Latest News

Wednesday, June 6, 2018

ရန်ကုန်ကျောင်းကားများနှင့်သူတို့ဝန်းကျင်က အသံများ

ရန်ကုန်ကျောင်းကားများနှင့်သူတို့ဝန်းကျင်က အသံများ


ဇူလိုင်  ၁ ရက်သည် တစ်နိုင်ငံလုံးရှိ အခြေခံပညာကျောင်းများ ဖွင့်ပြီဖြစ်သည်။ ၂ဝ၁၈-၂ဝ၁၉ ပညာသင်နှစ်၏ အဦးအစ နိဒါန်းပထမရက်ဖြစ်သည်။
ကျောင်းသားမိဘအားလုံးသည် မိမိသားသမီးများအပေါ် မှာ   များစွာမျှော်မှန်းထားကြသည်။ ရည်ရွယ်ချက်ကြီးမားကြ သည်။ မိမိတို့၏ တတ်နိုင်သောငွေကြေးဓနစွမ်းအားပေါ်မူတည်  ၍ မူလတန်းမှစပြီး  ကျောင်းကောင်းကောင်းကို ရွေးချယ်အပ်နှံ ထားကြသည်။
ရန်ကုန်မြို့တွင် ကမာရွတ်  TTC၊ ရန်ကင်း  TTC၊ ဒဂုံ အထက(၁)၊ အလက(၁)၊ စမ်းချောင်းအထက(၂)ကဲ့သို့သော နာမည်ကြီးကျောင်းကြီးများတွင် အပ်နှံကြသည်။ ယခုအခါ   မြို့နယ်အလိုက် သတ်မှတ်အပ်နှံရန် စီစဉ်မှုများရှိနေသော်လည်း မရရအောင်   အိမ်ထောင်စုပြောင်းပုံစံဖြင့်   လည်းကောင်း၊ ထောက်ခံစာအမျိုးမျိုးဖြင့်လည်းကောင်း    ကျောင်းကောင်း အပ်နှံရေးအတွက် ကြိုးပမ်းခဲ့ကြသည်။
အိမ်နှင့်ကျောင်းဝေးပြီဆိုကတည်းက ကျောင်းပို့၊ ကျောင်း ကြိုကိစ္စသည်     အဓိကတာဝန်ကြီးတစ်ရပ် ဖြစ်လာခဲ့သည်။ ကလေးတစ်ယောက်အတွက် အချိန်များစွာ စတင်ရင်းနှီးမြှုပ်နှံ ကြရသည်။ ကိုယ်ပိုင်ကားရှိသော်လည်း အချို့အချိန်မပေးနိုင် ကြသူများက ကျောင်းပို့၊   ကျောင်းကြို (ကျောင်းကား)ဖြင့် တည့်ပေးလိုက်ကြရသည်။
ကိုယ်ပိုင်ကားမရှိသူများက    ကျောင်းကားများကိုသာ အားကိုးကြရသည်။ ဤသည်မှစ၍  ရန်ကုန်မြို့တွင် ကျောင်းပို့၊ ကျောင်းကြိုယာဉ်(ကျောင်းကား)များ ပေါ်ပေါက်လာရခြင်း ဖြစ်သည်ဟု ဆိုရမည်သာဖြစ်သည်။
ကျောင်းပို့၊ ကျောင်းကြိုယာဉ်များ၏  လုပ်ငန်းအကျယ် အဝန်းသည် ကနဦးက ဆိုသကဲ့သို့ ကျောင်းကြီးများတွင်သာမက ကြည့်မြင်တိုင်၊ အလုံ၊ စမ်းချောင်းစသော  ကျောင်းများနှင့် အခြားနာမည်ကြီးကျောင်းများတွင်ပါ ကျယ်ပြန့်လာသည်ကို တွေ့ရှိရသည်။
