ကမ္ဘာ့ဆေးလိပ်မသောက်ရေးနေ့

ကမ္ဘာ့ဆေးလိပ်မသောက်ရေးနေ့

နှစ်စဉ် မေလ ၃၁ ရက်နေ့ကို ကမ္ဘာ့ဆေးလိပ် မသောက်ရေးနေ့ (World No Tobacco Day)  အဖြစ် ကမ္ဘာ့ ကျန်းမာရေးအဖွဲ့က သတ်မှတ်ထားပါသည်။ ယခု ၂၀၁၈ ခုနှစ်တွင် ကမ္ဘာ့ ဆေးလိပ် မသောက်ရေးနေ့ ဆောင်ပုဒ်အဖြစ် “နှလုံးသွေးကြောရောဂါ ကင်းဝေးဖို့ ဆေးလိပ်၊ ဆေးရွက်ကြီး ရှောင်ကြစို့” (Tobacco breaks Hearts) ဟု သတ်မှတ် ဆောင်ရွက်ရန် နှိုးဆော်ထားပါသည်။ မြန်မာနိုင်ငံတွင် ကျန်းမာရေးနှင့် အားကစား ဝန်ကြီးဌာနသည် ကမ္ဘာ့ကျန်းမာရေး အဖွဲ့နှင့်ပူးပေါင်း၍ နှစ်စဉ် မေလ ၃၁ ရက်နေ့တိုင်း ကမ္ဘာ့ဆေးလိပ် မသောက်ရေးနေ့ အခမ်းအနားနှင့် လှုပ်ရှားမှုလုပ်ငန်းများကို စဉ်ဆက်မပြတ်ဆောင်ရွက်ခဲ့ပါသည်။

▲▲၂၀၁၈ ခုနှစ် ကမ္ဘာ့ဆေးလိပ်မသောက်ရေးနေ့ လှုပ်ရှားမှုများ၏ ရည်ရွယ်ချက်များ ▲▲

ယခု ၂၀၁၈ ခုနှစ်တွင် ကမ္ဘာ့ဆေးလိပ်မသောက်ရေးနေ့ လှုပ်ရှားမှုလုပ်ငန်းရည်ရွယ်ချက်များအဖြစ်

- ဆေးလိပ်နှင့် ဆေးရွက်ကြီးထွက်ပစ္စည်း သုံးစွဲမှုကြောင့် နှလုံးသွေးကြောရောဂါများ ဖြစ်စေပုံကို မီးမောင်းထိုးပြရန်၊

- ပြည်သူများအား ဆေးလိပ်နှင့် ဆေးရွက်ကြီးထွက် ပစ္စည်းသုံးစွဲမှုသာမက တစ်ဆင့်ခံ ဆေးလိပ်ငွေ့ ကြောင့်လည်း နှလုံးသွေးကြောရောဂါများ ဖြစ်စေတတ်ပုံကို ပိုမိုသိရှိစေရေးအတွက် ပညာပေးဆောင်ရွက်ရန်၊

- ဆေးလိပ်နှင့် ဆေးရွက်ကြီးထွက်ပစ္စည်းသုံးစွဲမှုအန္တရာယ်မှ ကာကွယ်ပေးခြင်းဖြင့် နှလုံးသွေးကြော ကျန်းမာရေး မြှင့်တင်ပေးမည့် ကတိကဝတ်များ အာမခံ ကျင့်သုံးနိုင်ရန်လူထု၊ အစိုးရနှင့် သက်ဆိုင်ရာ နှီးနွှယ်ဌာနဆိုင်ရာ အဖွဲ့အစည်းများအား စည်းရုံးဆောင်ရွက်နိုင်ရန်၊

- ကမ္ဘာ့ကျန်းမာရေးအဖွဲ့ဝင်နိုင်ငံများအား ဆေးလိပ်နှင့် ဆေးရွက်ကြီးထွက်ပစ္စည်းသောက်သုံးမှု ထိန်းချုပ်ရေးအပြည်ပြည်ဆိုင်ရာကွန်ဗင်းရှင်းတွင် ပါဝင်သည့် MPOWER လုပ်ငန်းစဉ်အား ထိရောက်စွာအကောင်အထည်ဖော်နိုင်ရေး အားပေးကူညီရန်သတ်မှတ်ထားပါသည်။

