မြစ်ကြီးနား မေ ၂၂
မြစ်ကြီးနား-မန္တလေး မီးရထားလမ်းရှိ ကချင်ပြည်နယ်အပိုင်းတွင် မီးရထားတံတားသုံးစင်း ဖောက်ခွဲဖျက်ဆီးခံခဲ့ရပြီး မြန်မာ့မီးရထားဌာနနှင့် သက်ဆိုင် ရာဌာနများပူးပေါင်း၍ မီးရထားလမ်းတံတားများ ပြုပြင်ဆောင်ရွက်ခဲ့ခြင်းကြောင့် ယခုအခါ မီးရထားများ ပုံမှန်ပြေးဆွဲနေသည့်အချိန်အတိုင်း ပြန်လည် ပြေးဆွဲနိုင်ပြီဖြစ်ကြောင်း သိရသည်။
''မီးရထားလမ်းပွင့်တာကတော့ မေ ၁၇ ရက် ည ၇ နာရီကျော်လောက်မှာ ပွင့်ခဲ့တာပါ၊ အဲဒီနေ့က ရထားတွေကို လွှတ်လို့ရပေမယ့် ညအမှောင်ပိုင်းရောက်ပြီဆိုတော့ ရထားတွေ အန္တရာယ်မဖြစ်အောင် မလွှတ်တော့တာပါ၊ ပြည်သူတွေသိတဲ့ နံနက် ၆ နာရီကနေ ည ၆ နာရီအတွင်းသာ သွားလာခွင့်ရမယ်ဆိုတာ မေ ၁၇ ရက် တစ်ရက်ပဲ ညမှောင်သွားလို့ ကချင် ပြည်နယ်လမ်းအပိုင်းမှာရှိတဲ့ ဘူတာတွေမှာ ရထားတွေကို ညအိပ်ခိုင်းထားပြီး မီးရထား လက်မှတ်ခတွေ ပြန်အမ်းပေးခဲ့ရတာပါ၊ မေ ၁၈ ရက် မွန်းလွဲ ၂ နာရီကနေစပြီး ဖောက်ခွဲခံခဲ့ ရတဲ့ မီးရထားတံတားသုံးစင်းပြုပြင်ပြီးလို့ စိတ်ချ ရတာကြောင့် ရထားတွေပုံမှန်အချိန်အတိုင်း ပြန်လည် ပြေးဆွဲပေးနေပါပြီ''ဟု မြစ်ကြီးနား ဘူတာ ရုံပိုင်ချုပ် ဦးခင်သော်က ပြောသည်။
ဝင်းနိုင်(ကချင်မြေ)ကြေမှုံ
No comments:
Post a Comment