Latest News

Saturday, April 7, 2018

ထိုင်းနိုင်ငံရောက် မြန်မာလုပ်သား သိထားသင့်သည်များ

ထိုင်းနိုင်ငံရောက် မြန်မာလုပ်သား သိထားသင့်သည်များ

၂ဝ၁၈ ခုနှစ် ဇန်နဝါရီ ၁၇ ရက်တွင် ထိုင်းနိုင်ငံ၏ အနည်းဆုံးလုပ်ခသတ်မှတ်ချက်ကို တိုးမြှင့်သတ်မှတ်ရန် ကြေညာခဲ့သည်။ ထို့ကြောင့် ဧပြီ ၁ ရက်မှ စတင်ကာ အနည်း ဆုံး လုပ်အားခများကို ခံစားရရှိကြတော့မည်ဖြစ်သည်။ အနည်းဆုံးလုပ်အားခအဖြစ် ဖူးခက်၊ ချွန်ဘူရီ၊ ရယောင်တို့တွင် တစ်ရက်လျှင် အနည်းဆုံး လုပ်ခလစာမှာ ဘတ် ၃၃ဝ ၊ ဘန်ကောက်၊ နွန်ထဘူရီ၊ နခွန်ပသွန်၊ ပထုံဌာနီ၊ စမွတ်ပရာကန်၊ စမွတ် စခွန်(မဟာချိုင်)၊ ချာချွန်စောင်တို့တွင် တစ်ရက်လုပ်ခလစာ ၃၂၅ ဘတ်နှင့် ချန် သဘူရီ၊ စမွတ်စုံခရမ် စသည့် ဒေသများတွင် ၃၁၈ ဘတ်၊ ရွိုင်အက်၊ ပကျွတ်၊ နခွန် စဝမ်၊ စာကရောင်စသည့် ဒေသများတွင် ၃၁၅ ဘတ်၊ စင်ဘူရီ၊ တရန်၊ လန်ပန်၊ မဲဆောက်၊ ရနောင်း၊ ဆူခိုထိုင်း၊ ရတ်ချဘူရီ(လှပူလီ)၊ မဲဟောင်ဆောင်စသည့် ဒေသများတွင် အနည်းဆုံးလုပ်ခလစာမှာ တစ်ရက်လျှင် ၃၁ဝ ဘတ်၊ ယာလာ၊ ပါတနီ၊ နာရာထီဝတ် တို့အတွင် ၃ဝ၈ ဘတ် စသည်ဖြင့် အနည်းဆုံးအခကြေးငွေများကို သတ်မှတ်လိုက် သည်ကို မြင်တွေ့ရသည်။
''အနည်းဆုံးအခကြေးငွေ သတ်မှတ်လိုက်ပေမယ့် ကျွန်တော်တို့ကိုတော့ လစာ နဲ့ပတ်သက်ပြီး ပြောဆိုတာမရှိသေးဘူး၊ စက်ရုံက လက်ရှိပေးနေတဲ့ အနေအထား က တစ်ရက်ကို ဘတ် ၃၂ဝရပါတယ်၊ အနည်းဆုံးအခကြေးငွေ သတ်မှတ်လိုက်ရင် တော့ နည်းနည်းစီလိုက်ပြီး တိုးပေးမယ်လို့ ထင်ပါတယ်၊ ဒါပေမယ့် ကျွန်တော်တို့ မြန်မာအများစုကတော့ အနည်းဆုံးအခကြေးငွေဆိုတာ သိပ်တော့မသိပါဘူး၊  လက်ရှိလုပ်ခလစာလောက်ပဲ စိတ်ဝင်စားတယ်''ဟု ရနောင်းမြို့ရှိ စက်ရုံလုပ်သား ကိုနောင်နောင်က ပြောသည်။
