ဆည်ရေတွေ ဖောက်ချတာကြောင့် ရေကြီးတယ်ဆိုတာ လုံးဝမှန်ကန်မှုမရှိဘဲ နားလည်မှုလွဲမှားခြင်းသာဖြစ်ပါတယ်

ဆည်ရေတွေ   ဖောက်ချတာကြောင့် ရေကြီးတယ်ဆိုတာ
လုံးဝမှန်ကန်မှုမရှိဘဲ နားလည်မှုလွဲမှားခြင်းသာဖြစ်ပါတယ်

မေး။ ။ ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနက တည်ဆောက်ထိန်းသိမ်းထားတဲ့ ဆည် အရေ အတွက်နဲ့ လက်ရှိရေပိုလွှဲမှ ရေကျော်စီးထွက်နေတဲ့ ဆည် အရေအတွက်ကို သိပါရစေ။

ဖြေ။ ။ ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာန က နိုင်ငံတစ်ဝန်းမှာ  တည်ဆောက် ထိန်းသိမ်းထားတဲ့ ရေလှောင်တမံပေါင်းက ၂၃၅ ခုရှိပါတယ်။ ဒီရေလှောင် တမံတွေထဲကမှ  ဇွန် ၁၄ ရက်မှာ ရေလှောင်တမံ ၃၂ ခုက  ကန်ရေပြည့်မှတ်ထက် ကျော်လွန်ပြီး ရေပိုလွှဲကနေ ရေကျော်စီးထွက်လျက်ရှိပါတယ်။ အဲဒီရေလှောင်တမံတွေ ကတော့  ချင်းပြည်နယ်မှာ တစ်ခု၊ စစ်ကိုင်းတိုင်းဒေသကြီး မှာ ခြောက်ခု၊ ပဲခူးတိုင်းဒေသကြီးမှာ လေးခု၊ မကွေးတိုင်း ဒေသကြီးမှာ ရှစ်ခု၊ မန္တလေးတိုင်းဒေသကြီးမှာ ခြောက်ခု၊ ရခိုင်ပြည်နယ်မှာ သုံးခုနဲ့ဧရာဝတီတိုင်းဒေသကြီးမှာ  လေး ခု တို့ပဲဖြစ်ပါတယ်။

မေး။ ။ဒီရက်ပိုင်းအတွင်း မိုးသည်းထန်စွာရွာသွန်းမှုကြောင့် တိုင်းဒေသကြီးနဲ့ ပြည်နယ်တချို့မှာစိုးရိမ်ရေမှတ်ရောက် ရှိနေတယ်လို့ သတင်းထွက်ပေါ်နေတဲ့ ဆည်တွေကို ဆည် မြောင်းနှင့် ရေအသုံးချမှု စီမံခန့်ခွဲရေး ဦးစီးဌာနအနေနဲ့ ဘယ်လိုစီမံဆောင်ရွက်ထားတယ်ဆိုတာ သိပါရစေ။

ဖြေ။  ။ ရေလှောင်တမံတွေမှာ စိုးရိမ်ရေမှတ်ဆိုပြီး သတ် မှတ်ထားခြင်းမရှိပါဘူး။ ရေဘေး ကာကွယ်ရေးတာများမှာ သာ စိုးရိမ်ရေမှတ်ဆိုပြီး သတ်မှတ်ထားတာရှိတာပါ။ ရေ လှောင်တမံတွေမှာ ဒီဇိုင်းပြုသတ်မှတ်ထားတဲ့ ကန်ရေပြည့် အမှတ်(Full Tank Level)နဲ့      အမြင့်ဆုံးတက်နိုင်တဲ့ ရေကြီးမှုရေမှတ် (Maximum High Flood Level)ဆိုပြီးရှိပါတယ်။

