ကလေးအလုပ်သမား ပပျောက်ရေး အားလုံးဝိုင်းဝန်းကူညီပေးရန် လိုအပ်နေ

ကလေးအလုပ်သမား ပပျောက်ရေး အားလုံးဝိုင်းဝန်းကူညီပေးရန် လိုအပ်နေ

မြန်မာနိုင်ငံတွင်   အလုပ်လုပ်ကိုင်နေသည့်   ကလေးများ အားလုံးအနက်မှ ၆၁ ရာခိုင်နှုန်းသည် အနည်းဆုံးလုပ်ခကို တစ်ရက်တာအတွက်ရရှိနေကြပြီး ယောက်ျားလေး ကလေး ငယ်များသည် မိန်းကလေးများထက် ပိုမိုကာ လုပ်အားခ ရရှိ ကြသည်။   မြို့ပြတွင် နေထိုင်ကြသည့်   အလုပ်လုပ်ကိုင် သော ကလေးများသည် လုပ်ခကို လစာအဖြစ် ရရှိနိုင်ကြပြီး ကျေးလက်ဒေသများတွင် နေထိုင်ကြသည့် ကလေးငယ်များ မှာမူ နေ့တွက်အလိုက်သာ  ရရှိနေကြသည်။ မြန်မာနိုင်ငံသည် ဖွံ့ဖြိုးဆဲနိုင်ငံတစ်ခုဖြစ်သည့်အားလျော်စွာ  ကလေးအလုပ်သမားပပျောက်ရေးလုပ်ငန်းများ ဆောင်ရွက်နိုင်ရန်အတွက် လည်း လိုအပ်ချက်များစွာ ရှိနေသေးသည်။ ကလေးလုပ်သား များသည် နိုင်ငံအတွင်းရှိ ကျေးလက်ဒေသအများစုနှင့် မြို့ပြ အခြေခံလူတန်းစားများအတွင်း တည်ရှိနေကြပြီး ယင်းတို့ကို ပပျောက်ရေးအတွက်လည်းကောင်း၊  ယင်းတို့၏  အလုပ် သမားအခွင့်အရေး  ကလေးလုပ်သားအခွင့်အရေး    အပြည့် အဝရရှိရန်အတွက်လည်းကောင်း၊  အဓမ္မစေခိုင်းခံရခြင်း  မရှိ စေရန်အတွက်လည်းကောင်း   ကြိုးစားဖော်ဆောင်နေရဆဲ ကာလတစ်ခုဖြစ်သည်။
ကလေးတွေအတွက် တရားမျှတမှု
''ကလေးသူငယ်တွေကို အများဆုံး စေခိုင်းတာ စက်ရုံ၊ အလုပ်ရုံလိုနေရာမျိုးတွေထက် နယ်တွေမှာ စိုက်ပျိုး၊ မွေးမြူ ရေးလုပ်ငန်းတွေ၊ အိမ်တွင်းစီးပွားရေးလုပ်ငန်းတွေနဲ့ အိမ် အကူလုပ်ငန်းတွေမှာ  တွေ့နေရတယ်၊  တစ်နိုင်ငံလုံးအတိုင်း အတာဖြစ်တဲ့အတွက် ကြပ်မတ်ဆောင်ရွက်ဖို့အတွက် အခက် အခဲတွေရှိတယ်၊ အဲဒါကိုလည်း ပြည်သူတွေအနေနဲ့ ဝိုင်းဝန်း ပူးပေါင်းပေးဖို့လိုအပ်ပါတယ်၊ ဥပမာပြောရရင် မိမိတို့ပတ်ဝန်း ကျင်မှာ အသက်မပြည့်သေးတဲ့ ကလေးတွေကို အလုပ် လုပ် ကိုင်စေတယ်ဆိုရင် သူတို့ရတဲ့ အခကြေးငွေ သို့မဟုတ် လုပ်ခ လစာဟာ ထိုက်သင့်တဲ့အခြေအနေမဟုတ်ဘူးဆိုရင် အလုပ် ရှင်ကိုလည်း နားလည်အောင်ရှင်းပြဖို့ လိုအပ်သလို မြို့နယ် အသီးသီးမှာ အလုပ်သမားရုံးတွေရှိတဲ့အတွက်တိုင်ကြားနိုင် ပါတယ်၊  ဒါတင်မကသေးပါဘူး၊  လူမှုဝန်ထမ်းအဖွဲ့အစည်း တွေကိုလည်း တိုင်ကြားပြီး ကလေးတွေအတွက် တရားမျှတမှု ရရှိအောင် ကူညီပေးကြဖို့ အားလုံးမှာတာဝန်ရှိပါတယ်''ဟု အလုပ်သမား၊  လူဝင်မှုကြီးကြပ်ရေးနှင့်  ပြည်သူ့အင်အား ဝန်ကြီးဌာန အမြဲတမ်းအတွင်းဝန် ဦးမျိုးအောင်က ပြောသည်။