▲▲ ဆေးလိပ်နှင့်ဆေးရွက်ကြီးထွက်ပစ္စည်းဆိုသည်မှာ ▲▲

မြန်မာနိုင်ငံတွင်၂၀ဝ၆ ခုနှစ် မေလ ၄ ရက်နေ့တွင် ပြဋ္ဌာန်းခဲ့သော ဆေးလိပ်နှင့် ဆေးရွက်ကြီးထွက် ပစ္စည်းသောက်သုံးမှု ထိန်းချုပ်ရေးဥပဒေအရ ဆေးလိပ်နှင့် ဆေးရွက်ကြီး ထွက်ပစ္စည်း၏ အဓိပ္ပာယ်ကို အောက်ပါအတိုင်း ဖွင့်ဆိုထားပါသည်။

ဆေးလိပ်ဆိုသည်မှာ ဆေးရွက်ကြီး ထွက်ပစ္စည်းအား မီးလောင်ကျွမ်းစေခြင်းဖြင့် ထွက်ပေါ်လာသော အခိုးအငွေ့ကို ရှူရှိုက်ရန်အလို့ငှာ တစ်နည်းနည်းဖြင့် စီမံထားသည့် စီးကရက်၊ ဆေးပေါ့လိပ်၊ ဆေးပြင်းလိပ်၊ ဆေးတံနှင့် အလားတူ အခြားပစ္စည်း တစ်မျိုးမျိုးကို ဆိုလိုသည်။

ဆေးရွက်ကြီးထွက် ပစ္စည်းဆိုသည်မှာ ဆေးရွက်ကြီး ပင်တစ်ခုလုံးကိုဖြစ်စေ၊ အစိတ်အပိုင်းတစ်ခုခု ကိုဖြစ်စေ၊ အရွက်ကို ဖြစ်စေ၊ အရိုးကိုဖြစ်စေ သောက်ရန် သို့မဟုတ် သုံးရန်အလို့ငှာ ပြုပြင် စီမံထားသော ပစ္စည်းတစ်မျိုးမျိုးကို ဆိုလိုသည်။

သို့ဖြစ်ပါ၍ ယခုအခါ ခေတ်စားလျက်ရှိသည့် အီးစီးကရက် (E-cigarette) ၊ ရှီရှား (Shisa)  တို့သည် ဆေးလိပ်နှင့် ဆေးရွက်ကြီးထွက် ပစ္စည်းများတွင် အကျုံးဝင်ပါသည်။

▲▲ ဆေးလိပ်နှင့် နှလုံးသွေးကြောရောဂါများ ▲▲

ဆေးလိပ်စသောက်လိုက်သည်နှင့် သုံးစက္ကန့်အတွင်း လူ၏ ခန္ဓာကိုယ်ကို စတင်အန္တရာယ်ပေးပါသည်။ ဆေးလိပ်မီးခိုးတွင် ဓာတ်ငွေ့များ၊ ရေငွေ့များနှင့် သေးငယ်သော အမှုန်အခဲကလေးများ ပါဝင်ကြပါသည်။ ဆေးလိပ်မီးညှိ၍ သောက်လိုက်သောအခါ မီးလောင်သောဆေးလိပ်မှ ဓာတုပစ္စည်းများစွာ ပါဝင်သော ဆေးလိပ်မီးခိုး ဖြစ်ပေါ်လာသည်။ လက်ရှိ သုတေသနပြုချက်များအရ ဆေးလိပ်မီးခိုးတွင် နီကိုတင်း၊ ကတ္တရာ၊ ကာဗွန်မိုနောက်ဆိုက်၊ ဘင်ဇင်း၊ အမိုးနီးယားစသော လူကိုသေစေတတ်သည့် ကင်ဆာရောဂါ ဖြစ်စေတတ်သော ပစ္စည်း အမျိုး ၇၀ခန့် အပါအဝင် ဓာတုပစ္စည်း ၇၀ဝ၀ ကျော်ပါဝင်ကြောင်းသိရပါသည်။ အဆိပ် ဓာတ်ငွေ့များပါသော ဆေးလိပ်မီးခိုးသည် အဆုတ်၊ နှလုံး၊ ဦးနှောက်နှင့် လူ့ခန္ဓာကိုယ် အစိတ်အပိုင်း အားလုံးသို့ ရောက်ရှိကာ ဒုက္ခပေးပါတော့သည်။

