Latest News

Monday, March 5, 2018

တက္ကသိုလ်ဝင်စာမေးပွဲကြီး ဖြေဆိုနေစဉ် ဆင်ခြင်သင့်သောအချက်များ

တက္ကသိုလ်ဝင်စာမေးပွဲကြီး ဖြေဆိုနေစဉ် ဆင်ခြင်သင့်သောအချက်များ

မောင်သောင်းဝင်း(တမန်ဟောင်း)

လွန်ခဲ့သောသီတင်းပတ်က အဋ္ဌမတန်းတွင် ပညာသင်ယူနေသော သမီးကြီး စာမေးပွဲဖြေဆိုနေသဖြင့် စိတ်ဓာတ်ခွန်အားဖြစ်အောင် ဘေးမှနေ၍ အားပေး ခဲ့ရသည်။ သမီးကြီးသည် နှစ်စကတည်းက သင်ခန်းစာများကို ပုံမှန်လေ့လာ ဆည်းပူးကျက်မှတ်ခဲ့သဖြင့် ဘာသာရပ်တိုင်းကို အခက်အခဲမရှိ ဖြေဆိုနိုင် သည်။ အဋ္ဌမတန်းတွင် အစိုးရစစ်မေးခွန်းများဖြင့် ဖြေဆိုရသဖြင့် တက္ကသိုလ် ဝင်စာမေးပွဲကြီး အတွက် များစွာအထောက်အကူဖြစ်စေသည်။ ကျောင်းစစ် မေးခွန်းနှင့် အစိုးရစစ်မေးခွန်းတို့၏ အဆင့်အတန်းသည် ကွာခြားမှုရှိနေသည် မဟုတ်ပါလား။

စိတ်တည်ငြိမ်နေရန်လို

မတ်လ ၇ ရက်နေ့တွင် တက္ကသိုလ်ဝင်စာမေးပွဲကြီး ဖြေဆိုရတော့မည် ဖြစ်သည်။ တက္ကသိုလ်ဝင်စာမေးပွဲကာလသည် နွေဦး တပေါင်းကာလဖြစ်သည်။ တောင်လေ တဖြူးဖြူးတိုက်နေပြီ ဖြစ်သည်။ လက်ပံပင်များကလည်း နီရဲနေ အောင်ပွင့်နေပြီ ဖြစ်သည်။ အဖော်မဲ့ဥသြငှက်ကလည်း တွန်သံပေးနေပြီ ဖြစ်သည်။ နွေသရုပ်ပေါ်နေပြီ ဖြစ်သည်။ နွေဦး လေရူးနှင့်အတူ တချို့သော ကျောင်းသား ကျောင်းသူများသည် စိတ်ခံစားမှု ပျံ့လွင့်နေတတ်သည်။ ရထားပြီးသား စာများကိုပင် ပြန်နွှေးရန် စိတ်မပါသလို ဖြစ်နေတတ်သည်။ ထိုအချိန်မျိုးတွင် မိဘအုပ်ထိန်းသူများသည် မိမိ၏ကလေးများကို စိတ်ဓာတ် မြှင့်တင်ပေးရန်လိုသည်။ ဆိုရလျှင် မိဘအုပ်ထိန်းသူများသည် စာမေးပွဲ ကာလတွင် ကလေးများ၏လှုပ်ရှားမှုကို မျက်ခြည်မပြတ် ကြည့်ထားရန် လိုအပ်သည်။

ပြန်လည်လေ့ကျင့်

အမှန်စင်စစ်မှာမူ စာကြိုးစားသောကလေးများသည် သင်ခန်းစာ အားလုံး ရပြီးနေလောက်ပြီ ဖြစ်သည်။ ပြန်လည်နွှေးရမည့်အချိန် ဖြစ်သည်။ ဘာသာရပ်အလိုက် အရေးကြီးသည့်အချက်အလက်များကို ပြန်လည် ဖတ်ခြင်း၊ စဉ်းစားခြင်း၊ လေ့ကျင့်ခြင်းတို့ ဆောင်ရွက်နေရန်သာ ရှိသည်။ ဦးနှောက် ကြည်လင်လန်းဆန်းနေအောင် ပေါ့ပေါ့ပါးပါးနေရမည် ဖြစ်သည်။ ခဏတဖြုတ် တီဗွီကြည့်ခြင်း၊ သီချင်းဆိုခြင်း၊ ဂိမ်းဆော့ခြင်း၊ လမ်းလျှောက် ထွက်ခြင်းတို့ လုပ်ပေးရမည် ဖြစ်သည်။

