Latest News

Tuesday, April 3, 2018

''တောခိုသွားတဲ့ ထူးအိမ်သင် အကြောင်း...''


-------------------------------------------
“ချစ်ခြင်းအားဖြင့် ရေးတဲ့ အရေးကြီးပြီ အလွမ်းစာ"
(ကျော်ကျော်ငြိမ်းချမ်း)

“ဖထီး ... ဖထီးမှာ သူ့လုိုမျိုး သမီးလှလှလေးတယောက်လောက်မရှိတော့ဘူးလားဗျ .....”
“ရှိရင် ကျနော်နဲ့ပေးစားဗျာ .... ဒါဆုို ကျနော် ဒီမှာပဲနေတော့မယ် ... မပြန်တော့ဘူး...” တဲ့ .....။
အဲ ..... ကုိုငှက်ကြီးကတော့ လုပ်ချလုိုက်ပြန်ပြီ .... ။
အချိန်က ၁၉၈၈ ခုနှစ် ဒီဇင်ဘာလ ၂၂ ရက် ... မနက်လင်းအားကြီး ၂ နာရီလောက် ....။
နေရာက ထုိုင်းမြန်မာ နယ်စပ်သောင်ရင်းမြစ်ကမ်းဘေးက မယ်လ လုို့ခေါ်တဲ့ ထုိုင်းကရင်ရွာလေးထဲမှာရှိတဲ့ KNU-KNLA က ဗုိုလ်ချုပ်မောင်မောင်ရဲ့ နေအိမ် .... ။ [ယခု မယ်လ ဒုက္ခသည်စခန်း (ဘဲကလော်ဒုက္ခသည် စခန်း) မဟုတ်ပါ... မယ်လရွာက ဒုက္ခသည်စခန်းကနေ ၁၀ ကီလုိုလောက် ဆက်သွားမှရောက်ပါသည်... ၄င်းရွာကုို အစွဲပြု၍ ဒုက္ခသည်စခန်းကုို မယ်လ ဟုခေါ်ခြင်းဖြစ်ပါသည်...။ ဒုက္ခသည်စခန်းနေရာတွင် ယခင်က ၀ါဂွမ်းစုိုက်သဖြင့် ကရင်ဘာသာဖြင့် ဘဲကလော်(၀ါဂွမ်းခြံ) ဟုလည်းခေါ်ပါသည်]
အဲဒီအချိန်က ကျနော်တုို့ မြန်မာနုိုင်ငံလုံးဆုိုင်ရာကျောင်းသားများဒီမုိုကရက်တစ်တပ်ဦး (မကဒတ) ကေအဲန်ယူနယ်မြေကော်မတီရုံး ကုို မဲသရိ (ခလဲ့ဒေးစခန်း) မှာရုံးစုိုက်ထားပါတယ်.. ။ ကျောင်းသား တပ်မတော် တပ်ရင်း ၂၀၇ တပ်ရင်းရုံးလဲ အခြေပြုထားပါတယ်...။ ဗဟုိုဌာနချုပ်ရုံး(ယာယီ) က ၀မ်ခ(ကော်မူးရာ)စခန်း မှာပါ..။ မဲသရိမှာ ဖွဲ့ပြီးကာစ မြန်မာနုိုင်ငံဒီမုိုကရက်တစ်မဟာမိတ်အဖွဲ့ချုပ် (မဒမခ) တပ်ပေါင်းစုဌာနချုပ်ရုံးလည်း အခြေစုိုက်ထားပါတယ်..။