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနမှ  ထုတ်ပြန်သည့်  ကလေးအလုပ်သမားစာရင်း ကောက်ယူမှုအရ ကလေးများ လခစားအလုပ်များ လုပ်ကိုင် ကြရာတွင်   မိန်းကလေးများသည်   ပိုမိုဝင်ငွေရရှိကြပြီး  အသက်အရွယ်အလိုက် လစာရရှိမှုကို သုတေသနပြုခဲ့သည့် အခါ အသက်အုပ်စုအားလုံးတွင် လုပ်ခကို နေ့အလိုက်ရရှိမှု သည် မြင့်မားပြီး ပျမ်းမျှ ကလေးအလုပ်သမားတစ်ဦးသည် တစ်နာရီလျှင် ၄ဝဝ ကျပ် ရရှိကာ သတ္တုနှင့် ကျောက်တူးဖော် ခြင်းလုပ်ငန်းများတွင် အမြင့်ဆုံး အနေဖြင့် တစ်နာရီလုပ်ခ ၆ဝဝ ကျပ် ရရှိကြကြောင်း သိရှိရသည်။
အန္တရာယ်များသည့် အလုပ်များတွင် အများဆုံးလုပ်ကိုင် နေကြသူများမှာ အသက် ၁၅နှစ်မှ ၁၇ နှစ်အတွင်း ကလေး များဖြစ်ကြပြီး ၄င်းအသက်အုပ်စုအတွင်းရှိ ကလေးစုစုပေါင်း ၏ ၁၈ ရာခိုင်နှုန်းမှာ အန္တရာယ်ရှိသည့် လုပ်ငန်းခွင်အတွင်း လုပ်ကိုင်နေကြသူများဖြစ်ကြောင်း  ကလေးအလုပ်သမား စစ်တမ်းက ထုတ်ဖော်ထားသည်။ အထူးသဖြင့် ကျောင်းလုံးဝ တက်ရောက်ခြင်းမရှိသည့် ကလေးသူငယ်များအနက် ၁ဝ ရာခိုင်နှုန်းသည် အလုပ်လုပ်ကိုင်နေသော ကလေးများဖြစ်ကြ ပြီး ယင်းအနက် ထက်ဝက်ခန့်မှာ   အန္တရာယ်ရှိသော လုပ်ငန်း ခွင်များတွင်    လုပ်ကိုင်နေကြသည်ကို    တွေ့ရှိရသည်။ ကျေးလက်ဒေသရှိကလေးများသည် မြို့ပြကလေးများထက် ပိုမိုကာအန္တရာယ်ရှိသည့်လုပ်ငန်းခွင်ကို ရင်ဆိုင်နေကြရသည်။
''ပြီးခဲ့တဲ့  မေလကုန်ကပဲ  ပြည်ထောင်စုဝန်ကြီး ဦးသိန်း ဆွေနဲ့  ကုလသမဂ္ဂအတွင်းရေးမှူးချုပ်ရဲ့   ကလေးသူငယ် များနှင့် လက်နက်ကိုင်ပဋိပက္ခဆိုင်ရာ အထူးကိုယ်စားလှယ် ဖြစ်တဲ့  Ms.Virginia Gamba  ဦးဆောင်တဲ့ ကိုယ်စားလှယ် အဖွဲ့နဲ့ တွေ့ဆုံခဲ့ပါတယ်၊ တပ်မတော်နဲ့ တိုင်းရင်းသား လက် နက်ကိုင် အဖွဲ့အစည်းတွေမှာ ကျန်ရှိနေသေးတဲ့ အသက် မပြည့်သေးတဲ့ ကလေးသူငယ်တွေရဲ့ အရေးကိစ္စတွေနဲ့ပတ် သက်ပြီး ဆွေးနွေးခဲ့ကြပါတယ်၊ ကျွန်တော်တို့ဟာ အသက် မပြည့်သေးတဲ့ ကလေးအလုပ်သမားတွေ၊ ကလေးစစ်သား တွေနဲ့ ပတ်သက်ပြီး နိုင်ငံတကာနဲ့လည်း ပူးပေါင်းဆောင်ရွက် သလို ရှေ့ဆက်ပြီးတော့လည်း ကုလသမဂ္ဂ အတွင်းရေးမှူး ချုပ်၏ ကလေးသူငယ်များနှင့် လက်နက်ကိုင်ပဋိပက္ခဆိုင်ရာအဖွဲ့နဲ့လည်း ပူးပေါင်းဆောင်ရွက်သွားမှာဖြစ်ပါတယ်''ဟု အမြဲတမ်းအတွင်းဝန်က ဆက်လက်ပြောကြားသည်။
အလုပ်လုပ်နေသော ကလေးသူငယ်များထဲမှ ၅၅ ဒသမ ၇ ရာခိုင်နှုန်းမှာ  လယ်ယာစိုက်ပျိုးရေး  လုပ်ငန်းများနှင့် ပင်လယ်ပြင်၊ မြစ်ချောင်းများတွင် ရေလုပ်ငန်းဖြင့် အသက် မွေးဝမ်းကျောင်းပြုသူများ   ဖြစ်ကြောင်း၊  ကျေးလက်တွင် အလုပ်လုပ်ကြသည့်   ကလေးသူငယ်များအားလုံး၏  ၆၆ ရာခိုင်နှုန်းမှာ လယ်ယာလုပ်ငန်းခွင်အတွင်း ရောက်ရှိနေကြ သည်ကို မြင်တွေ့ရကြောင်း၊ အသက် ၅ နှစ်မှ ၁၇ နှစ်အတွင်း ကလေးများကို    အခကြေးငွေပေး   အလုပ်လုပ်ခိုင်းလျှင် ကလေးလုပ်သားဟု သတ်မှတ်နိုင်ကြောင်း၊သို့သော် အဆိုးရွား ဆုံးပုံစံဖြင့် ကလေးငယ်များကို ခိုင်းစေခြင်း၊ လုပ်ငန်းခွင်သို့ ဝင်နိုင်မည့် အငယ်ဆုံးအသက်ထက်ငယ်သော ကလေးများ ကို အလုပ်လုပ်ခိုင်းခြင်းနှင့်   အခကြေးငွေမပေးဘဲ  အ္တရာယ် ရှိသည့် အိမ်မှုကိစ္စများ  လုပ်ကိုင်စေခြင်းကို  ရှောင်ကြဉ်သင့် ကြောင်း သိရသည်။
ကလေးများအား ကုန်ပစ္စည်းအဖြစ် ရောင်းချခြင်း၊ တရား မဝင် လူကုန်ကူးခြင်း၊ အဓမ္မပြုကျင့်ခြင်း၊  ကျေးကျွန်အဖြစ် စေခိုင်းခြင်း၊  စစ်မြေပြင်တွင်  ကလေးများကို  အသုံးပြုစေ ခိုင်းခြင်း၊ ပြည့်တန်ဆာလုပ်ငန်းတွင် စေခိုင်းခြင်း၊ မူးယစ်ဆေး ရောင်းချဝယ်ယူသည့်    လုပ်ငန်းများတွင်    စေခိုင်းခြင်း၊ အန္တရာယ်ရှိသည့် လုပ်ငန်းခွင်များတွင် စေခိုင်းခြင်း၊ ကိုယ် ကျင့်တရားကို အန္တရာယ်ဖြစ်စေခြင်း စသည်တို့သည် ကလေး လုပ်သားများအတွက်   ကာကွယ်ပေးသင့်သည့်အရာများ ဖြစ်ကြောင်း စစ်တမ်းတွင် ဖော်ပြထားသည်။
ကလေးလုပ်သားစစ်တမ်း