ယခုမိုးဦးကာလမှာ ဖြစ်ပေါ်နေတဲ့ မုန်တိုင်းတွေရဲ့ သက်ရောက်မှုကြောင့် နိုင်ငံတစ်ဝန်း မိုးသည်းထန်စွာ ရွာသွန်းတဲ့အတွက် ခုနကပြောတဲ့ ရေလှောင်တမံ ၃၂ ခုမှာ ပဲ  မူလဒီဇိုင်းပြုသတ်မှတ်ထားတဲ့ ကန်ရေပြည့်မှတ်ထက် ကျော်လွန်ပြီးတော့ ရေပိုလွှဲကနေ ရေကျော် စီးထွက်လျက် ရှိပါတယ်။ ဒီလို ရေပိုလွှဲကနေ ကျော်ပြီးစီးထွက်သွားတဲ့ ရေတွေဟာလည်း မူလချောင်းရိုးထဲကိုပဲ စီးဝင်သွားတာပါ။ရေပိုလွှဲကနေ ရေကျော်စီးထွက်နေတဲ့ ရေလှောင်တမံတွေ အပြင် လက်ရှိမိုးရွာသွန်းမှု အခြေအနေအရ တမံအတွင်း ကို စီးဝင်ရေ အများအပြား ဝင်ရောက်နိုင်ပြီးတော့အချိန်တို အတွင်း ကန်ရေမှတ်မြင့်တက်လာနိုင်တဲ့အတွက် ရေလှောင် တမံတွေမှာ အနိမ့်ဆုံးဦးစီးအရာရှိနဲ့အထက်  တာဝန်ခံ အင်ဂျင်နီယာတွေကိုယ်တိုင်    အနီးကပ်ကြီးကြပ်ပြီး လုပ်ငန်းကျွမ်းကျင်တဲ့  အတွေ့အကြုံရှိတဲ့ အင်ဂျင်နီယာ ဝန်ထမ်းတွေနဲ့  စုဖွဲ့ပြီး ၂၄ နာရီ စောင့်ကြည့်စီမံဆောင်ရွက် လျက်ရှိပါတယ်။

ဒီလိုစောင့်ကြည့် စီမံရာမှာ ရေလှောင်တမံနဲ့ ဆက်စပ် ရေအား အဆောက်အအုံတွေရဲ့ ကြံ့ခိုင်မှုကိုပါ စဉ်ဆက် မပြတ်   လှည့်လည်စစ်ဆေးတယ်။  လိုအပ်တဲ့  ကြိုတင် ကာကွယ်ရေးလုပ်ငန်းတွေကို အချိန်နဲ့တစ်ပြေးညီ ဆောင် ရွက်နိုင်ဖို့အတွက် အရေးပေါ်ကာကွယ်ရေး ပစ္စည်းတွေ ကြိုတင်စုဆောင်းထားတယ်။   စက်ယန္တရား၊  ယာဉ်နဲ့ လုပ်သားအင်အားတွေကို အရန်သင့်ဖွဲ့ထားတယ် စသဖြင့် စီမံဆောင်ရွက်ထားပါတယ်။

မေး။ ။ဆည်တွေမှာ ကန်ရေပြည့်မှတ်ထက်ကျော်လွန်ပြီး ရေပိုလွှဲကနေ ရေကျော် စီးထွက်နေပြီဆိုရင် ပြည်သူတွေသိ အောင် သတင်းထုတ်ပြန်ပေးတာမျိုးရော ရှိပါသလား။

ဖြေ။ ။ကန်ရေပြည့်မှတ်ထက်ကျော်လွန်ပြီး ရေပိုလွှဲကနေ ရေကျော်စီးထွက်လျက်ရှိတဲ့ ရေလှောင်တမံတွေရဲ့ အမည်၊ တည်နေရာနဲ့ ရေကျော်စီးထွက်မှုအခြေအနေကို အများ ပြည်သူ အလွယ်တကူသိရှိနိုင်အောင် ဌာနရဲ့လူမှုကွန်ရက် စာမျက်နှာ(Facebook) မှာလည်း နေ့စဉ် ဖော်ပြလျက်ရှိပါ တယ်။ ဒါ့အပြင် သတင်း၊ ဂျာနယ်တွေမှာလည်း အခါအား လျော်စွာ ထုတ်ပြန်ပေးလျက်ရှိပါတယ်။

မေး။ ။လက်ရှိမှာ ရေပိုလွှဲကနေ ရေကျော်စီးထွက်နေတဲ့ ဆည်တွေရဲ့ ကြံ့ခိုင်မှုအခြေအနေကို သိပါရစေ။