ပြောရရင်တော့ အဲဒီအချိန်က ဟစ်အဖြစ်ဆုံး အဆုိုတော် ၂ ယောက်ဖြစ်တဲ့ ကုိုထူးအိမ်သင်နဲ့ကုိုမွန်းအောင် တုို့က သူ့အုပ်စုလေးနဲ့သူ ၁၉၈၈ စက်တင်ဘာ စစ်တပ်ကအာဏာသိမ်းအပြီးမှာ ဘုရားသုံးဆူစခန်း (မွန်ပြည်သစ်ပါတီနယ်မြေ) ကုို ရောက်လာကြတာပါ..။ ကုိုထူးအိမ်သင်နဲ့ မော်လမြိုင်ကပါလာတဲ့ သူငယ်ချင်းတချို့ က ရောက်ပြီး သိပ်မကြာခင်မှာတင် ပြန်သွားကြပါတယ်...။ မော်လမြိုင်-ဘုရားသုံးဆူ ကုန်သည်လမ်းကြောင်းကလည်း ဖြူးနေတော့ နေချင်းပေါက် ဥဒဟုိုသွားလာနေတဲ့ကာလဆိုပါတော့...။ ကုိုထူးအိမ်သင်ကတော့ ကုိုမွန်းအောင်နဲ့အတူ မကဒတဖြစ်လာမဲ့ ပထမဆုံးအစည်းအဝေးကုို တက်ဖုို့ ဘုရားသုံးဆူစခန်းကနေ လေ့လာသူအဖြစ် ၀မ်ခ(ကော့မူးရာ)စခန်းကုိုလုိုက်လာပါတယ်...။ တခြား မဒမခ လူကြီးများ [နုိုင်ဟံသာ (ယခု UNFC) နဲ့ ဒေါက်တာတူးဂျာ လုို့ထင်ပါတယ်] တုို့က ဌာနချုပ်ရှိရာခလဲ့ဒေးစခန်း ကုို ခေါ်လာပြီး စည်းရုံးရေးနဲ့ပြန်ကြားရေးဌာနတာဝန်ခံ ဦးအေးဆောင်[ပြည်သူ့လွတ်မြောက်ရေးတပ်ဦး (ပီအယ်လ်ဖက်) အထွေထွေအတွင်းရေးမှူး] ကုို အပ်သွားတာပါ ...။ အဲဒီ မဒမခ စည်း/ပြန်မှာ NUFA(National United Front of Arakan) က ရှေ့ နေ ခုိုင်စောထွန်း(ပြည်တွင်းပြန်ဝင်-ကွယ်လွန်) တုို့၊ GSC (General Strike Committee) က ဆရာကုိုမြင့်လှိုင် (ယခု UCLA မှာ တွဲဖက် ပါမောက္ခလုပ်နေတယ်ထင်ပါ့) တုို့လည်း ရှိပါတယ်..။ မဒမခ အထွေထွေအတွင်းရေးမှူးက သွားလေသူ ဦးတွတ် (ဦးတင်မောင်ဝင်း) ဖြစ်ပြီး နုိုင်ဟံသာက တွဲဘက်(၁) နဲ့ ကျနော်တုို့ မကဒတ က အထွေထွေအတွင်းရေးမှူး ကုိုသန်းဝင်း(ရကသ) [ယခု ဖလော်ရီဒါ] က တွဲဘက်(၂) ပါ...။ ခလဲဒေးကုိုရောက်လာပြီး သိပ်မကြာခင် ကချင် ကေအုိုင်အုို အဖွဲ့က လူကြီးတွေက မုိုးလုံးမှိုင်းကြီးကုို ချင်းမုိုင်(ဇင်းမယ်)မြို့ ကုို အလည်ခေါ်သွားပါတယ်...။ ဆုိုတော့ ငှက်ကြီးတကောင်ပဲ ခလဲ့ဒေးမှာ မဒမခ ကုိုင်းကြီးကြီးမှာ နားရင်း ကျန်နေခဲ့ပါတယ်...။
ကြုံလုို့ပြောရရင်... ကုိုမွန်းအောင် မသွားခင်လေးတင် အဲဒီတုန်းက မကဒတအစောပုိုင်းသမုိုင်းမှာ နာမည်ကျော် ခွေးသူခုိုးကိစ္စ ဖြစ်တာပါ ...။ မကဒတမှာ ပထမဦးဆုံး နုိုင်ငံရေးကမ်ပိန်းလုို့ပြောရမလား .. အပုပ်ချပွဲ(လူချပွဲ) လုို့ ပြောရမလား မသိပါ... (မ တစ်ရာသားတွေဆုိုတော့ လဲ ခက်သား ...၊ တချို့ က အဲဒီထဲက အကျင့်က မကောင်းကြတာ.. ထားပါတော့ .. နောက်ကွယ်က ဘယ်သူတွေဝါဒဖြန့်ကြလဲဆုိုတာ... နောက်ကြုံမှပေါ့) တနေ့တော့ ကုိုထူးအိမ်သင်၊ ကုိုမွန်းအောင်၊ ကုိုအောင်နုိုင်[အဲဒီတုန်းက မကဒတဗဟုိုကော်မတီမှာ တွဲဖက်အတွင်းရေးမှူး၊ အခု ဗွီအုိုအေ ဌာနမှူး ကုိုသန်းလွင်ထွန်း] တုို့ကုို ကချင်ကုိုယ်စားလှယ်အဖွဲ့ က ရဲဘော်တဦး(ကုိုဇော်နောင်လုို့ ထင်ပါတယ်) က သောင်ရင်းမြစ်တဖက်ကမ်း ယိုးဒယားဖက်ခြမ်းကဈေးတန်းမှာ ထုိုင်းခေါက်ဆွဲပြုတ် လိုက်ကျွေးပါတယ်...[အဲဒီအချိန်က ဘယ်သူမှ ကုိုယ့်ဟာကုို ၀ယ်မစားနုိုင်ပါဘူး... တယောက်မှ ခြူးတပြားမှ မရှိတာ... နောက်ပုိုင်းမှ ရေးပါဦးမယ်]
အပြန်ကျတော့ ခေါက်ဆွဲဆုိုင်က ခွေးကလေးက သူတုို့နောက်ကုို သူ့ဟာသူလုိုက်လာပါတယ်... ပြန်မောင်းထုတ်တာ မပြန်ဘဲ လှေဆိပ်ထိလုိုက်လာပါတယ်... ။ ဖြစ်ချင်တော့ ခွေးလေးကလဲချစ်စရာကောင်း တော့ ကုိုအောင်နုိုင်က အမှတ်တမဲ့ ကောက်ပွေ့လာတော့ ဒီဖက်ကမ်းကုို ပါလာပါတယ်..... ။ နောက်တော့ ဆုိုင်ပုိုင်ရှင်ထုိုင်းမ (ထုိုင်းပုလိပ်မိန်းမ) က ဒီဖက်ကုို အကြောင်းကြားပြီးပြန်တောင်းပါတယ်...။ အဲဒီတုန်းက ကေအန်ယူ နယ်မြေ ဂိတ်တာဝန်ခံက ပဒုိုစောဒေဗစ်ထောပါ.. ။ ကုိုအောင်နုိုင်တုို့ကလည်း အကျိုးအကြောင်းပြောပြ၊ တောင်ပန်ပြီး ပြန်ပုို့ပေးလုိုက်ပါတယ်... အစ်နော့အဘစ်ဒီးလ် ... အေးဆေးပါ...။ ဆုိုတော့ စက်နဲ့ အကြောင်းကြားရင်း ၂၀၇ တပ်ရင်မှူးအောင်ဟိန်း[နောင်တချိန် မကဒတ ဗဟုိုဘဏ္ဍာရေးတာဝန်ခံဖြစ်ပြီး ဘတ်သုံးသိန်းလောက်ဘုံးပြီး ဗမာပြည်ပြန်ပြေးတဲ့မောင် ... (ပြောရရင် သူကမှ သူခုိုးအစစ်ပေါ့...)] က ဆက်သွယ်ရေး စက်ထဲမှာကြားတော့ တဆင့်တဆင့်ပြောကြရင်းနဲ့ ကုိုအောင်နုိုင်နဲ့ မတည့်တဲ့ (မလုိုလားတဲ့) အုပ်စုက ကုိုထူးအိမ်သင်နဲ့ ကုိုအောင်နုိုင်ကုို ခွေးသူခုိုးဆုိုပြီး အမနာပ ကမ်ပိန်းထုကြရော ....။ အမှန်တော့ ကုိုအောင်နုိုင်ကုို ဆော်ချင်ကြတာနေမှာပါ... သူက အဲဒီအချိန်မှာ ပူပူနွေးနွေး မကဒတ ထိပ်ပုိုင်း ခေါင်းဆောင် ကုိုး ...။ ဒါပေမဲ့ ကုိုထူးအိမ်သင်နာမည်ကတွဲပါသွားတော့ အဲဒီမှာတင် သူ တခါ စိတ်ပျက်သွားတယ်နဲ့တူတယ် ....။