ဆေးလိပ်သောက်လိုက်လျှင် ဆေးလိပ်အခိုးအငွေ့ထဲတွင် ပါဝင်သော နီကိုတင်းနှင့် ကာဗွန်မို နောက်ဆိုက်ဓာတ်များသည် အဆုတ်မှတစ်ဆင့် ခန္ဓာကိုယ် သွေးကြောများထဲသို့ ရောက်ရှိကာ နှလုံးကို တစ်မိနစ်လျှင် ၁၅ ကြိမ်မှ ၂၅ ကြိမ်အထိ ပိုခုန်စေ၍ သွေးပေါင်ချိန်ကိုလည်း ၁၀ မှ ၂၀ အထိ မြင့်တက်စေပါသည်။ ထို့အတွက်ကြောင့် နှလုံးသည် ပို၍အလုပ်လုပ်ရပါသည်။ နှလုံးထဲတွင်ရှိသော သွေးကိုခဲစေပါသည်။ နှလုံးသွေးကြောအတွင်း မျက်နှာပြင်ကို ပျက်စီးစေပါသည်။ သွေးကြောများကို ကျဉ်းစေပါသည်။

ဆေးလိပ်သောက်ခြင်းကြောင့် နှလုံးသွေးကြောကျဉ်းရောဂါ၊ နှလုံးသွေးကြောပိတ်ရောဂါ၊ နှလုံး မမှန်သည့်ရောဂါ၊ ဦးနှောက်သွေးကြောပိတ်၍ လေဖြတ်သည့်ရောဂါ၊ ဦးနှောက် အမြှေးပါး အောက်သွေးယိုခြင်း၊ ခြေပုပ်၊ လက်ပုပ်ရောဂါဖြစ်ခြင်း၊ ပြင်းထန်သည့် သွေးတိုး ရောဂါဖြစ်ခြင်း၊ အဆုတ်ကြောင့်ဖြစ်သော နှလုံးရောဂါဖြစ်စေခြင်း၊ ပင်မသွေးကြော လွယ်ကူစွာပေါက်နိုင်ခြင်းတို့ ဖြစ်နိုင်ပါသည်။

ကမ္ဘာပေါ်တွင် နှလုံးသွေးကြောရောဂါကြောင့် သေဆုံးမှုများ၏ ၁၂ ရာခိုင်နှုန်းသည်ဆေးလိပ်နှင့် ဆေးရွက်ကြီးထွက် ပစ္စည်းသုံးစွဲခြင်းနှင့် တစ်ဆင့်ခံ ဆေးလိပ်ငွေ့များကြောင့် ဖြစ်ရကြောင်းနှင့် ဆေးလိပ်နှင့် ဆေးရွက်ကြီးထွက် ပစ္စည်းသုံးစွဲခြင်းသည်သွေးတိုးရောဂါပြီးလျှင် နှလုံးသွေးကြောရောဂါဖြစ်ပွား စေသော ဒုတိယအကြောင်းရင်း တစ်ခုဖြစ်ကြောင်း ကမ္ဘာ့ကျန်းမာရေးအဖွဲ့က ထုတ်ပြန်ထားပါသည်။

▲▲ ဆေးလိပ်ကြောင့်ဖြစ်သော အခြားရောဂါများနှင့် အန္တရာယ်များ ▲▲

ကိုယ်တိုင် ဆေးလိပ်သောက်ခြင်း၊ သူတစ်ပါး ဆေးလိပ်ငွေ့ကို ရှူရှိုက်ရခြင်းနှင့်ဆေးပါသော ကွမ်းစားခြင်းတို့ကြောင့် နှလုံးသွေးကြော ရောဂါများအပြင် အဆုတ်ပြွန်ရောင်ခြင်း၊ အဆုတ်ပွရောဂါ၊ ခံတွင်းကင်ဆာ၊ လည်ချောင်းကင်ဆာ၊ အဆုတ်ကင်ဆာနှင့် အခြားကင်ဆာများဖြစ်ပွားခြင်း။ အမျိုးသားများတွင် အသက်ရှူမဝခြင်း၊ ပန်းသေပန်းညှိး ရောဂါရခြင်း၊ အိမ်ထောင်ရေးသုခ အပြည့်အဝ မခံစားနိုင်ခြင်းတို့ ဖြစ်နိုင်ပါသည်။

