Latest News

Tuesday, June 12, 2018

၂ဝ၁၈- ၂ဝ၁၉ ဘဏ္ဍာရေးနှစ် တိုင်းဒေသကြီး ဘတ်ဂျက်နှင့်ပတ်သက်ပြီး စီစဉ်ဆောင်ရွက်ထားရှိမှု အခြေအနေများအပေါ် ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းနှင့် တွေ့ဆုံမေးမြန်းခြင်း

၂ဝ၁၈- ၂ဝ၁၉ ဘဏ္ဍာရေးနှစ် တိုင်းဒေသကြီး ဘတ်ဂျက်နှင့်ပတ်သက်ပြီး စီစဉ်ဆောင်ရွက်ထားရှိမှု အခြေအနေများအပေါ် ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းနှင့် တွေ့ဆုံမေးမြန်းခြင်း

ရန်ကုန် ဇွန် ၁၁

၂ဝ၁၈- ၂ဝ၁၉ ဘဏ္ဍာရေးနှစ် တိုင်းဒေသကြီးဘတ်ဂျက်နှင့် ပတ်သက်ပြီး ရန်ကုန်တိုင်းဒေသကြီး အစိုးရအဖွဲ့အနေဖြင့် စီစဉ် ဆောင်ရွက်ထားရှိမှု အခြေ အနေများအပေါ် ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းနှင့် မြန်မာ့သတင်းစဉ်က တွေ့ဆုံ မေးမြန်းခဲ့မှုများကို ကောက်နုတ်ဖော်ပြပေးလိုက်ပါသည်။

မေး ။ ။ ရန်ကုန်တိုင်းဒေသကြီး၂ဝ၁၈-၂ဝ၁၉ ဘဏ္ဍာရေး
နှစ် ဘတ်ဂျက် ရရှိမှု အခြေအနေနဲ့ သုံးစွဲသွားမယ့် လျာထား ချက်တွေနဲ့ ပတ်သက်ပြီး သိပါရစေခင်ဗျာ။

ဖြေ ။ ။ ရန်ကုန်တိုင်းဒေသကြီးအစိုးရအဖွဲ့ တာဝန်ယူရတဲ့
အချိန်မှာ ၂ဝ၁၆-၂ဝ၁၇ ဘဏ္ဍာရေးနှစ်ကို စတင် ပြီး တာဝန်ယူခဲ့ပါတယ်။ အခုဆိုရင် ၂ဝ၁၈- ၂ဝ၁၉ ဘတ်ဂျက် ဖြစ်ပါတယ်။ ၂ဝ၁၈- ၂ဝ၁၉ ဘတ်ဂျက် မှာတော့ ခြောက်လ ဘတ်ဂျက်တစ်ခုနဲ့ အောက်တိုဘာလမှာလုပ်မယ့် ဘတ်ဂျက်ဖြစ် ပါတယ်။ ကျွန်တော်တို့ စတင်တာဝန်ယူခဲ့စဉ်ကာလမှာ ဘတ်ဂျက် သုံးစွဲနိုင်မှုဟာ ဘီလီယံ လေးရာကျော်လောက်ပဲရှိပါတယ်။ ကျွန်တော်တို့ နှစ်နှစ်တာ တာဝန်ယူပြီးတဲ့ အခုအချိန်မှာတော့ ကျွန်တော်တို့ သုံးစွဲနိုင်တဲ့ အခြေအနေက ၂ဝ၁၈- ၂ဝ၁၉ အတွက် လျာထားချက်ဟာ ဘီလီယံ ခြောက်ရာကျော်လောက် ကျွန်တော်တို့ လျာထားနိုင်ခဲ့ပါတယ်။ ‘ဒါဟာကျွန်တော်တို့ တိုင်းဒေသကြီးအစိုးရအဖွဲ့အနေနဲ့ ကြိုးပမ်းဆောင် ရွက်လာခဲ့တဲ့ ဆောင်ရွက်မှု တစ်ခုဖြစ်ပါတယ်။  ကျွန်တော်တို့ တိုင်းဒေသကြီးအတွင်း ဒီတစ်နှစ်မှာ ဘီလီယံ တစ်ရာကျော်လောက် ပိုပြီးသုံးနိုင်အောင် ကျွန်တော်တို့ ကြိုးစားပြီးတော့ ရှာဖွေခဲ့ပါတယ်။ ဒီအပေါ်မူတည်ပြီး လာမယ့် ၂ဝ၁၈-၂ဝ၁၉ အောက်တိုဘာလ ဘတ်ဂျက်မှာ ဘီလီယံ ခြောက်ရာကျော်လောက်သုံးစွဲဖို့အတွက် ဘတ်ဂျက်လျာထား ချက်ကို ပြင်ဆင်ဆောင်ရွက်ခဲ့ပါတယ်။