ဖြစ်ချင်တော့ ကုိုမွန်းအောင် ဇင်းမယ်ကုို ထွက်သွားပြီး နောက်ပုိုင်းမှာ ကိုငှက်ကြီး ငှက်ဖျား စ မိပါတယ် ... ။ ဖာအံငှက်က သူ့ထက်ကြီးတော့ သူ့ခမျာ နဂုိုကလည်း ခပ်ပိန်ပိန် .. အာဟာရလည်းပြတ်တော့ အိပ်ယာထဲ လဲပါတယ်...။ မဒမခ-ဒီအေဘီရုံးက အခန်းကျဉ်းလေးထဲမှာ ခွေနေရှာပါတယ် ...။ ဖြစ်ချင်တော့ ဦးအေးဆောင်လည်း ခရီးထွက်.. ကျန်တဲ့လူကြီးတွေလည်း မရှိတော့ လူမမာစာ မရှိဖြစ်နေပါတယ်...။ ဒါနဲ့ ကျနော်တုို့ နယ်မြေရုံးမှာရှိတဲ့သူတွေကုို ကိုငှက်ကြီးအတွက် လူမမာစာ ဆက်ကြေးကောက်ပါတယ်...။ မကဒတ သမုိုင်းမှာ ကုိုယ့်အချင်းချင်းပြန်ကောက်တဲ့ ပထမဆုံးဆက်ကြေးဖြစ်မယ်ထင်ပါရဲ့  ..။ ဆက်ကြေးကောက်တယ်သာပြောရတာ ... ဘယ်သူ့မှာမှ ပုိုက်ဆံရှိတာမဟုတ်....။
ကြုံလုို့ အဲဒီအချိန်က မကဒတ နယ်မြေကော်မတီရဲ့  ရာရှင်နဲ့လစာအကြောင်း... နှောင်းခေတ်လူများ အားကျဖွယ် နဲနဲပြောပြရဦးမယ်...။ ကော်မတီဝင် ၃၀ နီးပါးနဲ့ ရုံးအဖွဲ့သား ၁၀ ဦးလောက်အတွက် ဆန်အိတ်ငယ် ၁၀ အိတ်၊ ငပိငါးပုံးနဲ့ ဆားအထုပ် ၂၀ ရပါတယ်....။ (ကေအဲယူက ထုတ်ပေးတာပါ၊ သူတို့ရဲဘော်တွေလဲ ဒီစကေးပါပဲ)။ ဆီ၊ အချိုမှုန့်၊ ငရုပ်သီး၊ ကုလားပဲ၊ ငါးခြောက်၊ ငါးသေတ္တာစတာ တွေကတော့ ဒုိုနာတွေပေါ်မှာ မူတည်သပေါ့ဗျာ...။ အများအားဖြင့်တော့... ပြတ်တလှည့်.. ငတ်တလှည့်ပေါ့ ..။ ပေးစကေးကလည်း နည်းမှတ်လုို့ ... တယောက်ကုို တလ ရိက္ခာငွေ ယုိုးဒယားအသပြာ ၈ ဘတ်ကြီးများ တောင်ရတာကလား။ [အမှန်တော့ဆေးလိပ်ဖုိုးလုို့ပြောပေးတာပါဗျာ... ဒါပေမဲ့ လူရှိန်အောင် မဟာမိတ်တွေ ခေါ်တဲ့အတုိုင်း ရိက္ခာငွေ(လစာ) လုို့ ခပ်ထယ်ထယ် လုပ်ရတာပေါ့ ...။ ခေသူတွေမှမဟုတ်တာ.. ပူပူနွေးနွေး အစုိုးရ ၃ ဆက်ကုိုလက်ချည်းဗလာဖြုတ်ချလာတဲ့ မဟာ့မဟာကျောင်းတော်သားတွေပဲဟာ] အဲဒီအချိန်က ဆေးပေါ့လိပ် ခဲ နုိုင်တဲ့ကောင်လောက်ကသာ (တကယ်တော့ ဆေးပေါ့လိပ်ဟုတ်ပါဘူး .. ဆေးရွက်ကြီးကုို ထညက်နဲ့နယ်ပြီး လိပ်ထားတဲ့ ဖက်ဖြူလိပ်တွေပါ) ရဲဘော်ချေတုို့၊ ရဲဘော်ကက်စထရုိုတုို့ ဆေးပြင်းလိပ်ခဲတဲ့ စတုိုင်နဲ့ အိစ်ကော်သူးလေ တောထဲကနေ ကျူးဘားအိပ်မက် မက်နေနုိုင်ကြတာကလား ...။ ခရောင်းထက် စီးကရက် ဆုိုတာက ထုိုင်းထောက်လှမ်းရေးတွေ၊ ကုန်သည်သူဌေးတွေရွာထဲ ဖြတ်လျှောက်တာနဲ့ကြုံမှ နောက်နားမလှမ်းမကမ်းကနေ အနံ့လုိုက်ရှူရတာမျိုး .. (ငယ်ငယ် ကလေးဘ၀ အိမ်ရှေ့  လမ်းပေါ် ကားဖြတ်သွားရင် ဓာတ်ဆီနံ့လုိုက်ရှူသလုိုမျိုးပေါ့) [နောက်ပြောတာမဟုတ်ဘူး.. ကျနော့်ရုံးအဖွဲ့ က ဆေးလ်ိပ်ကြိုက်တဲ့ ရဲဘော်တချို့  တကယ်လုိုက်ရှူကြတာကုိုယ်တုိုင်တွေ့ ဘူးတာ..]

အဲဒီတော့ တလစာ ဘိန်းဖုိုး အသပြာ ၈ ဘတ်ကုို တပတ်ကုို ၂ ဘတ်နှုန်းနဲ့ ဘတ်ဂျက်ဆွဲပြီး ဆေးသေး (ပွတ်ချွန်းဆေး) ၂ ထုပ်ဝယ်ရတယ်...။ အဲဒီတုန်းက ဆေးသေး တထုပ် ၁ ဘတ်..။ လိပ်သောက်ဖုို့ စက္ကူတောင် သပ်သပ်မ၀ယ်နုိုင်ဘူး.. ဘာစာအုပ်၊စာတမ်းတွေ့တွေ့လာထား.. ဖြဲပြီး လိပ်ပလုိုက်မယ် ဆုိုတာချည်းပဲ..။ လူကလည်းများတော့ ဆပ်ပလုိုင်းနဲ့ဒမန်းက မကာမိ...။ တခါတခါ ပဒုိုယာယုလဖက်ရည်ဆုိုင်ထရံမှာ ကပ်ထားတဲ့ ကြော်ငြာပါမချန်ဘူး ... ကြော်ငြာထဲကထုိုင်းမတွေဆုို မောင်ကျောင်းတွေလက်ချက်နဲ့ တယောက်မှ စကပ်မရှိတော့ဘူး...။ ထားပါတော့ ... အဲဒီတော့ မရှိမဲ့ရှိမဲ့လေးတွေစုပြီး လဖက်ရည်တခွက်နဲ့ အီကြာကွေး ၂ ချောင်း နဲ့ လူမမာသွားမေး၊ အားပေးရတာပေါ့ ...။ ငှက်ကြီးလဲ ကွီနုိုင်းဒဏ်ကုို အလူးအလဲခံထားရတော့ နားရွက်နဲ့မျက်မှန်ပဲကျန်တယ်.... ။ လဖက်ရည်သောက် ရုံနဲ့ ထုိုးထုိုးအန်ပြီး မထနုိုင်တော့ဘူး...။ အဲဒီမှာ သူ့ရဲ့  အမေ့အိမ် လွမ်းချင်းကုို စ ကြားရတာပဲ ....။ “အမေ့ကုို အရမ်းသတိရတယ်ကွာ... နေကောင်းရင် ငါပြန်တော့မယ်” ဆုိုတာကုို ငှက်ဖျားတက်ရင်းနဲ့ Chorus ပုိုဒ်ဆုိုသလုို ထပ်ခါတလဲလဲ ညည်းတော့တာပဲ ...။ ကျနော်တုို့ကတော့ နေကောင်းအောင် အရင်လုပ်ပါဗျာ...။ ပြန်ဖုို့က မခက်ပါဘူးလုို့ အားပေးရင်း ၀ုိုင်းပြုစုကြရတယ်..။ ပြုစုတယ်သာ ပြောတာ KNU ဆေးခန်းကပေးတဲ့ ကွီနုိုင်း ကလွဲလုို့ ဘာမှ ဓာတ်စာ မရှိတော့... ကုိုက်တယ် ခဲတယ်ပြောတဲ့ နေရာကုို တတ်နုိုင်သလောက် နင်း နှိပ်ပေးယုံပါပဲ..။ ကေအန်ယူ ဂိတ်ကုိုဖြတ်တဲ့ ကုန်သည်တွေနဲ့ ရွာထဲက ဈေးဆုိုင်တွေမှာ ပုိုက်ဆံမဟုတ်တဲ့ ဓာတ်စာ (ကြက်ဥ၊ ငါးသေတ္တာ၊ ငါးခြောက်ငါးခြမ်း၊ အအေး၊ အချိုရည် စသဖြင့် ၀ယ်ပေးဖုို့ အလှူခံရတယ် ...။(အဲဒီကနေ စ ပြီး အတောင်းအရမ်း တတ်သွားတာနေမှာ)။ ပဒုိုဒေးဗစ်ထောက နောက်တနေ့ ကြက်တကောင်နဲ့ ကြက်ဥနဲနဲ ပုို့လာလုို့ ကြက်စွတ်ပြုပ်နဲ့ ကြက်ဥပြုပ်ကလေးနဲ့ မနဲ နလံထအောင်လုပ်ရတယ် ...။ မှတ်မှတ်ရရ ကြက်ကုိုင်ပြီး စွပ်ပြုပ်လုပ်ပေးတာ ကျနော့်နယ်မြေကော်မတီရုံးအဖွဲ့က ကုလားလေး ကုိုမြင့်ဆွေ ။[နောင် ၁၉၉၀ အစောပုိုင်း ဗညားအောင်နုိုင်(ယခု ဧရာဝတီသတင်းဌာနက ကုိုလင်းသန့်) နဲ့ အမှုတတွဲထဲ၊ ပြည်တွင်းမှာအဖမ်းခံရ၊ ထောင်ကျပြီး ထောင်ထဲမှာ ရုိုးရုိုးအကျဉ်းသားစိတ်မနှံ့တဲ့သူနဲ့ (တမင်) အတူထားခံရပြီး အဲဒီလူက ဂမ်ဖလားနဲ့ ရုိုက်သတ်လုို့ ကျဆုံးရရှာသူ- သူ့အကြောင်းလဲ စာတစောင်
ပေတဖွဲ့ ရေးရဦးမယ်။ အနစ်နာခံ၊ သစ္စာရှိတဲ့ လူတော်တယောက်၊ ရဲဘော်ရဲဘက် အလွန်ပီသတဲ့ သူ၊ အများကုို အထိခုိုက်မခံ.. အလုပ်ကုို အထိခုိုက်မခံပဲ အလွန်ဘာသာရေးကုိုင်းရှိုင်းတဲ့ အစ္စလမ်ဘာသာဝင် တယောက်] တပတ်.. ၁၀ ရက်လောက်ကြာတော့ ငှက်ကြီးက ဒေါင်းပြန်ဖြစ်၊ ငှက်ဖျားက ကျီးကန်းဖြစ်သွားပြီး သူ နာလံပြန်ထလာပါတယ်..။ ကျနော်ကတော့ ငှက်ကြီးကုို အဲဒီထဲက အပြတ်ပြောတယ်... ဒီနေရာ ခင်ဗျားလာရမဲ့နေရာမဟုတ်ဘူး...၊ ဒီအလုပ် ခင်ဗျား လုပ်ရမဲ့အလုပ်မဟုတ်ဘူး .... လုို့ ။ အေးပါကွာ ... မင်းတုို့ ငါ့ကုို နားလည်ပေးတာ .. စေတနာထားတာ .. တန်ဖုိုးထားတာ ... (ရင်ဘတ်ပုတ်ပြပြီး) ဒီထဲကနေ ငါနားလည် ပါတယ်ကွာ ... လုို့ မျက်ရည် ၀ဲဝဲ နဲ့ ပြောရှာတယ်...။

