Latest News

Thursday, June 14, 2018

သီးစုံ ချောကလက် ထိပ်သီး ဆွေးနွေးပွဲ

သီးစုံ ချောကလက် ထိပ်သီး ဆွေးနွေးပွဲ

ထရန့် နှင့် ကင် ဂျုံအန်း တို့၏ ထိပ်သီး ဆွေးနွေးပွဲက ပြီးဆုံးသွားခဲ့ပြီ ဖြစ်သည်။ ဒေါ်နယ် ထရန့်ကတော့ အလွန်ကို အဆင်ပြေ ချောမွေ့ပြီး အပြုသဘော ဆောင်သည်ဟု ပြောဆိုသွားခဲ့ပေသည်။ သို့သော် ဒေါ်နယ်ထရန့် အကြောင်းကို ကောင်းစွာ သိနားလည်ထားကြသော  နိူင်ငံတကာမှ လေ့လာသုံးသပ်သူများကမူ အဆိုပါ စကားများသည် အမှန်တရားများ နှင့် လိုက်ဖက် ဆီလျော်ခြင်း မရှိလှဟု ပြောဆိုခဲ့ကြပေသည်။ မကြာသေးမီကမှ ကောင်းမိကောင်းရက်နှင့် လက်မှတ်ထိုးလာခဲ့သော G 7 ပူးတွဲကြေငြာ စာတမ်းကို ကနေဒါ လေကြောင်းပိုင်နက်မှ မထွက်ခွာမီ လေယာဉ်ပေါ်တွင် ပင် ၎င်းမှ ဆုတ်ဖြဲခဲ့ပြီး ဖြစ်သည်ကို သိထားကြ၍လည်း ဖြစ်သည်။

၎င်းတို့၏ စကားများ ကို ဘေးဖယ်ပြီး တကယ်တမ်း အကောင်အထည် နှင့် ထွက်ပေါ်လာသည်ကို ပြပါဆိုက  နေ့လည်စာ အတွက် ပြင်ဆင်ထားသော သီးစုံ ချောကလက် ကိတ်မုန့်ကြီးသာ ပင် ဖြစ်သည်ဟု ဆိုရမည်လည်း ဖြစ်သည်။

“ကိုရီယား ကျွန်းဆွယ်တွင် တည်တံ့ခိုင်မြဲသော ငြိမ်းချမ်းရေး တည်ဆောက်ရန်” ဟု ၎င်းတို့ နှစ်ဦး က လက်မှတ်ရေးထိုး ထုတ်ပြန်ခဲ့ကြသည်။ ထရန့် က မြောက်ကိုရီယား လုံခြုံရေး ကို အပြည့်အ၀ အာမခံချက်ပေးခဲ့ပြီး ကင် ကလည်း မယိမ်းမယိုင် ခိုင်မြဲသော စိတ်ဓါတ်ဖြင့် ညူလက်နက် ဖျက်သိမ်းရေး ကို ဆောင်ရွက်သွားမည်ဟု ကတိက၀တ် ပြုခဲ့ပေသည်။ ထို့အပြင် အဆိုပါ ကြေငြာချက်ကို အကောင်အထည်ဖေါ်ရန် အစိုးရ အချင်းချင်း အဆင့်အသီးသီးတွင် မြန်နိူင်သှမျှ အမြန်ဆုံး ဆွေးနွေးပွဲများ ဆက်လက်ကျင်းပသွားမည်ဟုလည်း ပြောဆိုခဲ့ကြသည်။

သို့သော် အဆိုပါ ကြေငြာချက်သည် ဧပြီလ ၂၇ ရက်နေ့က ကင် ဂျုံအန်း နှင့် တောင်ကိုရီယား သမ္မတ မွန် ဂျေးအင် တို့ လက်မှတ်ထိုး ထုတ်ပြန်ခဲ့သော ကြေငြာချက်နှင့် နှိုင်းယှဉ်ပါက ပြတ်ပြတ်သားသား မရှိ ဝေ့လည်ကြောင့်ပါတ် သာ ဖြစ်သည်ဟု ပြောဆိုနိူင်ပေသည်။ အဘယ်ကြောင့်ဆိုသော အဆိုပါ ပြောဆိုချက်များ အား ရှေ့လျောက်မည်သို့ အကောင်အထည် ဖေါ်သွားမည်ကို မူကား တခုတလေမျှပင် ရည်ညွှန်းခဲ့ခြင်း မရှိသောကြောင့်ပင် ဖြစ်သည်။

