Latest News

Saturday, June 9, 2018

ဘင်္ဂလားဒေ့ရ်ှနိုင်ငံမှ ပြန်လည်ဝင်ရောက်လာသူများနှင့် တွေ့ဆုံမေးမြန်းခြင်း အပိုင်း (၂)

ဘင်္ဂလားဒေ့ရ်ှနိုင်ငံမှ ပြန်လည်ဝင်ရောက်လာသူများနှင့်
တွေ့ဆုံမေးမြန်းခြင်း  အပိုင်း (၂)


မြန်မာနိုင်ငံနှင့်   ဘင်္ဂလားဒေ့ရ်ှနိုင်ငံတို့သည်   ရခိုင်ပြည်နယ်မှ နေရပ်စွန့်ခွာသူများ ပြန်လည်လက်ခံရေးသဘောတူညီချက်ကို ၂ဝ၁၇ ခုနှစ် နိုဝင်ဘာ ၂၃ ရက်တွင် သဘောတူညီချက်လက်မှတ် ရေးထိုးခဲ့ကြပါသည်။

ထို့ပြင်   နေရပ်စွန့်ခွာသူများ   ပြန်လည်လက်ခံရေးဆိုင်ရာ ၁၉၉၃ ခုနှစ် သဘောတူညီချက်တွင် သဘောတူညီခဲ့သည့်အတိုင်း နေရပ်စွန့်ခွာသူများ ပြန်လည်ရောက်ရှိလာလျှင် အကြမ်းဖက်မှု များတွင် ပါဝင်ပတ်သက်ခြင်းမရှိပါက အရေးယူခြင်းပြုမည်မဟုတ် ကြောင်း နှစ်နိုင်ငံသဘောတူညီခဲ့ကြပါသည်။
ယခုအခါ မိမိသဘောဆန္ဒဖြင့် ပြန်လည်ဝင်ရောက်လာသော နေရပ်စွန့်ခွာသူအချို့မှာ အကြမ်းဖက်မှုတွင် ပါဝင်ခဲ့ခြင်း ရှိ ၊ မရှိ စိစစ်မှုခံယူပြီးနောက်  မောင်တောမြို့နယ်ရှိ မိမိတို့နေရပ် အသီး သီးတွင် ပြန်လည်ရောက်ရှိနေထိုင်နေကြပြီဖြစ်ရာ ¤င်းတို့အား  သတင်းအဖွဲ့က သွားရောက် တွေ့ဆုံမေးမြန်းထားပါသည်။
မာမတ်အီနူစ်
နေရပ် - ယခင်ငါးခူရ တောင်ရွာ
ယခု - ငါးခူရ မိမိနေအိမ်
ကျွန်တော်က   ဘင်္ဂလားဒေ့ရ်ှနိုင်ငံကို    သွားတယ်ဆိုပြီး   တော့ တရားစွဲဆိုခံခဲ့ရပါတယ်။ ဘင်္ဂလားဒေ့ရ်ှကို အရင်ကနှစ်ခါ သုံးခါလောက် သွားဖူးပါတယ်။ အဲဒီလိုပဲသွားပြီးတော့ ပြန်လာ ခဲ့တယ်။   မိသားစုလိုက်  သွားတာတော့မဟုတ်ပါဘူး။  မိသားစု ကတော့ ငါးခူရမှာပဲရှိပါတယ်။
အခုကျွန်တော့်မှာလည်း NVC  ကတ်ရပြီးပါပြီ။ ကျွန်တော့် မိသားစုမှာလည်း NVC  ကတ်တွေရထားပြီးပါပြီ။   မောင်တော မြို့ဘက်ကို သွားတဲ့အခါမှာ NVC  ကတ်ရှိဖို့လ်ိုတယ်ဆိုတာ ကြောင့်  ကျွန်တော်ယူထားတာပါ။
အခုအသက်မွေးဝမ်းကျောင်းအတွက်     အလုပ်လုပ်ဖို့ ဘာလုပ်ငန်းမှ   မရှိသေးပါဘူး။ အရင်ကတော့ မောင်တောမြို့က ပစ္စည်းတွေကိုယူလာပြီး ဒီမှာပြန်ရောင်းတာမျိုး လုပ်ပါတယ်။  ကျွန်တော်လွတ်ငြိမ်း  ချမ်းသာခွင့်နဲ့   ပြန်လွတ်လာတဲ့အချိန်မှာ နိုင်ငံတော်အစိုးရက ဒန်အိုး၊ ဒန်ခွက်နဲ့ စောင်တွေ၊ ခြင်ထောင် တွေ ပေးပါတယ်။ မိသားစုအတွက် ရိက္ခာတွေကိုလည်းပေးပါတယ်။