ဒီဘတ်ဂျက်လျာထားမှုတွေနဲ့ပတ်သက်ရင် ကျွန်တော် တို့ရဲ့ အဓိကမူဝါဒက ကျေးလက်နဲ့ မြို့ပြကို အချိုးညီ ဖွံ့ဖြိုး တိုးတက်စေလိုမှုကို ရည်ရွယ်ပါတယ်။ မြန်မာနိုင်ငံတစ်ဝန်း မှာပဲဖြစ်ဖြစ် ရန်ကုန်တိုင်းဒေသကြီး အတွင်းမှာ ပဲဖြစ်ဖြစ် ကျေးလက်ဒေသမှာရှိတဲ့ ပြည်သူလူထုတွေရဲ့ နေထိုင်မှုဘဝ ကို မြှင့်တင်အောင် ဆောင်ရွက်ပေးနိုင်ဖို့ လိုအပ်ပါတယ်။ အဲဒီအတွက်ဆိုရင် အဓိကကတော့ လျှပ်စစ်မီးရယ်၊ လမ်းတွေ ရယ်၊ ရေကောင်းရေသန့် သုံးစွဲနိုင်ဖို့ ကိစ္စဖြစ်ပါတယ်။ ဒီအခြေ အနေတွေကို ဆောင်ရွက်နိုင်ဖို့အတွက် ကျွန်တော်တို့ တိုင်း ဒေသကြီးအနေနဲ့ ကြိုးပမ်းဆောင်ရွက်နေပါတယ်။ ‘ဒါဟာ ကျွန်တော်တို့ရဲ့ အဓိကကျတဲ့ ကြိုးပမ်းဆောင်ရွက်မှုပဲဖြစ် ပါတယ်။ ဒါဟာတစ်ချက်ဖြစ်ပါတယ်။

နောက်တစ်ခုကတော့ ဘတ်ဂျက်ကို ရေးဆွဲတဲ့နေရာမှာ ခေတ် အဆက်ဆက် ဘတ်ဂျက်ရေးဆွဲခဲ့တဲ့စနစ်ဟာ ဝန်ကြီး ဌာနတွေကပဲ ရေးဆွဲ တာဖြစ်ပါတယ်။ ဝန်ကြီးဌာနတွေက ရေးဆွဲတာဖြစ်တဲ့အတွက် ဌာနကို အခြေပြုပြီး ဌာနက လုပ်သင့်လုပ်ထိုက်တာတွေကို ရေးဆွဲတဲ့ ပုံသဏ္ဍာန် မျိုးဖြစ်ခဲ့ ပါတယ်။ အခု ကျွန်တော်တို့ မျှော်မှန်းတာက ပြည်သူတွေ ပါဝင်ရေး ဆွဲတဲ့ ဘတ်ဂျက်စနစ်မျိုး ဖြစ်ချင်ပါတယ်။ ‘ဒီအတွက် ပြည်သူလူထုတွေ ပါဝင်နိုင်တဲ့၊ အားလုံးပါဝင်ခွင့်ရနိုင်တဲ့ ဘတ်ဂျက်ရေးဆွဲနည်းစနစ်နဲ့ ကျွန်တော်တို့ ပြုပြင်ပြောင်းလဲ ပြီးတော့ ၂ဝ၁၈-၂ဝ၁၉ ဘတ်ဂျက်မှာ ကျွန်တော်တို့ဆောင်ရွက် လာခဲ့တာရှိပါတယ်။ ဒီ၂ဝ၁၈-၂ဝ၁၉ ဘတ်ဂျက်နဲ့ ပတ်သက် ပြီးတော့လည်း ပထမအဆင့် ဘာတွေဆောင်ရွက်သင့်သလဲ ဆိုပြီး ကျွန်တော်တို့ တိုင်းဒေသကြီးလွှတ်တော်မှာ အကြံပြု ချက် ရယူ တာဖြစ်ပါတယ်။ ဒီအကြံပြုချက်ရယူမှုနဲ့ ပတ်သက်ရင် မဲခွဲဆုံးဖြတ် စရာ မလိုပါဘူး။

