Latest News

Tuesday, April 24, 2018

အနာဂတ်နိုင်ငံတော်နှင့် လူငယ်များ၏အခန်းကဏ္ဍ - ​ဆောင်းပါး

အနာဂတ်နိုင်ငံတော်နှင့်  လူငယ်များ၏အခန်းကဏ္ဍ - ​ဆောင်းပါး

လူငယ်များတွင်စွမ်းအားများစွာရှိပြီးသူတို့ကိုယ်စီတွင်ထားကြသည့်မျှော်လင့်ချက်များမှာလည်းမြင့်မားတတ် ကြပါသည်။လူငယ်များသည် လူကြီးများထက်စိတ်ကူးဥာဏ်ရင့်သန်ကြပြီးတစ်ခုခုကို အားကျကာဖြစ်လိုစိတ်များ လည်း    ပေါ်ပေါက်တတ်လေ့ရှိသည့်အပြင်   ထိုအရာ အတွက် စိတ်ကူးယဉ်အိပ်မက်များလည်းမက်တတ်လေ့ ရှိကြသည်။

အချို့က စီးပွားရေးဘက်ကိုအားသန်ပြီး အောင်မြင် ကြီးပွားနေသည့် ကုမ္ပဏီပိုင်ရှင်သူဌေးကြီးများကို အားကျ တတ်သည်။ အချို့က နိုင်ငံရေးဘက်တွင်သြဇာတိက္ကမကြီး သည့်နိုင်ငံရေးသမားများကိုအားကျတတ်ကြပြီးအချို့ကစာတတ်ပေတတ်ရဟန်းသံဃာကြီးများကိုအားကျတတ် ကြလေသည်။ အချို့ကမူ စာပေနယ်ပယ်တွင် အောင်မြင် ကျော်ကြားသည့် စာရေးဆရာကြီးများဖြစ်လိုကြကာ အချို့ကမူစစ်တိုက်သည်ကို ငယ်ငယ်ကပင် ဝါသနာထုံပြီး စစ်ဗိုလ်ကြီးများဖြစ်ချင်ကြသည်။ အချို့မှာဆရာဝန်ကြီး များ၊ အင်ဂျင်နီယာကြီးများဖြစ်ချင်ကြသည်။ ဆိုလိုသည် မှာ လူငယ်များသည် ၎င်းတို့ကျင်လည်ရာနေရာဒေသ၊ နီးစပ်မှုပတ်ဝန်းကျင်အမျိုးမျိုးအလိုက် အတွေးကိုယ်စီရှိ ကြလျက်ရည်မှန်းချက်ထားကြိုးစားနေကြသည်ကိုပြောလိုရင်းသာ ဖြစ်ပါသည်။

နိုင်ငံတော်အတွက် အလွန်အရေးကြီး

သားကြီးလာရင်စစ်ဗိုလ်ကြီးလုပ်မယ်။ သမီးကတော့ ဆရာဝန်မှဆရာဝန်ပဲ၊ သားကတော့ အင်ဂျင်နီယာကြီး ဖြစ်ချင်တာနော်စသည်ဖြင့်လည်း ကျွန်ုပ်တို့နေထိုင်ရာဝန်းကျင်အတွင်း ကြားခဲ့ကြရဖူးမည်လည်း ထင်မိပါ သည်။ အဆိုပါလူငယ်လေးများ၏ ဖြစ်ချင်သည့်ဆန္ဒများ၊ တစ်ချိန်တွင်ဖြစ်ရမည်ဟူသည့်မျှော်လင့်ချက်များသည်လူငယ်များအတွက် စွမ်းအားများဖြစ်ကြပါသည်။

ထို့ကြောင့်ပင်လူငယ်များတွင်စွမ်းအားရှိသည်ဟုဆိုခဲ့ရခြင်းပင်ဖြစ်သည်။ လူငယ်လေးများတွင်ဖြစ်ပေါ်လေ့ ရှိတတ်ကြသည့် ထိုစွမ်းအားကိုမှန်သည့်ဘက်တွင် အသုံး ချတတ်လာစေကြရန် အထူးအရေးကြီးလှပါသည်။လူကြီး များအနေဖြင့်လည်း မှန်ကန်သည့်လမ်းကြောင်းအပေါ် လျှောက်လှမ်းတတ်လာစေရန် ပြုစုပျိုးထောင်ပေးကြရမည်၊ လမ်းကြောင်းပြသ၊ ဆိုဆုံးမပေးကြရစမြဲပင်ဖြစ်ပါသည်။

