ဟင်္သာတမြို့တွင် ဓားထိုးမှုတရားခံပြေးတစ်ဦး၏ ခြိမ်းခြောက်မှုကြောင့် မိသားစုဝင်များ စိုးရိမ်ထိတ်လန့်နေရ
တန်ခူး(တိုင်းဧရာ)
ဟင်္သာတ၊ ဧပြီ ၁၂ ရက်။
ဧရာဝတီတိုင်းဒေသကြီး၊ ဟင်္သာတမြို့နယ်၊တလုတ္ထော်ရဲစခန်းပိုင်နယ်မြေအတွင်းရှိ လိပ်ခုံးအုပ်စု ကွမ်းခြံကုန်းကျေးရွာတွင် ၂၀၁၈ ခုနှစ်၊ မတ်လ ၃၀ ရက်နေ့က ဓားထိုးမှုတခုဖြစ်ပွားခဲ့ရာ တရားခံ မှာထွက်ပြေးတိမ်းရှောင်သွားခဲ့ကာ ၂၀၁၈ ခုနှစ်၊ ဧပြီလ ၈ ရက်နေ့ တွင် ရွာပြန်ရောက်လာပြီး ကျူးလွန်ခံရသူ မိသာစုဝင်များကို ခြိမ်းခြောက်မှုကြောင့် တရားလို မိသားစုများစိုးရိမ်
ထိတ်လန့်နေရကြောင်း သိရသည်။
ဖြစ်စဉ်မှာ-၂၀၁၈ ခုနှစ်၊ မတ်လ ၃၀ ရက်နေ့ နေ့လည် ၁၂ နာရီ ခန့်က ကွမ်းခြံကုန်းရွာနေထိုင်သူ ဦးဌေးနိုင် အိမ်တွင်ရှိနေစဉ် ညီအစ်ကို နှစ်ဝမ်းကွဲတော်စပ်သူ ဖိုးကျော် (ခေါ်) ကျော်ကျော် (၄၀)နှစ်ရောက်ရှိလာပြီး ဘုန်းကြီးကျောင်းမှ ဆိုင်ကယ်ငှားရမ်းစီးနင်းသည့် ကိစ္စနှင့်ပတ်သက်ပြီး စကားများကာ အသင့်ယူဆောင်လာသော ချွန်ထက်သော အရာဖြင့်ထိုးစဉ် ဦးဌေးနိုင်မှာ အိမ်ရှေ့ထွက် ပြေးသဖြင့် ဖိုးကျော်မှနောက်ကပြေးလိုက်ကာ ထိုးသဖြင့် ဦးဌေးနိုင်မှာလဲကျသွားပြီး ချွန်ထက်သော အရာဖြင့်အထိုးခံရသဖြင့် ၂ လက်မခန့်အနက်ရှိ ထိုးသွင်းဒဏ်ရာ ရရှိခဲ့ပြီး ပတ်ဝန်းကျင်မှ လူများရောက်လာကာ ဦးဌေးနိုင်အား တလုတ္ထော်ရဲတပ်ဖွဲ့စခန်းသို့ ပို့ဆောင်ကာ ဆေးစာဖြင့် တလုတ္ထော်ရဲတပ်ဖွဲ့စခန်းမှ ဟင်္သာတဆေးရုံသို့ ပို့ဆောင်ကုသစေခဲ့ရာ အဆိုပါ ထိုးသွင်းအရှိန်ကြောင့် ဦးဌေးနိုင်မှာ ညှပ်ရိုးကျိုးသွား
ခဲ့ကြောင်း သိရသည်။
အဆိုပါဖြစ်စဉ် ဖြစ်ပွားပြီးနောက် "ထွက်ပြေးပြီး ပြန်ရောက်တာ လေးရက်လောက်ရှိပြီ။ ဒီလူမသေသေးဘူးလား မသေရင် သေအောင်သတ်မယ်။ ဒီအမှုနဲ့တော့အဖမ်းမခံဘူး။ လူသတ်ပြီးမှ အဖမ်းခံမယ်လို့ ဘေးကပြောသံကြားနေရတယ်။ အရင်ကလည်း ထောင်ကျဖူးတဲ့အတွက် သမီးတွေကလည်းရှိတဲ့အတွက် ကြောက်ပြီး တလုတ်ကုန်းရွာမှာရှိတဲ့ မိဘတွေအိမ်မှာ ညဘက် သွားသွားအိပ်ရတယ်'"ဟု ဓားဖြင့်အထိုးခံရသူ၏ အမျိုးသမီးဖြစ်သူ ဒေါ်မြနွယ်မှ ပြောသည်။