ကျန်းမာရေး ဂရုစိုက်

တက္ကသိုလ်ဝင်စာမေးပွဲဖြေဆိုကြမည့် ကလေးအားလုံးအတွက် အရေးကြီးဆုံးအချက်သည် ကျန်းမာရေး ဒေါင်ဒေါင်မြည်နေရန်ပင် ဖြစ်သည်။ နှာဆေး၊ ချောင်းဆိုးဖြစ်၍ပင် မရပေ။ ကလေးတစ်ဦးသည် စာကို မည်မျှပင် ပိုင်နိုင်နေစေကာမူ စာမေးပွဲကာလတွင် ကျန်းမာရေး တစ်ခုခု ချွတ်ယွင်းနေမည် ဆိုလျှင် ထင်သလောက် ဖြေဆိုနိုင်မည် မဟုတ်ချေ။ ထို့ကြောင့် ကျန်းမာရေး နှင့် ညီညွတ်စွာနေထိုင်စားသောက်ဖို့ လိုအပ်ပါသည်။ အချိန်မှန်အိပ်၊ အချိန် မှန်စားဖို့ လိုသည်။ ရေချိုးရာ တွင်လည်း ဆင်ခြင်ရန် လိုသည်။ နွေးနွေး ထွေးထွေး လုံလုံခြုံခြုံနေရန် လိုအပ်သည်။

ဖိအားမပေးမိဖို့လို

တချို့သော မိဘများသည် ကလေးများကို စာမေးပွဲနီးမှသာ ညဥ့်နက် သန်းခေါင် စာကျက်ခိုင်းလေ့ရှိကြသည်။ မအိပ်ချင်အောင် လက်ဖက်သုပ် များ စားခိုင်းသည်။ ကော်ဖီ၊ လက်ဖက်ရည်များ သောက်ခိုင်းသည်။ အချဉ်များ စားခိုင်းသည်။ ငှက်သိုက်၊ ကြက်ပေါင်းရည်၊ ကျွဲရိုင်းကဲ့သို့သော အားဖြည့် အချိုရည်ဘူးများ တိုက်ကြသည်။ ထိုသို့လုပ်ခြင်းသည် ကလေးကို ညှဉ်းပန်း နှိပ်စက်နေခြင်းသာ ဖြစ်သည်။ ကလေးသည် စာကျက်မရသည့်အပြင် အိပ်ရေးပျက်ထားသောကြောင့် စာမေးပွဲဖြေဆိုရာတွင်လည်း စိတ်ရွှင်လန်းမှု၊ ဦးနှောက်ကြည်လင်မှု မရှိတော့ပေ။ အကျိုးဆက်အနေဖြင့် စာမေးပွဲကျရှုံးကြရသည်။

တချို့သော မိဘများသည် ဗေဒင်နှင့် အခါတော်ပေးများ လုပ်ခိုင်းသည့် အတိုင်း ကလေးများကို မဟုတ်မဟတ်ဂါထာများ ရွတ်ခိုင်းသည်။ စာမေးပွဲ ခန်းသို့ အဆောင်ယတြာများ ယူခိုင်းကြသည်။ ထိုသို့လုပ်ခိုင်းခြင်းသည် ကလေး များ၏ ကြိုးစားအားထုတ်လိုသောစိတ်ကို ဖျက်ဆီးပစ်လိုက်ခြင်း ဖြစ်သည်။ တချို့သောကလေးများသည် ထိုဂါထာများရွတ်နေရသဖြင့် စာနွှေးချိန်ပင် မရတော့ပေ။ အမှန်စင်စစ်မှာမူ ပညာသင်နှစ်စကတည်းက စာကို ပုံမှန်ကျက်မှတ် ထားသူများသည် မည်သည့်အဆောင်ယတြာမျှ မလိုအပ်ပေ။ ဂုဏ်ထူးများစွာ ဖြင့်ပင် အောင်မြင်နေကြသည်။ ထို့ကြောင့် မိဘများအနေဖြင့် စာမေးပွဲ ကာလတွင် ကလေးများကို ဖိအားမပေးမိဖို့ အထူးဂရုပြုရန် လိုအပ် သည်။

