အငှါးယာဉ်မောင်းအားသတ်ပြီး ကားလုယူခံရမှုဖြစ်ပွား
ကျောင်းကုန်း မတ် ၁၉
ဧရာဝတီတိုင်းဒေသကြီး၊ကျောင်းကုန်းမြို့မရဲစခန်း
(ပ)၆၈/၂၀၁၈၊ရာဇသတ်ကြီးပုဒ်မ-၃၀၂ အမှုကို လူမှုကွန်ယက်စာမျက်နှာတွင် သေဆုံးသူ၏မိသားစုများ တွေ့ရှိသွားပြီး၊ ကျောင်းကုန်းမြို့နယ် နယ်ထိန်းခေါင်းဆောင် အား ဖုန်းဖြင့်ဆက်သွယ်ကာမတ်လ ၁၉ ရက်နေ့ မွန်းလွဲ ၁၂း၃၀ နာရီအချိန် ကျောင်းကုန်းမြို့မရဲစခန်း၌ သေဆုံးသူ၏ အဝတ်အစား၊ အမှတ်အသားများ အတည်ပြုရာ မှန်ကန်နေ၍ ရွှေပြည်သာမြို့နယ်နေ အေးမင်းဦး(ခ)ဝတုတ် ဖြစ်ကြောင်း၊ ပုသိမ်-ချောင်းသာသို့ တစ်ရက်လျှင် လေးသောင်းကျပ်ဖြင့် လေးညအိပ် ငါးရက် အငှါးလိုက်သွားကြောင်း သေဆုံးသူ၏မိခင်က ပြောသည်။
မော်တော်ယာဉ်နံပါတ်မှာ DD/-----probox အဖြူရောင် TAXI 1185 ဖြစ်ကြောင်း၊ကျောင်းကုန်း တိုးဂိတ်သို့ဖြတ်မဖြတ်စုံစမ်းရာ မတွေ့ရှိဘဲ ညောင်တုန်း ဗိုလ်မြတ်ထွန်းတံတားရဲ့ CCTV မှာ ၁၈ ရက်နေ့နံနက်၀၄း၂၇ နာရီအချိန် နောက်ကြောင်းပြန်ခေါက်ကြောင်း ဖြတ်စာရင်းမှာ တွေ့ရသဖြင့် ကားပြန်လည်ရရှိရေးနှင့် တရားခံများ အမြန်ဆုံးဖမ်းမိနိုင်ရေး ခရိုင်သို့ အဆင့်ဆင့်တင်ပြပြီး ဆောင်ရွက်ထားကြောင်း မြို့မရဲစခန်းမှူး ဒုရဲမှူးမြင့်အောင် ကပြောသည်။
ဝင်းကြိုင်(ပြန်/ဆက်)
Subscribe to:
Post Comments (Atom)
No comments:
Post a Comment