ကိုယ်ဝန်ဆောင် အမျိုးသမီးများ ဆေးလိပ်သောက်လျှင်၊ သူတစ်ပါး ဆေးလိပ်ငွေ့ရှူရလျှင် ကိုယ်ဝန် ပျက်ခြင်း၊ ကလေးအသေမွေးခြင်း၊ လမစေ့၊ ပေါင်မပြည့်သောကလေးမွေးဖွားခြင်း၊ မွေးရာပါ ကိုယ်လက်အင်္ဂါ ချို့ယွင်းသည့်ကလေး မွေးဖွားခြင်း၊ မွေးကင်းစကလေး ရုတ်တရက်သေဆုံးခြင်းများ ဖြစ်စေနိုင်ပါသည်။

ဆေးလိပ်မီးခိုးငွေ့များသည် မွေးကင်းစကလေးငယ်များနှင့် လသားကလေးငယ်များတွင် အသက် ရှူလမ်းကြောင်းရောဂါများ၊ ပန်းနာရင်ကျပ်ရောဂါနှင့် မကြာခဏ နားပြည်ယိုခြင်းများ ဖြစ်တတ်ပါသည်။ ဆေးလိပ်နှင့် ဆေးရွက်ကြီးထွက် ပစ္စည်းသုံးစွဲခြင်းသည် လူတစ်ဦးချင်း၊ မိသားစု၊ ပတ်ဝန်းကျင်၊ လူ့ အသိုင်းအဝိုင်းနှင့် နိုင်ငံအတွက်ပါ ထိခိုက်စေသည့် နောက်ဆက် တွဲဆိုးကျိုးများစွာ ဖြစ်ပေါ် စေသည့်အပြင် လူမှုရေး၊ စီးပွားရေးနှင့် ပတ်ဝန်းကျင်ကိုပါ ထိခိုက်စေသည့် လတ်တလောနှင့် ရေရှည်ဆိုးကျိုးများစွာ ဖြစ်ပေါ်စေပါသည်။

၂၀၁၈ ခုနှစ် မေလအတွင်း ကမ္ဘာ့ကျန်းမာရေးအဖွဲ့၏ ထုတ်ပြန်ချက်အရ ကမ္ဘာပေါ်တွင် ဆေးလိပ်နှင့် ဆေးရွက်ကြီးထွက် ပစ္စည်းသုံးစွဲသူ ၁ ဒသမ ၁ ဘီလီယံရှိသည့်အနက် ဆေးလိပ်နှင့် ဆေးရွက်ကြီး သောက်သုံးမှုကြောင့် နှစ်စဉ်လူပေါင်း ခုနစ်သန်းခန့် သေဆုံးလျက်ရှိပြီး ယင်းတို့အနက် ဆေးလိပ် မသောက်သော်လည်း သူတစ်ပါး၏ ဆေးလိပ်ငွေ့ကို ရှူရှိုက်ရခြင်းကြောင့် သေဆုံးရသူ ၈၉၀ဝ၀ဝ ခန့်ပါဝင်ကြောင်း သိရပါသည်။

မြန်မာနိုင်ငံတွင် အသက် ၁၃ နှစ်မှ ၁၅ နှစ်ရှိကျောင်းသား ကျောင်းသူများအတွင်း စီးကရက် သောက်သုံးမှုနှုန်းမှာ (Global Youth Tobacco Survey GYTS) အရ ၂၀၁၁ ခုနှစ် စစ်တမ်းတွင် ၈ တန်း၊ ၉ တန်း၊ ၁၀ တန်း ကျောင်းသား ကျောင်းသူများ၏ ၆ ဒသမ ၈ ရာခိုင်နှုန်းရှိရာမှ ၂၀၁၆ ခုနှစ် စစ်တမ်းတွင်မူ ၈ ဒသမ ၃ ရာခိုင်နှုန်းသို့ ပြန်လည်မြင့်တက်လာသည်ကို တွေ့ရှိရပါသည်။ ထို့ပြင် မြန်မာကျောင်းသား လူငယ်များအတွင်း ဆေးရွက်ကြီးပါသော ကွမ်းစားသုံးမှုသည်မြင့်တက်လာကြောင်း တွေ့ရှိရပါသည်။