အဒူဆော်လိမ်
နေရပ် - ယခင်ငါးခူရကျေးရွာအုပ်စု၊ တောင်ရွာ
ယခု - ငါးခူရမိမိနေအိမ်
 NVC  ကတ်ကတော့   ကျွန်တော်တစ်ယောက်တည်းပဲ ရသေးတာပါ။ ကျွန်တော့်မိသားစုကတော့ မရသေးပါဘူး။ NVC  ကတ်ရပြီဆိုပေမယ့်  ပုစွန်ကန်ဘက်သွားဖို့နဲ့   ချောင်းထဲမှာ  ငါးရှာ၊ ဖားရှာလုပ်ငန်းတွေကို လုပ်ခွင့်မရသေးတဲ့အတွက်တော့ စားဝတ်နေရေး အခက်အခဲရှိပါတယ်။
နူရ်ဇူဆလင်
နေရပ် - ယခင် ငါးခူရအုပ်စု၊ တောင်ရွာ
ယခု - ငါးခူရမိမိနေအိမ်
ဘင်္ဂလားဒေ့ရ်ှဘက်က    ဆွေမျိုးသားချင်းတွေကိုတော့ ဖြစ်နိုင်ရင် မြန်မာနိုင်ငံကို ပြန်လာဖို့ အခုချက်ချင်း ခေါ်ချင်ပါ တယ်။ ကျွန်တော်ကတော့ မြန်မာနိုင်ငံမှာနေတာဖြစ်တဲ့အတွက် မြန်မာနိုင်ငံရဲ့ စည်းမျဉ်း၊ စည်းကမ်းတွေကိုလည်း လိုက်နာပါ တယ်။ ဟိုဘက်ကမိသားစုတွေပြန်လာရင်လည်း မြန်မာနိုင်ငံရဲ့ စည်းမျဉ်း၊ စည်းကမ်းအတိုင်း လိုက်နာနိုင်ဖို့ ရှင်းပြပါမယ်။
မြန်မာနိုင်ငံမှာနေတာကတော့ ပိုပြီးတော့ ကောင်းပါတယ်။  အခု ကျွန်တော်လည်း NVC  ကတ်ရတယ်။ ကျွန်တော့်မိန်းမမှာ လည်း NVC  ကတ်ရထားပါပြီ။ NVC ကတ်နဲ့ပတ်သက်ပြီး တော့ သေချာတော့မသိပါဘူး။ ဘင်္ဂလားဒေ့ရ်ှဘက်မှာ ရောက် နေတဲ့ သူတွေကို ပြန်လာလို့ရတယ်ဆိုတာမျိုး ဟိုဘက်က ပြော တယ်ဆိုတာတော့ မကြားမိသေးပါဘူး။
အလုပ်အကိုင်အနေနဲ့ကတော့ အရင်တုန်းက ကျားပိုက်နဲ့ ငါးဖမ်းပါတယ်။ အခုက အဲဒီလို ငါးဖမ်း လုပ်ငန်းတွေမလုပ်ရတော့၊ ဝင်ငွေမရှိတော့ စားဖို့သောက်ဖို့ အခက်အခဲတော့ရှိပါတယ်။
အီဒီရိစ်
နေရပ် - ယခင် - ငါးခူရကျေးရွာအုပ်စု၊ တောင်ရွာ
ယခု - ငါးခူရမိမိနေအိမ်
ကျွန်တော့်ညီအစ်ကိုမောင်နှမတွေကတော့ ဘင်္ဂလားဒေ့ရှ် မှာ ရှိပါတယ်။ NVC  ကတ်ကိုင်ရင် ဘာတွေလုပ်လို့ ရမယ်ဆိုတာ လည်း မသိပါဘူး။ နိုင်ငံတစ်နိုင်ငံမှာနေရင် အသိအမှတ်ပြုကတ် တစ်ခု ကိုင်ဆောင်ထားရမယ်ဆိုတာသိပါတယ်။ NVC   ကတ်ကို ကျွန်တော်ရော ကျွန်တော့် မိန်းမပါ ကိုင်ဆောင်ထားပါတယ်။
ဒိလ်ဒါမာမောက်
နေရပ် - ယခင်ငါးခူရ တောင်ရွာ
ယခု - ငါးခူရမိမိနေအိမ်