သူနဲနဲထောင်လာတာနဲ့ ကာလကလည်း ခရစ္စမတ်အခါသမယ .... ဟုိုနား ဒီနားက ကရင်မိတ်ဆွေတွေရဲ့  ခရစ္စမတ်သီချင်းသံကလည်း မကြာမကြာကြားနေရတော့ ကျနော်တုို့ ကုိုငှက်ကြီးကုို ဗဟုိုပြုပြီး ကာရုိုးလ်ဆင်းဂန်းထွက်ဖုို့ကြံကြပါတယ်...။ နေမကောင်းရင်(ငှက်ဖျားထရင်) ဓာတ်စာဖုိုးလေးတော့ရှိမှ ဆုိုတဲ့သင်္ခန်းစာကုို ငှက်ကြီးက ဦးဦးဖျားဖျားပေးသွားတော့ ဘော်ဖန်ချင်တာက အဓိကပေါ့... ။ ကချင်ရဲဘော်တယောက်၊ နှစ်ယောက်.. ကရင်မိတ်ဆွေ တယောက်၊နှစ်ယောက်နဲ့ ကုိုငှက်ကြီး ... ကျန်တာက ကျနော်တုို့ ပြုံယမ်းအဖွဲ့ပေါ့ ...(စုပြုံပြီး ရမ်းသမ်းအော်တဲ့ကျနော်တုို့အဖွဲ့ကုိုပြောတာပါ)... တကဲ့ ခရစ်ယာန် အစစ်ကလည်း ကချင်နဲ့ ကရင်မိတ်ဆွေ နှစ်ယောက်၊ သုံးယောက်ပါပဲ ...ကျန်တာတွေကတော့ ခါတော်မီ ရေကူးခရစ်ယာန် တွေချည်းပဲ..။ (ရေငုပ်ရတဲ့ နှစ်ခြင်းခရစ်ယာန်လည်းမဟုတ်..၊ ရေဖျန်းတဲ့ ရုိုမန်ကက်သလစ်လည်းမဟုတ်တဲ့.. အားအားရှိ သောင်ရင်းမြစ်ထဲမှာ ရေဆင်းကူးနေတဲ့ ကျနော်တုို့ နယ်မြေရုံးက ပြုံယမ်းတွေကုိုပြောတာပါ...) [ဘာသာတရားကုို စော်ကားပုတ်ခတ်လုိုတဲ့စိတ်နဲ့ပြောတာ မဟုတ်ပါဘူး...ကျနော်တုို့ အချင်းချင်း အဲဒီအချိန်က နောက်ပြောကြတာပါ...။ ဒါကုို အကြောင်းပြုပြီး ၆..၇..၈..၉..၁၀ တွေတော့ မဖန်တီးကြပါနဲ့နော] အဲဒီအချိန်က ငတ်လွန်းလုို့ တတ်သည့်ပညာ မနေသာ လုပ်စားကြတာပါ.... ။ ရှိသမျှ ခရစ်ယာန်.. ဗုဒ္ဓဘာသာအိမ်အားလုံး(ဈေးဆုိုင်တွေ ပုိုများပါတယ်) က ညဖက်ကျနော်တုို့ အဖွဲ့  သီချင်းလုိုက်ဆုိုရင် စားစရာသောက်စရာတွေထုတ်ကျွေး၊ အလှူငွေထည့် လုပ်ပါတယ်.... ။ တုိုတုိုပြောရရင် ငှက်ကြီးတန်ခုိုးနဲ့ ကာရုိုးလ် ဂုဏ်တက်ပြီး ဘတ် ၄၀၀၀ လောက်စီပါတယ်..။ (အဲဒီခေတ်က ဒေါ်လာ ၁၆၀ လောက်ပေါ့) [ခေါက်ဆွဲပြုတ်တပွဲ ၅ ဘတ်ပဲရှိတာပါ] အဲဒီ ကာရုိုးလ်ဆင်းဂင်းနဲ့ ပွဲဦးထွက်လုိုက်တဲ့ ကျေးဇူးတော်ကြောင့် စောငှက်ကြီးဦးစီးတဲ့ ကျနော်တုို့ ပြုံယမ်းခရော့စ် ကုို မင်္ဂလာဆောင် ပွဲ တပွဲတီးပေးဖုို့ အငှားခံရသဗျ ...။