အသက် ၁၅ နှစ်မှ ၄၉ နှစ်အတွင်း လူကြီးပိုင်းတွင်မူ မြန်မာအမျိုးသားများ၏ ၃၂ ရာခိုင်နှုန်းသည် စီးကရက် သောက်သုံးကြ၍ ၁၄ ရာခိုင်နှုန်းသည် ဆေးပေါ့လိပ်၊ ဆေးတံသောက်သုံးကြကြောင်း၊ မြန်မာအမျိုးသမီးများ၏ နှစ်ရာခိုင်နှုန်းခန့်သာ စီးကရက်(သို့မဟုတ်) ဆေးပေါ့လိပ်၊ ဆေးတံ သောက်သုံးကြကြောင်း၊ မြန်မာအမျိုးသား ၅၉ ရာခိုင်နှုန်းနှင့် အမျိုးသမီး ၁၈ ရာခိုင်နှုန်းတို့သည် ကွမ်းယာစားသုံးကြကြောင်း ကျန်းမာရေးနှင့် အားကစား ဝန်ကြီးဌာန၏ မြန်မာနိုင်ငံ လူနေမှုဘဝနှင့် ကျန်းမာရေးဆိုင်ရာ အချက်အလက်စစ်တမ်း ၂၀၁၅-၂၀၁၆ အရသိရှိရပါသည်။

▲▲၂၀၁၈ မြန်မာ့ ဆေးလိပ်နှင့် ဆေးရွက်ကြီးထွက် ပစ္စည်းသောက်သုံးမှု ထိန်းချုပ်ရေးဗျူဟာအသစ် ▲▲

ကမ္ဘာ့ကျန်းမာရေးအဖွဲ့၏ ဦးဆောင်မှုဖြင့် ဆေးလိပ်နှင့်ဆေးရွက်ကြီးထွက် ပစ္စည်းသောက်သုံးမှု ထိန်းချုပ်ရေး အပြည်ပြည်ဆိုင်ရာ ကွန်ဗင်းရှင်းကို မြန်မာနိုင်ငံမှ ၂၀ဝ၃ ခုနှစ် အောက်တိုဘာလ ၂၃ ရက်နေ့တွင် သဘောတူ လက်မှတ်ရေးထိုးခဲ့ပြီး ၂၀ဝ၄ ခုနှစ် ဧပြီလ ၂၀ ရက်နေ့တွင် အတည်ပြုခဲ့ပါသည်။ မြန်မာနိုင်ငံအနေဖြင့် ဆေးလိပ်နှင့် ဆေးရွက်ကြီးထွက်ပစ္စည်း ထိန်းချုပ်ခြင်း အပြည်ပြည်ဆိုင်ရာ ကွန်ဗင်းရှင်းကို အတည်ပြုသည့် ၁၁ နိုင်ငံမြောက်နိုင်ငံအဖြစ် ကမ္ဘာ့အလယ်မှာ ဂုဏ်ယူဝင့်ကြွားဖွယ် ဖြစ်ခဲ့ပါသည်။ မြန်မာနိုင်ငံသည် ၂၀ဝ၆ ခုနှစ် မေလ ၄ ရက်နေ့တွင် ဆေးလိပ်နှင့် ဆေးရွက်ကြီးထွက် ပစ္စည်းသောက်သုံးမှု ထိန်းချုပ်ရေးဥပဒေကို ပြဋ္ဌာန်းခဲ့ပါသည်။