ယနေ့လူငယ် နောင်ဝယ်လူကြီး ဆိုသကဲ့သို့ ကလေး၊ ကလေး အထင်မသေးနဲ့၊ကလေးကောင်းမှ လူကြီးကောင်း မှာ၊ လူကြီးကောင်းမှ အားလုံးကောင်းမှာဟူသည့်အခြေခံ ဗုဒ္ဓဘာသာယဉ်ကျေးမှုသင်တန်းတွင် ရွတ်ဆိုနေကြသည့် ကလေးများ၏ အသံကိုလည်း ယနေ့အချိန်တွင်ကြားကြ ရမည်ဖြစ်ပါသည်။ သည့်အတွက်ပင် လူငယ်လေးများ သည် အနာဂတ်နိုင်ငံတော်အတွက် အလွန်အရေးကြီး ပါသည်။ ထို့ကြောင့်လူငယ်များကိုငယ်စဉ်ကတည်းကပင်
ကောင်းမွန်သည့်  လူ့ဝန်းကျင်တစ်ရပ်ဖြစ်လာစေရန် နှင့် သူတို့၏အနာဂတ်ဘဝများလှပစေရေးအတွက် ယနေ့ လူကြီးများက ကြိုးစားနေကြရခြင်းဖြစ်ပါသည်။

လူငယ်လေးများအနေဖြင့်လမ်းမှားမရောက်ရှိစေရေး နှင့် တိုင်းပြည်နှင့်လူမျိုးက အားထားရသည့် နိုင်ငံ့သား ကောင်းများဖြစ်လာစေရေးမှာ အထူးအရေးကြီးလှပါ သည်။ လူငယ်လေးများအနေဖြင့် မိမိကိုယ်ကိုယ်ကောင်း အောင် ကြိုးစားကြရမည်၊ နောက်မိမိနေထိုင်သည့်အိမ်၊ လူမှုဝန်းကျင်အတွင်း ကောင်းအောင်ကြိုးစားကြရမည်၊ နောက်ဆုံးတွင်မူ မိမိ တို့ တိုင်းပြည်အတွက် ကောင်းအောင်ကြိုးစားကြရမည် သာ ဖြစ်ပါသည်။

မျိုးဆက်သစ်လူငယ်များ၏ အသိဥာဏ်ပညာကြီးမား ရင့်ကျက်သည့် ကမ္ဘာနှင့်ရင်ပေါင်တန်းနိုင်သည့်  နိုင်ငံ ရေးအယူအဆများ၊ စီးပွားရေးအသိအတွေးအခေါ်များ နှင့် အခြားနယ်ပယ်အသီးသီးတွင် နိုင်ငံတော်အတွက် အားထားရမည့် လူငယ်လေးများ၏အား အထူးလိုပါ သည်။ စွန့်စွန့်စားစားနှင့်မှန်မှန်ကန်ကန် တွက်ချက်ပြီး ပြည်သူ့အကျိုး၊ နိုင်ငံ့အကျိုးရွက်သယ်ပိုးသည့် လူငယ် များ အများအပြားပေါ်ထွန်းလာရန်လည်း လိုအပ်လာနေ ပြီဖြစ်ပါသည်။

မျိုးဆက်သစ်ရင်ပြင်ကဏ္ဍ

လူငယ်လေးများနှင့်ပတ်သက်၍လည်းနိုင်ငံတော် အနေဖြင့် ၎င်းတို့၏အသိဥာဏ်ဖွံ့ဖြိုးတိုးတက်လာစေရေး နှင့်  ဘက်စုံထူးချွန်လာစေရန်၊    နောင်တစ်ချိန်တွင် နိုင်ငံတော်မှအားထားရသည့် နိုင်ငံ့ခေါင်းဆောင်များ၊ အသိပညာရှင်၊ အတတ်ပညာရှင်များဖြစ်ပေါ်လာစေရန် ဘက်စုံလူရည်ချွန် အစီအစဉ်များချမှတ်ကာ အားပေး အားမြှောက်ပြု ဆောင်ရွက်ပေးနေသည်ကိုလည်းတွေ့ရှိကြရမည်ဖြစ်ပါသည်။