တိုင်းဒေသကြီးလွှတ်တော်ဆိုင်ရာ ဥပဒေပုဒ်မ ၁၄ဝ အရ လွှတ်တော်မှာ အကြံပြုချက်တွေကိုစုစည်းပြီးရင် အစိုးရအဖွဲ့ ဝန်ကြီးချုပ်ဆီကို တင်ပြဖို့ ပဲဖြစ်ပါတယ်။ မဲခွဲဆုံးဖြတ်မှုမျိုး ဆောင်ရွက်ဖို့ မလိုအပ်ပါဘူး။ ပုဒ်မ ၁၄၁ အရ ပြည်ထောင်စု လွှတ်တော်မှာ ဒီဥပဒေတွေအားလုံးဟာ ဘဏ္ဍာရေးကော်မရှင် ကို ဖြတ်ရမယ်။ ဘဏ္ဍာရေးကော်မရှင်က အတည်ပြုပြီးတဲ့ နောက် ပြည်ထောင်စုလွှတ်တော်မှာ အတည်ပြုပြီးမှ တိုင်း ဒေသကြီးရဲ့ ဥပဒေကြမ်းအဖြစ်နဲ့ တိုင်းဒေသကြီးလွှတ်တော် ကို ပြန်လည် တင်ပြရမှာဖြစ်ပါတယ်။ အဲဒီအချိန်ကျရင် တိုင်း ဒေသကြီးလွှတ်တော် ဥပဒေပုဒ်မ ၁၄၁ အရ လွှတ်တော်မှာ ဆွေးနွေးပြီးတော့ အားလုံးရဲ့ အများဆန္ဒ သဘောထားနဲ့ အတည်ပြုကြရမှာဖြစ်ပါတယ်။ အခု ကျွန်တော်တို့ စတင် ဆောင်ရွက်တာက အောက်တိုဘာလမှာ စတင်မယ့် ဘဏ္ဍာ ရေးနှစ်အတွက် အကြိုပြင်ဆင်မှုတွေဖြစ်ပါတယ်။

မေး ။ ။ အောက်တိုဘာလမှာ စမယ့် ဘတ်ဂျက်နဲ့ ပတ်သက်ပြီး ကြိုတင်ပြင် ဆင် မှုတွေကို ရှင်းပြပေးပါဦး ခင်ဗျာ။