ကျွန်တော့်မိသားစုက     ဖြစ်စဉ်ဖြစ်ပွားနေတဲ့အချိန်မှာ တုန်းကတော့   ဒီမှာရှိနေကြပြီး   ကျွန်တော်ထောင်ကျပြီးတဲ့ နောက်ပိုင်းမှာ   ဘင်္ဂလားဒေ့ရ်ှဘက်ကို   ထွက်ပြေးသွားကြပါ   တယ်။       ဖြစ်နိုင်မယ်ဆိုရင်တော့    ဘင်္ဂလားဒေ့ရ်ှဘက်က ကျွန်တော့်မိသားစုကို ပြန်ခေါ်ချင်ပါတယ်။
ဟာမိတ်တူဆောင်း
နေရပ် - ယခင်ငါးခူရ တောင်ရွာ
ယခု - ငါးခူရမိမိနေအိမ်
ဘင်္ဂလားဒေ့ရ်ှဘက်ကိုတော့ ကျွန်တော့်သားအကြီးတစ်ဦး အပါအဝင် မိသားစုဝင်လေးယောက် ထွက်ပြေးသွားကြပါတယ်။ သူတို့တွေက အကြမ်းဖက်မှုဖြစ်စဉ်တွေ ဖြစ်နေချိန်မှာ ထွက်ပြေး ကြတဲ့ သူတွေနဲ့အတူ ပါသွားကြတာပါ။ သူတို့ကိုတော့ ပြန်လာစေ ချင်ပါတယ်။
 NVC ကတ်နဲ့ပတ်သက်ပြီးတော့ အခုထိ ဘာမှမသိရသေး ပါဘူး။ နောက်မှသိရမယ်လို့ ယူဆပါတယ်။ NVC  ကတ်ကို တော့ ကိုယ့်သဘောနဲ့ကိုယ်ကိုင်တာပါ။ ဘာသာရေးအရ၊ လူမျိုး ရေးအရ ဘာမှအနှောင့်အယှက်ပေးတာတော့ မရှိပါဘူး။ တခြား သူတွေ ကိုင်ဖို့တော့ အသိပေးတာမျိုး မရှိပါဘူး။ ကျွန်တော့်အနေ နဲ့ကတော့ မြန်မာနိုင်ငံမှာ  နေတာပိုကောင်းတယ်လို့   ထင်ပါ တယ်။ ဘင်္ဂလားဒေ့ရ်ှဘက်ကိုသွားတဲ့သူတွေကိုလည်း ပြန်ခေါ်စေ ချင်ပါတယ်။ ဘာဖြစ်လို့လဲဆိုတော့ အဲဒီဘက်က လူတွေတော် တော်များများ အခက်အခဲတွေကြုံတွေ့နေရတယ်လို့ ပြောပါ တယ်။
နူအာလာမ်
နေရပ် - ယခင် ငါးခူရကျေးရွာအုပ်စု၊ တောင်ရွာ
ယခု - ငါးခူရမိမိနေအိမ်
 NVC  ကတ်ကို ကျွန်တော်လည်းကိုင်ထားသလို ကျွန်တော့် မိန်းမလည်း ကိုင်ထားပါတယ်။ ဘင်္ဂလားဒေ့ရ်ှဘက်ကနေ မြန်မာ နိုင်ငံကို ပြန်လာဖို့ တိုက်တွန်းတာတွေလည်း မကြားရသေးပါဘူး။  
အာဘွာလ်ဟူဆောင်း
နေရပ် - ယခင် ဒိုးတန်းကျေးရွာအုပ်စု၊ စဉ်တောင်ကျေးရွာ
ယခု - ငါးခူရဆွေမျိုးအိမ်
ဘင်္ဂလားဒေ့ရ်ှနိုင်ငံကနေ မြန်မာနိုင်ငံဘက်ကိုကူးလာချိန် မှာ အဖမ်းခံရတာပါ။ ဘင်္ဂလားဒေ့ရ်ှဘက်ကိုတော့ ၂ဝ၁၆ ခုနှစ် ဖြစ်စဉ်အပြီးမှာ သွားခဲ့တာပါ။   ဘင်္ဂလားဒေ့ရှ်  ကယ်ဆယ်ရေး စခန်းမှာတော့        မြန်မာနိုင်ငံကိုပြန်ဖို့   တိုက်တွန်းတာတွေ ကြော်ငြာကပ်ထားတာတွေ  မတွေ့ခဲ့ပါဘူး။ ဒီမှာနေရတာတော့ အဆင်ပြေပါတယ်။
 NVC ကတ်ကိုင်ထားတာတော့ ကျွန်တော်တစ်ယောက် တည်းပါ။    မိသားစုတွေကတော့  ဘင်္ဂလားဒေ့ရ်ှဘက်မှာပါ။ ဘင်္ဂလားဒေ့ရ်ှဘက်က မိသားစုတွေကို ခေါ်ချင်ပါတယ်။