သို့သော် အမေရိကန် နိူင်ငံခြားရေး ၀န်ကြီး မိုက် ပွန်ပရို သည် ရှေ့အပါတ်ထဲတွင် မြောက်ကိုရီယား အရာရှိများ နှင့် တွေ့ဆုံပြီး လုပ်ငန်းများ လည်ပါတ်ရန် စတင်ဆွေးနွေးသွားမည်ဟူ၍တော့ ထရန်က ပြောဆိုခဲ့ပေသည်။ သို့သော် ကြေငြာချက် တခုတည်းကိုသာ ကြည့်၍ သုံးသပ်ရမည်ဆိုက သူတို့ထဲမှ တဦးဦးက စိတ်ဝင်စားမှု လျော့နည်းသွားသည်နှင့်အမျှ ငြိမ်းချမ်းရေး လုပ်ငန်းများ အလွယ်တကူ ပင် ကချွတ်ကချော ဖြစ်သွားနိူင်သည့် ကြေငြာချက်မျိုးသာ ဖြစ်သည်။ မြောက်ကိုရီယား နှင့် ပါတ်သက်၍ ဆွေးနွေးမှုများ မကြာခဏ ပြိုလဲသွားရသည်မှာလည်း အတိတ်က သက်သေခံလျက် ရှိနေသည်။ သို့အတွက် အတိုချုပ် ပြောရလျင် ထိုကဲ့သို့ ထပ်မဖြစ်ရန် အဆိုပါ ကြေငြာချက်တွင် တစွန်းတစမျှပင် အာမခံချက် မတွေ့ခဲ့ရပေ။

ကင် ဂျုံအန်း အဖို့ကလည်း အဆိုပါ ထိပ်သီး ဆွေးနွေးပွဲ ဖြစ်မြောက်ခဲ့ရသည့်အတွက် အထူးပင် ရွှင်မြူး အားတက်ခဲ့သည်ကတော့ အမှန်ပင် ဖြစ်သည်။ ထိုကဲ့သို့ သော အနေအထားမျိုးကို သူ၏ အဖိုး ကစ၍ အဖေဖြစ်သူ အထိ လွန်စွာ မျှော်လင့်တောင့်တ ခဲ့ကြရသည်။  အာရှရှိ ဆင်းရဲသော နိူင်ငံလေး မှ ခေါင်းဆောင်တဦးအား Air Force One လေယာဉ်ကြီး ဖြင့် ကမ္ဘာ အင်အားအကြီးဆုံး နိူင်ငံမှ လွန်စွာ မောက်မာသည်ဟု သတင်းကြီးနေသော သမ္မတကပင် တကူးတက လာရောက် တွေ့ဆုံခဲ့ရသည့်အထိ ကင် က ဖန်တီးနိူင်ခဲ့ပေသည်။ ထိုမျှသာ မကသေး အမေရိကန် အလံ နှင့် ပင် အတူယှဉ်တွဲ၍ မြောက်ကိုရီယား အလံကို ကမ္ဘာမြင်ကွင်းတွင် အတူ ချိတ်ဆွဲပြသနိူင်ခဲ့ပေသည်။ ထိုသို့သော အခြင်းအရာ များကို ဂုဏ်ယူ ၀င့်မကြွားပဲ အဘယ်သူ နေနိူင်အံ့ပေမည်နည်း။ ရုပ်မြင်သံကြားမှ ကြည့်နေသူများကလည်း ထရန့် နှင့် ကင် တို့နှစ်ယောက် လက်ဆွဲ နှုတ်ဆက်ပြီး စင်္ကြန်လမ်း အတိုင်း အတူ တွဲလျောက်လာသည်ကို မျက်ဝါးထင်ထင် မြင်လာရသည့်အခါ စ်ိတ်ကူးယဉ် သိပ္ပံ ဇာတ်လမ်းများ ကြည့်နေရသည့်အလား ယုံရနိူးနိူး နှင့် ဇဝေဇ၀ါ ခံစားချက်များပင် ဖြစ်ပေါ်လာခဲ့ရသည့် အထိပင်။