ယခုနောက်ပိုင်းတွင် ထိုင်းနိုင်ငံသည် အလုပ်သမားများ နေထိုင်အလုပ်လုပ်ခွင့်ကို လိုက်လံကန့်သတ်မှုများဖြင့် စနစ်ကျနမှုရရှိစေရန် ကြိုးပမ်းလာခဲ့သည်။ ထို့ကြောင့် နိုင်ငံခြားသား ရွှေ့ပြောင်းလုပ်သားများအား အဆင့်ဆင့် စိစစ်ခြင်း၊ စာရွက်စာတမ်း အထောက်အထားများ တောင်းခံခြင်း၊ ဖမ်းဆီးအရေးယူခြင်းများကို ပြုလုပ်လာ ခြင်းကြောင့် ထိုင်းနိုင်ငံသို့ ရွှေ့ပြောင်းအလုပ်သမားများ အများဆုံး လာရောက်သည့် နိုင်ငံများက အစိုးရများကလည်း ထိုင်းအစိုးရနှင့် အကြိမ်ကြိမ်ညှိနှိုင်းကာ မိမိတို့ နိုင်ငံမှ အလုပ်သမားများ လုံခြုံစိတ်ချရမှုနှင့် လုပ်ခလစာ၊  အလုပ်အကိုင် အခွင့် အလမ်းများအတွက် သွားရောက်ညှိနှိုင်းမှုများ ပြုလုပ်နေကြရသည်။
အရေးကြီးသော စာရွက်စာတမ်းများ
အလုပ်ရှင်သည် မူရင်းစာချုပ်စာတမ်းများအား လက်ဝယ်ကိုင်ဆောင်ထားမှု ဖြစ်စဉ်မှာ ထိုင်းနိုင်ငံတွင် ဆက်လက်ဖြစ်ပွားဆဲပင်ဖြစ်ကြောင်း သိရသည်။ ယင်း သည် ဥပဒေကို ချိုးဖောက်ခြင်းဖြစ်ပြီး မြန်မာနိုင်ငံသား အလုပ်သမားများအနေဖြင့် မြန်မာမှတ်ပုံတင်ကတ်၊ မြန်မာအိမ်ထောင်စုစာရင်း၊ မြန်မာနိုင်ငံကူးလက်မှတ်၊ ထိုင်းပန်းရောင်ကတ်၊ အစိမ်းရောင် စီအိုင်စာအုပ်၊ ထိုင်းအလုပ်လုပ်ခွင့် ဝေါခ့်ပါမစ် စာအုပ်နှင့် အီး-ဝေါ့ခ်ပါမစ်(အလုပ်လုပ်ကိုင်ခွင့် လက်မှတ်ကတ်)များကို ကိုယ်နှင့် မကွာ အမြဲသိမ်းဆည်းထားရန် လိုအပ်ကြောင်း သိရှိရသည်။
''အလုပ်ရှင်ကနေ ဗီဇာနဲ့ အလုပ်လုပ်ခွင့် ပါမစ်အတွက် ကုန်ကျငွေတွေကို ကျေ တဲ့အထိ အထောက်အထားတွေ သိမ်းဆည်းထားတတ်ပါတယ်၊ြေ<ွကးကျေမှ ပြန်ပေးမယ်လို့လည်း ပြောတယ်၊ အမှန်က အဲဒီလိုလုပ်ခြင်းဟာ ဥပဒေကို ချိုး ဖောက်ခြင်းဖြစ်ပြီး  အဓမ္မစေခိုင်းခြင်းရဲ့ လက္ခဏာတွေဖြစ်ပါတယ်၊ ထိုင်းနိုင်ငံရဲ့ ဥပဒေအရ မည်သည့် နည်းနဲ့မဆို ရာဇဝတ်မှုမြောက်တယ်၊ ဒီလို ကြုံတွေ့လာရင် အစ်ဆာရာအဖွဲ့ကို သို့မဟုတ် အခြားယုံကြည်ရတဲ့အဖွဲ့တစ်ခုခုကို ဆက်သွယ်အကူ အညီရယူနိုင်တယ်''ဟု ထိုင်းနိုင်ငံရောက် မြန်မာအလုပ်သမားများအား အခမဲ့ ကူညီဆောင်ရွက်ပေးနေသည့် အစ်ဆာရာအဖွဲ့မှ တာဝန်ရှိသူက ပြောကြားသည်။
အလုပ်စာချုပ်များ
