သင်္ယန်းညီနောင် မေ ၂၈
ကရင်ပြည်နယ်၊မြဝတီမြို့နယ်၊ကော့ကရိတ်-မြဝတီ အာရှလမ်းမကြီး၊ ကွမ်းခြံကုန်းကွေ့အဆင်းတွင် မေလ ၂၈ ရက်နေ့ နံနက်ပိုင်းက မှန်လုံယာဉ်တစ်စီး ကုန်းအဆင်း ဘရိတ်အုပ်စဉ် မိုးရွာနေသည့်အတွက် စလစ်ဖြစ်ကာ လမ်းယာဘက်ခြမ်းရှိ တောင်ကမ်းပါးယံအား ဝင်ရောက်တိုက်မိ၍ ယာဉ်ပေါ်ပါခရီးသည် (၆)ဦး ဒဏ်ရာရရှိခဲ့ကြောင်း သတင်းရရှိသည်။
ဖြစ်စဉ်မှာ မေ ၂၈ ရက် နံနက် ၉နာရီ အချိန်ခန့်က အာရှလမ်း၊ ကွမ်းခြံကုန်းကွေ့ အဆင်းတွင် မှန်လုံယာဉ်တစ်စီး စလစ်ဖြစ်၍ လမ်းဘေးကမ်းပါးယံအားဝင်တိုက်မိကာ ယာဉ်ပေါ်ပါခရီးသည်များ ဒဏ်ရာရရှိသွားကြောင်း သတင်းအရ သင်္ဃန်းညီနောင်နယ်မြေရဲစခန်းမှူး ရဲအုပ်နိုင်မင်းသိန်းဦးစီးအဖွဲ့မှ သက်သေများနှင့်အတူသွားရောက်စစ်ဆေးခဲ့ရာ ကော့ကရိတ်-မြဝတီအာရှလမ်း အတိုင်း ကော့ကရိတ်ဘက်မှ မြဝတီဘက်သို့ယာဉ်မောင်း ဟန်သူအောင်၊ ၃၄နှစ်၊(ဇ)ရပ်ကွက်၊မြောက်ဥက္ကလာပမြို့နယ်၊ရန်ကုန် တိုင်းဒေသကြီးနေသူမောင်းနှင်ပြီး ယာဉ်ပေါ် တွင် ခရီးသည် ကျား ၁၀ ဦး၊ မ ၇ ဦးလိုက်ပါလာသောMDY/----နံပါတ်တပ်၊မန္တလာမင်း၊အနီရောင်၊မှန်လုံယာဉ်သည် ကွမ်းခြံကုန်းကွေ့အဆင်း ဘရိတ်အုပ်စဉ် မိုးရွာသွန်းနေမှုကြောင့် လမ်းချော်ပြီး စလစ်ဖြစ်ကာ ယာဉ်မှာလမ်း၏ယာဘက်ခြမ်းရှိ တောင်ကမ်းပါးယံနှင့် ဝင်ရောက် တိုက်မိခဲ့ပြီး ယာဉ်ပေါ်လိုက်ပါလာသည့် ခရီးသည် ၁၇ ဦးအနက် မထက်ဝေဝေဖြိုး၊၃၇နှစ်၊(မ/၄၇၃)မြောက်ဒဂုံနေသူတွင် နှာခေါင်းသွေးထွက်ဒဏ်ရာ၊ မဝါဝါ၊၄၀နှစ်၊(မ/၅၆၄)စစ်ကိုင်းလမ်း၊တောင်ဥက္ကလာပနေသူတွင်အောက်နှုတ်ခမ်းပေါက်ပြဲဒဏ်ရာ၊ ကိုကိုသက်၊ ၃၆နှစ်၊စစ်ကိုင်းလမ်း၊တောင်ဥက္ကလာပနေသူတွင် ဇက်ပိုးနာကျင်၊ယာဒူးပွန်းနာကျင်ဒဏ်ရာ၊ မမင်းမင်းစိုး၊၄၅နှစ်၊အမှတ်(၄)ရပ်ကွက်၊မြဝတီမြို့နေသူတွင် ဦးခေါင်းထိပ်ဖူးရောင်၊ မေးစေ့ကွဲဒဏ်ရာ၊အောင်ကျော်မင်း၊၂၆နှစ်တွင် အမှတ်(၇၉၃)ရွှေအုတ်ဂူ(၁)လမ်း၊(၈)ရပ်ကွက်၊သာကေတမြို့နယ်နေသူတွင်နှာခေါင်းကွဲ/ သွေးထွက်ဒဏ်ရာ၊ဟန်ထွန်းအောင်၊၃၅နှစ်၊အမှတ်(၁၂) အောင်ဗလလမ်း၊တာမွေမြို့နယ်နေသူတွင် ရင်ဘတ်နာကျင်၊ တင်ပဆုံနာကျင်ဒဏ်ရာတို့ အသီးသီးရရှိပြီး စုစုပေါင်း ခရီးသည် (၆)ဦးဒဏ်ရာရရှိခဲ့သဖြင့် ဒဏ်ရာရရှိသူများကို မှုခင်းဆေးစာဖြင့် မြဝတီဆေးရုံကြီးသို့ ပို့ဆောင်ပေးခဲ့ကြောင်းသိရသည်။
ဖြစ်စဉ်နှင့်ပတ်သတ်ပြီး ယာဉ်မောင်း ဟန်သူအောင်အားသင်္ဃန်းညီနောင်နယ်မြေရဲစခန်းက အမှုရေးဖွင့် စစ်ဆေးလျက်ရှိကြောင်း သတင်းရရှိသည်။
မြန်မာ့အလင်း၊မင်းသူ/ထွန်းထွန်းထွေး(ဘားအံ)
No comments:
Post a Comment