ကိုင်ဆောင် သည့် လုပ်သေနတ် သိမ်းဆည်းရမိ
မိုးကောင်း ဖေဖော်ဝါရီ ၁၈
ကချင်ပြည်နယ် မိုးကောင်းမြို့ နောင်ကိုက်တော်ရပ်ကွက် ရုံးဟောင်း အုပ်စုတွင် ဖေဖော်ဝါရီ၁၇ရက် နံနက်၁၀နာရီခွဲက ဖဲရိုက်လောင်းကစား သည့်နေအိမ်အား ဝင်ရောက်ဖမ်းဆီးရာမှ တရားမဝင်ကိုင်ဆောင်သည့် လုပ်သေနတ် ၂လက်နှင့် ကျည်ဆံ ၄ တောင့် ဖမ်းဆီးရမိကြောင်း သိရသည်။
ဖြစ်စဉ်မှာ မိုးကောင်းမြို့မရဲစခန်းမှ ရဲအုပ်သိန်းမြင့် ဦးစီးနယ်ထိန်း တပ်ဖွဲ့ဝင် များသည် နောင်ကိုက်တော်ရပ်ကွက် ရုံးဟောင်းအုပ်စုနေ ဒေါ်ဝါဝါဝင်း(၃၄)နှစ်၏ နေအိမ်၌ ဖဲရိုက်လောင်းကစားနေသည့်သတင်းအရ ဝင်ရောက်ဖမ်းဆီးရာမှ တစ်ရပ်ကွက်တည်းနေ ဖဲရိုက်လောင်းကစားသူ ဦးကျော်တင့်(ခ)ငဲငယ်၊အောင်ကိုမြင့်(ခ)ဖိုးထောင်၊အောင်ထွန်းလှတို့အား လောင်းကစားငွေ(၈၀၀၀၀)ကျပ်နှင့် ဖမ်းဆီးရမိပြီး အိမ်ခြံတစ်ဝင်းတည်းနေ လအောင်(၃၃)နှစ်၏ နေအိမ်မီးဖိုဆောင်အခန်းရှိ သေတ္တာအတွင်းသိုဝှက်၍ သိမ်းဆည်းထားသည့် အရှည်(၂ ပေ ၁၁ လက်မ)ရှိ တရားမဝင် ကိုင်ဆောင်သည့် လုပ်သေနတ် ၂ လက်နှင့် သံချေးတက်နေသည့် အမ် ၂၂ ကျည်ဆံ(၄)တောင့်၊သံကျည်အိမ် ၁ခုတို့အား သိမ်းဆည်းရမိခဲ့ကြောင်း သိရသည်။
ဖြစ်စဉ်နှင့်ပတ်သက်၍ ဖဲရိုက်လောင်းကစားသူ ဒေါ်ဝါဝါဝင်း၊ဦးကျော်တင့် (ခ)ငဲငယ်၊အောင်ကိုမြင့်(ခ)ဖိုးထောင်၊အောင်ထွန်းလှတို့ ၄ဦးနှင့်တရားမဝင် လက်နက်ကိုင်ဆောင်သူ လအောင်တို့ ၅ဦးအား မိုးကောင်းမြို့မ ရဲစခန်း တွင် အရေးယူထားကြောင်း သိရသည်။
ဝင်းနိုင် ကချင်မြေ(မြန်မာ့အလင်း)
No comments:
Post a Comment