စစ်ကိုင်းတိုင်းဒေသကြီး မြင်းမူမြို့နယ်တွင် လျှပ်စစ် ၈၀ မဂ္ဂါဝပ်ထုတ်မည့် ဆိုလာစီမံကိန်းကြီး ပြန်သုးံသပ်မည်ဟု ၀န်ကြီးဆို
စစ်ကိုင်းတိုင်းဒေသကြီး မြင်းမူမြို့နယ် တွင် ယခင် တိုင်းဒေသကြီး အစုိးရ လက်ထက်က ဆောင်ရွက်ခဲ့သော လျှပ်စစ်ဓာတ်အား ၈၀
မဂ္ဂါဝပ် ထုတ်လုပ်နိုင်သော နေရောင်ခြည်စွမ်းအင်သုံးဆိုလာ စီမံကိန်းကို တိုင်းအစိုးရ၊ဒေသခံလွှတ်တော်ကိုယ်စားလှယ်နှင့် စီမံကိန်းဆောင်ရွက်မည့် ကုမ္ပဏီတို့ သုးံပွင့်ဆိုင် တွေ့ဆုံပြီး ပြန်လည် သုးံသပ်မည်ဟု လျှပ်စစ်၊စက်မှုနှင့်လမ်းပန်းဆက်သွယ်ရေးဝန်ကြီး ဦးသန်းညွန့်ဝင်း ကပြောသည်။
ယင်းစီမံကိန်းကို မြင်းမူမြို့ အနီးတွင် မြေဧက ၄၅၀ တွင် အမေရိကန် အခြေစိုက် Adaaman Capital Partners အဖွဲ့နှင့် တိုင်းဒေသကြီးအစိုးရအဖွဲ့တို့ ပူးတွဲဆောင်ရွက်ရန် ယခင်တိုင်းဒေသကြီးအစိုးရလက်ထက်က စီမံဆောင်ရွက်ခဲ့ခြင်းဖြစ်သည်။
“ လုပ်မယ်မလုပ်ဖူးဆိုတာတော့မပြတ်သားသေးပါဘူး၊ ကျွန်တော်တို့အစိုးရကတော့ စီမံကိန်းလုပ်မယ့် မြေကြီးက စားကျက်မြေဖြစ်တယ်၊ဒါ့ကြောင့် သမ္မတက စီမံခန့်ခွဲပိုင်ခွင့်ရှိမှ အစိုးရပိုင်ဖြစ်မယ်၊အစိုးရပိုင်ဖြစ်ပြီးမှ ထပ်ပြီးဆွေးနွေးရမှာပေါ့၊ခုဟာ က အစိုးရပိုင်စွန့်လွှတ်ပေးဖို့အဆင့်တောင် မရောက်ပါဘူးခင်ဗျ၊သုးံဦးသုးံဖလှယ် ဆွေးနွေးပြီး ရလာတဲ့အချက်ကိုမူတည်ပြီး ပြည်ထောင်စုကို တင်ပြဖို့ ရှိပါတယ်ခင်ဗျ “ဟု ၀န်ကြီး ဦးသန်းညွန့်ဝင်းကပြောသည်။
၎င်းစီမံကိန်းဆောင်ရွက်မည့်နေရာသည် စားကျက်မြေနေရာဖြစ်၍ တိုင်းအစိုးရမှ နိုင်ငံတော်သမ္မတရုးံထံ တင်ပြရာ မြင်းမူမြို့ နယ်ပြည်သူ့လွှတ်တော်ကိုယ်စားလှယ်၊တိုင်းဒေသကြီးလွှတ်တော်ကိုယ်စားလှယ် နှစ်ဦး၏သဘောထားများကို ပြန်လည် မေးမြန်းစေခဲ့သည်။လွှတ်တော်ကိုယ်စားလှယ်များသဘောထားမေးမြန်းရာတွင် ယင်းနေရာသည် National Gird(ပင်မဓာတ်အားလိုင်း)ဖြင့် ချိတ်ဆက်ရာတွင်ခက်ခဲခြင်း၊ကုန်ထုတ်စက်ရုံမဟုတ်ခြင်းကြောင့် ဒေသခံများအလုပ်အကိုင်အခွင့်အလမ်းနည်းပါးခြင်း၊မြင်းမူမြို့နယ် ပျော့ရွာ မြစ်ရေတင် စီမံကိန်းမှ ရေရနိုင်ခြေရှိသောကြောင့် ယင်းနေရာကို စိုက်ပျုိးမြေဧက အဖြစ်ပြောင်းလဲ၍ လယ်သမားများကို စိုက်ပျုိးမြေအဖြစ်အသုးံပြုခွင့်ပေးရန် တင်ပြလာခြင်းကြောင့် ဆိုလာ လျပ်စစ်ထုတ်မည့်ကိစ္စအား သုးံပွင့်ဆိုင်ပြန်လည် ဆွေးနွေးကြမည်ဖြစ်သည်။
ယခင်အစိုးရ လက်ထက်တွင် ယင်းစီမံကိန်းနေရာသည် မဟာ ဓာတ်အားပေးစက်ရုံခွဲအနီးတည်ရှိခြင်း၊မြေပြန့်ပြူး၍ နေရောင်ခြည် ကောင်းစွာရ၍ ဒေသခံများကို အလုပ်အကိုင်နေရာ ၄၀၀ ခန့် ဖန်တီးပေးနိုင်ပြီး လျပ်စစ်ထုတ်လုပ်မှု နှစ်ဆ တိုးတက်မည် ဟု ရည်ရွယ်ချက်ဖြင့်ဆောင်ရွက်ခဲ့ခြင်းဖြစ်သည်။
ကိုသစ္စာ-မုံရွာ
Subscribe to:
Post Comments (Atom)
No comments:
Post a Comment