စနစ်တကျ ကြိုတင်ပြင်ဆင်ထားရန်လို

ကျောင်းသား ကျောင်းသူများအနေဖြင့် စာမေးပွဲအတွက် လိုအပ်သည့် ဘောပင်၊ ခဲတံ၊ ခဲဖျက်၊ ပေတံ၊ ကွန်ပါဘူးများကို စနစ်တကျ ကြိုတင်ပြင်ဆင်ထား သင့်ပေသည်။ စာမေးပွဲဖြေဆိုရာတွင် ဘောပင်အသစ်ဖြင့် ဖြေဆိုမည်ဆိုလျှင် မင်လိုက်မကောင်းသဖြင့် ရေးသားရာတွင် စိတ်အနှောင့်အယှက် ဖြစ်စေသည်။ ထို့ကြောင့် ဘောပင်၊ ခဲတံများကို ကြိုတင်၍ အစမ်းရေးထားသင့်သည်။ မင်လိုက်ကောင်းသော ဘောပင်အမျိုးအစားကို ဝယ်ထားသင့်သည်။ ခဲသားချောသည့်ခဲတံသည် ပုံဆွဲရာတွင်အဆင်ပြေစေသည်။ တချို့သော ခဲတံ များသည် အရောင်မှိန်သဖြင့် ရုပ်ပုံနှင့် မျဉ်းကြောင်းများ မှေးမှိန်နေတတ်ပေသည်။ ထို့အတူ တချို့သော ခဲဖျက်များသည် ပျက်မသွားဘဲ အဖြေလွှာများတွင် မဲညစ်ကျန်တတ်သဖြင့် အရည်အသွေးကောင်းမွန်သော ခဲဖျက်များကို ဝယ်ထား သင့်သည်။ တတ်နိုင်ပါက စာမေးပွဲအတွက် လိုအပ်သော အထောက်အကူပစ္စည်း အားလုံးကို စမ်း၍သုံးကြည့်ထားသင့်သည်။

ဘာသာတရားကိုင်းရှိုင်းရန်လို

စာမေးပွဲဖြေဆိုကြမည့်ကလေးများအနေဖြင့် ရတနာသုံးပါးနှင့် အနန္တော အနန္တငါးပါး၏ ဂုဏ်ကျေးဇူးကို မမေ့သင့်ပေ။ စာမေးပွဲဖြေဆိုမည့်နေ့တွင် ကျောင်းသို့မသွားမီ မြတ်စွာဘုရားရှေ့မှောက်တွင် ငါးပါးသီလ ခံယူ၊ ဆွမ်း၊ ရေချမ်း၊ ဆီမီးကပ်လှူခြင်း၊ မိဘများအား ကန်တော့ခြင်း၊ သတ္တဝါများကို မေတ္တာပို့ခြင်းများ ဆောင်ရွက်သွားသင့်ပေသည်။ စာမေးပွဲခန်းတွင်လည်း အခန်းစောင့် ဆရာ၊ ဆရာမများ၊ ကျောင်းစောင့်နတ်များကို မေတ္တာပို့သင့်ပေ သည်။ ထိုသို့ပြုလုပ်ခြင်းသည် စာမေးပွဲဖြေဆိုရာတွင် စိတ်ရွှင်လန်းကြည်လင် နေပြီး မိမိအတွက် များစွာအထောက်အကူဖြစ်စေသည်။

ကျောင်းသို့ ကြိုတင်သွား

စာမေးပွဲမဖြေဆိုမီ အနည်းဆုံးမိနစ်သုံးဆယ်ခန့် ကြိုတင်ရောက်သင့်သည်။ စာမေးပွဲဖြေဆိုခွင့်ကတ် မမေ့ရန် အထူးသတိထားရန် လိုအပ်သည်။ ကျောင်း ဝတ်စုံကိုလည်း သပ်သပ်ရပ်ရပ် ဝတ်ဆင်သွားသင့်သည်။ တစ်ကိုယ်လုံး ရွှင်လန်း တက်ြ<ွကနေမှသာလျှင် မိမိကိုယ်ကို ယုံကြည်မှုရှိနေမည်ဖြစ်သည်။ စာမေးပွဲ ခန်းဝင်ရန် ခေါင်းလောင်းတီးသည်နှင့် လိုအပ်သည့် ဘောပင်၊ ခဲတံ၊ ပေတံ၊ ခဲဖျက်၊ ကွန်ပါဘူးများကို တစ်ပါတည်းယူသွားသင့်သည်။ စာမေးပွဲခန်း ကြီးကြပ် သူများက စည်းကမ်းချက်များ ဖတ်ပြလျှင် သေချာဂရုစိုက် နားထောင်သင့်သည်။ အထူးသဖြင့် စာမေးပွဲဖြေဆို မည့်နေ့တွင် ဝမ်းနူးစာများ၊ တက်စာများ၊ အပူအစပ် များကို ရှောင်ကြဉ်သင့်ပေသည်။ အစာကြေလွယ်သော အစားအသောက်များ၊ အသီးအရွက်များကိုသာ စားသင့်ပေသည်။ သို့မှသာလျှင် ပေါ့ပါးသွက်လက် နေမည်ဖြစ်သည်။