အလုပ်စာချုပ်သည် ထိုင်းနိုင်ငံတွင် ယခင်ကထက် ပိုမိုအရေးကြီးလာသည့် အရာတစ်ခုဖြစ်ကြောင်း သိရသည်။ အကြောင်းမှာ ထိုင်းအစိုးရသည် အလုပ်သမား များအား တရားဝင်နေထိုင်လုပ်ကိုင်ကြစေရန်အတွက် ထိုင်းစက်ရုံပိုင်ရှင်များနှင့် အလုပ်သမားများအား ဖိအားပေးလျက်ရှိခြင်းကြောင့် စာချုပ်စာတမ်းဆိုင်ရာ ကိစ္စ ရပ်များသည် ယခင်ကထက် ပိုမိုလိုအပ်လာကြကြောင်း ထိုင်းနိုင်ငံရောက် မြန်မာ များထံမှ သိရှိရသည်။
''အလုပ်စာချုပ်က အရေးကြီးပါတယ်၊ ထိုင်းနိုင်ငံရဲ့ဥပဒေက အလုပ်သမားတွေ အနည်းဆုံး၊ အနိမ့်ဆုံးရရှိမယ့် အခွင့်အရေးနဲ့ အကျိုးခံစားခွင့်တွေကို ဥပဒေနဲ့အညီ ပြဋ္ဌာန်းပေးထားသလို၊ အလုပ်စာချုပ်တွေမှာလည်း အနိမ့်ဆုံးရရှိခွင့်ရှိတဲ့ အခွင့် အရေးနဲ့ အကျိုးခံစားခွင့်ကိုရရှိစေဖို့ ပြဋ္ဌာန်းထားပါတယ်၊ ဥပမာ- ဥပဒေအရအလုပ် သမားတစ်ဦးသည် တစ်နှစ်အတွက် လစာဖြင့် အနည်းဆုံး ခြောက်ရပ် ခံစားခွင့် ရှိရာ အလုပ်စာချုပ်တွင် အလုပ်သမားက မိမိ ကြီးကြပ်ရေးမှူး သို့မဟုတ် အလုပ်ရုံး ခန်းတွင် ထိုခံစားခွင့်အတွက် တောင်းဆိုနိုင်ပါတယ်''ဟု အလုပ်သမားအရေး ဆောင်ရွက်သူတစ်ဦးက ရှင်းပြသည်။
ရွှေ့ပြောင်းအလုပ်သမား အားလုံးသည် အလုပ်စာချုပ်တွင် ထိုင်းဘာသာအပြင် မိမိတို့ဘာသာစကားဖြင့် ရေးသားထားရမည်။ ထမ်းဆောင်ရမည့် တာဝန်ဝတ္တရား များနှင့် အလုပ်ကုမ္ပဏီ၏ မူဝါဒအား ရှင်းလင်းဖော်ပြပေးရမည့်အပြင် လုပ်ခ၊ အကျိုးခံစားခွင့်နှင့် နုတ်ယူမည့် ငွေကြေးများအား ရှင်းလင်းစွာရေးသားကာ အလုပ်သမားလက်မှတ်၊ အလုပ်ရှင်လက်မှတ် သို့မဟုတ် အလုပ်ရှင်၏ ကိုယ်စား လှယ် လက်မှတ်တို့ကို ယှဉ်တွဲရေးထိုးထားရမည်။ ထို့ပြင် လက်မှတ်များ ပြည့်စုံသည့် မူရင်းစာချုပ်တစ်စုံအား အလုပ်သမားမှ ရရှိကိုင်ဆောင်ထားရမည်ဖြစ်ကြောင်း သိရသည်။