 ဖြေ။ ။ ဌာနအနေနဲ့ ရေလှောင်တမံတွေကို တည်ဆောက် ရာမှာ နောင်ရေရှည်ကြံ့ခိုင်စိတ်ချနိုင်ရေးအတွက် တိကျ သေချာစွာ ဒီဇိုင်းပြုလုပ်တွက်ချက်ပြီး သတ်မှတ်စံချိန်စံညွှန်း များနဲ့အညီ အရည်အသွေး ထိန်းချုပ်ဆောင်ရွက်ခဲ့တဲ့ အပြင် ပုံမှန်လည်း စနစ်တကျ ထိန်းသိမ်းစီမံလျက်ရှိတာ ကြောင့် ကျွန်တော်တို့ဌာနက ထိန်းသိမ်းစီမံ ဆောင်ရွက်လျက် ရှိတဲ့ ရေလှောင်တမံအားလုံးရဲ့ ကြံ့ခိုင်မှုအတွက် တစ်စုံ တစ်ရာ စိုးရိမ်စရာမရှိပါကြောင်း ပြောကြားလိုပါတယ်။

မေး။ ။ဆည်တွေကို တည်ဆောက်တဲ့အခါမှာ သဘာဝ ဘေးအန္တရာယ်ဒဏ်ခံနိုင်အောင် ဘယ်လိုတည်ဆောက်ခဲ့ တယ်ဆိုတာ သိပါရစေ။

ဖြေ။ ။ ရေလှောင်တမံတစ်ခု အကောင်အထည်ဖော်ဆောင် ရွက်တဲ့အခါမှာ   လိုအပ်တဲ့   အဓိကစူးစမ်းလေ့လာမှု လုပ်ငန်းတွေဖြစ်တဲ့     မြေပြင်အသေးစိတ်တိုင်းတာခြင်း၊ ဘူမိဗေဒနဲ့ ဇလဗေဒဆိုင်ရာ စူးစမ်းလေ့လာခြင်းလုပ်ငန်း တွေကို ဆောင်ရွက်ပြီးတဲ့နောက် စူးစမ်းလေ့လာမှုများအရ စီမံကိန်း ဖြစ်မြောက်နိုင်စွမ်းရှိရင် အသုံးပြုမယ့်ရည်ရွယ်ချက် နဲ့ အကျိုးရလဒ်၊ တည်ဆောက်မှု ကုန်ကျစရိတ်တို့အပြင် တမံရေသိုလှောင်နိုင်မှုနဲ့ တမံအောက်ဘက်မှာရှိတဲ့ ဒေသ တွေ ဘေးကင်းမှု အခြေအနေပေါ်မှာ မူတည် စဉ်းစားပြီးမှ ရေလှောင်တမံနဲ့ ရေပိုလွှဲအရွယ်အစားကို သတ်မှတ်ပြီး ဒီဇိုင်းပြုတည်ဆောက်ရတာ    ဖြစ်ပါတယ်။    စီမံကိန်း တည်ဆောက်နေစဉ် ကာလတစ်လျှောက်လုံးမှာလည်း ဌာန က ကျွမ်းကျင်ပြီး အတွေ့အကြုံရှိတဲ့ အင်ဂျင်နီယာတွေက စနစ်တကျ    ကြီးကြပ်ဆောင်ရွက်လျက်     ရှိတဲ့အပြင်  သတ်မှတ် စံချိန်စံညွှန်း ပြည့်မီရေးအတွက် အရည်အသွေး ထိန်းချုပ်စစ်ဆေးရေးအဖွဲ့တွေနဲ့    အနီးကပ်ကြပ်မတ် စစ်ဆေးဆောင်ရွက်ခဲ့တာကြောင့် ဌာနက တည်ဆောက် ထိန်းသိမ်းထားတဲ့ ရေလှောင်တမံတွေက ရေကြီးရေလျှံမှု သဘာဝဘေးဒဏ်ကို လုံခြုံစိတ်ချစွာနဲ့ ကြံ့ကြံ့ခံ ကာကွယ် လျက်ရှိပါတယ်။

မေး။ ။နှစ်စဉ် မိုးများပြီဆိုတာနဲ့ ဒေသခံတွေစိုးရိမ်ပူပန်နေကျဖြစ်တဲ့  ရာဇဂြိုဟ်ဆည်နဲ့ ကြီးအုံကြီးဝဆည်တွေရဲ့ လက်ရှိအခြေအနေနဲ့ ပတ်သက်ပြီး ပြောပြပေးပါဦး။

ဖြေ။ ။ရာဇဂြိုဟ်နဲ့ ကြီးအုံကြီးဝ ရေလှောင်တမံတွေမှာ လက်ရှိအခြေအနေအရ ကန်ရေပြည့်မှတ်ထက် ကျော်လွန် ပြီး ရေပိုလွှဲကနေ ရေကျော်စီးထွက်နေပေမယ့် တမံတွေရဲ့ ကြံ့ခိုင်မှုအနေနဲ့က တစ်စုံတစ်ရာ စိုးရိမ်ဖွယ်ရာ မရှိပါဘူးလို့ ပြောလိုပါတယ်။

မေး။  ။လူမှုကွန်ရက် စာမျက်နှာတွေမှာ ဆည်တွေနဲ့ ပတ်သက်ပြီး ကောလာဟလ သတင်းတချို့ ထွက်ပေါ်နေ တာနဲ့ ပတ်သက်လို့ ပြည်သူကို ဘာများအသိပေးပြောကြား လိုပါသလဲ၊ ဖြည့်စွက်ပြောကြားလိုတာ ရှိရင်လည်း ပြောကြားပေးပါ။

ဖြေ။ ။ ပြည်သူတွေကို အထူးအသိပေးပြောကြားလိုတာက ဆည်ရေတွေများလာလို့ ရေပိုလွှဲကနေ ရေဖောက်ချတာ ကြောင့် ရေကြီးတယ်ဆိုတာနဲ့ ဆည်တွေကျိုးပေါက်တော့ မယ်ဆိုတဲ့ ကောလာဟလတွေကို လုံးဝမယုံကြည်ကြဖို့နဲ့ ဌာနအနေနဲ့လည်း အချိန်ပြည့် စောင့်ကြည့်စီမံလျက်ရှိတဲ့ အပြင် လိုအပ်ရင် လိုအပ်သလို ပြည်သူတွေကို အချိန်နဲ့ တစ်ပြေးညီ အသိပေးသွားမှာပါ။ ဆည်ရေတွေများလာလို့ ဖောက်ချတာကြောင့် ရေကြီးတယ်ဆိုတာ လုံးဝမှန်ကန်မှု မရှိဘဲ နားလည်မှုလွဲမှားခြင်းသာဖြစ်ပါတယ်။ ဒီနေရာမှာ ရှင်းပြချင်တာက ရေပိုလွှဲဆိုတာ  ရေဖောက်ချလို့ရတဲ့အရာ မဟုတ်ဘဲ ကန်ရေပြည့် သိုလှောင်ပမာဏထက် ကျော် လွန်ပြီး   စီးဝင်လာတဲ့ရေတွေကို မူလမြစ်ချောင်းထဲကို စီးထွက်သွားစေဖို့   စနစ်တကျ  ဒီဇိုင်းပြုပြီးထည့်သွင်း တည်ဆောက်ထားတဲ့ ရေအား  အဆောက်အအုံတစ်ခု သာဖြစ်ပါတယ်။ ဆိုလိုချင်တာက တမံအတွင်း  သိုလှောင် နိုင်တဲ့ ရေပမာဏပြည့်လာလို့ရှိရင်နောက်ထပ်စီးဝင်လာ မယ့် ရေတွေကို ရေပိုလွှဲကတစ်ဆင့် ဖြတ်ကျော်စီးဆင်းစေ  ပြီး မူလချောင်းထဲကို ပြန်စီးဝင်သွားနိုင်အောင် တည် ဆောက်ထားခြင်းပဲ ဖြစ်ပါတယ်။ ရေပိုလွှဲဆိုတာ ရေကျော် စေချင်တိုင်းကျော်ခိုင်းလို့မရသလို မကျော်ပါနဲ့လို့လည်း တားဆီးလို့  မရပါဘူး။ မိုးတွင်းကာလမှာ ရေစီးဆင်းမှု ပမာဏများတဲ့    မြစ်၊ ချောင်းတွေကြောင့် ဒေသတွင်း ရေကြီးရေလျှံမှုတွေ ဖြစ်ပေါ်တဲ့အခါမှာ အဲဒီ မြစ်၊ ချောင်း တွေရဲ့ စီးဝင်ရေ တစ်စိတ်တစ်ပိုင်းကို ရေလှောင်တမံတွေ အတွင်းမှာ ထိန်းသိမ်းသိုလှောင်ပေးလိုက်တာနဲ့ ရေကြီး ရေလျှံမှုက အတိုင်းအတာတစ်ခုအထိ လျော့ပါးသက်သာ နိုင်တဲ့အတွက် မြန်မာနိုင်ငံတစ်ခုတည်း မဟုတ်ပါဘူး၊ တစ် ကမ္ဘာလုံးမှာပါ ရေဘေးကာကွယ်ရေး ရေလှောင်တမံတွေ တည်ဆောက်လျက်ရှိပါတယ်။ အထူးသဖြင့်  ဇလဗေဒ ဆိုင်ရာ စူးစမ်းလေ့လာမှုများအရ ရေဆင်းဧရိယာအတွင်း မှာ မိုးသည်းထန်စွာ ရွာသွန်းလို့ အများဆုံးဖြစ်ပေါ်လာနိုင်တဲ့ ရေကြီးချိန် ရေစီးနှုန်းတွေကို ခန့်မှန်းတွက်ချက်ပြီးတော့မှ ရေလှောင်တမံရဲ့ အမြင့်နဲ့ ရေပိုလွှဲရဲ့ အကျယ်တို့ကို လုံခြုံ စိတ်ချနိုင်တဲ့အခြေအနေအထိ မျှော်မှန်းတည်ဆောက်ထား တာဖြစ်ပါတယ်။

ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာန အနေနဲ့ မိုးလေဝသနှင့် ဇလဗေဒညွှန်ကြားမှုဦးစီးဌာနမှ ကြိုတင်သတိပေးချက်ထုတ်ပြန်လျက်ရှိတဲ့ ရာသီဥတုအခြေ အနေနဲ့ အချက်အလက်တွေကို  ပြည်သူတွေ ကြိုတင် သိရှိနိုင်ရေးအတွက်   ဒေသဆိုင်ရာ   အုပ်ချုပ်ရေးအဖွဲ့ အစည်းများမှတစ်ဆင့် လိုအပ်ရင် လိုအပ်သလို ထပ်ဆင့် ဖြန့်ဝေအသိပေး  ဆောင်ရွက်နေပါတယ်။     မိုးရာသီ ကာလမှာ ဆည်မြောင်းနှင့် ရေအသုံးချမှု စီမံခန့်ခွဲရေးဦးစီး ဌာနမှ အင်ဂျင်နီယာ ဝန်ထမ်းတွေကလည်း တမံကြံ့ခိုင်မှုနဲ့ လုံခြုံရေးအတွက် ၂၄ နာရီ ရေကင်းဂျူတီချပြီး အမြဲမပျက် စောင့်ကြည့်နေပါတယ်။ ထူးခြားဖြစ်စဉ်တွေရှိခဲ့ရင်လည်း နိုင်ငံပိုင် သတင်းစာ၊ ပုဂ္ဂလိက ဂျာနယ်နဲ့ လူမှုကွန်ရက် စာမျက်နှာတွေကနေပြီး ပြည်သူတွေ အချိန်နဲ့တစ်ပြေးညီ အခြေအနေမှန်ကို သိရှိနိုင်အောင် အသိပေးတင်ပြပေး သွားမှာပါ။ နောက်တစ်ခုက အခုနှစ် မေလ နောက်ဆုံးပတ်က နေ ယခုရက်ပိုင်းအတွင်း မြန်မာနိုင်ငံအနှံ့အပြား မိုးသည်း ထန်စွာ ရွာသွန်းတဲ့အတွက်ကြောင့် ဆည်မြောင်းနှင့် ရေ အသုံးချမှု   စီမံခန့်ခွဲရေးဦးစီးဌာနက  တည်ဆောက် ထိန်းသိမ်းထားတဲ့ ရေလှောင်တမံတွေ ထိခိုက်ပျက်စီးမှု တစ်စုံတစ်ရာ ဖြစ်ပေါ်ခဲ့ခြင်းလည်းမရှိပါဘူး။ ဒေသအစီ အစဉ်နဲ့ ထိန်းသိမ်းစီမံဆောင်ရွက်တဲ့   ဆည်၊    ကန် အချို့သာ ကျိုးပေါက်မှုတွေဖြစ်ပေါ်ခဲ့တဲ့အတွက် ဌာန အနေနဲ့ ဒေသဆိုင်ရာ အုပ်ချုပ်ရေးအဖွဲ့အစည်းတွေနဲ့ ပူးပေါင်းပြီး လူအား၊ စက်ယန္တရားအင်အားတွေနဲ့ ပံ့ပိုး ကူညီ     ဆောင်ရွက်ပေးလျက်ရှိတယ်ဆိုတဲ့အကြောင်း ဖြည့်စွက်ပြောကြားလိုပါတယ်။

ဟုတ်ကဲ့ အခုလိုဖြေကြားပေးတာ ကျေးဇူးတင်ပါတယ်။

တွေ့ဆုံမေးမြန်း - သီသီမင်း၊  ဓာတ်ပုံ  - ကောင်းမြတ်သိန်း