ဤစနစ်ကို ထီးတန်းမှ ကျောင်းကားတည်ထောင်ထားသူ ကိုဖြူလေးက ''ကိုယ်ပိုင်ကျောင်းကားတွေက အိမ်ရှေ့အထိ ကြို၊ ပို့ကြတဲ့အတွက် ကျောင်းသားမိဘတွေ ပိုသဘောကျကြ တယ်၊  ဒါကြောင့် School Ferry လို့ ခေါ်တယ်ဆို ခေါ်လို့ရပါ တယ်''ဟု ရှင်းပြခဲ့သည်။
စမ်းချောင်းမှ ဒေါ်ဖြူဖြူက ''သမီးကKG  တန်းကတည်း က TTC(ကမာရွတ်)မှာ ထားခဲ့တာ   အခု ပဉ္စမတန်းရောက်ပြီ၊ ဒီကျောင်းကားကလည်း တစ်လျှောက်လုံးပဲ   အိမ်ရှေ့အထိ အရောက်ကြိုပို့ဆိုတော့  ပိုအဆင်ပြေတယ်၊ နောက်နှစ်မှပဲ ကျောင်းကားကြီးပြောင်းတော့မယ်''ဟု ဆိုသည်။
ကျောင်းသားလေးများ၏ လုံခြုံရေး၊ ယာဉ်ကြောကျပ်တည်း မှု ဖြေရှင်းနိုင်ရေးအတွက် သမ္မတ ဦးသိန်းစိန် လက်ထက်ကတည်း က စတင်ကာ ကျောင်းကားများ ပြေးဆွဲမှုပုံစံကို ပြောင်းလဲရန် စီစဉ်မှုများရှိခဲ့သည်။ NLDအစိုးရတက်လာပြီးနောက် ¤င်းစီမံ ချက်အောင်မြင်ရန် ရန်ကုန်တိုင်းဒေသကြီးအစိုးရအဖွဲ့အနေ ဖြင့် ပိုမိုအားထည့်ဆောင်ရွက်လာသည်ကို တွေ့ရသည်။
ယင်းအစီအစဉ်ဖြင့် ပြီးခဲ့သော ၂ဝ၁၇-၂ဝ၁၈ ပညာသင်နှစ် တွင် အကောင်အထည်ဖော်ရန် ရန်ကုန်တိုင်းဒေသကြီးအစိုးရ အဖွဲ့က ကြိုးပမ်းခဲ့ကြသည်။ လက်ရှိပြေးဆွဲနေသော ကိုယ်ပိုင် ကျောင်းကားများ နေရာတွင် ၂၈ ယောက်စီး၊ ဘယ်မောင်း အဝါရောင် School Bus ယာဉ်များဖြင့် အစားထိုးရန် စီစဉ် ခဲ့သည်။
သို့အတွက် ရန်ကုန်တိုင်းဒေသကြီးအစိုးရအဖွဲ့အနေဖြင့် ဟွန်ဒိုင်းအမျိုးအစား  ၂ဝ၁၇  ခုနှစ်ထုတ်  အသစ်စက်စက် ကျောင်းကားအစီး ၂ဝဝ ကို ကိုရီးယားနိုင်ငံ Korea  Trade Investment Promotion Agency (KOTRA) Posco Daewoo Corporation မှ ဝယ်ယူရန် ၂ဝ၁၇ ခုနှစ်ကတည်း ကပင် စာချုပ်ချုပ်ဆိုခဲ့သည်ဟု သိရသည်။
သို့သော်ပြောင်းလဲမှုအတွက်     ကိုယ်ပိုင်ကျောင်းကား တောင်းသူများ၏အသံကို နားထောင်၍  ၂ဝ၁၇-၂ဝ၁၈ ပညာ သင်နှစ်ကာလတွင် ဖြေလျှော့မှုများပြုခဲ့ပြီး ယခုနှစ်တွင် မှာယူ ထားပြီးသော အဝါရောင်ကားများအနက်  အစီး  ၁ဝဝ ကို ကမာရွတ် TTCနှင့် ရန်ကင်း  TTC တို့တွင် စတင်ပြေးဆွဲရန် စီစဉ်ခဲ့ခြင်းဖြစ်သည်။
