၁။ မည်သည့် အခကြေးငွေမျှ ကောက်ခံခြင်း/လက်ခံခြင်း မပြုရ။
၂။ ငွေကြေး/လက်ဆောင်ပစ္စည်း တစ်စုံတစ်ရာ လက်ခံခြင်း မပြုရ။
၃။ ကျောင်းဝတ်စုံအတွက် အတန်းတံဆိပ်နှင့် ကျောင်းတံဆိပ်များ ရောင်းချခြင်း မပြုရ။
၎။ အခြားမည်သည့် ပစ္စည်းကိုမျှ ရောင်းချခြင်း မပြုရ။
၅။ အသက် ၅ နှစ်ပြည့်သူတိုင်းအား သူငယ်တန်း (KG) တွင်လည်းကောင်း၊ အသက် ၆ နှစ်ပြည့်သူတိုင်းအား ပထမတန်း (Grade-1) တွင်လည်းကောင်း ကျောင်းနေအရွယ် အားလုံး ကျောင်းအပ်လက်ခံ ဆောင်ရွက်ရန်။
၆။ ကျောင်းတက်မှန်၍ စာသင်ချိန်ဇယားအတိုင်း ပုံမှန်အတန်းဝင် သင်ကြား သင်ယူပေးရန်၊ ရုံးတက်မှန်ရန်။
၇။ ကျောင်းသား၊ ကျောင်းသူများအား ပူးပေါင်းဆောင်ရွက်တတ်၍ တာဝန်ယူ တာဝန်ခံ ဆောင်ရွက်တတ်သော တီထွင်ကြံဆ နိုင်စွမ်းရှိသည့် လူသားကောင်းများ ဖြစ်လာစေ ရန်အတွက် ကျောင်းတက်မှန်ရေး၊ အိမ် စာများကို နေ့စဉ်လုပ်ဆောင်ရေး၊ သင်ယူတတ်မြောက်မှု အရည်အသွေး ကောင်းမွန်ရေး မိဘများနှင့် ပူးပေါင်းဆွေးနွေး ဆောင်ရွက် ပါရန်။
၈။ သက်ဆိုင်ရာ အတန်းများအလိုက် အခန်းဆုံး စစ်ဆေးခြင်းများကို ၂ဝ၁၈ ခုနှစ် ဇူလိုင်လတွင် တစ်ကြိမ်နှင့် ဒီဇင်ဘာလတွင် တစ်ကြိမ်၊ နှစ်လယ်စစ်ဆေးခြင်းကို အောက် တိုဘာလတွင် တစ်ကြိမ်၊ နှစ်ဆုံးစစ်ဆေးခြင်းကို ၂ဝ၁၉ ခုနှစ် ဖေဖော်ဝါရီလတွင် တစ်ကြိမ် စုစုပေါင်းလေးကြိမ်သာ ဆောင်ရွက်ရန်။
၉။ ကျောင်းခေါ်ချိန်မပြည့်သူများ၊ သင်ယူတတ်မြောက်မှု အားနည်းသော ကျောင်းသား၊ ကျောင်းသူများအတွက် ဖြည့်ဆည်း သင်ကြားပေးခြင်း (Remedial Education) ကို ဇူလိုင်လမှ စတင်၍ နှစ်ဆုံးစစ်ဆေးခြင်း မတိုင်မီအထိ စဉ်ဆက်ဆောင်ရွက်ရန်။
၁၀။ ကျောင်းသန့်ရှင်းရေး လုပ်ငန်းများနှင့် ကျောင်းဖွံ့ဖြိုးရေး လုပ်ငန်းများတွင် ပူးပေါင်းပါဝင် ဆောင်ရွက် တတ်စေရေး ကျောင်းသား၊ ကျောင်းသူများကို တိုက်တွန်း အားပေး ပါရန်။
၁၁။ မူလတန်းအဆင့်တွင် ပထမတန်း၊ ဒုတိယတန်း၊တတိယတန်း ကျောင်းသား၊ ကျောင်းသူများအားလုံး စာဖတ်တတ်ရန်၊ စာရေးတတ်ရန်၊ အခြေခံသင်္ချာ တွက်ချက်တတ် ရန်အတွက် အလေးအနက်ထား ဆောင် ရွက်ပြီး ကျောင်းထွက်သူလုံးဝ မရှိစေရေးနှင့် အလယ်တန်း၊ အထက်တန်း အဆင့်များသို့ အဆင့်ဆင့် ဆက်လက်ပညာ သင်ယူနိုင်ေ ရးအတွက် မိဘများနှင့် ပူးပေါင်းပါဝင် ဆောင်ရွက်ပေးပါရန်။
၁၂။ ပညာရေးဝန်ကြီးဌာန ဝန်ကြီးရုံးသို့ အကြံပြုလို၊ တိုင်ကြားလိုပါက ပညာရေးဝန်ကြီးဌာန ရုံးအမှတ် ၁၃၊ နေပြည်တော် သို့မဟုတ် dpsoffice@moe-mm.com သို့ပေးပို့ တိုင်ကြားနိုင်ပါသည်။
ပညာရေး ဝန်ကြီးဌာန
No comments:
Post a Comment