အဲဒီမှာတင် အစမှာ ရေးထားတဲ့ဇာတ်လမ်းပေါ်လာတာပေါ့ ....။ ဗုိုလ်ချုပ်မောင်မောင်ရဲ့ သား ကုိုအောင်မော်အေး (ယခု KNU ဖားအံခရုိုင် ဥက္ကဌ) နဲ့ ပဒုိုမန်းရင်စိန်ရဲ့ သမီး နော်မြူအေးတုို့ရဲ့  မင်္ဂလာဆောင်...။ အဲဒီအချိန်က KNLA စစ်ဦးစီးဌာနချုပ်က ဗုိုလ်ချုပ်မောင်မောင်ကုို မဒမခ မှာ စစ်ရေး တာဝန်ခံအဖြစ်တာဝန်ပေးထားပါတယ်....။ ကြုံလုို့ ဗုိုလ်ချုပ်မောင်မောင်အကြောင်း နည်းနည်းပြောမယ်...။ မြစ်ဝကျွန်းပေါ်သား... ဗမာရည်အင်မတန်လည်... အစောပုိုင်း သခင်စုိုးကြီးတုို့ အလံနီအုပ်နဲ့ရော .. နောက်ပုိုင်းတောင်ငူ၊ပျဉ်းမနားအလယ်ပုိုင်းနယ်မြေမှာ ကွန်မြူနစ်ပါတီနဲ့လဲတွဲခဲ့ဘူးသူ ... ဥက္ကဌ မန်းဘဇံရဲ့  KNUP က ပါလာသူ .... ။ ကျနော်တုို့ ကျောင်းသားများနဲ့ အင်မတန်အလွမ်းသင့်သူပါ ...။ သူစကားပြော ကောင်းတာ၊ နုိုင်ငံရေး စစ်ရေး အတွေ့အကြုံကြီးမားတာတွေကတော့ နောက်ပုိုင်းလက်ပွန်းတတီးနေရတော့ မှ ကုိုယ်တွေ့သိလာရတယ်...။ အစည်းအဝေးတွေမှာဖြစ်ဖြစ်.. အပြင်မှာဖြစ်ဖြစ် စကားပြောရင် ပုံပြင်တွေ၊ ဥပမာတွေ ညှပ်ညှပ်ပြီး အပြောကောင်းလွန်းလုို့ (နောက်ပုိုင်း မာနာပုလောခေတ်မှာ) သူ့ကုို ကျနော်တုို့က ချစ်စနုိုးနဲ့ “ပုံတုိုပတ်စ မောင်မောင်” လုို့ နာမည်ပေးရတဲ့ အထိပဲ...။ တချိန်က KNU ရဲ့ ဦးနှောက်လုို့ တင်စားခံရတဲ့ ဒု-ဥက္ကဌ ပဒုိုစောသန်းအောင်က “ကွန်မြူနစ်တွေဟာ ဘုရားဆင်းတုတော်တောင် ခေါင်းငြိမ့်အောင် အပြောကောင်းတယ်လုို့နာမည်ကြီးပေမဲ့ ကျနော်ကုိုယ်တွေ့ မကြုံဖူးဘူး .... ဒါပေမဲ့ ဗုိုလ်မောင်မောင်ကတော့ ကွန်မြူနစ်တွေခေါင်းငြိမ့်အောင်ပြောနုိုင်တာ ကျနော်ကြုံဖူးသဗျား” ... လုို့ ချီးမွမ်းရတဲ့သူ ... ။ (သူ့တုို့ ၂ ယောက်အပါအ၀င် ချစ်ခင်လေးစားစရာ အရင်က KNU ခေါင်းဆောင်ကြီးတွေ အကြောင်းကတော့ စာတစောင် ပေတဖွဲ့  အများကြီးရေးစရာတွေရှိသေးတယ်...။ ခုခေတ် ကရင် ခေါင်းဆောင်တွေရော မပါဘူးလားလုို့တော့ ကပ်ဖဲ့ပြီး မမေးကြနဲ့ဗျာ...)
တုိုတုိုပြောရရင် ၁၉၈၈ ဒီဇင်ဘာလ ၂၂ ရက်နေ့မနက်လုပ်မဲ့ မင်္ဂလာဆောင်အတွက် ၂၁ ရက်နေ့ညမှာ စတိတ်ရှိုးတီးပေးဖုို့ ဗုိုလ်ချုပ်မောင်မောင်က ကျနော့်ကုို အကူအညီတောင်ပါလေရော ...။ ဆုိုတော့ သီချင်းတုိုက်ကြရတာပေါ့... ရက်ကလည်းကပ်နေတော့...။ ကြီးကြီးကျယ်ကျယ်မဟုတ်ပါဘူး... ကုိုငှက်ကြီး တယောက်ကလွဲလုို့ ဖြစ်ဖြစ်မြောက်မြောက်တယောက်မှ မပါတာ...။ ဒီတော့ ကုိုငှက်က မင်းတုို့ ရပြီးသား အုိုးဂေါ်လီသီချင်းတွေကုို လက်ပူတုိုက်ပြီး နွှေးကြကွာ...တဲ့..။ KNU တပ်မဟာ ၇ နဲ့ ဗဟုိုက စုပေါင်းစပ်ပေါင်း ပစ္စည်းတစုံစာထုတ်လာတယ်...ဒရမ်မာ မရှိတော့ သူက ပင်တုိုင် ဒရမ်တီးမယ်တဲ့.. ကျနော့်ကုို ဂစ်တာတီးတဲ့ ... သူ သီချင်းဆုိုရင် ကျနော်က ဒရမ်တီးတဲ့ ..သူက ဂစ်တာတီးရင်းဆုိုမတဲ့ ..။ သူက ဘာတီးတီး .. ဘာဆုိုဆုို ပြဿနာမရှိဘူး...။ သူမုို့လုို့ ကျနော်တုို့နဲ့ စတိတ်ရှိုးလက်ခံရဲတယ်... ရဲစွ .. ဟုတ်ထာ ...။ အရေးထဲ ဘေ့စ်တီးမဲ့သူမရှိတော့ ကျနော်တုို့ နယ်မြေကော်မတီဝင် စောထစခန်းက (ကျောင်းဆရာ) မောင်မောင်စုိုး (အမေရိကား-ဖုို့ဝိန်းမှာဆုံးသွားသူ) က ၀င်တီးပေးတယ်... သူကလည်း ရတဲ့သီချင်းရ .. မရတဲ့သီချင်းမရ (ကျနော်နဲ့အတူတူပါပဲ) ဆုိုတော့ KNU က စက်သမားက သူလဲရတဲ့သီချင်း ၀င်တီးမတဲ့ ..။ အော်ဂင်ရော ဆုိုတော့... ဘုရားကျောင်းက ဓမ္မဆရာတွေ ရတဲ့သီချင်းဆုို ၀င်တီးမတဲ့ ...။ အဆုိုတော်ကလည်း ပြုံယမ်းအဖွဲ့  ၀င်တွေလောက်ပဲရှိတာ...။ တော်သေးတာပေါ့ ...ကုိုငှက်အပြင် ချင်းအဖွဲ့ က ဆလုိုင်းဆန်ဇဲ နဲ့ ကချင်က ကုိုဇော်နောင်တုို့ ရှိလုို့ .. ဒီလူတွေက ဘုိုသီချင်းတွေ အပါအ၀င် အဆုိုကောင်း.. အတီးကောင်းတွေ ...။ စဉ်းစားကြည့်ကြပေါ့ဗျာ... ကုိုငှက်ကြီး ဒီလူတွေနဲ့ ဒီလုိုပွဲမျိုးလက်ခံရဲတာ နဲတဲ့ သွေးမှတ်လုို့ ...။