မြို့နယ်အလိုက် ရန်ကုန်မြို့တွင်းကျောင်းကားစီးနင်းခများ ကိုလည်း ထုတ်ပြန်ကြေညာထားခဲ့ပြီးဖြစ်သည်။ အနီးအဝေး ပေါ်မူတည်၍ အနည်းဆုံး ငွေကျပ် ၃၅ဝဝဝ မှ ၄ဝဝဝဝ အထိ ဖြစ်ပြီး အများဆုံး ငွေကျပ် ၇ဝဝဝဝ အထိဖြစ်သည်ကို သိရ သည်။
ကိုယ်ပိုင်ကျောင်းကားမောင်းသူ ကိုဖြူလေးက ''ကိုယ်ပိုင် ကြိုပို့ယာဉ်တွေကို School Ferry  လို့ဆိုရင် သတ်မှတ်နေရာ စုရုံးနေရာက  စောင့်စီးရမယ့်   အဝါရောင်ကျောင်းကားကြီး တွေကိုတော့ School Bus  လို့ ခေါ်ရမှာပေါ့''ဟု  ပြောပြခဲ့သည်။ School Bus များ  စီးနင်းနိုင်ရေးအတွက် အချို့ ကျောင်းသား မိဘများက   သတ်မှတ်ရာနေရာသို့  မိမိကလေးအား အရောက် ပို့ရေး၊ အပြန်စောင့်ကြိုရေးအတွက် အချိန်ပေးနိုင်မှုကို တွက်ဆ နေကြသည်။
ကမာရွတ် TTC  အဋ္ဌမတန်းမှ ကျောင်းသူတစ်ဦး၏ မိဘ ဖြစ်သူ ဒေါ်စန္ဒာလင်းက ''မိဘနှစ်ပါးစလုံးကလည်း ဝန်ထမ်းတွေ ကျန်ခဲ့တဲ့ အမေကပဲ သှူမြေးလေးတွေကို အိမ်ကပဲစောင့်ကြို၊ စောင့်ပို့နဲ့ လုပ်နေရတာဆိုတော့ လောလာဆယ်တော့ အဆင် ပြေနေသေးတယ်လေ''ဟု ဆိုသည်။
ယခုနှစ်တွင်  ယမန်နှစ်ကအထိ    ခွင့်ပြုပေးထားသော နောက်ဖွင့် လိုက်ထရပ်များကိုမူ ယခုနှစ်တွင် လုံးဝပြေးဆွဲပေး ခြင်းမရှိသည်ကို တွေ့ရသည်။
TTC ကမာရွတ်တွင် ကိုယ်ပိုင်ကျောင်းကားပြေးဆွဲနေ သည့် ဦးထိန်က ''ဒီနှစ်တော့ အန်စာတုံးလို၊ စူပါကာစတန်လို အဆင့်မြင့်မှန်လုံကျောင်းကားတွေကိုတော့ ခွင့်ပြုပေးထားပါ သေးတယ်၊ နောင်နှစ်တော့ မသိဘူးပေါ့နော်၊ ကျွန်တော့်အမြင် အဲဒီအဝါရောင်ကျောင်းကားကြီးတွေကို တက္ကသိုလ်၊ ကောလိပ်၊ က စသင့်တယ်၊ အဲဒီမှာ အနေအထားတွေ ကောင်းလာတော့ မှ အခုလို  အခြေခံကျောင်းတွေ ဝင်သင့်တယ်၊ ဒါမှ အတွေ့ အကြုံတွေရမှာပါ''ဟု ဆိုခဲ့သည်။
အထက(၄) အလုံတွင် ကျောင်းဆင်းချိန်ကို စောင့်၍ ဝင်ရောက်လေ့လာမိခဲ့သည်။   ကလေးများကို ပြန်ကြိုမည့် ကျောင်းကားများက ကျောင်းဝင်းအတွင်း စနစ်တကျတန်းစီ ရပ်ထားသည်ကို တွေ့ရသည်။ အမှတ်စဉ်နံပါတ်များကို ကားမှန် ရှေ့တွင် မြင်သာစွာချိတ်ဆွဲထားကြသည်။