ကင် အဖို့ကတော့ သူ၏ အုပ်ချုပ်ရေး ကို ကမ္ဘာက အသိအမှတ်ပြုလိုက်ပြီဟု သေချာပေါက် ခံယူသွားခဲ့မည်မှာလည်း မလွဲဧကန်ပင် ဖြစ်ပေတော့သည်။ ထိပ်သီး ဆွေးနွေးပွဲ မတိုင်မီ ည က ကင် ၏ စင်္ကာပူ မြို့တွင်း လှည့်လည် သွားလာနေပုံများကို မြောက်ကိုရီယား သတင်းစာ ဖြစ်သော ရိုဒေါင်း ဆင်မန်း (Rodong Sinmum) က အချပ်ပိုကြီး ထည့်သွင်း၍ တခမ်းတနား ပုံနှိပ်ဖေါ်ပြခဲ့ကြသည်။ Marina Bay Sand ဟိုတယ်ကြီး၏ အပြင်ဖက် ရှော့ပင်း မောကြီး အ၀င်ဝ တွင် မြောက်ကိုရီယား အာဏာရှင်လေး အား ဖြတ်ကနဲ မြင်ရနိူးဖြင့် လာရောက် စုပြုံနေကြသော စင်္ကာပူ နိူင်ငံသား များက တိုးမပေါက်အောင်ပင် ဖြစ်နေကြသည်။

၂၀၁၁ တွင် ဖခင် ဖြစ်သူ၏ အရိုက်အရာကို ဆက်ခံခဲ့ချိန်မှစ၍ ကင် အဖို့ တတိယမြောက် ပြည်ပ ခရီးစဉ် ဖြစ်ပြီး ပထမ နှစ်ကြိမ်က ယခုနှစ် မတ်လ နှင့် မေလ အတွင်းက တရုတ်ပြည်သို့ သွားရောက်ခဲ့ခြင်းပင် ဖြစ်သည်။ သို့သော်လည်း ကင် ၏ ပုံစံသည် လုံးဝ အပြစ်ပြောစရာ မရှိအောင် သက်တောင့်သက်သာ နှင့် တည်တည်ငြိမ်ငြိမ် ရှိလှပုံကို ကမ္ဘာတ၀ှမ်းက မျက်ဝါးထင်ထင် တွေ့မြင်ခဲ့ကြရသည်။ မျက်နှာက တပြုံးပြုံး နှင့် စင်္ကာပူ၏ မီးရောင်တလက်လက် တောက်ပနေသော ည ရှု့ခင်းများ နောက်ခံနှင့် ဆယ်လ်ဖီ ပင် ဆွဲလိုက်သေးသည်။ (စင်္ကာပူ အစိုးရကလည်း မြို့တော်နေ လူများကို မီးများ ဖွင့်ထားကြရန် ပြောထားခဲ့သည်ဟုလည်း သိရသည်)၊ မြောက်ကိုရီယား သတင်းစာ ဆောင်းပါးတွင် စင်္ကာပူ၏ အတွေ့အကြုံ ဗဟုသုတ များ ကို နိူင်ငံ ဖွံ့ဖြိုးရေး အတွက် ဥက္ကဌကြီးမှ သယ်ဆောင်လာပေဦးမည်ဟု လည်း ရေးသားခဲ့ကြသည်။

တောင်ကိုရီယား သမ္မတ မွန် ဂျေအင်းက မျှော်လင့်ကောင်း မျှော်လင့်နေပုံရှိသည့် စင်္ကာပူသို့ လာရောက်နိူင်ရေး ဖြစ်မလာခဲ့ရသော်လည်း သူ၏ နောက်ကွယ်မှ ကြိုးပမ်းမှုကြောင့် အခုလို သူတို့နှစ်ဦး တွေ့ဆုံခွင့် ရခဲ့သည်ကို ကြည်နူးနေမည်သာ ဖြစ်ပေသည်။ သမ္မတ ရုံးမှ ကင် နှင့် ထရန့် နှစ်ယောက်သား လက်ချင်းဆွဲ နှုတ်ဆက်နေကြပုံကို တီဗီ မှ ၎င်း ကြည့်နေသည့် ဓါတ်ပုံ ကို သတင်း ထုတ်ပြန်ခဲ့သည်။ သူတင်မက တရုတ်ပြည်ကလည်း အလားတူ ကျေနပ်နေမည်သာ ဖြစ်သည်။ တရုတ်တို့ အဖို့က မိမိတို့ ရရှိထားပြီးသော ဒေသတွင်း သြဇာ ညောင်းနေမှုကို အတိမ်းအစောင်း မရှိစေရပဲ စစ်ဖြစ်နိူင်မည့် အခွင့်အလမ်းများ ကို လျော့ချနိူင်ခဲ့ပြီ မဟုတ်ပါလား။