ဖြေ ။ ။ အကြိုပြင်ဆင်မှုနဲ့ပတ်သက်ရင် အချက်နှစ်ချက် ရှိပါတယ်။ တစ်ချက်ကတော့ ရန်ကုန်မြို့တော် စည်ပင်သာယာရေးကော်မတီ (YCDC)ပိုင် စီးတီးဘဏ် ကိစ္စဖြစ်ပါတယ်။(YCDC)ပိုင် စီးတီးဘဏ်မှာ စရန်ငွေ (ငွေပေါင်) ထားရှိဖို့ ကိစ္စဖြစ်ပါတယ်။ ဒီငွေပမာဏဟာ ဘာကြောင့် ထားရှိရသလဲဆိုရင် နိုင်ငံခြားငွေ သုံးစွဲခွင့်ရဖို့ အတွက်ဖြစ်ပါတယ်။ နိုင်ငံခြားငွေ သုံးစွဲခွင့်ဆိုတာ ဗဟိုဘဏ် မှာ ငွေပေါင်ထားရပါတယ်။ နိုင်ငံခြားငွေ သုံးစွဲမယ်ဆိုရင် နိုင်ငံခြားငွေသုံးစွဲမှုအတွက် သတ်မှတ် ထားတဲ့ငွေပေါင်ကို ထားရ ပါတယ်။ ဒီငွေဟာ ဗဟိုဘဏ်မှာ ကျွန်တော် တို့က အပ်နှံထားရ တဲ့ငွေဖြစ်ပါတယ်။ ဒီအတွက်ကိုလည်း ဗဟိုဘဏ်ကနေ ကျွန်တော်တို့ကို သင့်တင့်မျှတတဲ့ အကျိုးခံစားခွင့်တစ်ခုကို ပြန်ပေးမှာ ပဲဖြစ်ပါတယ်။ ဒီငွေကို မတင်ပြထားဘူးဆိုရင် နိုင်ငံခြားငွေကို စီမံခန့်ခွဲ သုံးစွဲဖို့အတွက် သုံးစွဲခွင့်ရမှာ မဟုတ်ပါဘူး။ အခု အခြေအနေမှာ ကျွန်တော် တို့ ရန်ကုန်တိုင်း ဒေသကြီးအစိုးရအဖွဲ့ရဲ့ အဓိက စီးပွားရေးကျောရိုး တစ်ခုဖြစ် နေတဲ့ အသေးစား ၊ အလတ်စား စီးပွားရေးလုပ်ငန်းရှင်တွေကို ချေးငွေတွေ ချေးချင်ပါတယ်။ ဒီချေးငွေချေးမယ်ဆိုရင် နိုင်ငံခြားကနေ နှစ်ဆင့်ချေးငွေ လုပ်ဖို့ မျှော်မှန်းရမှာဖြစ်ပါ တယ်။ ဥပမာ-ကျွန်တော်တို့ကို JICA ကနေ ချေးငွေတစ်ခု ပေးမယ်ဆိုရင် ဒီချေးငွေဟာနိုင်ငံခြားငွေ စီမံခန့် ခွဲမှုကို လုပ်ဆောင်နိုင်တဲ့ဘဏ်ဖြစ်မှ ဒီငွေကို ကျွန်တော်တို့ လက်ခံ ယူလို့ ရမယ်။ ဒီငွေကို လက်ခံယူပြီးမှ ကျွန်တော်တို့ဟာ မြန်မာ ငွေနဲ့ ကျွန်တော် တို့ဆီမှာရှိတဲ့ SMEတွေကို အတိုးနှုန်း သက်သာစွာနဲ့ ပြန်ချေးပေးနိုင်မှာ ဖြစ်ပါတယ်။ ဒီအတွက် ကျွန်တော်တို့ တိုင်းဒေသကြီးတွေမှာ အဓိက ကျတဲ့SMEတွေကို အတိုးနှုန်းသက်သာစွာနဲ့ ချေးငွေပေးနိုင်ဖို့အတွက် ဆိုရင် စီးတီးဘဏ်ရဲ့ လည်ပတ်နိုင်မှုဟာ နိုင်ငံခြားငွေ စီမံခန့်ခွဲ နိုင်မှု ရှိဖို့လိုအပ်ပါတယ်။ ဒီအတွက် ဒီငွေကိုလျာထားသုံးစွဲဖို့ ကျွန်တော် တို့ပြင်ဆင်ပါတယ်။ ဒါဟာတစ်ချက်ဖြစ်ပါတယ်။
နောက်တစ် ချက်ကတော့ ကျွန်တော်တို့ တိုင်းဒေသကြီး ဝန်ကြီးတွေရဲ့ အဆောင်အယောင် ကားဝယ်ယူမှုကိစ္စဖြစ်ပါ တယ်။ ဒီကိစ္စဟာ အဆောင်အယောင် ဥပဒေအရ ကျွန်တော် တို့ ဝယ်ယူခြင်းပဲဖြစ်ပါတယ်။ ဒါဟာ ဥပဒေအရ ဝန်ကြီး တွေဟာ ရုံးတက်တဲ့ အခါမျိုးမှာ ဒီကားကိုပဲ စီးရမှာဖြစ်ပါတယ်။ ဒါပေမယ့် ကျွန်တော်တို့ တိုင်းဒေသကြီး ဝန်ကြီးတွေကို ပေးထား တဲ့ကားတွေဟာ ပြီးခဲ့တဲ့အစိုးရသက်တမ်းမှာ သုံးစွဲခဲ့တဲ့ ကားတွေ ဖြစ်ပါတယ်။ အဲဒီကားတွေဟာMSW တွေဖြစ်ပါတယ်။ ဒီကားတွေ အားလုံးဟာ စက်မှုဝန်ကြီးဌာနက ထုတ်လုပ် ထားတဲ့ ကားတွေ ပဲဖြစ်ပါတယ်။ ကားတွေဟာတော်တော်ကို ဟောင်းနွမ်းနေပါပြီ။ ဒီအတွက် ဝန်ကြီးတွေဟာ သူတို့ရဲ့ ကိုယ်ပိုင်ကားတွေကို သုံးစွဲပြီးတော့ ရုံးတက်ကြ ပါတယ်။ ဒီကိစ္စဟာ ရန်ကုန်အတွက် မသင့်တော်ပါဘူး။ ဘာကြောင့်လဲ ဆိုရင် ရန်ကုန်ဟာ ယာဉ်ကြောပိတ်ဆို့မှုပြဿနာတွေရှိပါ တယ်။ ဒီနေရာမှာ ယာဉ်ထိန်းရဲတွေ၊ ရဲတပ်ဖွဲ့တွေ သိထားတာက အစိုးရရဲ့ တရားဝင် ကားတွေကိုပဲ အသိအမှတ်ပြုထားတာ ဖြစ်ပါတယ်။ သူတို့အတွက် လုံခြုံရေးကိစ္စတွေကို ကျင့်သုံး မယ်ဆိုရင် ကိုယ်ပိုင်ကားတွေကို စီးနင်းနေခြင်းဟာ မသင့် တော်ပါဘူး။