 ဘင်္ဂလားဒေ့ရ်ှမှာနေရတာထက် ငါးခူရမှာ နေရတာပို အဆင်ပြေပါတယ်။ ဘင်္ဂလားဒေ့ရ်ှကယ်ဆယ်ရေးစခန်းတွေမှာ တော့ ဘာမှအထောက်အထားမပေးရပါဘူး။ ဝင်ချင်သလိုဝင် ထွက်ချင်သလိုထွက်လို့ရပါတယ်။ နေခဲ့တဲ့ကယ်ဆယ်ရေး စခန်း ကတော့ ဘာလူဟာလီ ကယ်ဆယ်ရေးစခန်းပါ။
ဆူနာဘီဘီ
နေရပ် - ယခင် ကြက်ရိုးပြင်ကျေးရွာအုပ်စု၊ ကြက်ရိုးပြင်ရွာမ
ယခု - ကြက်ရိုးပြင်ကျေးရွာ
ကြက်ရိုးပြင်ကျေးရွာကနေ   ဦးရှည့်ကျသွားတာ   ဦးရှည့် ကျမှာ ဖမ်းထားတာပါ။ မိသားစုတွေလည်း ရွာမှာနေပါတယ်။ ဘင်္ဂလားဒေ့ရ်ှဘက်ကိုပါသွားတဲ့      သားသမီးတွေရှိပါတယ်။ သားသမီးတွေကိုလည်း ဒီဘက်ကို ပြန်လာဖို့ဆန္ဒရှိပါတယ်။ NVC  ကတ်ကတော့  မိသားစုမှာ တစ်ယောက်ပဲ လုပ်ထား ရပါသေးတယ်။   ဒီမှာ  NVC  ကတ်လုပ်ထားတာနဲ့ ပတ်သက် ပြီး အခက်အခဲမရှိပါဘူး။ အဲဒီလိုလုပ်ပေးလို့လည်း ကျေးဇူးတင် ပါတယ်။ ဒန်အိုး၊ ပန်းကန်၊ အဝတ်အထည်တွေ ထောက်ပံ့ပေးထား ပါတယ်။ ဒီမှာနေတဲ့အချိန်မှာ ကျပန်းအလုပ်လုပ်တယ်။ လယ်ယာ စိုက်ပျိုးတယ်။ အဲဒါတွေပဲလုပ်ပါတယ်။
ဂျာနေအာလောင်
နေရပ် - ယခင် ကြက်ရိုးပြင်ကျေးရွာအုပ်စု၊ ကြက်ရိုးပြင်ရွာမ
ယခု - ကြက်ရိုးပြင်ကျေးရွာ
ဘင်္ဂလားဒေ့ရ်ှဘက်က ပြန်လာတာတော့ လေးငါးလရှိပါပြီ။ ဘင်္ဂလားဒေ့ရ်ှဘက်မှာ နေတုန်းကလည်း ကျပန်းအလုပ်လုပ် ပါတယ်။ ဘင်္ဂလားဒေ့ရ်ှဘက်မှာက  ပေးလို့ရှိရင် စားလို့ရပြီး မရရင်တော့ ခက်ခဲပါတယ်။ ကူတိုဘာလိုဒုက္ခသည်စခန်းမှာနေခဲ့တာပါ။   ထောက်ပံ့ရေးပစ္စည်းတွေနဲ့ပဲ   စားသုံးနေတာပါ။ ဘင်္ဂလားဒေ့ရ်ှဘက်မှာ တစ်လတိတိနေခဲ့ပါတယ်။
ကိုယ့်ရွာမှာပြန်နေချင်လို့   ချောင်းကိုလောင်းနဲ့ ကူးပြီး ပြန်လာတာပါ။ တခြားဆန္ဒတော့မရှိပါဘူး။ ဘင်္ဂလားဒေ့ရ်ှဘက် ကနေ မြန်မာနိုင်ငံဘက်ကို ပြန်ကိုပြန်ရမယ်လို့ ပြောတာ တော့မရှိပါဘူး။   ဒီဘက်ကို   တစ်ယောက်တည်းလာတာပါ။ မိသားစုကတော့ ဘင်္ဂလားဒေ့ရ်ှဘက်မှာ ကျန်ခဲ့ပါတယ်။ မိသားစု ကတော့ လယ်သာစခန်းမှာ ကျန်ခဲ့ပါတယ်။  မိသားစုတွေလည်း လာဖို့ ဆန္ဒရှိပါတယ်။
ဘင်္ဂလားဒေ့ရ်ှဘက်က ဒုက္ခသည်စခန်းမှာတော့ ဝင်လို့ ထွက်လို့မရဘူး။ ခိုးထွက်လာတာပါ။   အရင်က ထော်လာဂျီ မောင်းပြီး ဆိုင်ကယ်ပြင်တယ်။  အခုတော့  ဆိုင်ကယ်ပဲပြင်ပြီး စားဝတ်နေရေး ဖြေရှင်းပါတယ်။                        

မြန်မာ့အလင်း၊​​သတင်းအဖွဲ့

No comments:

Post a Comment