မြဝတီ-ကော့ကရိတ်အာရှလမ်း ၂၂ဘီးယာဉ်
လမ်းဘေးထိုးကျတိမ်းမှောက် ယာဉ်မောင်းသေဆုံး
ကော့ကရိတ် မေ ၇
ကရင်ပြည်နယ်၊မြဝတီမြို့နယ်၊မြဝတီ-ကော့ကရိတ်အာရှလမ်းတွင် မေလ ၆ရက်နေ့ ညနေပိုင်းက ၂၂ဘီးယာဉ်တစ်စီး လမ်းဘေးထိုးကျတိမ်းမှောက်၍ ထိခိုက်ဒဏ်ရာရရှိသူတစ်ဦးနှင့်သေဆုံးသူတစ်ဦးတို့အား ပုလဲ ဖြူအဖွဲ့ နှင့် သင်္ဃာန်းညီနောင် မြို့သစ် လူမှုကယ်ဆယ်ရေးအဖွဲ့ တို့မှကော့ကရိတ် ဆေးရုံသို့ ပို့ဆောင်ပေးခဲ့ကြောင်းသတင်းရရှိသည်။
မေလ ၆ရက်နေ့ ညနေ၅နာရီခွဲအချိန်ခန့် မြဝတီ-ကော့ကရိတ် အာရှလမ်းအတိုင်း မြဝတီဘက်မှ ကော့ကရိတ်ဘက်သို့ ယာဉ်မောင်း ဝင်းနိုင်(ကိုယ်ရေးအချက်အလက်စိစစ်ဆဲ)၊ကံကော်မြိုင်လမ်း၊အမှတ်(၅၃)ရပ်ကွက်၊တောင်ဒဂုံမြို့နယ်၊ရန်ကုန်တိုင်းဒေသကြီးနေသူမောင်းနှင်ပြီးယာဉ်နောက်လိုက်အဖြစ် အေးဥာဏ်၊၂၃နှစ်၊ကိုင်းပင်ကြီးစာဖြူစုကျေးရွာ၊မင်းလှမြို့နယ်နေသူတို့လိုက်ပါလာပြီး ကျောက်ပြားများ တင်ဆောင်မောင်းနှင်လာသော ၂၂ဘီးယာဉ်သည် မြဝတီ-ကော့ကရိတ်အာရှလမ်း၊ နတ်စင်ကွေ့အနီး မိုင်တိုင်အမှတ် ကီလိုမီတာ (၁၅၄)နှင့်(၁၅၅)ကြားအရောက်တွင် အရှိန်မထိန်းနိုင်ဘဲ လမ်းဘေးဝဲဘက်သို့ ထိုးကျတိမ်းမှောက်ခဲ့သဖြင့် ဝင်းနိုင်တွင် မျက်နှာစုတ်ပြတ်၊ဝမ်းဗိုက်ပေါက်ထွက်၊ ဝဲ/ယာလက်ခြေများကျိုးကြေကာ အခင်းဖြစ်နေရာတွင် သေဆုံးသွားပြီး ယာဉ်နောက်လိုက်ဖြစ်သူ အေးဥာဏ်တွင် ဝဲ/ယာခြေသလုံးပွန်း၊ရင်ဘတ်အောင့်(စိုးရိမ်ရ)ဒဏ်ရာများရရှိခဲ့၍ မှုခင်းဆေးစာဖြင့် ကော့ကရိတ်ဆေးရုံတွင် ဆေးကုသမှုခံယူလျက်ရှိကြောင်းသိရပြီး ယာဉ်မှာဦးခေါင်းကြေမွသွားကာ ကျပ်သိန်းသုံးရာခန့်ပျက်စီးဆုံးရှုံးသွားကြောင်း သိရသည်။
ဖြစ်စဉ်နှင့်ပတ်သက်ပြီး ကော့ကရိတ်မြို့မရဲစခန်းက ဥပဒေနှင့်အညီအမှုရေးဖွင့်ကာ ဆက်လက်စစ်ဆေးလျက်ရှိကြောင်း သတင်းရရှိသည်။
မင်းသူ/ထွန်းထွန်းထွေး(ဘားအံ)
Subscribe to:
Post Comments (Atom)
No comments:
Post a Comment