ဒါကြောင့် ကျွန်တော်တို့က ကိုယ်ပိုင်ကားတွေမဟုတ်ဘဲ အဆောင် အယောင် ဥပဒေအရ ပေးကိုပေးရမယ့်ကားတွေ ရှိပါတယ်။ အဲဒီပေးတဲ့ နေရာမှာလည်း အိမ်သုံးဖို့ တစ်စီးပေး သလို ရုံးစီးဖို့ တစ်စီးပေးပါတယ်။ ရုံးစီးဖို့ကားကို ဆလွန်းကား မျိုး ကျွန်တော်တို့ မပေးပါဘူး။ Wagon လို ကားမျိုးပဲ ကျွန်တော်တို့ပေးပါတယ်။ ‘ဒါဘာကြောင့် လဲဆိုရင် နယ်မြို့ တွေကို သွားလာပြီးတော့ စစ်ဆေးရေးတွေ လုပ်မယ်ဆိုရင် ဆလွန်း ကားတွေက အဆင်မပြေပါဘူး။ Wagon ကလည်း ဇိမ်ခံကားမဟုတ်ပါဘူး။ ဒီနေရာမှာ တိုင်းဒေသကြီးရဲ့ မော်တော် ယာဉ်လုပ်ငန်း ဖွံ့ဖြိုး တိုးတက်ရေး အတွက် ချမှတ်ထားတဲ့ မူဝါဒတွေအရ ကျွန်တော်တို့က မြန်မာပြည်မှာ လာပြီး (assembly) လုပ်မယ့်ကားတွေကို ဦးစားပေးပြီးဝယ်ချင် ပါတယ်။ ဒါမှသာလျှင် ပြည်တွင်းထုတ်လုပ်တဲ့ လုပ်ငန်းတွေကို အားပေး ရာရောက် မှာဖြစ်ပါတယ်။ ‘ဒါကြောင့် ကျွန်တော်တို့က TOYOTAကားထဲက လည်းကောင်း၊ Nissan ထဲက သော်လည်းကောင်း၊ Ford ထဲက သော် လည်းကောင်း ဒီလို ဝယ်ယူဖို့အတွက် လျာထားငွေသတ်မှတ်ခြင်းပဲ ဖြစ်ပါတယ်။ လျာထားငွေဆိုတာ ပိုရင်လည်းပိုနေနိုင်ပါတယ်။ ပိုရင်ဝယ် ပြီးရင် ပွင့်လင်းမြင်သာအောင် ဆောင်ရွက်ပြီး ဝယ်ယူပြီးတဲ့ အချိန်မှာ ပိုငွေကို ပြန်လည်အပ်နှံရမှာပဲ ဖြစ်ပါတယ်။

