ဘားအံ ဖေဖော်ဝါရီ ၂၃
ကရင်ပြည်နယ်၊ဘားအံမြို့၊မြို့နယ်စုပေါင်းရုံးရှေ့ ဗိုလ်ချုပ်လမ်းပေါ်တွင် လက်ထောက်ဆရာဝန်မောင်းနှင်ပြီး အလုပ်သင်ဆရာဝန်သုံးဦး လိုက်ပါလာသော ဟွန်ဒါဖစ်ယာဉ်သည် အရှိန်မထိန်းနိုင်ဘဲ လမ်းဘေးဆက်သွယ် ရေးတိုင်နှင့်သစ်ပင်တို့အား ၀င်ရောက်တိုက်မိကာ ယာဉ်တစ်စီးလုံးကြေမွကြေမွပျက်စီးကာ ယာဉ်ပေါ်လိုက်ပါ လာသည့် အလုပ်သင်ဆရာဝန်တစ်ဦးသေဆုံးပြီး သုံးဦးဒဏ်ရာရရှိခဲ့ကြောင်းသတင်းရရှိသည်။
ဖေဖော်ဝါရီလ ၂၂ ရက်နေ့ နံနက် ၂နာရီ ၊မိနစ် ၄၅မိနစ်အချိန်ခန့်၊ ဘားအံမြို့၊ အမှတ်(၅)ရပ်ကွက်၊ ဗိုလ်ချုပ်လမ်းအတိုင်း အဓိပတိမီးပွိုင့်လမ်းဆုံဘက်မှမြို့တွင်းဘက်သို့ယာဉ်မောင်းပြည့်ဖြိုးအောင်၊ လက်ထောက်ဆရာဝန်(ဘားအံဆေးရုံကြီး) မောင်းနှင်ပြီး ယာဉ်ပေါ်တွင် အလုပ်သင် ဆရာဝန်များဖြစ်သော ဖြိုးမောင်မောင်စိုး၊ စောသူရိန်လင်း၊ နိုင်လင်းထွန်း တို့သုံးဦး လိုက်ပါစီးနင်းလာသော 8K/------- နံပါတ်တပ်၊ ဟွန်ဒါဖစ်အမျိုးအစား၊ ခဲရောင်ယာဉ်သည် မြို့နယ်စုပေါင်းရုံးရှေ့ အရောက် အရှိန်မထိန်းနိုင်ဘဲ လမ်း၏ယာဘက်ခြမ်းရှိ ဆက်သွယ်ရေးတိုင်နှင့် လမ်းဘေးသစ်ပင်တို့အား ၀င်ရောက် တိုက်မိခဲ့ခြင်းဖြစ်သည်။
ယာဉ်တိုက်မှုကြောင့် ယာဉ်မောင်းပြည့်ဖြိုးအောင်တွင် ယာနား ထင်ပေါက်ပြဲ၊ယာမျက်ခုံးပေါက်ပြဲ၊မေးစေ့ ပေါက်ပြဲ၊ရင်ဘက်ဖူးရောင် ပေါက်ပြဲ၊ယာဒူးပွန်းဒဏ်ရာ၊ယာဉ်ပေါ်လိုက်ပါလာသူ ဖြိုးမောင်မောင်စိုးတွင် နဖူးပွန်းပဲ့၊၀ဲဒူးပွန်း၊စောသူရိန်ထွန်းတွင် ယာဒူးပွန်း၊၀ဲခြေသလုံးပွန်း၊ ယာနားပေါက်ပြဲဒဏ်ရာနှင့် နိုင်လင်းထွန်းတွင်ယာဘက်ရင်အုံဖူးရောင် ညိုမဲ၊ပါးစပ်သွေးထွက်၊၀ဲတံတောင်ဆစ်ပွန်းဒဏ်ရာများရရှိကာ သေဆုံးသွားခဲ့သည်။ထို့ကြောင့် ယာဉ်မောင်း ပြည့်ဖြိုးအောင်အား ဘားအံမြို့မရဲစခန်းက အမှုဖွင့်အရေးယူဆောင်ရွက်ထားကြောင်း သိရသည်။ မင်းသူ/ထွန်းထွန်းထွေး(ဘားအံ)မြန်မာ့အလင်း
No comments:
Post a Comment