စိန်ခေါ်မှုများနှင့် ရှေ့ခရီး - ဆောင်းပါး

စိန်ခေါ်မှုများနှင့် ရှေ့ခရီး - ဆောင်းပါး

ကျွန်တော်တို့  မြောက်ပြန်လေကို  စောင့်စားခဲ့ကြပြီး မြောက်ပြန်လေနှင့်အတူ ခိုဝင်ပါရှိလာမည့် နှင်းမှုန်လေးများကိုလည်း နှစ်သက်မြတ်န်ိုးကာ ကဗျာများရေးဖွဲ့ မိကြသည်။ သည်လိုနှင့် တဖွဲဖွဲကျလာတော့မည့်နှင်းများအကြား မီးပုံဝိုင်းဖွဲ့ကာ အတူကခုန်ကြမည့် နေ့ရက်များကိုလည်း မျှော်လင့်မိပြန်သည်။ ပြီးလျှင်တော့ လေပွေရူးနှင့် လိုက်ပါပျံဝဲနေသော ရော်ရွက်နောက် စိတ်ကူးလွင့်ရာစီးမျောရင်း ရွက်နုသစ်များကို ငေးမောကြမည်။ သာယာနွေးထွေးသော နေရောင်၊ ကြည်ပြာ သော ကောင်းကင်၊ စိမ်းလဲ့တည်ငြိမ်သော ရေပြင်တို့နှင့်လိုက်ဖက်စွာ ရောင်စုံဖူးပွင့် ကာ အပြိုင်အဆိုင်လှပကြမည့် ရနံ့သင်းထုံသော ရာသီပန်းကလေးများကိုလည်း ကြိုဆိုကြသည်။
အောက်တိုဘာ၊ နိုဝင်ဘာ၊ ဒီဇင်ဘာ၊ ဇန်နဝါရီ၊ ဖေဖော်ဝါရီ၊ မတ်၊ ဧပြီ သည်အချိန်၊ သည်ကာလများသည် ကျွန်တော်တို့အတွက် အကောင်းမွန်ဆုံး၊ အသင့်တော်ဆုံးသော ခရီးသွားရာသီကာလများဖြစ်သဖြင့် မြန်မာနိုင်ငံတစ်နိုင်ငံ လုံးမည်သည့်ဒေသမဆို သွားလာလည်ပတ်နိုင်သော အခွင့်အလမ်းတစ်ရပ်ကို ပိုင်ဆိုင်ထားမှုကြောင့် သည်ရာသီချိန်ကို ခရီးသွားလုပ်ငန်းနှင့် ဆက်နွှယ်သော သူများအားလုံး ယုံကြည်မှု ပိုမိုထားရှိကာ ကြိုတင်ပြင်ဆင်စောင့်စားမျှော်လင့်ကြ သည်။ လျှပ်စီးလက်၊ ထစ်ချုန်းမိုးကြိုးများနှင့်အတူ မိုးရွာသွန်းသည့် ကာလများဖြစ် သည့် မေ၊ ဇွန်၊ ဇူလိုင်၊ သြဂုတ်၊ စက်တင်ဘာလများတွင်လည်း နိုင်ငံတကာခရီးသွား ဧည့်သည်များ ဝင်ရောက်လည်ပတ်လာစေရန်အတွက် လေကြောင်းလိုင်းများ၊ ဟိုတယ်များ၊ စားသောက်ဆိုင်များ၊ ခရီးသွားကုမ္ပဏီများမှ ဈေးနှုန်းလျှော့ချခြင်း၊ မက်လုံးပေးခြင်း၊ ဆွဲဆောင်မှုအစီအစဉ်များ ထည့်သွင်းခြင်း၊ လည်ပတ်နိုင်သော ဒေသများကို ကြော်ငြာအသိပေးခြင်း စသည့်ခရီးစဉ်မြှင့်တင်ခြင်းများကို ဝန်ကြီး ဌာနနှင့် ဆက်နွှယ်သော မိတ်ဖက်အသင်းအဖွဲ့များက ကြိုးပမ်းဆောင်ရွက်ကြသည်။