အဆောင်အယောင်ဥပဒေအရ ကျွန်တော်က ဒီကိစ္စကို မဖြစ်မနေ ဝယ်ယူ မယ်ဆိုတဲ့ သဘောမျိုး မဟုတ်ပါဘူး။ ဘာကြောင့်လဲဆို အဆောင် အယောင်ဥပဒေအရ ကျွန်တော် တို့တိုင်းဒေသကြီးရဲ့ ဘတ်ဂျက်ကနေ ဝယ်ရတာမဟုတ်ပါဘူး။ ဒါက ပြည်ထောင်စုကနေပြီးတော့ စီမံကိန်းနှင့် ဘဏ္ဍာရေး ဝန်ကြီးဌာနဘက်ကနေ ကျွန်တော်တို့ကို ချပေးရမှာဖြစ်ပါတယ်။ ဒီအတွက် စီမံကိန်းနှင့် ဘဏ္ဍာရေးဝန်ကြီးဌာနနဲ့ ကျွန်တော်တို့ ဆွေးနွေးနေ ပါတယ်။ စီမံကိန်းနှင့် ဘဏ္ဍာရေးဝန်ကြီးဌာန ဘက်ကနေ ဆောင်ရွက်ပေးနိုင် တယ်ဆိုရင် ဒီကားတွေကို ဝယ်ယူစရာ မလိုအပ်တော့ ပါဘူး။ ဒီငွေတွေကို ကျွန်တော်တို့ တိုင်းဒေသကြီးအတွင်းမှာ လိုအပ်တဲ့ အခြားနေရာတွေ သုံးစွဲ ခွင့်ရသွားမှာဖြစ်သလို ကျေးလက်ဒေသ ဖွံ့ဖြိုးတိုးတက်ရေး အတွက် ပိုမိုသုံးစွဲနိုင်ခွင့်ရသွားမှာ ဖြစ်ပါတယ်။ ဒါကြောင့် ကျွန်တော်တို့ဟာ ဒီငွေကို စနစ်တကျ စီမံခန့်ခွဲသုံးစွဲနိုင်ဖို့ အတွက် ဆောင်ရွက်သွားမှာ ဖြစ်ပါတယ်။