သတိပြုရမည့်အချက်မှာ စာရွက်အလွတ်ပေါ်တွင် သို့မဟုတ် မိမိနားမလည်သည့် စာရွက်စာတမ်းများကို လက်မှတ်ရေးထိုးခြင်းမပြုသင့်ဘဲ လက်မှတ်မရေးထိုးမီ ဘာသာပြန်ခွင့်ပေးရန် တောင်းဆိုခြင်း၊ လိုအပ်ပါက စိတ်ချရသည့် အဖွဲ့အစည်းများ အား ခေါ်ဆိုချုပ်ဆိုခြင်းများကိုလည်း လုပ်ဆောင်သင့်ကြောင်း၊ စာဖြင့် ရေးသား ထားသည့် စာချုပ်မရှိသော်လည်း အခြားအလုပ်သမားများကဲ့သို့ပင် အလုပ်သမား တိုင်းသည် အခွင့်အရေးကို တောင်းဆိုနိုင်ကြောင်း ၊ ထိုင်းနိုင်ငံ၏ အလုပ်သမားအား ကာကွယ်စောင့်ရှောက်ရေး အက်ဥပဒေအရ အလုပ်ရှင် အလုပ်သမားတို့အကြား နှုတ်ဖြင့် သဘောတူပြီး အလုပ်ရှင်မှ လုပ်ခပေးရန်နှင့် အလုပ်သမားမှ ထိုလုပ်ခဖြင့် အလုပ်လုပ်ကိုင်ရန် သဘောတူညီထားသည့် အလုပ်သမားကိုလည်း ကာကွယ် စောင့်ရှောက်မှုပေးထားကြောင်း အစ်ဆာရာအဖွဲ့မှ သိရှိရသည်။
အလုပ်ချိန်၊ အိုတီနဲ့ လုပ်ခဖြတ်တောက်ခြင်း
ထိုင်းနိုင်ငံ၏ ပုံမှန်အလုပ်လုပ်ရက်သည် တစ်ပတ်လျှင် ခြောက်ရက်ဖြစ်ပြီး တစ်ရက် ၈ နာရီနှင့် တစ်ပတ်အတွက် ၄၈ နာရီဖြစ်သည်။ တစ်ရက်အလုပ်လုပ် ချိန်အတွင်း တစ်နာရီခန့်သည် အနည်းဆုံး နားချိန်ဖြစ်ရမည်။ တစ်ပတ်လျှင် အချိန် ပို အိုတီ ၃၆ နာရီခန့် လုပ်ကိုင်နိုင်ပြီး ယင်းမှာလည်း အလုပ်သမား၏ သဘောဆန္ဒ အရဖြစ်လေသည်။ အချိန်ပိုမဆင်းလိုသူအား အချိန်ပိုများစွာ ဆင်းခိုင်းခြင်းသည် ဥပဒေချိုးဖောက်ရာရောက်သည်ဟု ဥပဒေတွင် ဖော်ပြထားသည်။ တစ်ရက်အတွက် ၈ နာရီ အလုပ်လုပ်ပြီးသည့်အခါ အချိန်ပိုအလုပ်မတိုင်မီ မိနစ် ၂ဝ ခန့် အနားယူခွင့် ပြုထားပြီး အချိန်ပို ၂ နာရီ လုပ်ကိုင်ပြီးသည့်အခါတိုင်း နောက်ထပ် မိနစ် ၂ဝ ခန့် အနားယူနိုင်ကြောင်း ထိုင်းနိုင်ငံ၏ အလုပ်သမားဥပဒေတွင် ပြဋ္ဌာန်းထားပါသည်။
အလုပ်တွင် အကြောင်းအမျိုးမျိုးကြောင့် ဖြတ်တောက်ငွေများရှိပါက ဖြတ် တောက်ငွေတစ်ခုချင်းစီသည် ပုံမှန်လစာ၏ ၁ဝ ရာခိုင်နှုန်းထက် ကျော်လွန်ဖြတ် တောက်ခြင်း မပြုရမည့်အပြင် ဖြတ်တောက်ငွေအားလုံးသည် ပုံမှန်လစာ ၂ဝ ရာခိုင်နှုန်းထက် ကျော်လွန်၍မရဟု အလုပ်သမားဥပဒေက ဆိုထားသည်။ လခကို ငွေသားဖြင့် ပေးသည် ဖြစ်စေ၊ ဘဏ်မှလွှဲသည်ဖြစ်စေ လုပ်ခထုတ်ယူသည့်အခါတိုင်း လုပ်ခစာရွက်(ဘိုင်စလစ်)ကို ရရှိရမည်။ ဖြတ်တောက်သည့် ငွေကြေးများအား