ဆုိုတော့ စောငှက်ကြီးဦးစီးသော ဖြဲဖြဲစင် ပြုံယမ်းခရော့စ် တေးဂီတကြီး မဲလ မျှော်စင်ကျွမ်းမှာ ဂွမ်း .. အဲ.. အဲ ကြမ်းကြ ရမ်းကြရောဆုိုပါတော့...။ အား... ပရိတ်သတ်ကတော့ ကြိတ်ကြိတ်တုိုး ..။ ရှူးရှူးတောင်ဆင်းပေါက် ဖုို့ အချိန်မပေးဘူး ... တချိန်လုံး .. တီးထား.. ဆုိုထား... ဆုိုတဲ့အထဲကပဲ ...။ (နောက်မှပြန်သိရတာ ၃ ပုံ ၂ ပုံလောက်က ဗမာလုို မတတ်ကြဘူးဆုိုပဲ.... ဒါကြောင့် အသံထွက်နေဖုို့လုိုရင်း .. ဘာသံဖြစ်ဖြစ် အားပေးပြီးသားပဲ..) အရင် KNU လက်နက်ဝယ်ယူရေးတာဝန်ခံ ကုိုကျောက်ခက်က ကျနော်တုို့ တီးဝုိုင်းမန်နေဂျာပေါ့ (ရေပူ ရေချမ်းကမ်းလှမ်းဖုို့ပါ...။ သူ ၀ယ်တုိုက်တော့မှ မဲခေါင်အရက်ကုို စ သောက်ဖူးတာ..) တီးအား.. ဆုိုအားတင်မက .. သောက်အားကလည်း ကောင်းဆုိုတော့ ညသန်းခေါင် လောက်မှာ ရတဲ့သီချင်းလဲကုန် ...ရေစင်လဲပြတ်ဖြစ်သွားတယ်..။ ဒီဇင်ဘာလကြီး တကဲ့ နှင်းတောထဲမှာ ဆုိုတော့ ရာသီဥတုကလည်း အားကစားသမားများအကြိုက်ပေကုိုး ..။ နောက်ဆုံးကျန်တဲ့ တပြား ကုိုကျောက်ခက်လာပေးတော့ ကုိုငှက်ကြီးသိမ်းထားပေတော့ဆုိုပြီးသူ့ကုိုပေးလုိုက်တယ်... သူလဲ သူ့ဒရမ်မာခုံအောက်မှာ ဖင်ခုထုိုင်ထားတယ်..။ ပရိတ်သတ်က သူ့ကုိုပဲ တောင်းဆုိုလုို့ သူလဲမကြာမကြာ ထ လာပြီးဆုိုရတာပေါ့ .. နောက်ဆုံးတခေါက် ထ လာတော့ ကျနော့်ကုို မင်းဘေ့စ်တီးကွာ ဆုိုပြီး ဘုရားကျောင်းက ဆရာကုို ဒရမ်တီးခုိုင်းတယ်..။ (ဓာတ်သိချင်းဆုိုတော့ သူ့ ပုလင်း မျက်စောင်းထုိုးမှာ စုိုးတာလဲပါမယ်ထင်တယ်) ဆုိုကြတာပေါ့.. ၃-၄ ပုဒ် .. ပြီးလုို့ သူလည်း ဒရမ်ခုံဆီပြန်သွားရော... ကုိုယ်တော်ရှင် ကျေးဇူးတော်ကြောင့် သူ့ပုလင်းပြားပျောက်သွားပါလေရော ...။ နေပါဦး ကျနော်တုို့ ပြန်ရှာပေးပါမယ်ဆုိုတာ မရဘူး ... ဒရမ်မုိုက်ကနေ “အဖူးမောင်မောင် ရိက္ခာပြတ်သွားပြီ ... အရမ်းချမ်းတယ်... လက်တွေထုံနေပြီဗျို့..” ဆုိုပြီး ထ အော်ပါလေရော ... ။ လုံခြုံရေးတွေလည်း (သူ့ ပုလင်းပျောက် ရှာပုံတော် ဖွင့်ရင်း) အလုပ်ရှုတ်ကုန်တယ်...။ သူ့ကုို ကျနော်တုို့ ရှာပေးမယ်ပြောတာ မရဘူး ..အဖူးမောင်မောင်ပဲ အော်ခေါ်နေတယ်...။ ဒါနဲ့ အဖူးရောက်လာရော ... ။ သူလည်းခေသူမှ မဟုတ်တာ... “အလကားတော့ မရဘူးဟေ့ ... ငါလည်း သီချင်းတပုဒ်ဆုိုမယ် .. မင်းတုို့ ရအောင်တီး”..တဲ့ ..။ ဘာသီချင်းလဲဆုိုတော့ .. အဖုိုးကြီးအုို ခါးကုန်းကုန်း .. ရလားတဲ့ ... နဲသေးတာပေါ့ ..။ ဒါပေမဲ့ ဗိုလ်ချုပ်မောင်မောင်ပဲလေ... နာမည်တလုံးနဲ့ .. သူလဲ ဘယ်ပေါ့မလဲ .... “ငါ့စတုိုင်နဲ့ ငါ ဆုိုမှာနော်.. ပထမ .. မြန်မာသံစဉ် .. စလုိုးလေးနဲ့သွားမယ်... တဖြည်းဖြည်းမြန်လာပြီး နောက်ဆုံးမှာ ဒစ္စကုို နဲ့ သိမ်းမယ်..” တဲ့ ...။ ဘာပြောကောင်းမလဲ တီးဝုိုင်းရော ... ပရိတ်သတ်ရော ဗြောင်းဆန်အောင်တီး ..၊ ၀က်ဝက်ကွဲ အားပေးလုိုက်ကြတာ... အဖူး ပုဆုိုးပါကျွတ်ကျပါလေရော ...။ ပြောပြီးပါရော... နဲတဲ့ သမ္ဘာမှ မဟုတ်တာ .. အဖူးက ဆုိုတာ မရပ်တဲ့အပြင် သူ့ အောက်ခံဘောင်းဘီ အပွကြီးနဲ့ ပြောင်ရင်း ဆက်ကနေတော့ တီးဝုိုင်းကလည်းဘယ်ရပ်မလဲ ။ နောက်ဆုံး .. ကုိုငှက်ကြီး ဆက်မတီးနုိုင်တော့ဘဲ ဗုိုက်နှိပ်ပြီး စင်ပေါ်မှာ ပက်လက်လှန်ရီနေတော့မှ မင်းတို့ရှုံးပြီဆုိုပြီး အဖူးက အဆုိုအက ရပ်တော့တယ်....။ ပြီးမှ .. ကဲ ခဏနားပြီး ... ငါ့အိမ်ပေါ်လုိုက်ခဲ့ကြတဲ့ ...။

