မုံရွာမြို့ရှိ ရပ်ကွက်ကြီးများတွင် မီးဘေးအန္တရာယ် ကြုံရပါက ပိုက်တပ်၍ အလွယ်တကူ မီးငြိမ်းသတ်နိုင်သော အဆင့်မြင့် မီးသတ်ရေတိုင်များကို တစ်ရပ်ကွက်လျင် ၂ တိုင်နှုန်းဖြင့် ထားရှိသွားမည်ဖြစ်ကြောင်း မုံရွာမြို့နယ် မီးသတ်ဦးစီးမှူး ဦးညီညီဇော်ကပြောသည်။
၎င်းအဆင့်မြင့် ဟိုက်ဒရန့် မြေတွင်း မီးသတ်ရေငုတ်တိုင်များကို ချင်းတွင်းမြစ်ရေအား သန့်စင်၍ ရပ်ကွက်များသို့ ရေသန့်ပေးဝေနေသော AQUA PURA COMPANY LIMITED မှ မုံရွာမီးသတ်ဌာနနှင့်ပူပေါင်း တပ်ဆင်ပေးခြင်းဖြစ်ကြောင်းသိရသည်။
"အရင်ကတော့ မီးသတ်ရေတိုင်တွေ ရှိတယ်၊အဲဒီတိုင်တွေက မီးသတ်ကားရေဖြည့်လို့ပဲရတယ်၊ ပြီးတော့ ရေတိုင်က အစောင့်ရှိမှ ရေဖွင့်ထည့်လို့ရတယ်၊အခု လုပ်မယ့်တိုင်တွေက မီးစက်နှိုး ပိုက်တပ်ပြီး မီးလောင်မှုကို တိုက်ရိုတ်ငြိမ်းလို့ရတယ်၊မီးသတ်ကားလည်းရေဖြည့်လို့ရတယ်၊ကားဝင်လို့မရတဲ့ နေရာတွေမှာ အဲဒီရေတိုင်မှာ ပိုက် တပ်ဖွင့်တန်းပတ်ရုံပဲ၊ ရေက ၂၄ နာရီလာနေတာ၊ ရေချိုရေသန့်လည်း ဖြစ်လို့ မီးသတ်ကားတွေ မဆွေးလွယ်ဘူး "ဟု ဦးညီညီဇော်က ပြောသည်။
ဟိုက်ဒရန့်အဆင့်မြင့် ရေငုတ်တိုင်များကို မုံရွာမြို့မီးရထားသံလမ်း အနောက်ဘက်ခြမ်းရှိ ရပ်ကွက်များဖြစ်သော၊ ရုးံကြီး၊ကွေ့ကြီး၊ဆူးလေကုန်း၊ဘုရားကြီး၊မြို့သစ်၊အောင်ချမ်းသာ၊အိုးဘိုတောင်၊ဒေါနခြံ၊အေးသာယာ၊အလယ်ရပ်၊မုံရွာတောင် စသော ရပ်ကွက်များတွင် တပ်ဆင်သွားမည်ဖြစ်ကြောင်းသိရသည်။
ကိုသစ္စာ-မုံရွာ
No comments:
Post a Comment