စနစ်တကျဖြေဆိုသင့်

သက်ဆိုင်ရာဘာသာရပ်အလိုက် မေးခွန်းလွှာဝေလျှင် အစ၊ အဆုံး သေချာစွာ ဖတ်သင့်သည်။ မေးခွန်းတွင် စာများပျက်နေလျှင်၊ နံပါတ်ကျော် နေလျှင်၊ မစုံလျှင်၊ မေးခွန်းတွင် တစ်ခုခုလွဲချော်နေလျှင် အခန်းစောင့် ဆရာ ဆရာမများကို ချက်ချင်းသတင်းပို့သင့်သည်။

အဖြေလွှာတွင် မိမိ၏ခုံနံပါတ်ကို ပီသစွာရေးရမည်။ စာမေးပွဲအခန်း စောင့်များက ဖြေဆိုလို့ရပြီဆိုသည်နှင့် မေးခွန်းကို သေချာနားလည်စွာ ဖတ်ပြီး နံပါတ်တပ်ဖြေဆိုရမည် ဖြစ်သည်။ တစ်ပုဒ်ပြီးတိုင်း မျဉ်းကို သေချာစွာပိတ်ရ မည်။ မေးခွန်းတစ်ခုချင်းစီအလိုက် ပေးထားသော အမှတ်နှင့် လျော်ညီစွာ ဖြေဆိုသင့်ပေသည်။ ဆိုလိုသည်မှာ ၁ဝ မှတ်တန် မေးခွန်းကို ၅ မှတ်ဖိုး လောက် ဖြေထားမည်ဆိုလျှင် အမှတ်ပြည့်ရမည် မဟုတ်ချေ။ ထပ်မံ တောင်းထားသည့် အဖြေလွှာများကို မိမိခုံနံပါတ်ရေးဖို့ရန် လိုအပ်သည်။

မေးခွန်းအားလုံးဖြေဆိုအပြီးတွင် နံပါတ်များအားလုံး ရေးထားခြင်း ရှိ၊ မရှိနှင့် စာလုံးပေါင်းများ မှန်၊ မမှန်တို့ကို ပြန်လည်စစ်ဆေးသင့်ပေသည်။ ထိုသို့မစစ်ဆေးလျှင် အမှတ်ပြည့်ရနိုင်မည် မဟုတ်ချေ။ အခန်းပြင် ရောက်ပြီးမှ မိမိအဖြေလွှာကို ပြန်ကြည့်ခွင့်ရတော့မည်မဟုတ်သဖြင့် သတ်မှတ်အချိန်ပြည့်မှသာ စာမေးပွဲခန်းထဲမှ ထွက်သင့်သည်။

ခေါင်းထဲမှထုတ်ထားရန်လို

မြန်မာစာဖြေဆိုသည့်နေ့မှစ၍ ဖြေဆိုပြီးသည့် ဘာသာရပ်တိုင်းကို ခေါင်းထဲမှ ထုတ်ထားရန်လိုသည်။ အကောင်းဆုံးဖြေဆိုခဲ့ပြီးပြီဟု ဆုံးဖြတ် ထားရမည်။ တချို့သော ကျောင်းသား ကျောင်းသူများသည် ဖြေဆိုပြီး ဘာသာရပ်များအပေါ် အားမလိုအားမရ ဖြစ်နေတတ်သည်။ ထိုသို့ဖြစ်နေ မည်ဆိုလျှင် နောက်ဘာသာရပ်များ ဖြေဆိုရာတွင် အမှတ်ပြည့်ရနိုင်တော့ မည်မဟုတ်ချေ။ ဦးနှောက်ထဲတွင် နေ့စဉ်ဖြေဆိုရမည့် ဘာသာရပ်တစ်ခု ချင်းစီကိုသာ ထည့်ထားရမည်ဖြစ်သည်။ အထူးသဖြင့် မလိုအပ်သော အကြောင်းအရာများနှင့် ခေါင်းရှုပ်မခံဖို့ လိုသည်။

