Latest News

Wednesday, May 2, 2018

ကနီမြို့ နယ် စိမ်းပြာရေညှိထွက်ရှိသည့် တွင်းမသို့  ရှားပါးမျိုးငှက်မျိုးစိတ်ဖြစ်သည့် ဒေါင်းလန်းခြေထောက်ငှက် အများအပြား နှစ်စဉ် လာရောက် ကျက်စားလျက်ရှိ

ကနီမြို့နယ် စိမ်းပြာရေညှိထွက်ရှိသည့် တွင်းမသို့  ရှားပါးမျိုးငှက်မျိုးစိတ်ဖြစ်သည့် ဒေါင်းလန်းခြေထောက်ငှက် အများအပြား
 နှစ်စဉ် လာရောက် ကျက်စားလျက်ရှိ

ကနီမေ ၂

စစ်ကိုင်းတိုင်းဒေသကြီးယင်းမာပင်ခရိုင် ကနီမြို့ နယ်  ပက်ကြားဝ ကျေးရွာတွင်တည်ရှိသောစိမ်းပြာရေညှိ(စပီရူလိုင်းနား)
ထွက်ရှိသည့် တွင်းမသို့  ရှားပါးငှက်မျိုးစိတ်ဖြစ်သည့် ဒေါင်းလန်းခြေထောက်ငှက်  အများအပြား နှစ်စဉ်လာရောက်ကျက်စားလျက်
ရှိကြောင်းသိရသည်။

 ဒီငှက်တွေကိုဒေါင်းလန်ခြေထောက်ငှက်လို့လည်းမသိပါဘူး။ ဟိုတစ်နေ့ကသတင်းစာထဲမှ ဖတ်ကြည့်မိမှ ဒီငှက်တွေက
ရှားပါးငှက်မျိုးစိတ်ဖြစ်တဲ့ ဒေါင်းလန်းခြေထောက်ငှက်တွေ မှန်းသိရတာ။ ဒီဒေါင်းလန်းခြေထောက်ငှက်တွေ တွင်းမဘက်ကိုလာ
ရောက်ကျက်စားနေတာလေးငါးခြောက်နှစ်မကတော့ပါဘူး။တော်တော်ကြာပါပြီ။  တွင်းမကိုလာရောက်လည်ပတ်သူတွေလည်း
နည်းသေးတော့  ဒီငှက်တွေ ဒီမှာလာရောက်ကျက်စားတတ်မှန်းလူသိနည်းတာထင်တယ်။ ဆောင်းတွင်းကာလအတွင်းဖြစ်တဲ့
နိုဝင်ဘာလဆို ဒေါင်းလန်းခြေထောက်ငှက်တွေ ရာနဲ့ချီပြီးလာရောက်ကျက်စားတယ်။ ဒီတွင်းမမှာလာရောက်ကျက်စားတာကြာ
လို့ နဲ့ တူတယ် အချို့ ဒေါင်းလန်းခြေထောက်တွေကဆောင်းကုန်တဲ့အထိကျန်နေသေးတယ်။ဆောင်းတွင်းဆိုရင်တော့ ဒေါင်းလန်း
ခြေထောက်ငှက်တွေအပြင်အမျိုးအမည်  မသိတဲ့ ငှက်အမျိုးအစားတွေ တော်တော်များများလာကြတယ် ဟုတွင်းမအပန်းဖြေ
စခန်းတွင် ဈေးဆိုင်ခန်းဖွင့်လှစ်ရောင်းချသည့် ဒေသခံအမျိုးသားတစ်ဦးကပြောသည်။

 ဒေါင်းလန်းခြေထောက် ငှက်မျိုးစိတ် (White - Headed Stilt) ၏ သိပ္ပံအမည်မှာ(HimantopusLeucocephalus)ဖြစ်ပြီး
မြန်မာနိုင်ငံတွင် အင်းလေးကန်၊ မိုးယွန်းကြီးအင်း နှင့် တောင်သမန်အင်းတို့တွင် အဆိုပါငှက်မျိုးစိတ်ကိုသားငှက်ထိန်းသိမ်းရေး
အဖွဲ့  WCS (Wildlife Conservation Society)က ဆောင်းခိုရှားပါးငှက်မျိုးစိတ်သစ်အဖြစ်၂၀၁၇ ခုနှစ်နှင့်    ယခုနှစ်တွင်တွေ့ရှိထားကြောင်းသိရသည်။

ချမ်းသာ ( မိတ္ထီလာ)

No comments:

Post a Comment