ဘားအံ မေ၂၈
ကရင်ပြည်နယ်ဘားအံမြို့နယ်အိန္ဒဲကျေးရွာအုပ်စု၊ ကေါ့ဝုန်းကျေးရွာအနီးအိန္ဒု - ဘားအံကားလမ်းဘေးရှိညောင်ပင်(နတ်စင်နှင့်တွဲလျှက်)အား မေလ ၂၇ရက်နေ့ညပိုင်းက အမည်နေရပ်လိပ်စာ(စုံစမ်းဆဲ)အမျိုးသားလူငယ်တစ်ဦးတည်း မောင်းနှင်လာသော MSX အမျိုးအစား အနီရောင်ဆိုင်ကယ် (လိုင်စင်စီစစ်ဆဲ)က အရှိန်မထိန်းနှိုင်ဘဲဝင်ရောက်တိုက်၍ ဆိုင်ကယ်တိမ်းမှောက်ကာဆိုင်ကယ်မောင်းသူ အမျိုးသား သေဆုံးသွားခဲ့ကြောင်းသတင်းရရှိသည်။
ဖြစ်စဉ်မှာ မေလ ၂၇ရက်နေ့ည ၈နာရီအချိန့် ဘားအံမြို့နယ်၊ အိန္ဒဲကျေးရွာအုပ်စုကေါ့ဝုန်းကျေးရွာအနီအိန္ဒု-ဘားအံကားလမ်းတွင်ယာဉ်တိမ်းမှောက်မှုဖြစ်ပွားကြောင်း သတင်းအရ အိန္ဒုနယ်မြေရဲစခန်း နယ်ထိန်းခေါင်းဆောင်ဒုရဲအုပ် အောင်ကျော်ကိုဦးစီးအဖွဲ့မှ သက်သေများနှင့်အတူ သွားရောက်စစ်ဆေးခဲ့ရာ အိန္ဒု-ဘားအံကားလမ်းအတိုင်း အိန္ဒုမှ ဘားအံဘက်သို့ အမည်နေရပ်လိပ်စာ(စုံစမ်းဆဲ)အသက် ၁၈ နှစ်ခန့် အမျိုးသားလူငယ်တစ်ဦးတည်း မောင်းလာသော နံပါတ်မပါ MSX အမျိုးအစားအနီရောင်ဆိုင်ကယ် သည် တစ်ဦးတည်းမောင်နှင်လာစဉ် ဘားအံမြို့နယ်အိန္ဒဲကျေးရွာ အုပ်စုကေါ့ဝုန်းကျေးရွာအနီးအရောက် အိန္ဒု-ဘားအံကားလမ်းဘေး ရှိ ညောင်ပင်(နတ်စင်နှင့်တွဲလျှက်)အားအရှိန်မထိန်းနိုင်ဘဲ ဝင်ရောက်တိုက်မိကာ ဆိုင်မှာ ကယ်တိမ်းမှောက်သွားခဲ့ခြင်းဖြစ်သည်။
ဆိုင်ကယ်တိမ်းမှောက်ခြင်းကြောင့် အမည်နေရပ်လိပ်စာမသိ အမျိုးသားလူငယ်တွင် နဖူးချိုင့်ဝင်ဒဏ်ရာ၊ ဝဲမျက်ခုံးပေါက်ပြဲဒဏ်ရာ ၊နှာခေါင်းသွေးထွက်ဒဏ်ရာ၊ နှုတ်ခမ်းပေါက်ပြဲဒဏ်ရာ၊ ပါးစပ်သွေးထွက်ဒဏ်ရာ၊ ဝဲလက်ဖျံရိုးကျိုးဒဏ်ရာ(စိုးရိမ်ရ/သတိမရ) ရရှိခဲ့သဖြင့်ဘားအံပြည်သူ့ဆေးရုံကြီးသို့မှုခင်းဆေးစာနှင့်အတူပို့ဆောင်ခဲ့ပြီး ဆေးကုသမှုခံယူနေစဉ် အခင်းဖြစ်စဉ်ရရှိခဲ့သောဒဏ်ရာ များကြောင့် သေဆုံးသွားခဲ့ကြောင်းသိရသည်။ဖြစ်စဉ်နှင့်ပတ်သက်ပြီး အိန္ဒုနယ်မြေရဲစခန်းက ဥပဒေနှင့် ဆက်လက်စစ်ဆေးလျှက်ရှိကြောင်း သတင်းရရှိသည်။
မြန်မာ့အလင်း၊မင်းသူ/ထွန်းထွန်းထွေး(ဘားအံ)
No comments:
Post a Comment