ထို့ပြင်၂၀၁၆ ခုနှစ် စက်တင်ဘာလတွင် စတင် အာဏာတည်သော ဆေးလိပ်ထုပ်တိုင်း၏ မျက်နှာပြင် ၅၀ ရာခိုင်နှုန်းတွင် ဆေးလိပ်အန္တရာယ်များ ဖော်ပြသော ရုပ်ပုံများနှင့် မျက်နှာပြင် ၂၅ ရာခိုင်နှုန်းတွင် ကျန်းမာရေး သတိပေးချက် စာသားများဖော်ပြရန်သတ်မှတ်ချက် စုစုပေါင်း ၇၅ ရာခိုင်နှုန်း Pictorial Health Warning သည် ကမ္ဘာပေါ်တွင် အဆင့်ရှစ်လိုက်ပါသည်။ ကျန်းမာရေးနှင့် အားကစားဝန်ကြီးဌာနသည် ကုလသမဂ္ဂနှင့် နှီးနွှယ်ဌာန အဖွဲ့အစည်းများ၊ စေတနာ့ ဝန်ထမ်းအဖွဲ့အစည်းများနှင့် ပူးပေါင်း၍ ဆေးလိပ်နှင့် ဆေးရွက်ကြီး ကင်းဝေးရေးစီမံချက်ဖြင့် ဆေးလိပ်နှင့် ဆေးရွက်ကြီးထွက်ပစ္စည်း သောက်သုံးမှုကို လျော့နည်းစေရန် (MPOWER) မူဝါဒ ခြောက်ချက် ချမှတ်ဆောင်ရွက်လျက်ရှိပါသည်။

သို့ဖြစ်ပါ၍ သင်နှင့် သင့်မိသားစု နှလုံးသွေးကြောရောဂါ အပါအဝင် ရောဂါဘယ ကင်းဝေးစေရန်နှင့် ဆေးလိပ်နှင့် ဆေးရွက်ကြီးထွက်ပစ္စည်း အန္တရာယ်မျိုးစုံမှကာကွယ်နိုင်ရန် အောက်ပါအချက်များကို လိုက်နာဆောင်ရွက် စေလိုပါသည်။

- ဆေးလိပ်သောက်ခြင်း၊ ကွမ်းစားခြင်းတို့ကို အစ မပြုပါနှင့်၊

- ကိုယ်ဝန်ဆောင်နှင့် ကလေးငယ်များ အနီးတွင် ဆေးလိပ်သောက်ခြင်း၊ ကလေးငယ်အား ဆေးလိပ်မီး ညှိခိုင်းခြင်းကို ရှောင်ကြဉ်ပါ။

- နှလုံးသွေးကြောရောဂါနှင့် အခြားနောက်ဆက်တွဲ ရောဂါများဖြစ်ပွားလာပါက နီးစပ်ရာဆေးရုံ၊ ဆေးခန်းနှင့် ကျန်းမာရေးဌာနများတွင် ဆောလျင်စွာပြသ၍ စနစ်တကျ ကုသမှုခံယူပါ။

- ဆေးလိပ်စွဲနေလျှင်ဖြတ်ရန် ကြိုးစားပါ၊ နီးစပ်ရာ ကျန်းမာရေးဌာနတွင် တိုင်ပင်ပြသပါ။ သုတေသန ပြုချက်အရ ယနေ့ဆေးလိပ်ဖြတ်လျှင် ယနေ့ အကျိုးရှိကြောင်း၊ နှလုံးသွေးကြောရောဂါ အန္တရာယ် လျော့နည်းစေကြောင်း သိရှိရပါသည်။

မှီငြမ်း

-Word No Tobacco Day media Kit, WHO, -Word No Tobacco Day media Kit, WHO, 2018

- FCTC 2030 Strategy: Myanmar, WHO -FCTC 2030 Strategy: Myanmar, WHO FCTC Secretariat, 2018

–The Tobacco Atlas, 6th Edition, American -The Tobacco Atlas, 6th Edition, American Cancer Society, 2018

- Global Atlas on CVD prevention and -Global Atlas on CVD prevention and Control, WHO, 2011 Control, WHO, 2011

-Facts on Tobacco, MOHS,2009

ဒေါက်တာအောင်ထွဏ်း (ကျန်းမာရေးနှင့် အားကစားဝန်ကြီးဌာန)