ဆုံးဖြတ်ချက်မှန်ရန်လို

တချို့သော ကျောင်းသား ကျောင်းသူများသည် ဘာသာရပ်အားလုံးကို ကောင်းမွန်စွာ ဖြေဆိုနိုင်ကြသည်။ တချို့မှာမူ အားမရသည့် ဘာသာများ ရှိကောင်း ရှိနိုင်ပါသည်။ ထိုကလေးများသည် ဆုံးဖြတ်ချက်မမှားဖို့ လိုသည်။ တချို့ကလေးများသည် ဘာသာရပ်အားလုံးတွင် ဂုဏ်ထူးမထွက်နိုင်သဖြင့် နောက်ဆုံးနေ့တွင် အဖြေလွှာကို ကြက်ခြေခတ်ခဲ့ကြသည်။ မှားယွင်းသော လုပ်ရပ်ပင် ဖြစ်သည်။ လက်ရှိအချိန်ထက် ကောင်းသောအချိန် မရှိပေ။ နောက်တစ်နှစ်ဆိုသော အချိန်သည် မသေချာ၊ မရေရာပေ။ ထို့ကြောင့် အဖြေလွှာကို ကြက်ခြေခတ်သည့်လုပ်ရပ်မျိုးကို အထူးရှောင်ကြဉ်သင့်ပေသည်။ သူများစကားကို နားမယောင်သင့်ပေ။ မိမိကံကြမ္မာကို မိမိကိုယ်တိုင် ဖန်တီး နိုင်ရမည် ဖြစ်သည်။ စာမေးပွဲခန်းထဲတွင် ဆုံးဖြတ်ချက်မှန်ကန်ရန်အထူးအရေးကြီးသည်။

ခြုံ၍တင်ပြရလျှင် နိုင်ငံတစ်ဝန်းရှိ အခြေခံပညာကျောင်းများတွင် ဒသမတန်း၌ ပညာသင်ယူနေသော ကျောင်းသား ကျောင်းသူအားလုံးသည် ၂ဝ၁၈ ခုနှစ် မတ်လ ၇ ရက်နေ့တွင် တက္ကသိုလ်ဝင်စာမေးပွဲကြီး ဖြေဆိုကြရ တော့မည်ဖြစ်သည်။ ထိုစာမေးပွဲကြီးသည် အထက်တန်းကျောင်းသား ကျောင်းသူများ၏ အနာဂတ်ကို အဆုံးအဖြတ်ပေးမည့် စာမေးပွဲကြီးလည်း ဖြစ်သည်။

ထိုစာမေးပွဲတွင် ထူးချွန်စွာ ဖြေဆိုနိုင်မည်ဆိုလျှင် မိမိ ဆက်လက် ပညာဆည်းပူးလိုသော တက္ကသိုလ်ကို တက်ရောက်ခွင့်ရကြမည် ဖြစ်သည်။ စာသင်နှစ်စကတည်းက ပုံမှန်လေ့လာသင်ယူကျက်မှတ်ခဲ့သော ကျောင်းသား ကျောင်းသူများသည် ဆန္ဒနှင့်ဘဝ တစ်ထပ်တည်း ဖြစ်ကြမည် ဖြစ်သည်။ မည်သို့ပင်ဆိုစေကာမူ ကျောင်းသားလူငယ်များ အနေဖြင့် အဆုံး အဖြတ်ပေးမည့် အတန်းတင်စာမေးပွဲကြီး ဖြေဆိုနေစဉ်ကာလအတွင်း စာရေးသူအကြံပြုထားသည့်အတိုင်း ဆင်ဆင်ခြင်ခြင်နေထိုင်ပြီး မေးခွန်း များကို နားလည်အောင် အပြန်ပြန် အလှန်လှန်ဖတ်ကာ အောင်မှတ်ရရှိအောင်၊ တတ်နိုင်ပါက ဂုဏ်ထူးမှတ်များ ရရှိသည်အထိ ရှိသမျှ ကိုယ်စွမ်းဉာဏ်စွမ်းကို အစွမ်းကုန်ထုတ်၍ ဖြေဆိုသွားနိုင်ကြပါစေ။ ။ကြေးမှုံ

No comments:

Post a Comment