အခုလည်း စီမံကိန်းနှင့်ဘဏ္ဍာရေးဝန်ကြီးဌာနနဲ့ ဆွေးနွေး နေပါတယ်။ ဘာကြောင့်လဲဆိုရင် ‘ဒီကားတွေဟာ အဆောင် အယောင်ကားတွေဖြစ် တဲ့အတွက် ဗဟိုစက်ပစ္စည်း စာရင်းအင်း နှင့် စစ်ဆေးရေးဦးစီးဌာန (CESID) ကနေ ကျွန်တော်တို့ကို ထုတ်ပေးရမှာဖြစ်ပါတယ်။ CESID ကနေ ကားထုတ်ပေး မယ်ဆိုရင် ကျွန်တော်တို့အနေနဲ့ ဒီကားတွေကို ဝယ်ယူစရာ မလိုပါဘူး။ ဒါနဲ့ပတ်သက်ပြီးတော့ လွှတ်တော်မှာ မဲခွဲဆုံးဖြတ် မယ်ဆိုပြီးတော့ လွှတ်တော်ကိုယ်စားလှယ်ဘက်ကနေ အဆိုပြု မှုတစ်ခု ကျွန်တော်တွေ့ပါတယ်။ ‘ဒါဟာဥပဒေနဲ့ ညီညွတ်မှု မရှိပါဘူး။ ဒီကိစ္စဟာ အကြံပြုချက်ပဲပြုရမှာဖြစ်ပါတယ်။ ဖွဲ့စည်းပုံ အခြေခံဥပဒေအရ အစိုးရကနေ တင်သွင်းမယ့် ဥပဒေဖြစ်ပြီး ဒီဥပဒေကို တိုင်းဒေသကြီး လွှတ်တော်ရဲ့ ပုဒ်မ ၁၄၁ အရ ဥပဒေကြမ်းကို အတည်ပြုတဲ့အချိန်မှသာ အများသဘော ဆန္ဒအရ အတည်ပြုရမှာဖြစ်ပါတယ်။ အခု ကျွန်တော်တို့ဟာ လျာထားချက်ကိုပဲ တင်ပြတာဖြစ်ပါတယ်။ လျာထားတင်ပြမှု ကိုတော့ တိုင်းဒေသကြီးလွှတ်တော် ဥပဒေ ပုဒ်မ ၁၄ဝ အရ အကြံပြုချက်တွေကို ဆွေးနွေးကြပြီးရင် ဒီအကြံပြုချက်တွေ ကို ဝန်ကြီးချုပ်ဆီပေးပို့ဖို့ပဲ ဖြစ်ပါတယ်။ ဥပဒေအတိုင်း ကျွန်တော်တို့ဆောင်ရွက်သွားမှာဖြစ်ပါတယ်။

မေး ။ ။ ရန်ကုန်တိုင်းဒေသကြီး အစိုးရအဖွဲ့ ဝန်ကြီးတွေ
သုံးစွဲ ဖို့  ကားဝယ်ယူမယ့်ကိစ္စနဲ့ပတ်သက်ပြီး ဘယ်လို ဆက်လက်ဆောင်ရွက် သွားမလဲဆိုတာ သိပါရစေခင်ဗျာ။

ဖြေ ။ ။ ကျွန်တော့်ဆီကတစ်ဆင့် ဒီကိစ္စကို ဘဏ္ဍာရေး
ကော်မရှင် ကိုတင်ပြမယ်။ ဘဏ္ဍာရေး ကော်မရှင် က အတည်ပြုချက် ရရှိပြီဆိုမှ ပြည်ထောင်စုအစိုးရက ဖွဲ့စည်းပုံ အခြေခံဥပဒေ ၁ဝဝ အရ ပြည်ထောင်စုလွှတ်တော်ကို တင်ပြ ရမှာဖြစ်ပါတယ်။ ပြည်ထောင်စု လွှတ်တော်ကနေ အတည်ပြု ပြီဆိုမှ ကျွန်တော်တို့ တိုင်းဒေသကြီးမှာ ပြန်လည်ဆွေးနွေးဖို့ အတွက် တိုင်းဒေသကြီးအစိုးရကနေ လွှတ်တော်ကို တင်ပြရ မှာ ဖြစ်ပါတယ်။ အဲဒီအချိန်ကျရင် တိုင်းဒေသကြီးလွှတ်တော် ဥပဒေပုဒ်မ ၁၄၁ အရ လွှတ်တော်မှာ အတည်ပြုချက်ရယူ ကြရမှာ ဖြစ်ပါတယ်။