သို့သော အမေရိကား ၏ ရေရှည် အကျိုးစီးပွား အတွက်မူကား ယခု ထိပ်သီးတွေ့ဆုံပွဲသည် အခွင့်အလန်းများ လက်လွှတ်ခဲ့ရသည့် ပွဲဟု ဆိုရမည် ဖြစ်သည်။ မြောက်ကိုရီယား အဖို့ကား ၎င်းတို့ အလွန်အမင်း တောင့်တနေသော အရာ ပြည့်မြောက်သွားခဲ့ရသော်လည်း ထရန့်အဖို့ကား မဆိုသလောက်သာ အကျိုး ဖြစ်ထွန်းခဲ့ရပေသည်။ လက်မှတ်ရေးထိုးအပြီး ပြုလုပ်သည့် သတင်းစာ ရှင်းလင်းပွဲတွင် တောင်ကိုရီယား နှင့် ပြုလုပ်ရန် ရှိသော စစ်ရေး လေ့ကျင့်မှု အားလုံး ရပ်ဆိုင်းပြစ်မည်ဟု ကြေငြာသွားခဲ့သည်။ ဤသည်ကလည်း ကင် အဖို့ နောက်ထပ် သူ အလိုချင်ဆုံး အရာတခု ရရှိသွားခဲ့ခြင်းလည်း ဖြစ်သည်။ သို့သော် ထိုအချက်က ထရန့် သာ မသိသော်လည်း အမေရိကန်တို့ ဖက်မှ ပြောမပြနိူင်လောက်အောင် ကြီးမားသော လိုက်လျောမှုကြီး ပင် ဖြစ်သည်ဟု လေ့လာသူများ က တညီတညွတ်တည်း သုံးသပ်ခဲ့ကြသည်။ ဂူအမ် ကျွန်းရှိ အမေရိကန် စစ်စခန်းများဆီမှ ဗုံးကြဲတိုက်လေယာဉ် များစွာကို တောင်ကိုရီယား ရောက်အောင် ပျံသန်းရသည့် စရိတ်က အလွန်ပင် ကြီးမြင့်လှ၍ ထရန့်ပြောသလို အမေရိကန် တို့ အတွက် ငွေကုန်ကြေးကျ သက်သာ သွားခဲ့ရသည်မှာ မှန်ပေသည်။ တချိန်ချိန် တွင် ကိုရီယား ကျွန်းဆွယ်ရှိ သူ့တပ်များကို အိမ်သို့ ပြန်ခေါ်မည်ဟုလည်း ပြောကြားခဲ့ပြန်သည်။ ဤမျှသာ မကသေး  မြောက်ကိုရီယား သုံးနေကျ စကားလုံး ကိုပင် ငှားရမ်းသုံးစွဲပြီး  စစ်ရေး လေ့ကျင်မှုများသည် တမင်တကာ ရန်စသည့် လုပ်ရပ်ဖြစ်၍ ယခုလို သံတမန် ဆွေးနွေးပွဲများ စတင်လာတော့မည့် အချိန်မျိုး တွင် မဖြစ်သင့်တော့ ဟု ဆိုသည်။

အတိုချုပ်ဆိုရက ပြီးခဲ့သည့် ရက်သတ္တပါတ်များ အထိ ကင် ဂျုံအန်းပေါ် ကိုင်တွယ်ထားနိူင်ခဲ့သော အမေရိကန်၏  သြဇာ အရှိန်အ၀ါကား ယခုအခါ လျော့ပါး ကျဆင်းသွားခဲ့ရပြီ ဖြစ်သည်။

လှစိုး​ဝေ


ဇွန်လ ၁၂ ရက်နေ့ထုတ် The Economist တွင် ဖေါ်ပြခဲ့သော Zero Summit Gain ကို ကိုးကား တင်ပြသည်။

No comments:

Post a Comment

Blog Archive

Recent Post