လူငယ်များအတွက် နှစ်အတော်ကြာ တိမ်မြုပ်ပျောက် ကွယ်နေသည့်  ကင်းထောက်အဖွဲ့ကိုလည်း   ပြန်လည် ဖွဲ့စည်းကာ ပြုစုပျိုးထောင်ပေးခဲ့သည်ကို တွေ့ရှိရပါ သည်။  အနာဂတ်အတွက်  လူငယ်လေးများကို   ပိုမို ကောင်းမွန်သည့်  လူ့အဖွဲ့အစည်း  ပိုင်ဆိုင်နိုင်ရေးအတွက် ယဉ်ကျေးလိမ္မာသင်တန်းများလည်း နေရာဒေသမြို့ရွာ အသီးသီးတွင် ပြန်လည်ဖွင့်လှစ်ကာ တနင်္ဂနွေနေ့တိုင်း တက်ရောက်သင်ကြားပေးနေသည်ကိုလည်းမြင်တွေ့နေ ကြရပြီဖြစ်ပါသည်။ လူငယ်များစာဖတ်စွမ်းရည် မြင့်မား လာစေရေးနှင့် စာပေများကို ပိုမိုစိတ်ဝင်စားလာစေရေး အတွက်လည်း နေရာတိုင်းတွင် စာကြည့်တိုက်များပြန် လည်ဖော်ဆောင်လာနေကြပါသည်။

ဆိုလိုချင်သည်မှာ   မည်သို့ပင်ဆိုစေ၊   လူငယ်များ အတွက်  ၎င်းတို့၏အနာဂတ်အတွက်  ကောင်းမွန်ရာ၊ အားသန်ရာကို လျှောက်လှမ်းခဲ့ကြသည့် ရွေးချယ်မှု၊ လုပ်ကိုင်ဆောင်ရွက်မှုများသည် ၎င်းတို့အတွက် ကောင်း ကျိုးစီးပွားကို ဖြစ်ပေါ်စေမည်ဖြစ်သကဲ့သို့ တစ်ဖက်က ကြည့်လျှင်လည်း ထိုမှသည့်တစ်ဆင့်တက်လှမ်းကာ ၎င်း နေထိုင်ရာ  လူမှုပတ်ဝန်းကျင်နှင့် နောင်တစ်ချိန်တွင် နိုင်ငံတော်နှင့်နိုင်ငံသားများအတွက်ဖြစ်မှန်းမသိဖြစ် လာကြရလေသည်။ မိမိတို့အတွက် ကြိုးစားဆောင်ရွက် ရင်း နိုင်ငံ့သားကောင်းများဖြစ်လာကြရသည်ကို ဆိုလို ရင်းဖြစ်ပါသည်။

သို့ဖြစ်၍ယနေ့အစိုးရသစ်လက်ထက်တွင်ထိုအခြေအနေများနှင့်အတူ  လူငယ်များအတွက်  ထူးခြားစွာ ပေါ်ပေါက်လာသည့်အစီအစဉ်တစ်ခုမှာ လူငယ်စာပေ လက်ရာရှင်များ ပေါ်ပေါက်လာစေရေးနှင့် အနာဂတ် အတွက်အရည်အသွေးရှိသည့်  စာပေပညာရှင်များ ပေါ်ပေါက်လာစေရေး ပြုစုပျိုးထောင်မြေတောင်မြှောက် ပေးသည့်အစီအစဉ်တစ်ရပ်ဖြစ်သည့် မျိုးဆက်သစ်ရင်ပြင် ကဏ္ဍကို ဖွင့်လှစ်ကာ နိုင်ငံပိုင်သတင်းစာတွင် လူငယ် ကလောင်ရှင်များဖိတ်ခေါ်ပြီး အထူးထုတ်စာမျက်နှာဖြင့် အပတ်စဉ်ဖော်ပြပေးလျက်ရှိနေသည့်အစီအစဉ်ပင် ဖြစ် ပါသည်။

