မည်ကဲ့သို့စားရမည်၊ မည်သည့်ကိစ္စမဆို တစ်ကိုယ်ကောင်းမဆန်ဘဲ အတ္တ၊ ပရ မျှအောင် ထည့်သွင်းစဉ်းစားရမည်၊ ကြီးနိုင်ငယ်ညှဉ်း စိတ်ထားမျိုးမထားရ၊ ကြမ်းတမ်း ရိုင်းစိုင်းသော ပြုမူပြော ဆိုမှုမျိုးမပြုလုပ်ရ၊ မတရားသဖြင့် အနိုင်ယူလိုစိတ်မရှိစေရ၊ သဘာဝပတ်ဝန်းကျင်ကို ချစ်ခင်မြတ်နိုး တတ် ရမည်၊ အမှန်တရားကို မြတ်နိုးရမည်၊ မှန်တာကို ပြောရဲလုပ်ရဲရမည် စသည်အား ဖြင့် ယဉ်ကျေးသော လူမှု ကျင့်ဝတ်များကို ငယ်ရွယ်စဉ်ကတည်းက တန်ဖိုးထား၍ လိုက်နာကျင့်သုံးတတ်စေရေး ပြောဆိုဆုံးမ သွန်သင် လမ်းပြပေးရန် လိုအပ်သည်။
မန္တလေးမြို့ အမရပူရ မဟာဂန္ဓာရုံဆရာ တော်ဘုရားကြီးက ၎င်း၏ စာသင်တိုက်အတွင်း အစဉ်အတိုင်း လိုက်နာရမည့် အချက် ၁ဝ ချက်အဖြစ် စိတ်ကောင်းရှိဖို့က ပထမ၊ ဝိနည်း လေးစားဖို့က ဒုတိယ၊ ကျန်းမာဖို့က တတိယ၊ သန့်ရှင်းဖို့က စတုတ္ထ၊ အဝတ်အစား တတ်ဖို့က ပဉ္စမ၊ အနေအထိုင်တတ်ဖို့က ဆဋ္ဌမ၊ အပြောအဆို တတ်ဖို့က သတ္တမ၊ အသွားအလာတတ်ဖို့က အဋ္ဌမ၊ စည်းကမ်း လိုက်နာဖို့က နဝမ၊ စာတတ်ဖို့က ဒသမဟု ဆုံးမသြဝါဒပေးကာ ကျင့်ကြံလိုက်နာစေခဲ့ ခြင်းဖြစ်သည်။ အထက်ပါ အချက် ၁ဝ ချက်သည် စာသင်ကျောင်းများ၌လည်း လိုက်နာသင့်သော အချက်များဖြစ်သည်။
လူတစ်ဦး သည် စိတ်ကောင်းရှိမှသာ လူ့လောကကောင်းကျိုး ကို သယ်ပိုးနိုင်မည်ဖြစ်သည်။ အဆိုပါ အချက် ၁ဝ ချက်ကို အဆင့်ဆင့် လိုက်နာ ရမည်ဖြစ်သည်။ ရှေ့မှအချက်များကို မလိုက်နာဘဲ စာတတ်ဖို့ကိုသာ လုံးပန်းနေ မည်ဆိုပါက လောကအကျိုးကိုသယ်ပိုးမည့် ပညာတတ်လူတော်လူကောင်းများဖြစ်မလာ ဘဲ လောကကို ဖျက်ဆီး မည့် အတ္တ အကျိုးကို ရှေ့တန်းတင်သော ပညာတတ်လူတော် လူဆိုးများသာ ဖြစ်လာပေလိမ့်မည်။ ထိုသို့မဖြစ်စေရန် စိတ်ကောင်းရှိဖို့က ပထမအစပြု၍ အဆင့်ဆင့်လိုက်နာပြီး စိတ်ကောင်းရှိသော လူသားအကျိုး ပြု လူတော်လူကောင်း ပညာတတ်များဖြစ်ရန် ကလေးများကို ငယ်စဉ်ကတည်းကပင် လေ့ကျင့်ပေး သင့်သည်။