နောက်တစ်ချက် ကျွန်တော်ပြောချင်တာကတော့ ကျွန်တော်တို့ဟာ နိုင်ငံရေး တာဝန်တွေကိုလာပြီး ထမ်းဆောင် နေတာဖြစ်ပါတယ်။ ကျွန်တော် တို့ဟာ တာဝန်လာယူနေတာ ဖြစ်ပါတယ်။ အခွင့်အရေး လာယူနေတာမျိုး မဟုတ်ပါဘူး။ ဒီအတွက် ကျွန်တော်တို့တွေ ဒီတာဝန်တွေ ကို ယူနေကြတယ်၊ ဝန်ကြီးတွေကို တာဝန်ပေးတယ်ဆိုရာမှာ ကျွန်တော် တို့ဟာ ဒီတာဝန်တွေနဲ့အတူ အခွင့်အရေးယူပြီး ပြည်သူလူထုရဲ့ ဘဏ္ဍာ ငွေတွေ ကို အလွဲပြုလုပ်လို့ မရနိုင်ပါဘူး။ ကျွန်တော်တို့အားလုံးရဲ့ ယုံကြည်မှုတွေ အတွက် နိုင်ငံတော်ကြီး ဖွံ့ဖြိုးတိုးတက်အောင်၊ တိုင်းပြည် တိုးတက်အောင်၊ ဒီမိုကရေစီအရေး လူ့အခွင့်အရေး နဲ့ အမျိုးသားပြန်လည် သင့်မြတ်ရေးတွေအတွက် ကျွန်တော်တို့ ကြိုးပမ်းဆောင်ရွက်နေ တာဖြစ်ပါတယ်။ ‘ဒီအတွက် ကားစီးဖို့ ဆောင်ရွက်နေတဲ့ အစိုးရအဖွဲ့ မဟုတ်ဘူးဆိုတာကိုတော့ ကျွန်တော် ရှင်းရှင်းလင်းလင်းပြောချင်ပါတယ်။ အဆောင် အယောင်ဥပဒေအရ သတ်မှတ်ထားတဲ့ ဥပဒေကိုတော့ ဝန်ကြီး တွေ လိုက်နာရပါမယ်။ ကျွန်တော်တို့ဘက်ကလည်း လိုက်နာ နိုင်အောင် အတွက် သူတို့ကို သတ်မှတ်ထားတဲ့ အခွင့်အရေး တွေကိုပေးရပါမယ်။ ဒါမှသာလျှင် ဥပဒေအတိုင်း ဆောင်ရွက် နိုင်မှာဖြစ်ပါတယ်။ ဥပဒေ မပါတာကိုလည်း မလုပ်ဖို့လိုသလို ဥပဒေမှာပါဝင်တာကိုလည်း လုပ်ကို လုပ်ရမှာ ဖြစ်ပါတယ်။ ဒါဟာ ဥပဒေစိုးမိုးရေးကို ဦးထိပ်ထားတဲ့ အစိုးရ တစ်ရပ်အနေ နဲ့ ဒီအတိုင်းပဲ ကျွန်တော်တို့ဆောင်ရွက်သွားကြရမှာ ဖြစ်ပါ တယ်။

မြန်​မာ့အလင်း၊တွေ့ဆုံမေးမြန်း-ဇော်ကြီး(ပဏီတ)၊ ဓာတ်ပုံ-ဖေဇော်

No comments:

Post a Comment