ကျောင်းဆင်းပေးမှုမှာလည်း စနစ်တကျရှိ လှသည်။ ဦးစွာ အငယ်ဆုံးအတန်းဖြစ်သည့် KG တန်း၊   ထိုမှ     ပထမတန်း စသည်ဖြင့် အတန်းစဉ် အလိုက်ဆင်းခြင်းဖြစ်သည်။ KG တန်း ကလေး ငယ်များကို တာဝန်ကျ ဆရာမများက ကျောင်းခန်း ရှေ့ မှ စောင့်ကြိုခေါ်ယူပြီး ကျောင်းအပေါက်ဝ    ရှေ့ရှိ စောင့်ကြိုနေသော မိဘအုပ်ထိန်းသူများကို အမည်ခေါ်၍  စနစ်တကျ  အပ်နှံပေးသည်ကို တွေ့ရသည်။
ကျောင်းကားနှင့်ပြန်မည့်ကလေးများကို  ကျောင်းကား မောင်းသူ၊ ယာဉ်နောက်လိုက်တို့က အခန်းရှေ့တွင် ကိုယ်တိုင် စောင့်ကြိုပြီး   ကားရပ် နားရာဆီသို့     ပို့ဆောင်တင်ပေးကြသည်ကို တွေ့ရသည်။  ကျောင်းကားမောင်းသူ   ကိုနိုင် အောင်က ''ကျွန်တော်က ဒီအလုံနဲ့   ကြည့်မြင်တိုင် မြို့နယ်အတွင်းက ကလေးတွေကိုပဲ   အကြို၊ အပို့လုပ်ပါတယ်၊  အနီးအဝေးပေါ်  မူတည်ပြီး တစ်ဦးကို ငွေကျပ် ၂ဝဝဝဝ၊ ၂၅ဝဝဝ ယူပါတယ်''ဟု ဆိုသည်။
အထက(၁) ကြည့်မြင်တိုင်တွင်  ယခင်က လိုက်ထရပ် ကားလေးဖြင့် ကျောင်းကြို၊ ကျောင်းပို့ နှစ်ရှည်စွာ ပြေးဆွဲလာသည့် ဦးထွန်းညွန့်က                 ''ဘယ်တတ်နိုင်မလဲဗျာ၊  ဒီအလုပ်ပဲ  လုပ်တတ် တာဆိုတော့ ဟိုကဆွဲ၊ ဒီကဆွဲနဲ့ ဒီမှန်လုံလေးကို ဖြစ်အောင်ဝယ်ထားရတယ်၊  ကားဟောင်းက လည်း ပြန်ရောင်းမထွက်သေးဘူး၊  နောင်ခါလာ နောင်ခါဈေးပေါ့၊  မီးစင်ကြည့်ကရမှာပဲ''   ဟု ဆိုသည်။
ဦးထွန်းညွန့်နှင့်  စကားပြောစဉ်အတွင်း   မှာပင်   ရန်ကုန်မိုးသည် ကောင်းကင်ထက်၌    မိုးသားတို့က အုံ့ဆိုင်းအုံ့မှိုင်းလာ၍ မိုးလွတ်ရန် အပြေးပြန်ခဲ့ရသည်။   မိုးလွတ်ရန်ပြန်ခဲ့ရာမှ လှမ်းမျှော်ကြည့်မိသည်။   အုံ့ဆိုင်းလာသော မိုးသားတို့က  တဖြည်းဖြည်း  နိမ့်လာပြီဖြစ်၍ ဟိုအဝေးကြီးဆီသို့  မှန်းမျှော်၍  မမြင်နိုင်တော့ ပေ။        ။

မြန်​မာ့အလင်း။တင်ဝင်းလေး(ကြည့်မြင်တိုင်)

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post