ယုံကြည်မျှော်လင့်ခြင်း
ခရီးသွားလုပ်ငန်းသည် ပြည်သူလူထုအား အချိန်တိုအတွင်း အထိရောက်ဆုံး၊ အလျင်မြန်ဆုံး အကျိုးပြုသည်ကို နိုင်ငံတကာ၏ ဖြစ်ပေါ်ပြောင်းလဲမှုအခြေအနေများအရလည်းကောင်း၊  မိမိတို့နိုင်ငံ၏  လက်တွေ့အကျိုးရလဒ်များကြောင့် လည်းကောင်း ယခုအခါခရီးသွားလုပ်ငန်းအား နိုင်ငံတော်၏ စီးပွားရေးဖွံ့ဖြိုး တိုးတက်မှုအခန်းကဏ္ဍတွင်ပါဝင်အကျိုးပြုကြောင်း ထည့်သွင်းပြောကြားကာ အသိအမှတ်ပြုလာကြသည်သာမက ခရီးသွားလုပ်ငန်းဖွံ့ဖြိုးရေးအတွက် ရည်ရွယ် ကာ ဒုတိယသမ္မတ (၂) ဦးဆောင်သော အမျိုးသားခရီးသွားလုပ်ငန်းဖွံ့ဖြိုး တိုးတက်ရေး ဗဟိုကော်မတီကို ၂၆.၄.၂ဝ၁၇ ရက်နေ့တွင် ဖွဲ့စည်းခဲ့ပြီးနောက် ဆင်းရဲနွမ်းပါးမှုလျှော့ချရေးနှင့် အလုပ်အကိုင် အခွင့်အလမ်းများ ပိုမိုတိုးပွားရေး၊ လူသားအရင်းအမြစ်ဖွံ့ဖြိုးတိုးတက်ရေး၊ ခရီးသွားလုပ်ငန်းကြောင့် မြန်မာ့ယဉ်ကျေး မှုနှင့် သဘာဝအရင်းအမြစ်များ မပျောက်ပျက်အောင် ထိန်းသိမ်းစောင့်ရှောက်ရေး၊ ခရီးသွားလုပ်ငန်းဆိုင်ရာဒေသတွင်းနှင့် နိုင်ငံတကာကတိကဝတ်စာချုပ်များအပေါ် နိုင်ငံ့အကျိုးနှင့် ယှဉ်၍ လိုက်ပါအကောင်အထည်ဖော်ရေး၊ ခရီးသွားလုပ်ငန်းဖြင့် ငြိမ်းချမ်းရေးကို အထောက်အကူပြုရေး၊ အရည်အသွေးမြှင့် အစိမ်းရောင်ခရီးစဉ်ဒေသဖြစ်ရေးဟူသည့် အမျိုးသားခရီးသွားမူဝါဒ ၆ ရပ်ကို ချမှတ်ခဲ့ပါသည်။

အဆိုပါမူဝါဒ ၆ ရပ်ကို လက်တွေ့အကောင်အထည်ဖော်ဆောင်ရွက်ရာတွင် အဆင်ပြေလွယ်ကူချောမွေ့စေရေးအတွက် ဆက်စပ်ဝန်ကြီးဌာနများဖြစ်သည့် နိုင်ငံခြားရေး၊ ပြည်ထဲရေး၊ သာသနာရေး၊ ပို့ဆောင်ဆက်သွယ်ရေး၊ သယံဇာတ၊ လ.ဝ.က၊ ကျန်းမာရေး၊ စီမံဘဏ္ဍာ၊ ဟိုတယ်နှင့်ခရီးဝန်ကြီးဌာနနှင့်တိုင်းဒေသကြီး၊ ပြည်နယ်အစိုးရအဖွဲ့များ  ပါဝင်ဖွဲ့စည်းကာ  အားလုံးပူးပေါင်းပါဝင်  ညှိနှိုင်းပံ့ပိုး ဆောင်ရွက်လျက်ရှိပါသည်။

ထို့အတူပင် မြန်မာနိုင်ငံသို့လာရောက်လည်ပတ်သော ခရီးသွားဧည့်သည်များ ဝင်ရောက် ထွက်ခွာမှု အဆင်ပြေလွယ်ကူချောမွေ့စေရေးအတွက် ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီးဦးဆောင်သည့် နိုင်ငံခြား ဧည့်သည် ဝင်ရောက်မှု အဆင်ပြေလွယ်ကူရေးကော်မတီကို ၄.၅.၂ဝ၁၆ ရက်နေ့တွင် ဖွဲ့စည်းခဲ့ပြီး ဆက်စပ်ဝန်ကြီးဌာနများ၊ တိုင်းဒေသကြီး၊ ပြည်နယ်အစိုးရ အဖွဲ့များနှင့် ပူးပေါင်းဆောင်ရွက်လျက်ရှိသည့်အပြင် ဝန်ကြီးဌာန၏ ဟိုတယ်နှင့် ခရီးသွားမူဝါဒ (၆) ရပ်ကိုလည်း ချမှတ်အကောင်အထည်ဖော်လျက်ရှိပါသည်။