အိမ်ဆုိုလုို့ အထင်မကြီးပါနဲ့ ... တဲကြီးကြီးတလုံးပါ... ။ သူနဲ့ အမုိုးနဲ့ အိပ်တဲ့ အခန်းသေးသေးလေးတခန်းက လွဲရင် တအိမ်လုံး ဒုိုးယုိုပေါက်ပါပဲ ... KNU အလံတလက်၊ ကော်သူးလေ ပြက္ခဒိန်တချပ်နဲ့ သူ့ယူနီဖောင်းနဲ့ ဓာတ်ပုံတပုံကုို နံရံမှာ ကပ်ထားတာကလွဲလုို့ ဘာမှ ခမ်းခမ်းနားနား မရှိရှာပါဘူး ..။ ကျနော်တုို့ တက်သွားတော့ ၂ ဖက် မိဘဆွေမျိုးတွေနဲ့ သတုို့သား၊ သတုို့သမီး တုို့ ၀ုိုင်းထုိုင်နေကြတယ်...။ အဖူးက သူ့အခန်းထဲဝင်သွားပြီး ပုလင်း ၂လုံးကုိုင်ပြီးပြန်ထွက်လာတယ်..။ကျနော်တုို့ကတော့ ချီးဗတ်စ်လား ဂျော်နီလားလုိုက်ကြည့်ကြတာပေါ့ ...။ လား.. လား... “ကရင်မီးတောက် ကုို လူပျံတော်ပတ္တမြားရယ် .. ငါ့ဆေးမြစ်တွေရယ် စိမ်ထားတာကွ ... မင်းတုို့ကုို ခင်လွန်းချစ်လွန်းလုို့ တုိုက်တာတဲ့” ... မှတ်ကရော ...။ ငှက်ကြီးကုို ပထမဆုံး တခွက်ပေးတယ် ... ရေမရောပဲ တငုံငုံလုိုက်တာ ဖွီးဆုို ပြန်ထွက်လာတယ်.... အား .. ပူတယ်... ပူတယ်... နဲ့ ..ပြီးမှ ရေရောပြီး တခွက်ချတယ်... ။ နောက်လူတွေကုိုတော့ အဖူးက ရီပြီး သူပဲ ရေရောပေးတယ်...။

အဲဒီမှာတင် အပေါ်ဆုံးမှာ ပြောခဲ့တဲ့ ဇာတ်လမ်းစတာ .... သတုို့သမီးနော်မြူအေးကုိုလည်းမြင်ရော .. ကုိုငှက်ကြီးက .... “ဖထီး ... ဖထီးမှာ သူ့လုိုမျိုး သမီးလှလှလေးတယောက်လောက်မရှိတော့ဘူးလားဗျ .....”
“ရှိရင် ကျနော်နဲ့ပေးစားဗျာ .... ဒါဆုို ကျနော် ဒီမှာပဲနေတော့မယ် ... မပြန်တော့ဘူး...” တဲ့ .....။ (သတုို့သမီးအဖေ) ပဒုိုမန်းရင်စိန်ကုို သွားပြောတယ်.... ကျနော်တုို့ အားလုံးမူးနေကြပေမဲ့ ... လန့်သွားကြတာပေါ့ .. မျက်နှာလဲပူတာပေါ့...။ အဲဒီမတုိုင်ခင် အစည်းအဝေးတွေမှာ ဗုိုလ်ချုပ်မောင်မောင်နဲ့ အတော်လေးရင်းနှီးနေပေမဲ့ ကျန်တဲ့သူတွေနဲ့က အဲဒီတော့မှတွေ့ ဘူးတာ... သိကြတာဆုိုတော့ ။ ဒါပေမဲ့ အဖုိုးကြီး၊ အဖွားကြီးတွေရော .. သတုို့သား၊ သတို့သမီးရော တ၀ါးဝါးပွဲကျပြီး ကုိုငှက်ကြီးပြောတဲ့ ပုံစံနဲ့ လေသံကုို သဘောကျနေကြလေရဲ့ .... ကောင်းရော...။ သတုို့သမီးတယောက်ပဲ မျက်နှာရဲ... ရှက်ပြီး ခေါင်းငုံ့ရင်း ရီနေရှာတယ် ...။ ဒါနဲ့ ပဒုိုမန်းရင်စိန်က သူက တဦးတည်းသော သမီးဗျ .... ခင်ဗျားလုိုချင်ရင် နောက်တယောက် သူ့ထက်လှတာ ရှာပေးမယ်... တဲ့ ... မှတ်ကရော .. သူ့အရပ်နဲ့ သူ့ဇာတ်နဲ့ ကွက်တိ ..။ နော်မြူအေးကုိုလည်းသူက သွားသွားနောက်နေသေးတယ်..။ ညီမ.. ရှိသင့်တာပေါ့.. တဲ့..။ အမှန်က အမွှာပူးမွေးရမှာ အမုိုးရ ဆုိုပြီး သူ့အမေကုိုလဲ လှည့်ပြောနေပြန်သေးတယ် ...။ မနက်လင်းအားကြီး ၂ နာရီလောက် တ၀ါးဝါး တဟားဟားနဲ့ စကားဆက်ပြောပေမဲ့ ကုိုငှက်ကတော့ တယောက်ရှာပေးဖုို့ သီချင်းကုိုပဲ ထပ်ခါတလဲလဲဆုိုနေတော့တာ ... ဒါကုိုပဲ သူတုို့ အားလုံးက သဘောကျနေကြရဲ့  ....။ ၄ နာရီလဲထုိုးရော ပွဲခင်းထဲမှာ မပြန်ပဲအိပ်စောင့်နေတဲ့ ပရိတ်သတ်က ဆက်တီးပါဗျို့ ... ဆုိုပြီး ထ အော်ကြရော ... ။ အဲဒီတော့မှ ငှက်ကြီးလဲ ... သေရောကွာ .. ငါတော့ ဒီလုိုပရိတ်သတ်မျိုး တခါမှ မတွေ့ ဖူးဘူး .. ဆုိုပြီး .. လာကြဟေ့.. ဆုိုလုို့ စင်ပေါ်ပြန်တက်ကြရပြန်တယ်...။ ကရင်မီးတောက်တန်ခုိုးနဲ့ သူ ၅ ပုဒ်၊ ကျနော် ၅ ပုဒ်လောက် ဆုိုပြီး မနုိုင်တော့လုို့ ရပ်လုိုက်ရတယ်...။ အခုတော့ အနော..နော်မြူအေးဆုံးတာကြာလုို့ .... ကုိုအောင်မော်အေး တောင် ဟုိုတလောလေးက နောက်တကြိမ် မင်္ဂလာဆောင်ပြန်တယ်... မလာမနေရ .. ဇွတ်ဖိတ်လုို့သွားလုိုက် ရသေးတယ်... ။