''ကလေးလုပ်သားစစ်တမ်းမှာ ကလေးကို အသက် ငါးနှစ် ကနေ ၁၇ နှစ်အထိ အပိုင်းအခြားရှိသူတွေလို့ သတ်မှတ်ပြီး လေ့လာခဲ့ပါတယ်၊     ကလေးလုပ်သားသတ်မှတ်ချက်မှာ အသက် ငါးနှစ်က ၁၇ နှစ်တွင်း အန္တရာယ်ရှိအလုပ်မှာ တစ် ပတ်ကို အနည်းဆုံး တစ်နာရီအတွက် လုပ်ခသို့မဟုတ် အကျိုး အမြတ်ရဖို့ အလုပ်စေခိုင်းခံရတဲ့ကလေးတွေ၊ အသက် ငါးနှစ် က ၁၁  နှစ်အတွင်း  တစ်ပတ်အနည်းဆုံး  တစ်နာရီ လုပ်ခ သို့မဟုတ်  အကျိုးအမြတ်ရဖို့  ခိုင်းစေခံရတဲ့ ကလေးတွေ၊ အသက် ၁၂ နှစ်ကနေ ၁၄ နှစ်အတွင်း လုပ်ခ သို့မဟုတ် အကျိုးအမြတ်ရဖို့ တစ်ပတ်ကို ၂၄ နာရီထက်ပိုပြီး နေ့ဆိုင်း၊ ညဆိုင်းခိုင်းစေခံရတဲ့ကလေးတွေ၊ အသက် ၁၅ နှစ်ကနေ ၁၇ နှစ်အတွင်း လုပ်ခသို့မဟုတ် အကျိုးအမြတ်ရဖို့အတွက် တစ် ပတ်ကို ၄၄ နာရီထက်ပိုပြီး အလုပ်လုပ်ခိုင်းစေခြင်းခံရတဲ့ ကလေးတွေကို ကလေးလုပ်သားလို့ သတ်မှတ်ပါတယ်၊ ကျန် တဲ့ အလုပ်လုပ်နေတဲ့  ကလေးတွေကိုတော့  ကလေးလုပ်သား အဖြစ် မရေတွက်ဘဲ အလုပ်လုပ်နေတဲ့ ကလေးတွေအဖြစ် သတ်မှတ်ထားပါတယ်''ဟု အလုပ်သမားညွှန်ကြားရေးဦးစီး ဌာန  လုပ်သားအင်အားကောက်ယူပြုစုရေးဌာနခွဲမှ  ညွှန် ကြားရေးမှူး ဒေါ်စန္ဒာအေးက ကလေးလုပ်သားအဖြစ် သတ် မှတ်ချက်ကို ရှင်းပြသည်။
အလုပ်လုပ်ကိုင်နိုင်သည့် အပိုင်းအခြားကို နိုင်ငံအလိုက် မိမိတို့နိုင်ငံ၏  စီးပွားရေး၊ လူမှုရေးစသည့် အခြေခံလိုအပ် ချက်များအပေါ် မူတည်ကာ သတ်မှတ်ထားတတ်ကြသည်။ အိုင်အယ်လ်အိုမှ အငယ်ဆုံးဖြစ်ရမည့်  လုပ်သား၏ အသက် အရွယ်ကို ၁၃ နှစ်ဟု သတ်မှတ်ထားသည်။ ၂ဝ၁၅ခုနှစ် မြန်မာ နိုင်ငံ လုပ်သားအင်အား၊ ကလေးလုပ်သားနှင့် ကျောင်းအပြီး လုပ်ငန်းခွင်ဝင်ရောက်မှု   အကူးအပြောင်း  ဆန်းစစ်ခြင်း စစ်တမ်းတွင် လုပ်သားတစ်ဦးကို အသက် ၁၅ နှစ် အထက် ဟူ၍ သတ်မှတ်ထားသည်ကို တွေ့ရသည်။ မြန်မာနိုင်ငံတွင် ကလေးဦးရေဟု သတ်မှတ်ထားသည့် အသက် ငါးနှစ်မှ ၁၇ နှစ်ကြား လူဦးရေမှာ ၁၂ သန်းခန့်ရှိပြီး အလုပ်လုပ်နိုင်သည့် ကလေးတိုင်းသည်  ကလေးလုပ်သားများမဟုတ်ကြောင်း၊  ကလေးလုပ်သားဦးရေသည် ကလေးစုစုပေါင်း၏ ကိုးရာခိုင် နှုန်းရှိကြောင်း၊ ယင်းတို့ထဲမှ ၅၄ ဒသမ ၈ရာခိုင်နှုန်းသည် အန္တရာယ်ရှိသည့်  လုပ်ငန်းခွင်များတွင်  လုပ်ကိုင်နေကြပြီး ကလေးလုပ်သား  အသက်အုပ်စု ၁၅ နှစ်မှ ၁၇ ကြားမှာမူ သစ်တောများနှင့် လယ်ယာလုပ်ငန်း ကဏ္ဍများတွင် အများ ဆုံးလုပ်ကိုင်နေကြောင်း၂ဝ၁၅ ခုနှစ် မြန်မာနိုင်ငံ လုပ်သား အင်အား၊ ကလေးလုပ်သားနှင့် ကျောင်းအပြီး လုပ်ငန်းခွင် ဝင်ရောက်မှု အကူးအပြောင်း ဆန်းစစ်ခြင်း အစီရင်ခံစာတွင် ဖော်ပြထားသည်။
