Latest News

Wednesday, March 14, 2018

ပခုက္ကူတက္ကသိုလ် ကျောင်းသားများသမဂ္ဂ ဝင်ကိုသက်မောင်မောင်၏ဖြစ်စဉ်နှင့်ပက်သက်၍တပ်မတော်ပြန်ကြားရေးအဖွဲ့ မှ သတင်းထုတ်ပြန်



ပုသိမ် ဖေဖေါ်ဝါရီ ၁၄ရက်

ပခုက္ကူတက္ကသိုလ် ကျောင်းသားများသမဂ္ဂမှ  အထွေထွေ အတွင်းရေးမှူး ကိုသက်မောင်မောင်၏ဖြစ်စဉ်နှင့်ပက်သက်၍တပ်မတော်သတင်းမှန်ပြန်ကြားရေးအဖွဲ့ မှ မတ်လ၁၃ရက်နေ့က သတင်းထုတ်ပြန်လိုက်သည်

စစ်စည်းကမ်းသည် တပ်မတော်၏အသက်ခန္ဓာဖြစ်သောကြောင့် မောင်သက်မောင်မောင် နှင့် ပတ်သက်၍ သက်ဆိုင်ရာတာဝန်ရှိသူများ၏ ဆောင်ရွက်ချက်သည် တပ်မတော်မှ ထုတ်ပြန်ထားသော အမိန့်၊ ညွှန်ကြားချက်၊ စည်းကမ်း၊လုပ်ထုံးလုပ်နည်းများနှင့်အညီ ဆောင်ရွက်ခဲ့ခြင်းဖြစ်ကြောင်း ဖော်ပြပါရှိသည်

အမှတ်(၁၀၁)ခြေမြန်တပ်မဌာနချုပ်၏ ကွပ်ကဲမှုအောက်ရှိ အမှတ်(၂၅၆) ခြေလျင်တပ်ရင်းတွင် တာဝန်ထမ်းဆောင်လျက်ရှိသည့် စစ်သည်တစ်ဦး၏ မှီခို မိသားစုဝင်တစ်ဦးဖြစ်သူ မောင်သက်မောင်မောင်သည် ပခုက္ကူတက္ကသိုလ် ကျောင်းသားများသမဂ္ဂ၏ အတွင်းရေးမှူးတာဝန်ထမ်းဆောင်လျက်ရှိနေပြီး ထိုသို့ ဆောင်ရွက်မှုကြောင့် တပ်အတွင်းသို့ ၀င်/ထွက်သွားလာခွင့် ပိတ်ပင်ခဲ့ကြောင်း ၎င်းကိစ္စနှင့်ပတ်သက်၍ ကန့်ကွက်ကြောင်း သဘောထားထုတ်ပြန်ချက်များ သတင်းများအား ကျောင်းသားသမဂ္ဂအဖွဲ့များ၊ သတင်း မီဒီယာအချို့နှင့် လူမှုကွန်ရက် စာမျက်နှာအချို့၌ ဖော်ပြရေးသား၍ တပ်မတော်အပေါ် အထင်အမြင်လွဲမှား စေရန် ဆောင်ရွက်လျက်ရှိသည် ဟု အဆိုပါထုတ်ပြန်ချက်တွေဖော်ပြပါရှိသည်