ကုိုငှက်ကြီး အမှတ်တရ မှာ မပါမပြီးကတော့ ကမ္ဘာကျော် အရေးကြီးပြီ သီချင်းပေါ့...။ တောထဲကုို ခဏကလေးရောက်လာပေမဲ့ တသက်စာဝေဒနာတွေ ရင်နဲ့အပြည့်ယူပြီးပြန်သွားခဲ့သူကြီးက တပုဒ်ဆုို ဆုိုသလောက် အံထုတ်ပေးခဲ့တဲ့ သီချင်းတပုဒ်....။ အဲဒီသီချင်းကုို ကာရုိုးလ်ဆင်းဂင်း မထွက်မီ အချိန်လောက် ဒီဇင်ဘာ ပထမ၊ ဒုတိယပတ်ထဲလောက်မှာ ရေးခဲ့တယ်လုို့ .. ထင်ရပါတယ်...။ အဲဒီအချိန်က သူခုိုနားနေရာ မဒမခ ပြန်/စည်းမှာ တူရိယာပစ္စည်းဆုိုလုို့ ဂစ်တာအစုတ်တလုံးတောင် မရှိပါဘူး...[နောက်မှ ဦးအေးဆောင်က နောင်မှာ သူ့မဟေသီဖြစ်လာမဲ့ Ms. Pippa Curwin (Burma Relief Center) ဆီက အလှူခံလုို့ ဟော်လုိုဂစ်တာ ၂ လုံးရောက်လာတာမှတ်မိပါတယ်].. ဆုိုတော့ ဂစ်တာတီးချင်ရင် ရွာထဲ လှည့်ပြီး ငှားရပါတယ်...။ ရွာထဲမှာ သုံးလေးငါးလုံး ရှိပေမဲ့ ခရစ်ယာန်အများစုပီပီ အိမ်လှည့်ပြီး ဆုတောင်းပွဲလုပ်တာနဲ့ တနင်္ဂနွေ ဘုရားရှစ်ခုိုးကျောင်းတက်တာနဲ့ အားလုံးက ရွာလည်နေပါတယ်...။ ဆုိုတော့ ကုိုငှက်ကြီးက အရေးကြီးပြီကုို ဘာတူရိယာမှ မပါဘဲ ခုံခေါက်ပြီး “သေတ္တာမှောက်” လက်တန်း ရေးသွားတာပါ..။ ရေးတဲ့အချိန်မှာ ကုိုမွန်းအောင်လည်းရှိနေပါတယ်...။ တောထဲဆုိုတော့ ညနေ(၇) နာရီလောက်ဆုို လူခြေတိတ်ပြီး ဘာသံမှမကြားရတော့ပါ....။ တညသား.. ဖယောင်းတုိုင်မီးနဲ့ ကုတ်ကုတ်ကုတ်ကုတ် ရေးလုိုက်.. ညည်းလုိုက် လုပ်ရင်း နောက်တနေ့မနက်ကျ ငှက်ဖျားတက်နေတဲ့ ကုိုမွန်းအောင်ကုို နှိုးပြီး ဥက္ကဌ ဘရန်ဆုိုင်း သူ့ကုို လက်ဆောင်ပေးထားတဲ့ ဘာဂျာ (ဟာမုိုနီကာ) လေးမှုတ်ရင်းနဲ့ ဆုိုပြသတဲ့...။ နောက်မှ ဂစ်တာကော့ဒ် ထည့်ပြီး အချောသတ်လုိုက်တာပါ ...။ နောင်ကျနော်တုို့ တောထဲမှာ ဘာပွဲပဲလုပ်လုပ် မပါမပြီးတဲ့ သီချင်းပေါ့ ...(အများအားဖြင့် အဆုံးသတ်မှာ ဆုိုလေ့ရှိပါတယ်) ။ အသုဘတွေမှာတောင် မဖြစ်မနေဆုိုကြတဲ့အထိ ကျနော်တုို့အားလုံး ရင်ထဲစွဲသွားတဲ့ သီချင်းပေါ့...။ ကုိုမွန်းအောင်က သူ့ရဲ့ ပထမဆုံး တော်လှန်ရေးတေးစု “ငြိမ်းချမ်းရေးတုိုက်ပွဲ” ထဲမှာ ထည့်သွင်းသီဆုိုပြီး ရေဒီယုိုတွေကလည်း အကြိမ်ကြိမ်လွှင့်ပေးခဲ့ပါတယ်။

နောက်ပုိုင်း သူနဲ့ ဖုန်းပေါ်မှာ စကားပြောခွင့်ပြန်ရတာ .. ၁၉၉၇-၉၈ လောက်ဖြစ်မယ်ထင်တယ်...။ သူနဲ့ ဗုိုလ်ထီးနဲ့ လန်ဒန်ရောက်နေတုန်း သီတာက လန်ဒန်ကနေ ဖုန်းဆက်လာတယ် ..။ သူကအဲဒီအချိန် ဒီဗီဘီရေဒီယုိုအတွက် ဝေဟင်ယံကသီချင်းသံကဏ္ဍ ကုို ကျနော်နဲ့ ခဏလွှဲထားပြီး လန်ဒန်မှာ IT တနှစ်သွားတက်နေတဲ့အချိန်...။ ဟုိုလူတွေရောက်လာလုို့ စကားပြောချင်တယ်ဆုိုလုို့ လှမ်းချိတ်ပေးတာ ..။ အဲဒီအချိန် ဌက်ကြီးနဲ့ ဗုိုလ်ထီး ဓမ္မ၀ိဟာရလမ်းလား.. ဓမ္မိက၀တီလမ်းလား မှာ အတူနေနေကြသတဲ့ ...။ ဗုိုလ်ထီးကတော့ များများ မပြောပါဘူး... လှမ်းနှုတ်ဆက်ရင်း (ကျနော့် ရှမ်းမိတ်ဆွေတွေ ပြောပြတဲ့ အကြောင်းတွေ သူ့ကုို တခွန်း နှစ်ခွန်းမေးပြီး) ခင်ဗျားသီချင်းတွေနဲ့ သူပုန်လားမြောက်လာတဲ့ ကျနော်တုိ့တောထဲကသူတွေရဲ့ မျက်နှာကုိုပြန်ကြည့်ပါဦးဗျာ.. လုိုိ့ပြောတော့ ငုိုသံပါကြီးနဲ့.. တော်ပါတော့ကွာ.. ငါ မှားမိပါတယ်ကွာ .. နောက်မဖြစ်တော့ပါဘူး... ငါ့ကုို နားလည်ကြပါ .. လုို့ ပြောရှာတယ်...။ ကျနော်လည်း ပြောပြီးကာမှ အတော်စိတ်မကောင်းဖြစ်သွားတယ်.... ။ ငှက်ကြီးကတော့ .. ငါထွက်တဲ့ အယ်လ်ဘမ်တုိုင်း ကုိုကြည့် .. အနဲဆုံး မင်းတုို့ အတွက် တပုဒ် မက ပါတယ် ... မင်း အကုန်နားထောင်ဖြစ်ရဲ့  လားတဲ့ .... ကျန်တာတွေ ပြောဖြစ်ကြရင်း .. ကျနော်က “အထူးသဖြင့်....အဝေးရောက်သားဆုိုးများ အတွက်” ဆုိုတဲ့အညွှန်းကတော့ အတော်ငြိ .. အတော်ထိသဗျာ ... ဆုိုတော့ ...တက်တက်ကြွကြွ အသံနဲ့ ... အေး .. မင်း.. ခလဲ့ဒေး ကုို သတိရသွားတယ် မဟုတ်လား .... တဲ့ ..။ သူတော်တော် ၀မ်းသာသွားပုံရတယ်... ကျနော့်ရင်ထဲလည်း ပျော်လုိုက်တာ...အတုိုင်းမသိ....။ ကျနော့်သတိတရ နဲ့ သူ့ သတိတရ ... ရင်ဘတ်ချင်း တုိုက်မိသွားလုို့ ... တကဲ့ ငှက်ရုပ် (ငှက်ဖျားမိလုို့တဲ့ပိန်ချုံးညှော်လှီနေတဲ့ ပုံ) နဲ့ သူရင်ဘတ်ပုတ်ပြတဲ့ပုံလေးကုို မျက်စိထဲမြင်ယောင်လုိုက်မိပါတယ်..။
ကုိုငှက်ကြီး ဒီသံသရာက မလွတ်မြောက်သေးမှီ ဖြစ်လေရာ ဘ၀တုိုင်းမှာ သီချင်းငှက်တကောင်အဖြစ် ကမ္ဘာကြီးအတွက် ငြိမ်းချမ်းသော ချစ်ခြင်းမေတ္တာတရားများ ဆက်လက်ဝေငှ နုိုင်ပါစေ .....။

kyaw kyaw nyein chan
၁၉း၃၄ နာရီ၊ ၂၆ ဇူလုိုင်လ ၂၀၁၄။
ချင်းမုိုင်ရမ်းဆေးရုံ၊ ဇင်းမယ်မြို့ ၊ ထုိုင်းနုိုင်ငံ။

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post