ကလေးများအတွက်  အန္တရာယ်ရှိသော  အလုပ်များကို ဆုံးဖြတ်သတ်မှတ်ရာတွင် ကလေးများ၏ ရုပ်နှင့် စိတ်ပိုင်း ဆိုင်ရာ အကာအကွယ်ကင်းမဲ့စေသည့် သို့မဟုတ် လိင်ပိုင်း ဆိုင်ရာ အလွဲသုံးဖြစ်စေသည့် အလုပ်အကိုင်၊ မြေအောက်၊ ရေအောက်နှင့် အန္တရာယ်ရှိသည့် မြင့်မားသောနေရာများ၊ ပိတ်လှောင်နေသည့် နေရာများကို စေခိုင်းခြင်း၊ အန္တရာယ် ရှိသည့် စက်ယန္တရား၊ ကိရိယာတန်ဆာများ သို့မဟုတ် လူ အားဖြင့်  လေးလံသည့်  ဝန်စည်များ  တင်ဆောင်ခိုင်းခြင်း၊ ကျန်းမာရေးနှင့် မညီညွတ်သည့် လုပ်ငန်းခွင်များ၊ ဥပမာ မြင့်မားသော အပူချိန်နှင့် ဆူညံသံများ သို့မဟုတ် ဘေးသင့် နိုင်သည့် လုပ်ငန်းအဆင့်ဆင့်၊ အချိန်ကြာမြင့်စွာ အလုပ်လုပ် ကိုင်ရခြင်း သို့မဟုတ် ညဥ့်ကာလများတွင် လုပ်ကိုင်ရခြင်းတို့ မှာ ကလေးလုပ်သားများအတွက် မဖြစ်သင့်သည့် အလုပ် အကိုင်များ ဖြစ်သောကြောင့် ခွင့်ပြုရန်မသင့်ကြောင်းသိရပြီး ယင်းသို့ စေခိုင်းနေသည်ကို မြင်တွေ့ရပါကလည်း သက်ဆိုင် ရာသို့ တိုင်ကြားသင့်ပါသည်။
ကလေးလုပ်သားစစ်တမ်းများအရ    ကလေးလုပ်သား တစ်ဦး၏ ပျမ်းမျှအလုပ်ချိန်မှာ တစ်ပတ်လျှင် ၅၄ ဒသမ ၂၂ နာရီဖြစ်ပြီး တစ်ရက်လျှင် ၉ နာရီနှင့်အထက် လုပ်ကိုင်နေကြ ရသည်ကို တွေ့ရှိရသည်။  ထို့အပြင် အ္တရာယ်ရှိသော အလုပ် တွင် လုပ်ကိုင်နေသော ကလေးစုစုပေါင်းသည် ၆၁၆၈၁၅ ဦးရှိ နေပြီး ¤င်းတို့မှာ တစ်ပတ်လျှင် ပျမ်းမျှအလုပ်ချိန် ၅၁ ဒသမ ၉ နာရီလုပ်ကိုင်နေကြရကြောင်း သိရသည်။ မြန်မာနိုင်ငံတွင် အိမ်ထောင်စု ၁၁ သန်းရှိသည့်အနက်  ၆ဝ  ရာခိုင်နှုန်းသည်  ကလေးရှိကြပြီး ယင်းတို့အနက် ခြောက်ပုံတစ်ပုံတွင် အနည်း ဆုံး အလုပ်လုပ်နေသည့် ကလေးလုပ်သားတစ်ဦးရှိသည်ဟု သိရှိရသည်။
ကလေးအလုပ်သမားပပျောက်ရေး