ကိုသက်မောင်မောင်ကိစ္စနှင့်ပက်သက်၍ ဖြစ်စဉ်အမှန်မှာ ၂၀၁၈ ခုနှစ်၊ ဖေဖော်ဝါရီလ ၁၀ ရက် ညနေ ၅ နာရီခွဲ အချိန်ခန့်တွင် အမှတ်(၂၅၆)ခြေလျင်တပ်ရင်းမှ တာဝန်ရှိသူ အရာရှိတစ်ဦးသည် ၎င်းတပ်ရင်းအတွင်း တက္ကသိုလ်တက်ရောက်လျက်ရှိသည့် မှီခိုသူသား၊ သမီးနှင့် အုပ်ထိန်းသူများအား တက္ကသိုလ်တွင် အေးချမ်းစွာ ပညာသင်ကြားရေးအတွက် ပညာပေးဆွေးနွေးခဲ့ပြီး ထုတ်ပြန်ထားသည့် အမိန့်ညွှန်ကြားချက်များအား သိရှိ လိုက်နာရန်ရှင်းပြခဲ့ကြောင်းထိုသို့ ခေါ်ယူတွေ့ဆုံခဲ့သည့် တာဝန်ရှိ အရာရှိမှာ သဘောထားထုတ်ပြန်ချက်နှင့် သတင်းများ၌ ဖော်ပြထားသော ယာယီ တပ်ရင်းမှူးမဟုတ်ဘဲ တပ်ရင်းဌာနချုပ်တပ်ခွဲမှူး တစ်ဦးသာ ဖြစ်သည်ဟု ပါရှိသည်

၎င်းတာဝန်ရှိသူက တွေ့ဆုံအပြီး၌ ပညာပေးဆွေးနွေးမှုများ ထုတ်ပြန်ထားသည့် အမိန့်ညွှန်ကြားချက်များအား သိရှိလိုက်နာမည်ဖြစ်ကြောင်း လက်မှတ်ရေးထိုးစေရာ အခြားသော  ကျောင်းသား၊ ကျောင်းသူများနှင့် အုပ်ထိန်းသူမိဘများမှ လိုက်နာဆောင်ရွက်ခဲ့သော်လည်း ၂၀၁၈ ခုနှစ်၊ ဖေဖော်ဝါရီလ ၁၁ ရက်နေ့ ညနေပိုင်း တွင် မောင်သက်မောင်မောင်နှင့် ၎င်း၏ မိခင်ဖြစ်သူတို့သည် တာဝန်ရှိအရာရှိထံ လာရောက်ပြီး ၎င်းသိရှိ ကြောင်းလက်မှတ်ရေးထိုးစေခြင်းနှင့်ပတ်သက်၍ မချေမငံ ပြန်လည်မေးမြန်းခဲ့ပြီး တပ်ရင်းဌာနချုပ်မှ ချမှတ်ထား သော အမိန့်များကို မလိုက်နာနိုင်ကြောင်းနှင့် ကျောင်းသားသမဂ္ဂအဖွဲ့အစည်းအတွင်း ဆက်လက်လုပ်ကိုင် သွားမည် ဖြစ်ကြောင်း ပြန်ပြောခဲ့မူ့တို့ကြောင့် တာဝန်ရှိသူများအနေဖြင့် ထုတ်ပြန်ထားသည့်  အမိန့်၊ ညွှန်ကြားချက်၊ စည်းကမ်းများကို မလိုက်နာပါက တပ်ရင်းဌာနချုပ်တွင် ဆက်လက်နေထိုင်ခွင့်ပြု၍ မရတော့ကြောင်း ၎င်း၏မိခင်ရှေ့မှောက်၌ပင် တားမြစ်ခဲ့သည်  မောင်သက်မောင်မောင်အပေါ် ယင်းကဲ့သို့ အရေးယူဆောင်ရွက်မှုနှင့်ပတ်သက်၍ လုံခြုံရေး တာဝန်ထမ်းဆောင်နေသည့် မောင်သက်မောင်မောင် ၏ဖခင်ထံ အကြောင်းကြားခဲ့ရာ မိမိသည် တပ်မတော်အတွင်း၌ အမိန့်နာခံ၍ စည်းကမ်းလိုက်နာသည့် စစ်သည် တစ်ဦးဖြစ်ပြီး သားဖြစ်သူ၏ လုပ်ဆောင်ချက်များအပေါ် အကြိမ်ကြိမ်ပြောဆိုဆုံးမ တားမြစ်ခဲ့သော်လည်း လိုက်နာခြင်းမရှိသဖြင့် မောင်သက်မောင်မောင်အား တပ်ဌာနချုပ် တည်မြဲအမိန့်အရ တပ်တွင်းတွင် နေထိုင်ခြင်း မပြုရန် တားမြစ်ခြင်းကို သဘောတူကြောင်း အကြောင်းပြန်ကြားခဲ့သည်ဟု တပ်မတော်သတင်းမှန်ပြန်ကြားရေးအဖွဲ့၏ထုတ်ပြန်ချက်အရသိရသည်

