သင်္ဃန်းညီနောင်၊ မေ၂
ကော့ကရိတ်မြို့ဘက်မှမြ၀တီမြို့သို့တက်လာသော မန်းရွှေမြို့တော်Expressယာဉ်တစ်စီး ကော့ကရိတ်-မြ၀တီလမ်းပိုင်း ဒေသအခေါ် ကွမ်းခြံကုန်းကွေ့တွင်တိမ်းမှောက်မှုဖြစ်ပွားခဲ့ကြောင်း သင်္ဃန်းညီနောင်နယ်မြေရဲစခန်းမှသိရသည်။
မေလ၂ရက်နေ့၊ နံနက်(၁၀း၁၅)နာရီခန့်က ကော့ကရိတ်ဘက်မှတက်လာသော Expressယာဉ်တစ်စီး သင်္ဃန်းညီနောင်နယ်မြေရဲစခန်းအပိုင် ကွမ်းခြံကုန်းကွေ့တွင်တိမ်းမှောက်နေကြောင်းသတင်းအရ သင်္ဃန်းညီနောင်နယ်မြေရဲစခန်းမှ တာဝန်မှူး ဒုရဲအုပ်သုမောင်၊ ဒုရဲအုပ်မောင်မောင်လှ၊ နယ်ထိန်းခေါင်းဆောင် ဒုရဲအုပ်သက်နိုင်စိုး၊ ဦးစီးအဖွဲ့တို့သည် သက်သေသင်္ဃန်းညီနောင်ကျေးရွာ ရပ်မိရပ်ဖ ဦးကျော်မင်းစိုး၊ ရာအိမ်မှူး ဦးမောင်ဦးတို့နှင့်အတူ အခင်းဖြစ်ရပ်အားသွားရောက်စစ်ဆေးခဲ့ရာ ယာဉ်မောင်း ထက်အောင်(၂၆)နှစ်၊ယာဉ်မောင်း၊ စော်ဘွားရပ်ကွက်၊ (၅)လမ်း၊ တမူးမြို့နေသူ(ယာဉ်မောင်းလိုင်စင်မရှိ) မောင်းနှင်လာပြီး၊ ရွှေထူး(၂၈)နှစ် ၊ယာဉ်နောက်လိုက်၊ မြေနီကုန်းကားဝင်း၊ မော်လမြိုင်မြို့နေသူနှင့်ယာဉ်ပေါ်ပါခရီးသည် ကျား(၁၄)ဦး၊ မ(၁၁)ဦးလိုက်ပါလာသော YGN 4N-----ယာဉ်နံပါတ်တပ် "မန်းရွှေမြို့တော်"Expressယာဉ်သည် အခင်းဖြစ်နေရာအရောက်တွင် ယာဉ်ဘရိတ်အုပ်စဉ် မိုးရွာသွန်းမှုကြောင့်လမ်းချော်ပြီး လမ်းယာဘက်ခြမ်းသို့ ဦးပြန်လှည်ကာထိုးကျသွားခဲ့ကြောင်းသိရသည်၊ အဆိုပါယာဉ်တိမ်းမှောက်မှုကြောင့် ယာဉ်မောင်း၊ ယာဉ်နောက်လိုက်၊ ခရီးသည်တို့တွင် ဒဏ်ရာရရှိခြင်းမရှိသော်လည်း မော်တော်ယာဉ်မှာ ရှေ့လေကာမှန်ကွဲကြေ၊ ၀ဲဘက်ခြမ်းတံခါးပိန်ချိုင့်ခဲ့ကြောင်းသိရသည်။
သို့ဖြစ်၍ ယာဉ်အားမဆင်မခြင်မောင်းနှင်သူ ယာဉ်မောင်းထက်အောင်အား ဥပဒေအရအရေးယူပေးပါရန် တာဝန်မှူး ဒုရဲအုပ်သုမောင်မှ တရားလိုပြုလုပ်တိုင်တန်းသဖြင့် မေလ၂ရက်နေ့ နေ့လည်(၁၂း၀၅)နာရီအချိန်တွင် သင်္ဃန်းညီနောင်နယ်မြေရဲစခန်းကအမှုဖွင့်လှစ်အရေးယူထားကြောင်းသိရသည်။
တင်ဝင်းလှိုင်(ကော့ကရိတ်)
No comments:
Post a Comment