မှန်လုံယာဉ် (၁)စီးဖမ်းဆီးရမိ
မူဆယ် မေ(၂၂)
ရှမ်းပြည်နယ်(မြောက်ပိုင်း)မူဆယ်ခရိုင်မူဆယ်မြို့နယ် နမ့်ပေါ်တံတား၌ မေ(၂၁)ရက်နေ့ညနေ(၃)နာရီအချိန်ခန့် တရားမ၀င် ကုန်ပစ္စည်းများတင်ဆောင်လာသော မှန်လုံယာဉ်တစ်စီးဖမ်းဆီးရမိခဲ့ကြောင်းသိရသည်။
ဖြစ်စဉ်မှာ ကုန်သွယ်ရေးဇုန် အနီးတွင် တရားမ၀င်မော်တော်ယာဉ်များ
ဖြတ်သန်း သွားလာလျက်ရှိကြောင်း သတင်းပေးပို့လာသဖြင့် ကုန်သွယ်ရေးဇုန် တာဝန်ခံညွန်ကြားရေးမှူး ဦးမြင့်သူရ၏ညွန်ကြားမူု့ဖြင့်လက်ထောက်ညွန်ကြားရေးမူး ဦးစိုးမြင့်အောင်ဦးစီးသောကုန်သွယ်ရေးအဖွဲ့နှင့် OSS မြန်မာနိုင်ငံ ရဲတပ်ဖွဲ့ဝင်များသည် ကုန်သွယ်ရေးဇုန် ရှောင်ကွင်းလမ်းများအား လိုက်လန် ကြည့်ရူ့စစ်ဆေးဆာင်ရွက်နေစဉ် မေ(၂၁)ရက် နေ့လည် (၂)နာရီအချိန်ခန့် ယာဉ်မောင်း ကိုဝေဖြိုး အသက်(၂၂)နှစ် မန္တလေးမြို့ပြည်ကြီးမြတ်ရှင်ကားကွင်းအနီး နေထိုင်သူ မောင်းနှင်သည့် ယာဉ်အမှတ် YGN/8F------ ခဲရောင်အပြာဆပ်ကြား ဆန်းသစ်ဂိတ်မှ မန္တလေး -လားရိူး-မူဆယ်ပြေးဆွဲသည့်မှန်လုံယာဉ်သည် မူဆယ်မှတရုတ်နိုင်ငံထုတ်ကုန်ပစ္စည်းများတင်ဆောင်ပြီးယာဉ်နောက်လိုက် ကိုဝင်းသိန်းအသက်(၂၇)နှစ် မူဆယ်မြို့ ဆင်ဖြူဂိတ်အနီးနေထိုင်သူ၊ ကျော်ကြီး(ခ) ကိုချမ်း အသက်(၃၂)နှစ် မန္တလေး မြို့ မဟာမြိုင်ရပ်ကွက်နေထိုင်သူတို့နှင့်အတူမူဆယ်မြို့မှထွက်ခွာလာစဉ် (၁၀၅)မိုင် ကုန်သွယ်ရေးဇုန် မူဆယ်မောင်းတံနှင့် ယာဉ်ငယ်စစ်ဆေးရေးဂိတ်၊လားရိူးမောင်းတံဂိတ်များကိုဖြတ်ကျော်ပြီး ပြည်ထောင်စုလမ်းမကြီးအတိုင်းလားရိူးဘက်သို့မောင်းနှင်သွားစဉ် မူဆယ်မြို့နယ်နမ့်ပေါ်တံတားအရောက် အဆိုပါမှန်လုံယာဉ်အား ရပ်တန့်စစ်ဆေးခဲ့ရာတွင် ယာဉ်ပေါ်၌ စာရွက် စာတမ်း အထောက်အထားများ တစ်စုံတစ်ရာပြသနိုင်ခြင်းမရှိသော တရုတ်နိုင်ငံထုတ် ကုန်ပစ္စည်းများအား တရားမ၀င်ဂျူတီ(Duty)မဲ့တင်ဆောင်ထားကြောင်းစစ်ဆေးတွေ့ရှိ့ခဲ့သောကြောင့် ယာဉ်နှင့်အတူယာဉ်မောင်းနှင့်ယာဉ်နောက်လိုက် ယာဉ်ပေါ်ပါ ပစ္စည်းများအား အသေးစိတ်ဆက်လက်စစ်ဆေးဆောင်ရွက်ရန်အတွက် (၁၀၅)မိုင်ကုန်သွယ်ရေးဇုန်သို့်ဖမ်းဆီးခေါ်ဆောင်လာခဲ့သည်။
ဆပ်လက်၍ကုန်သွယ်ရေးဇုန်အတွင်း၌ည(၈)နာရီမှ(၁၂း၃၀)အချိန်ခန့်ထိအဖွဲ့စုံဖြင့် အသေးစိတ် ရှာဖွေစစ်ဆေးခဲ့ရာ ယာဉ်ပေါ်တွင် တရားမ၀င် ဂျူတီ(Duty)မဲ့တင်ဆောင်ထားသော တရုတ်နိုင်ငံထုတ် တယ်လီဖုန်းများ၊ DVD ၊ EVDစက်များ၊ LED-TV/MONlTOR များ၊ KChibo. Ridio ရေဒီယိုစက်များ၊.မော်တော်ယာဉ်သုံး အပိုပစ္စည်းများ၊ မုန့်ပြုလုပ်ရာတွင်အသုံးပြုသော အန့ံအရည်များ၊ တင်ဆောင်ထားကြောင်းတွေ့ရှိခဲ့သည်။
အဆိုပါ.တရားမ၀င် တရုတ်နိုင်ငံထုတ်ကုန်ပစ္စည်းများအား ဂျူတီမဲ့တင်ဆောင်မောင်းနှင်သော မှန်လုံယာဉ်နှင့် ယာဉ်ပေါ်ပါပစ္စည်းများအား အကောက်ခွန်လုပ်ထုံးလုပ်နည်းနှင့်အညီ အရေးယူဆောင်ရွက်ပေးရန်အတွက် မေ(၂၂)ရက်နေ့တွင်ကုန်သွယ်ရေးဦးစီးဌာနမှအကောက်ခွန်ဦးစီးဌာနသို့လွဲပြောင်းပေးအပ်ခဲ့ကြောင်းသိရသည်။
သန့်ဇင်-မူဆယ်(မြန်မာ့အလင်း)
No comments:
Post a Comment