ဘိုင်စလစ်တွင် ရှင်းလင်းစွာ ဖော်ပြထားပြီး အိုတီနာရီစုစုပေါင်းနှင့် နှုန်းထားကို လည်း ဘိုင်စလစ်တွင် သေချာစွာဖော်ပြထားရမည်။ လစာစာရွက်ကို မြန်မာ-ထိုင်း နှစ်ဘာသာဖြင့် ဖော်ပြပေးရန် လိုအပ်ပြီး လိုအပ်ချက်များရှိပါက အလုပ်ရှင် သို့မဟုတ် ကြီးကြပ်သူထံ ပြောကြားကာ မဖြစ်မနေ တောင်းခံသင့်ကြောင်း သိရှိ ရသည်။
တရားဝင်ဖြတ်တောက်ခြင်းများတွင် အခွန်ဆောင်ခြင်း၊ ပကန်စန်ခွန်(လူမှုဖူလုံ ရေးအာမခံကြေး)၊ အလုပ်သမားသမဂ္ဂကြေး၊ ငွေစုငွေချေးအြေ<ွကးများနှင့် အလုပ် သမားကြောင့် အလုပ်ရုံမှ ပျက်စီးသွားသောအရာများပါဝင်ပြီး တရားမဝင် ဖြတ် တောက်ငွေများတွင် ရဲကြေး၊ ပွဲစားခ၊ အလုပ်သမားများ သဘောမတူသည့် ဒဏ် ကြေးငွေများ၊ မည်သည့် ဖြတ်ငွေမဆို အလုပ်သမားများ သဘောမတူပါက ဖြတ် ခွင့်မရှိသည်ကိုလည်း သတိပြုသင့်ကြောင်း ဥပဒေကျွမ်းကျင်သူများက ရှင်းပြ သည်။
ပိတ်ရက်နှင့် ခွင့်ရက်
ထိုင်းနိုင်ငံသည် တစ်နှစ်လျှင် အလုပ်သမားများအတွက် ရုံးပိတ်ရက် ၁၃ ရက်ခန့် နှင့် တစ်နှစ်အတွက် လုပ်သက်ခွင့်(ဖတ်ခလို)မှာ ခြောက်ရက်၊ လစာဖြင့် နာမကျန်း ခွင့်မှာ ရက် ၃ဝ ၊ ထိုခွင့်သည် သက်ဆိုင်ရာ ဆေးစာဖြင့် အလုပ်ရှင်အား ပြသနိုင် သည့် ခွင့်ဖြစ်သည်။ ကိုယ်ဝန်ဆောင်အမျိုးသမီးများသည် မီးဖွားခွင့် ရက် ၉ဝ ရရှိပြီး ခွင့်ရက် ၄၅ ရက်အတွက် အခြေခံခံစားခွင့် လုပ်အားခရရှိမည်ဖြစ်သည်။ အခြေခံ ခံစားခွင့်ပေးငွေကို ၅ဝ ရာခိုင်နှုန်းအား အလုပ်ရှင်မှပေးပြီး ၅ဝ ရာခိုင်နှုန်းမှာ လူမှု ဖူလုံရေးမှ ပေးအပ်ခြင်းဖြစ်သည်။
ပန်းရောင်ကတ် သို့မဟုတ် လူမှုဖူလုံရေးကတ်တွင် ကျန်းမာရေးစောင့်ရှောက်မှု အခမဲ့ရရှိနိုင်သည့် ဆေးရုံများအမည်ကို ထိုင်းဘာသာဖြင့် ဖော်ပြထားသည်။ သတ်မှတ်ထားသော ဆေးရုံများတွင် ဆေးကုသနိုင်ပြီး လူမှုဖူလုံရေး အာမခံရန်ပုံ ငွေ(ပကန်စန်ခုမ်) သည် အသက်အာမခံပုံစံမျိုးဖြစ်ပြီး ဆေးကုသခွင့်အပြင် မတော် တဆမှုများနှင့် ပေးလျော်ရန် ကိစ္စရပ်များတွင်လည်း အကျိုးရှိခြင်းကြောင့် အာမခံ ထားရှိရန် လိုအပ်ပါသည်။