ထိုအစီအစဉ်ဖော်ဆောင်ပေးမှုသည်  ယနေ့ခေတ် လူငယ်လေးများစွာနှင့် အနာဂတ်စာပေလောကအတွက် အားတက်ဖွယ်ရာဖြစ်ကြောင်း တွေ့ရှိကြရမည်ဖြစ်လေ သည်။ ထိုအစီအစဉ်ကို သတင်းစာထဲတွင် ထည့်သွင်း ဖော်ဆောင်ပေးခြင်းသည်လူငယ်များ၏စာပေလက်ရာ၊ သူတို့၏ဆန်းသစ်သည့်    အတွေးအမြင်နှင့်    သူတို့ တတ်မြောက် ကျွမ်းကျင်ပိုင်နိုင်ကြသည့် လုပ်ငန်းများ အကြောင်းကို ဖွင့်လှစ်ထုတ်ဖော်ခွင့်ရစေမည့် ကောင်းမွန် သည့်အစီအစဉ်လည်းဖြစ်သလို  လူငယ်များအတွက် ကြီးမားသည့် အခွင့်အလမ်းတစ်ရပ်လည်းဖြစ်ပါသည်။စာအုပ်စာပေလူ့မိတ်ဆွေ၊ ဖတ်နိုင်သမျှဗဟုသုတဟုဆိုခဲ့ သည်နှင့်အညီ စာဖတ်သည့်လူငယ်နှင့် စာမဖတ်သည့် လူငယ်တို့၏အရေး၊ အပြောစွမ်းရည်နှင့်အသိဥာဏ် ပညာပိုင်းဆိုင်ရာ တွေးတောလုပ်ဆောင်မှုစွမ်းရည်တို့တွင် ကွာခြားလေ့ရှိတတ်ကြသည်ကို စာဖတ်သူများ အားလုံးလည်း သိရှိကြပြီးဖြစ်ကြပေမည်။

လူငယ်များပင်ကိုဗီဇ  

လူငယ်များအနေဖြင့်လည်း ငယ်စဉ်ကပင်သင်ယူခဲ့ရ သည့် သု၊ စိ၊ ပု၊ ဘာ၊ ဝိ၊ လိ၊ သိ၊ ဓာ (နားထောင်ရမည်။ကြံစည်ရမည်။ မေးမြန်းရမည်။ ဟောပြောပြသရမည်။သင်ကြားရမည်။ သံသယကိုပယ်ဖျောက်ရမည်။ ရေး မှတ်၊ မှတ်သားရမည်။ဆောင်ကျက်လေ့လာရမည်)ဟူ သည့် ဆုံးမစာနှင့်အညီ အစဉ်အမြဲကြံစည်တွေးတောရေးမှတ်နေမှသာ၊ သင်ကြားနေမှသာ အရည်အချင်းများ တိုးတက်လျက် ထူးချွန်ထက်မြက်လာစေမည်လည်း ဖြစ် ပါသည်။

လူငယ်တစ်ဦးစာဖတ်သည့် အလေ့အထနှင့် စာဖတ် သည်ကို နှစ်သက်သည့် အကျင့်စွဲမြဲလာစေရန် မိဘများ က ပြုစုပျိုးထောင်ပေးကြရသည်သာ ဖြစ်ပါသည်။ သို့သော်လည်း အချို့လူငယ်များကမူ  ပင်ကိုဗီဇပါရှိကြ သလို အချို့ကမူ ဖတ်ရင်းမှတ်ရင်း လေ့လာရင်းဖြင့် စွဲမြဲသွားသည်လည်းရှိတတ်ကြလေသည်။

မည်သို့ပင်ဆိုစေ၊ စာပေမှပေးသည့်အသိများ၊ ဗဟု သုတများအရသော်လည်းကောင်း၊၎င်းတို့သင်ကြား တတ်မြောက်ကြသည့် ပညာရပ်ဆိုင်ရာကျွမ်းကျင်မှုများ အရသော်လည်းကောင်း၊ မိမိတို့ဝါသနာဗီဇအရသော် လည်းကောင်း၊ မိမိတို့ပတ်ဝန်းကျင်တွင်တွေ့မြင်ကြရ သည့်အမြင်အကြားများမှသော်လည်းကောင်း လူငယ် များအနေဖြင့် မိမိတို့၏ဘဝရှေ့ရေးအတွက် ရည်မှန်း ချက်၊ ရည်ရွယ်ချက်များကို ဖော်ထုတ်ကာခွဲခြားချမှတ်တတ်သည့်အစဉ်အလာများရှိကြလေသည်။ အချို့မှာမူ မိဘများက ငယ်စဉ်ကတည်းကပင် ပုံသွင်းလေ့ကျင့်ခဲ့ကာ ၎င်းတို့ညွှန်ပြသည့်လမ်းအပေါ်တွင်သာ လျှောက်စေကြ သည်ကိုလည်းတွေ့မြင်ရလေသည်။

