ဘုရားဆင်းတုတော်ထွက်ပေါ်
ငပလီ ဧပြီ - ၂၇
ငပလီမြို့၊မြပြင်ရပ်ကွက်၊မြရတနာကျောင်းတိုက်တွင်(၂၆)ရက်နေ့ ညနေ ၅ နာရီအချိန်တွင် မဟာဗောဓိညောင်ပင်ပေါ်ကလေးများဆော့ကစားရာမှညောင်ကိုင်းပေါ်တွင်ဘုရားဆင်းတုဦးခေါင်းတော်ထွက်ပေါ်လျှက်ရှိကြောင်းသိရသည်။
မြရတနာကျောင်းတိုက်ကျောင်းထိုင်ဆရာတော်ဘုရားကြီး ဘန္တန္ဒဦးဝိမလ၏ သက်တော် (၉၂) နှစ်ပြည့် ရွှေရတုအကြိုဝိဇတ မွေးနေ့အလှူတော်ကို နံနက်ပိုင်းတွင်ကျင်းပခဲ့ပြီးနေ့လယ်(၁)နာရီအချိန်တွင် အသံမစဲပဌာန်းအား ရွက်ဖတ်ပူဇော်ပွဲကျင်းပနေချိန်အတွင်း ညနေ (၅) နာရီအချိန်ခန့်တွင်ဆရာတော်ဘုရားကြီး၏အခန်းခေါင်းရင်းတည့်တည့်တွင် ဗုဒ္ဓဂါယာမှကိုင်းဖြတ် ယူကာစိုက်ပျိုးထားသော မဟာဗောဓိညောင်ပင်ပေါ်ညောင်ကိုင်းထက်၌ဘုရားဆင်းတုဦးခေါင်းပုံသဏ္ဍာန်ရှိမျက်နှာတော်ပိုင်း ထွက်ပေါ်လာလျက်ရှိနေကြောင်း ရပ်ကွက်အုပ်ချုပ်ရေးမှူးဦးမြင့်ဇော်ပြောကြားသည်။ပေါ်တော်မှုဘုရားပေါ်ထွက်သည့်နေရာသို့ အနယ်နယ်အရပ်ရပ်မှခရီးသွားပြည် သူအများအပြား ဖူးမျှော်ကြည်ညိုသဒ္ဓါပွားများလျက်ရှိကြောင်းသတင်းရရှိသည်။
နေမျိုးအောင် ( ပြန် / ဆက် )
No comments:
Post a Comment