ငယ်စဉ်က လူတော် လူကောင်းဖြစ်မှသာ နောင်တစ်ချိန်တွင် လူကြီးလူတော်လူကောင်းများဖြစ်လာမည်။ သို့မှသာ ယနေ့ကာလတွင် တွေ့မြင်နေ ရသော မိဘနှင့် သားသမီးဆက်ဆံရေး၊ ဆရာနှင့် တပည့် ဆက်ဆံရေး များတွင် ရိုသေ လေးစားမှုများ ပျောက်ကွယ်နေကြခြင်း၊ ယောက်ျားလေးနှင့် မိန်းကလေးများ ဝတ်စား ဆင်ယင်မှု ယဉ်ကျေးမှုမရှိခြင်း၊ လမ်းပေါ်သို့ အမှိုက်များ ပစ်နေကြခြင်း၊ ကွမ်းတံတွေးများကို စည်းကမ်းမဲ့ ထွေးနေကြခြင်း စသည့်အခြေခံ ကျင့်ဝတ်ပျက်စီးနေမှု များမှအစ ပျောက်ကွယ်ပြီး သစ်တောသစ်ပင်၊ သယံဇာ တ ပျက်စီးမှုများ လည်း ရှိတော့မည် မဟုတ်ပါ။ ထို့အတူ ကြီးသူက ငယ်သူကိုလည်းကောင်း၊ ငယ်သူက ကြီးသူကိုလည်းကောင်း ရင့်ရင့်သီးသီး မိုက်မိုက်ရိုင်းရိုင်း ပြောဆိုဆက်ဆံခြင်းများ၊ အထက်ဖား အောက်ဖိသော အကျင့်ဆိုးများ၊ လာဘ် ပေး လာဘ်ယူကိစ္စများ ပြုလုပ်နေကြခြင်း စသည့် အကျင့်စာရိတ္တဆိုးများနှင့် ပတ်သက်၍ လျော့ပါး သွားမည်ဖြစ်သည်။
ထိုသို့ဖြစ်လာစေရန် ယနေ့ကာလ မူလ တန်းအရွယ် လူငယ်လေးများကို စတင် လေ့ကျင့်ပေးမှသာ အချိန်အတိုင်း အတာ တစ်ခုအရောက်တွင် စိတ်ဓာတ်ပိုင်း၊ စည်းကမ်းပိုင်း၊ လူ့ကျင့်ဝတ်လေးစားလိုက်နာမှုပိုင်း၊ ယဉ်ကျေးမှု စသည့်အရေးအရာတိုင်း ၌ ကမ္ဘာက လေးစားရသော၊ စံထားရသော နေရာတစ်ခုကို ပြန်လည်ရရှိနိုင်မည်ဖြစ် သည်။ ယနေ့ ကလေးငယ်များသည် နောင်တစ် ချိန်တွင် လူကြီးများဖြစ်လာကာ အနာဂတ် ကာလ၏ ဦးစီးပဲ့ကိုင်မည့် သူများဖြစ်သဖြင့် အနာဂတ်ကောင်းစေလိုလျှင် ယနေ့လူငယ် များ စိတ်ဓာတ်၊ စည်းကမ်းနှင့် ပညာရေးပါ အဘက် ဘက်က ဘက်စုံကောင်းမွန်နေရန် လိုအပ်သည်။ ထိုသို့ဖြစ်စေရန် အဓိကတာဝန် ရှိသူများမှာ လက်ရှိ တွင် မိဘဖြစ်နေသူများ၊ ဆရာဖြစ်နေသူများ အပါအဝင် တာဝန် သိသောသူတိုင်းတွင် တာဝန်ရှိနေသည်။
တာဝန် ရှိသူများ တာဝန်ကျေမှသာ အနာဂတ် ကာလ သာယာလှပမည်ဖြစ်သည်။ သို့ဖြစ်၍ ကျောင်းနေပျော်၍ စာတော်ပြီး နိုင်ငံအတွက် အားထားရသော စိတ်ဓာတ်၊ စည်းကမ်းကောင်းမွန်သည့် တိုင်းပြည်အကျိုးပြု ပညာတတ်လူတော်လူကောင်းများ ဖြစ်လာစေရေး တာဝန်ရှိသူ၊ တာဝန်သိသူ အားလုံးက ဝိုင်းဝန်းကြိုးပမ်း ကြပါရန် တိုက်တွန်း ရေးသား လိုက်ရပါသည်။ ။
ထွန်းအောင်လှ (လုပ်ငန်းခွင် ကျန်းမာရေး)မြ၀တီ
No comments:
Post a Comment