ပြစ်မှုကျူးလွန်သူနှင့် ကျူးလွန်ခံရသူမှာ ညီအကို ၂ဝမ်းကွဲတော်စပ်ပြီး အိမ်ချင်းကပ်ရက် ဖြစ်ကာ ခြံစည်းရိုးမရှိသဖြင့် အလွန်စိုးရိမ်ထိတ်လန့်နေရပါတယ်ဟု ဒေါ်မြနွယ်က ဆက်လက်ပြောသည်။
လိပ်ခုံးအုပ်စု အုပ်ချုက်ရေးမှူးဦးအောင်မျိုးသန့်မှ “"ကျွန်တော်တို့အနေနဲ့လည်း ဖြစ်နေတဲ့အချိန်က ဝင်ပြီးဖမ်းဆီးတယ်။ ဓားနဲ့ထိုးပြီးတဲ့အချိန် အလွန်ဆုံးနာရီဝက်အတွင်းမှာ ရဲတွေနဲ့
ဝင်ဖမ်းတယ်။ ထွက်ပြေးသွားတော့မမိဘူး။ ခုပြန် လာတယ်ဆိုတော့လည်း သူတို့ကပြန်လာတယ် ပြောတော့ သက်ဆိုင်ရာနဲ့သွားဖမ်းတယ်။ မတွေ့ဘူး။ ဘယ်မှာမှန်းမသိတော့ ဘယ်လိုမှ ဖမ်းလို့မမိဘူး။ အလိုလိုသူတို့ဖာသာကြောက်နေတာ။ ခြေရင်း
ခေါင်းရင်းနေတော့ အလိုလိုကြောက်နေတာ"" ဟု ပြောသည်။
ပြစ်မှုကျူးလွန်သူ ဖိုးကျော်(ခ)ကျော်ကျော် အား တလုတ္ထော်
နယ်မြေရဲစခန်းမှ ပြစ်မှုဆိုင်ရာ ရာဇသတ်ကြီးပုဒ်မ ၄၅၂ အန္တရာယ်ဖြစ်စေသော ဓားလက်နက်ကို ကိုင်ဆောင်၍ ပိုင်နက်ကျော်နင်းမှု နှင့်အမှုဖွင့်ထားပြီး ဒဏ်ရာအခြေအနေအရ ပုဒ်မ (၃၂၅) ထပ်သွင်းအမှု ဖွင့်သွားမှာဖြစ်ကြောင်း သိရသည်။
နှင့် ဟင်္သာတခရိုင်ရဲတပ်ဖွဲ့မှူးရုံးမှလည်း တရားခံကို အမြန်ဆုံးဖမ်းမိဖို့ ဆောင်ရွက်နေတယ်လို့ပြောဆို ထားသည်။
ဖိုးကျော်(ခ)ကျော်ကျော်မှာ အရင်ကလည်း လောင်းကစားမှု ကြောင့် ထောင်ကျခဲ့ဖူးသူဖြစ်ပြီး တရားခံထွက်ပြေးလွတ်မြောက် နေသည်မှာ ၂ ပတ်ခန့် နီးပါးကြာမြင့်နေပြီဖြစ်၍ ဟင်္သာတခရိုင်ရဲတပ်ဖွဲ့မှူးရုံးမှလည်း တရားခံကို အမြန်ဆုံးဖမ်းမိဖို့ ဆောင်ရွက်မှု များ ပြုလုပ်နေကြောင်း သိရှိရသည်။
သိရသည်။
ဓါတ်ပုံ - ရှမ်းလေး (ဟင်္သာတ)
Thursday, April 12, 2018
Subscribe to:
Post Comments (Atom)
No comments:
Post a Comment