နွားထိုးကြီး ဇွန်-၈
မန္တလေးမှ ပုဂံသို့ ထွက်ခွာလာသော၁၂၀ အစုန်
အမြန်ရထားစက်ခါင်းလမ်းချော်ပြီး ၄၅ ဒီကရီ တိမ်းစောင်းမှုဖြစ်ပွားသည်။
ဖြစ်စဉ်မှာ ဇွန် ၇ ရက် ည ၈ နာရီ ၁၅ မိနစ်က မန္တလေးဘူတာမှ စတင် ထွက်ခွာလာသော မန္တလေး-ပုဂံ ၁၂၀
အစုန် အမြန်ရထားသည် ဇွန် ၈ ရက် နံနက် ၃ နာရီခွဲ အချိန်
ခန့်တွင် သစ်ထောင့်ဘူတာနှင့် ပုလင်းဘူတာကြားမိုင်တိုင်
အမှတ် ၃၉၉/၂၄ နှင့် ၄၀၀ / ၂ ကြားလှည်းလမ်းကူးတွင်
သဲဖုံးနေ၍ စက်ခေါင်းအမှတ် DD/ ---- သည် လမ်းချော်
ကျပြီး တိမ်းစောင်းခဲ့ခြင်းဖြစ်ကြောင်းသိရသည်။
မိုးရွာထားရာမှ ရထားလမ်း သဲဖုံးနေရာ သံလမ်းမနင်းမိပဲ ဘေးချော်နင်းမိ၍ တိမ်းစောင်းမှု ဖြစ်ရကြောင်း၊ ရထားစက်ခေါင်းတိမ်းစောင်းမှုကြောင့် ခရီးသည်များခရီးနှောင့်နှေးမှု မဖြစ်စေရန် မြန်မာ့မီးရထားမှ ပုဂံဘူတာသို့ကားများနှင့်ပို့ဆောင်ပေးနေကြောင်း၊ကရိန်းအဖွဲ့များလာနေပြီဖြစ်ပြီး ကရိန်းရောက်မှ မတင် နိုင်မည်ဖြစ်ကြောင်း မြန်မာ့မီးရထား တိုင်းအမှတ် ၁၁ စက်မှုဌာန တာဝန်ရှိသူတစ်ဦးက
ပြောသည်။
ယနေ့ညနေပိုင်းတွင် ပခုက္ကူဘူတာမှ မီးရထားစက်ခေါင်းဖြင့် ခရီးစဉ်မပျက် ပြန်လည်ပြေးဆွဲရာ နွားထိုးကြီးဘူတာ
မှ မန္တလေးသို့ ထွက်ခွာသွားကြောင်း သိရသည်။
ခင်ဇာမွန်မြင့် - ဥပဒေ
No comments:
Post a Comment