မြန်မာနိုင်ငံသည်  ကလေးအလုပ်သမား  ပပျောက်ရေး အတွက် ILO Convention-182 ကို လက်ခံ ကျင့်သုံးပြီး အချိန်ကာလတိုအတွင်း  ကလေးအလုပ်သမား  ပပျောက် ရေးကို အားသွန်ဆောင်ရွက်နေမှုများ၊ နိုင်ငံတော်အဆင့် လုပ်ငန်းစီမံချက်  ရေးဆွဲပြီး  ပြည်ထောင်စုအစိုးရအဖွဲ့သို့ တင်ပြနိုင်ရေး ဆောင်ရွက်နေမှု၊ အလုပ်လုပ်နိုင်သည့် ကလေး များ၏   အနိမ့်ဆုံးအသက်ကို  ပြင်ဆင်သတ်မှတ်နိုင်ခဲ့မှုနှင့် ကလေးများအတွက် ဘေးအန္တရာယ်ရှိသော အလုပ်စာရင်း ပြုစုနေမှု အခြေအနေများနှင့် မြန်မာနိုင်ငံ ကလေးအလုပ် သမားပပျောက်ရေးဆိုင်ရာ   အမျိုးသားကော်မတီကိုလည်း ဖွဲ့စည်းနိုင်ရန် ကြိုးပမ်းလျက်ရှိသည်။
ထို့ပြင် ပြည်တွင်းဆောင်ရွက်လျက်ရှိသည့် ကလေးအလုပ် သမားပပျောက်ရေး လုပ်ငန်းစဉ်များ၊ အဓမ္မစေခိုင်းမှုတိုက် ဖျက်ရေးဆိုင်ရာ လုပ်ငန်းစဉ်များ၏ တိုးတက်မှု ဖြစ်စဉ်များကို လည်း နိုင်ငံတကာနှင့်  အိုင်အယ်လ်အိုမှ  တာဝန်ရှိသူများ၊ အလုပ်သမားအရေး  ညီလာခံများနှင့်  နိုင်ငံတကာအလုပ် သမားကိုယ်စားလှယ်များထံသို့လည်း မကြာခဏ ရှင်းလင်း ပြောကြားနိုင်ခဲ့ပြီး ရေရှည်ဖွံ့ဖြိုးတိုးတက်မှု ပန်းတိုင်ဖြစ်သည့် ကလေးအလုပ်သမား ပပျောက်ရေးဟူသည့် ရည်မှန်းချက်ကို လည်း ပူးပေါင်းအကောင်အထည်ဖော်နိုင်မည်ဟု ယုံကြည် ကြောင်း ဦးမျိုးအောင်က ပြောကြားသည်။
အာဂျင်တီးနားနိုင်ငံ Buenos Aires  မြို့တွင် ၂ဝ၁၇ နိုဝင်ဘာလ ၁၄ ရက်မှ ၁၆ ရက်အထိ ကျင်းပပြုလုပ်ခဲ့သည့် ကလေးအလုပ်သမား ရေရှည်ပပျောက်ရေးဆိုင်ရာ စတုတ္ထ အကြိမ်မြောက်  က္ဘာလုံးဆိုင်ရာညီလာခံသို့  နိုင်ငံတော် သမ္မတရုံးမှ သဘောတူခွင့်ပြုချက်အရ အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စု ဝန်ကြီး ဦးသိန်းဆွေ ဦးဆောင်သောမြန်မာကိုယ်စားလှယ်အဖွဲ့  တက်ရောက်ခဲ့ခြင်းဖြင့်လည်း မြန်မာနိုင်ငံသည် အခြားနိုင်ငံ များနှင့်အတူ ကလေးအလုပ်သမားများ ပပျောက်ရေးဆိုင်ရာ သဘောထားများကို ဆွေးနွေးခွင့်၊ ညှိနှိုင်းခွင့်နှင့် အခြားနိုင်ငံ များ၏  အတွေ့အကြုံများကို  သိမြင်ခွင့်ရရှိခဲ့သည်။ ''က္ဘာ တစ်ဝန်းလုံးက  နိုင်ငံတွေရဲ့  ကလေးအလုပ်သမားပပျောက် ရေးဆိုင်ရာမူဝါဒတွေ၊ ကောင်းမွန်တဲ့ အလေ့အထတွေနဲ့ ကြား ဝင်ဆောင်ရွက်တဲ့ပုံစံတွေ၊ မူဝါဒချမှတ်တာတွေ၊ နည်းပညာ ရပ်ဆိုင်ရာအကြောင်းတွေ ဆွေးနွေးတာကနေ သင်ခန်းစာ တွေနဲ့ အတွေ့အကြုံကောင်းတွေ အပြန်အလှန်မျှဝေနိုင်ခဲ့ပါ တယ်။ မြန်မာနိုင်ငံအနေနဲ့ အိုင်အယ်လ်အိုနဲ့ ပူးပေါင်းဆောင် ရွက်နေတဲ့ ကလေးအလုပ်သမားပပျောက်ရေး ဆောင်ရွက်မှု တွေကို အများကြီးအထောက်အကူဖြစ်ခဲ့တဲ့အတွက် ရှေ့ ဆက်ပြီး ကလေးအလုပ်သမားအရေးကိစ္စများတွင် များစွာ အကူအညီကောင်းတွေရရှိထားခဲ့ပါတယ်''ဟု ဦးမျိုးအောင် က နိုင်ငံတကာနှင့် ပူးပေါင်းဆောင်ရွက်မှုများနှင့် စပ်လျဉ်း၍ ပြောကြားသည်။
မြန်မာနိုင်ငံတွင် အသက် ၅နှစ်မှ ၁၇ နှစ်အထိ အလုပ်လုပ် ကိုင်လျက်ရှိသော ကလေးများ၏ ပျံ့နှံ့မှု အနေအထားကို လေ့လာကြည့်ရာ အလုပ်လုပ်ကိုင်နေသည့် ကလေးအရေ အတွက်မှာ ၁၂၇၈၉ဝ၉ ဦးရှိနေပြီး ကလေးလုပ်သားအဖြစ် လုပ်ကိုင်သူ ၁၁၂၅၆၆၁ ဦးနှင့်  ကလေးလုပ်သားမဟုတ်ဘဲ အလုပ်လုပ်ကိုင်နေသူမှာ ၁၅၃၃၄၈ ဦးရှိကြောင်း၊ ကလေး လုပ်သားများအနက်  အန္တရာယ်ရှိသည့်  လုပ်ငန်းခွင်တွင် လုပ်ကိုင်သူ ၆၁၆၈၁၅ ဦးနှင့် အခြားသော ကလေးလုပ်သား ၅ဝ၈၈၄၆  ဦးတို့ရှိကြောင်း  ကလေးလုပ်သားစစ်တမ်းက ဖော်ပြထားရာ ကလေးသူငယ်များ အချိန်မတိုင်မီ စာသင် ကျောင်းနှင့် ဝေးကွာမှု မရှိစေရေး၊ အန္တရာယ်ရှိသည့် လုပ်ငန်း များတွင် ဝင်ရောက်လုပ်ကိုင်ရခြင်းနှင့် အခြားသော အလုပ် အကိုင်ဆိုင်ရာ စိန်ခေါ်မှုများမှ ကင်းဝေးရေး၊ ကျောင်းပြင်ပ ကလေးများအတွက် ဝါသနာအရင်းခံကာ ဒေသနှင့် ကိုက်ညီ မည့် သက်မွေးပညာများ သင်ကြားပေးနိုင်ရေး၊ နိုင်ငံတကာ အဆင့်မီ သက်မွေးပညာများအတွက် အရည်အသွေး ကိုက် ညီမှုများရရှိသည့်  (Skills Labour) အဖြစ် မွေးထုတ်ပေးနိုင် ရေးအထိ ဝိုင်းဝန်းစဉ်းစား  အဖြေရှာကြရန် လိုအပ်လျက်ရှိ သည်။ ထို့အပြင်  အလုပ်ရှင်များနှင့်  မိဘအုပ်ထိန်းသူများ အနေဖြင့်လည်း မိမိတို့ သားသမီးများနှင့် ကလေးလုပ်သား များအပေါ် ပိုမိုနားလည် သဘောပေါက်ကာ ကလေးသူငယ် အခွင့်အရေးများ အပြည့်အဝ ရရှိစေနိုင်ရေး ကူညီပေးရန် လိုအပ်နေပြီး  အစိုးရနှင့်အတူ  ကလေးအလုပ်သမားများ ပပျောက်ရေးအတွက်   ဝိုင်းဝန်းအဖြေရှာသင့်ပါကြောင်း တင် ပြလိုက်ရပါသည်။         ။

ခင်ရတနာ(မြန်​မာ့အလင်း)