အဆိုပါထုတ်ပြန်ချက်တွင်  ဖွဲ့စည်းပုံ အခြေခံဥပဒေပုဒ်မ ၃၃၇ အရ တပ်မတော်သည် နိုင်ငံတော် ကာကွယ်ရေးအတွက် အဓိကအကျဆုံးသော လက်နက်ကိုင်အဖွဲ့အစည်းဖြစ်သဖြင့် အဖွဲ့အစည်းအတွင်း၌ စည်းကမ်းတကျရှိရန် ကျစ်လျစ်ခိုင်မာသောစည်းလုံးမှု၊ ညီညွတ်မှုရှိရန် မရှိမဖြစ်လိုအပ်ကြောင်း တပ်မတော်အနေဖြင့် သက်ဆိုင်ရာတပ်အလိုက် “တပ်တည်မြဲအမိန့်” (Unit Standing Order) များထုတ်ပြန်ပြီး အရာရှိ၊ စစ်သည် အဆင့်အတန်းအားလုံး၊ တပ်တွင်းနေမှီခိုသူ မိသားစုဝင်အားလုံး နေ၊ ထိုင်၊ သွားလာမှု စည်းကမ်းစနစ်တကျ ရှိရေး၊  တပ်တွင်းစည်းလုံးညီညွတ်မှုရှိရေး ဆောင်ရွက်ရပါသည်ဟု လည်းထုတ်ပြန်ထားပါသေးသည်

၎င်းစည်းကမ်းချက်များမှာ တပ်မတော်တစ်ရပ်လုံးအတွက် ထုတ်ပြန်ထားခြင်းဖြစ်ပြီး ယင်းတို့ကို သိရှိလိုက်နာနိုင်မှသာ တပ်တွင်းလိုက်ပါ နေထိုင်ခွင့် ရရှိမည်ကို တပ်မတော်သားအားလုံးနှင့် မှီခိုသူများအားလုံး သိရှိကြပြီးဖြစ်ကြောင်း ထုတ်ပြန်ခဲ့ရာ ကိုသက်မောင်မောင်ကိစ္စအား အဆိုပါထုတ်ပြန်ချက်များနှင့်ပက်သက်၍တက္ကသိုလ်ကျောင်းသားတယောက်ရဲ့ အခွင့်အရေးကို ချိုးဖောက်တဲ့အပြင် မြန်မာနိုင်ငံအတွင်းက ကျောင်းသားသမဂ္ဂတွေရဲ့ ရပ်တည်ချက်အား ထိပါးလာတဲ့အတွက် အပြင်းအထန် ရှုတ်ချကန့်ကွက်တယ်လို့ ရန်ကုန်စီးပွားရေး တက္ကသိုလ် ကျောင်းသားများသမဂ္ဂ ရန်ကုန်တက္ကသိုလ်ကျောင်းသားများသမဂ္ဂက ရမည်းသင်း နည်းပညာတက္ကသိုလ် ကျောင်းသားများသမဂ္ဂ မန္တလေးတက္ကသိုလ် ကျောင်းသားများသမဂ္ဂနှင့် တခြားသော သမဂ္ဂများမှာထုတ်ပြန်လိုက်သည်ဟုသတင်းရ ရှိသည်

သတင်းထောက် ရွှေရည်ဝင်း

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post