ချင်းတွင်းအသင်း(ရန်ကုန်) အသင်းသူအသင်းသားမိသားစုများကစုပေါင်းကျင်းပသည့် ပြည်ထောင်စုသမ္မတ မြန်မာနိုင်ငံတော်အစိုးရကချီးမြှင့်သောတိပိဋကဓရဓမ္မဘဏ္ဍာဂါရိကဘွဲ့တံဆိပ်တော်ရဘုတလင်ဆရာတော်ဘဒ္ဒန္တဣန္ဒာစရိယအားထပ်ဆင့်ပူဇော်ခြင်းဂုဏဝိသိဋ္ဌပူဇာသဘင်မဟာမင်္ဂလာအခမ်းအနားကို မေ၆ရက်မွန်းလွဲ၁နာရီကရန်ကုန်မြို့မရမ်းကုန်းမြို့နယ်စွယ်တော်မြတ်စေတီပရိဝုဏ်အတွင်းရှိအနုတ္တရောပုရိသဓမ္မသာရထိဓမ္မာရုံ၌ကျင်းပသည်။
အခမ်းအနားတွင် အောင်သိဒ္ဒိသဒ္ဓမ္မာရာမ ကျောင်းတိုက်ဆရာတော်ချင်းတွင်းအသင်းသြဝါဒါစရိယဘဒ္ဒန္တသဒ္ဒမ္မသာရကဧည့်ပရိသတ်များအားသီလပေးတရားချီးမြှင့်ပြီးချင်းတွင်းအသင်း (ရန်ကုန်)ဥက္ကဋ္ဌဦးဇော်ဝိတ်က လျှောက်ထားလွှာဖတ်ကြားခဲ့သည်။
ထိုသို့ချင်းတွင်းအသင်း(ရန်ကုန်)ဥက္ကဋ္ဌက လျှောက်ထားလွှာဖတ်ကြားရာတွင်ယနေ့အချိန်ထိတိပိဋကဓရ အောင်မြင်သူဆရာ တော်၁၄ပါးသာရှိသေးပါကြောင်း၊ပျမ်းမျှငါးနှစ်လောက်ကြာမှတစ်ပါး ပေါ်ထွန်းသည်ဟုဆိုနိုင်ပါကြောင်း၊သို့ဖြစ်၍တိပိဋက အောင်မြင်ရန်မည်မျှခက်ခဲသည်ကိုသိနိုင်ပြီးသာမန်Óဏ်၊သာမန်ဇွဲလုံ့လတို့ဖြင့်ရနိုင်ရန်ခက်ခဲသောဘွဲ့တံဆိပ်တော်ကိုမိမိတို့မွေးဖွားရာဇာတိချင်းတွင်းနွယ်ဖွားဆရာတော်တစ်ပါးကရရှိခဲ့ခြင်းအတွက်ချင်းတွင်းတစ်နယ်လုံးဂုဏ်ယူဝမ်းမြောက်မိပါကြောင်း လျှောက်ထားဖတ်ကြားသည်။
ထို့နောက်တိပိဋကဓရဓမ္မဘဏ္ဍာဂါရိကဘုတလင်ဆရာတော်ဘဒ္ဒန္တဣန္ဒာစရိယ၏အတ္ထုပ္ပတ္တိကိုဦးပညောဘာသကဖတ်ကြားပူဇော်ခြင်း၊ချင်းတွင်းအသင်းသြဝါဒါစရိယသိပ္ပမဉ္ဇူကျောင်းတိုက်ဆရာတော်ဘဒ္ဒန္တတိက္ခ ဥာဏထံမှသရဏီယသြဝါဒကထာနာယူခြင်းနှင့်ဂုဏဝန္ဒနာဂါထာကိုဦးဇာနေယျကဖတ်ကြားပူဇော်ခဲ့သည်။
ယင်းနောက်အလှူရှင်များကလှူဖွယ်ဝတ္ထုပစ္စည်းအစုစုတို့ကိုဆက်ကပ်လှူဒါန်းပူဇော်ခဲ့ကြပြီးတိပိဋကဓရဓမ္မဘဏ္ဍာဂါရိကဘုတလင်ဆရာတော်ဘဒ္ဒန္တဣန္ဒာစရိယထံမှသြဝါဒကထာနာယူခြင်းနှင့်လှူဒါန်းမှုအစုစုတို့အတွက် ရေစက်သွန်းချအမျှပေးဝေကာအခမ်းအနားကိုရုပ်သိမ်းသည်။
သတင်း-အေးမင်းသူ
ဓာတ်ပုံ-ခင်မောင်ဝင်း(ကြေးမုံ)
No comments:
Post a Comment