သည့်အတွက်ပင်အချုပ်အားဖြင့် တင်ပြလိုရင်းမှာ…ကျွန်ုပ်တို့အနေဖြင့် လူငယ်များကိုပြုစုပျိုးထောင်ကာ အားပေးအားမြှောက်ပြုခြင်း၊ အလေးပေးဆက်ဆံခြင်း၊အလေးဂရုပြုနေရာပေးခြင်း၊ ၎င်းတို့၏အတွေးအခေါ်၊ ဥာဏ်ပညာစဉ်းစားနိုင်မှုအားကို တလေးတစားနား ထောင်ပေးခြင်းများ ဆောင်ရွက်ကြရမည်သာဖြစ်သည်။ ၎င်းတို့ကို လူကြီးလူကောင်းနေရာထားပြီး ၎င်းတို့သည် အနာဂတ်နိုင်ငံတော်အတွက် အရေးကြီးကြောင်း၊ ၎င်းတို့ တွင်  လုပ်နိုင်ကိုင်နိုင်သည့်  စွမ်းအားများရှိကြောင်း၊ လူကြီးများက  အားကိုးကြောင်းပြသကာ   နိုင်ငံတော် အခမ်းအနားများသို့ ဖိတ်ကြားစေခြင်း၊ နိုင်ငံတော် အဆင့်  ညစာစားပွဲများဖိတ်ခေါ်ကာ လူကြီးများနည်းတူ နေရာချ   အလေးပေးဆက်ဆံခြင်းများကို   ပုံဖော်လုပ် ဆောင်ပေးကြရတော့မည်ဖြစ်ပါသည်။

လူငယ်ဖိုရမ်ပွဲများ များများကျင်းပ

ထို့ပြင်နိုင်ငံတကာတွင် ဆောင်ရွက်နေကြသည့်နည်း များအတိုင်း လွှတ်တော်အစည်းအဝေးများသို့ တက် ရောက်  နားထောင်စေခြင်း၊  အနာဂတ်တွင်နိုင်ငံရေး စိတ်ပါဝင်စားမှုရှိစေရန် နိုင်ငံတော်သမ္မတနှင့် ဝန်ကြီး များ အစည်းအဝေးပုံစံများ၊ လွှတ်တော်ဥက္ကဋ္ဌ၊ ဒု-ဥက္ကဋ္ဌ၊ လွှတ်တော်ကိုယ်စားလှယ်နေရာများတွင်     အသွင်ယူ ဝတ်စားကာပုံစံတူအစည်းအဝေးများ      ကျင်းပ၍ အပြန်ပြန် အလှန်လှန်ပြောဆို တင်ပြဆွေးနွေးစေခြင်းများ၊ လူငယ်ဖိုရမ်ပွဲများများများ ကျင်းပကာဟောပြောစေခြင်း များအပြင် လူငယ်များစွာအတွက် ပြည်တွင်းနှင့် ပြည်ပ နိုင်ငံတကာသို့ လေ့လာရေးအစီအစဉ်များကို နိုင်ငံတော် အစီအစဉ်များဖြင့် အကြိမ်ရေများများဆောင်ရွက်ပေး ကြရမည်သာဖြစ်ပါသည်။

နိဂုံးချုပ်အားဖြင့် အနာဂတ်လူငယ်များ နိုင်ငံရေးအသိ အမြင် ပိုမိုကျယ်ကျယ်ပြန့်ပြန့် သိရှိလာစေရေးနှင့် လူတိုင်း ကိုယ်စီနိုင်ငံသားတစ်ဦးအနေဖြင့် ရသင့်ရထိုက်သည့် အခွင့်အရေးများ  အပြည့်အဝ    ရရှိခံစားစံစားနိုင်ရေး အတွက် ပညာရေးကဏ္ဍများ၊ သင်ကြားရေးအစီအစဉ် များတွင်လည်း နိုင်ငံတကာနည်းတူ ဒီမိုကရေစီနှင့် လူ့ အခွင့်အရေးဘာသာရပ်များ ထည့်သွင်းသင်ကြားသင့် ကြပါကြောင်း လူငယ်များ၏ အနာဂတ်နောင်ရေးအတွက် တိုက်တွန်းရေးသားလိုက်ရပေသည်။  

သန်းဖြိုးနိုင်(ကညင်ကျိုး)

No comments:

Post a Comment