''ထိုင်းနိုင်ငံမှာ လူမှုဖူလုံရေး ထည့်ထားတာဟုတ် မဟုတ်ကို လူမှုဖူလုံရေးဌာန ဖုန်းနံပါတ် ၁၅ဝ၆ ကို ဆက်ပြီး မေးမြန်းနိုင်ပါတယ်၊ မြန်မာစကားပြော အော်ပရေ တာရှိပြီး မွေးနေ့၊  အမည်၊ လူမှုဖူလုံရေး အသင်းဝင်ကတ်အမှတ်တွေ ပြောပြီး စုံစမ်း နိုင်ပါတယ်''ဟု ထိုင်းနိုင်ငံရောက် မြန်မာ ကိုအေးမိုးက ပြောပြသည်။
အလုပ်မှထွက်ခြင်း
ပန်းရောင်ကတ်၊ အမ်အိုယူနှင့်အခြား မည်သည့် အလုပ်သမားမဆို ထိုင်းနိုင်ငံ တွင် အလုပ်မှ ထွက်လိုသည့်အခါ မိမိထွက်လိုကြောင်း အလုပ်ရှင်အား ကြိုတင် အသိပေးရန် လိုအပ်ပါသည်။ အလုပ်ရှင်က အလုပ်မှ ထွက်ခွင့်ပြုစာနှင့် ပယ်ဖျက်စာ ထုတ်ပေးမှသာ တရားဝင်မည်ဖြစ်သည်။ အလုပ်သမားသည် ထိုင်းအလုပ်သမား ဦးစီးဌာနမှ အလုပ်လုပ်ခွင့်ပါမစ် ဖျက်စာရရှိပြီး ခုနစ်ရက်အတွင်း အလုပ်သစ်တစ်ခု ကို ရရှိရမည်ဖြစ်သည်။ သို့မဟုတ်ပါက နိုင်ငံမှ ထွက်ခွာရမည်ဖြစ်သည်။ အကယ်၍ ပယ်ဖျက်စာမှာ ရုံးတွင်လုပ်ဆောင်ဆဲဖြစ်ပြီး ခုနစ်ရက်အတွင်း အလုပ်သစ်ရရှိပါက အလုပ်ရှင်သစ်က အလုပ်သမားရုံးသို့ သွားရောက်၍ အထောက်အထားများ တင်ပြ ရန်လိုအပ်ပြီး ထိုင်းနိုင်ငံမှ မထွက်ခွာမီ အလုပ်လုပ်ခွင့်ပါမစ်ကို မပယ်ဖျက်မိဘဲ ထွက်ခွာခဲ့ပါက ထိုင်းနိုင်ငံအတွင်းသို့ ပြန်လည်ဝင်ရောက်ရန် လွယ်ကူတော့မည် မဟုတ်သည်ကို သတိပြုရန် လိုအပ်သည်။
ထိုင်းနိုင်ငံတွင် ဗီဇာသက်တမ်းကျော်လွန်နေထိုင်ပါက တစ်ရက်အတွက် ဘတ် ၅ဝဝ ဒဏ်ကြေးသတ်မှတ်ထားပြီး ရက် ၉ဝ ထက် ပိုမိုနေထိုင်ပါက ဝင်ရောက်ခွင့် တစ်နှစ် ပိတ်ခံရမည်ဖြစ်သည်ကိုလည်း သတိပြုကြရင်း ယခုလစတင်မည့် ထိုင်း နိုင်ငံ၏ အနိမ့်ဆုံးလုပ်ခလစာအသစ်များကို ပြည့်မီစွာရရှိခြင်းဖြင့် တရားဝင်နေထိုင် နိုင်ကြစေရန် ရည်ရွယ်ရေးသားလိုက်ရပါသည်။        

သတင်းဆောင်းပါး - ခင်ရတနာ
ဓာတ်ပုံ - မေဦးမိုး

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း

Labels

Recent Post