၂၂ ဘီးယာဉ် တိမ်းမှောက်ပြီး မီးလောင်မှုဖြစ်
ပဲခူး မေ ၁၃
ပဲခူးမြို့နယ် ဘုရားလေးကျေးရွာအနီး၌ မေ ၁၂ ရက် ညနေ ၆ နာရီခန့်က ရန်ကုန်-မ္တလေးလမ်းဟောင်းအတိုင်း တောင်မှ မြောက်သို့ မောင်းနှင်လာသော ၂၂ ဘီး ကုန်တင်ယာဉ်သည် ရှေ့မှသွားနေသောယာဉ်ကို အရှိန်ဖြင့်ကျော်တက်ရာမှ တိမ်းမှောက်မှုဖြစ်ပွားခဲ့ကြောင်း သိရသည်။
ယာဉ်တိမ်းမှောက်မှုဖြစ်ပွားကြောင်း သတင်းအရ ဘုရားကြီးနယ်မြေရဲစခန်းမှ တာဝန်ရှိသူများက သွားရောက် စစ်ဆေးခဲ့ရာ သက်ကို (၂၁ နှစ်) မာလာမြိုင်ရပ်ကွက် ပန်းတောင်းမြို့နယ်နေသူ မောင်းနှင်သည့် YGN-7M/---- ၂၂ ဘီး ကုန်တင်ယာဉ်သည် အခင်းဖြစ်ပွားသည့် မိုင်တိုင် ၆၂/၃ နှင့် ၄ အကြား ရှေ့မှ မောင်းနှင်သည့် ယာဉ်ကို အရှိန်ဖြင့် ကျော်တက်စဉ် အရှိန်လွန် တိမ်းမှောက်သွားခဲ့ သည်။
ယာဉ်တိမ်းမှောက်စဉ် ကတ္တရာလမ်းဖြင့် ပွတ်တိုက် မှုကြောင့် ရှေ့ဦးခေါင်းပိုင်း မီးလောင်ကျွမ်းခဲ့ရာ ဘုရားကြီးမြို့ မီးသတ်တပ်ဖွဲ့မှ မီးသတ်တပ်ဖွဲ့ဝင်များ ရောက်ရှိကာ ငြှိမ်းသတ်ခဲ့ရကြောင်းနှင့် ဘုရားကြီးနယ်မြေရဲစခန်းက အမှုဖွင့် အရေးယူဆောင်ရွက်ထားကြောင်း သိရသည်။
ကိုလွင်(ဆွာ)
No comments:
Post a Comment