ဟိုတယ်နှင့်ခရီးသွားလာရေးဝန်ကြီးဌာနသည် နိုင်ငံတကာခရီးသွားဧည့်သည် များ ရာသီမရွေးလာရောက်လည်ပတ်နိုင်ရေးအတွက် အစဉ်တစိုက်အလေးထား ဆောင်ရွက်လျက်ရှိပြီး ဆက်စပ်ဝန်ကြီးဌာနများမှ ပူးပေါင်းပါဝင်ပံ့ပိုးကူညီ ဆောင်ရွက် ပေးလျက်ရှိသော်လည်း အချို့ဥပဒေ၊ လုပ်ထုံးလုပ်နည်း၊ စည်းမျဉ်းကန့်သတ်ချက် များကြောင့်လည်းကောင်း၊ ပတ်ဝန်းကျင်အခြေအနေနှင့် သဘာဝအခြေခံအကြောင်း တရားများကြောင့်လည်းကောင်း၊ လူတို့၏ ပယောဂကြောင့်လည်းကောင်း၊ တိုးတက်မှု အရှိန်အဟုန်မှာ မျှော်လင့်မိသလောက် ဖြစ်မလာသည်ကို တွေ့ရပါသည်။

ကန့်သတ်ဒေသများ
နိုင်ငံတော်တည်ငြိမ်အေးချမ်းရေး၊ နယ်မြေဒေသလုံခြုံရေးသည် ခရီးသွားလုပ်ငန်း အတွက် အကျိုးသက်ရောက်မှုများစွာရှိသဖြင့် ခရီးစဉ်နယ်မြေဒေသအတွင်း လုံခြုံမှုနှင့် အေးချမ်းမှုရှိမှသာ ခရီးသွားလုပ်ငန်းဖွံ့ဖြိုးတိုးတက်မည်ဖြစ်ပါသည်။ တားမြစ်နယ်မြေ အတွင်းသွားရောက်၍ ခရီးသည်တစ်ဦး တစ်စုံတစ်ရာဖြစ်ပေါ်ပါက ခရီးသွားလုပ်ငန်း အပေါ် ထိခိုက်စေပြီး မြန်မာ့ပုံရိပ်ကိုလည်း ကျဆင်းစေပါသည်။ သို့အတွက် ခရီးသည်များ အေးချမ်းလုံခြုံစွာ သွားလာလည်ပတ်နိုင်သော ခရီးစဉ်များရှိရာ ဒေသများကိုသာ သွားလာလည်ပတ်ခွင့်ပြုထားပြီး လုံခြုံရေးစိတ်ချရမှုမရှိသေးသည့် ဒေသများအား ကန့်သတ်ဒေသများအဖြစ် သတ်မှတ်ထားရှိပါသည်။ ထိုသို့ကန့်သတ်ဒေသများအဖြစ် သတ်မှတ်ထားရှိမှုကြောင့် အဆိုပါဒေသများတွင် ပါဝင်နေသော ခရီးစဉ်ဒေသများ၏ ခရီးသွားလုပ်ငန်းဖွံ့ဖြိုးမှုမှာ ကျဆင်းခဲ့ရပြီး ဒေသနေပြည်သူလူထု၏ စီးပွားရေးနှင့် အလုပ်အကိုင်အခွင့်အလမ်းများမှာလည်း ထိခိုက်မည်ဖြစ်ပါသည်။

ကန့်သတ်ဒေသများမှာ များသောအားဖြင့် ခရီးသွားဧည့်သည်များလုံခြုံရေး အတွက် အခြေအနေအချိန်အခါအရ ဆက်လက်ကန့်သတ်ထားရှိရန် လိုအပ်နေသေး သော်လည်း အချို့ဒေသများမှာ မြေပြင်အခြေအနေအရ ပြန်လည်စိစစ်ဖြေလျှော့ သတ်မှတ်ပေးရန် လိုအပ်သည်ကို တွေ့ရပါသည်။ တိုင်းဒေသကြီး၊ ပြည်နယ်အစိုးရအဖွဲ့ တို့မှလည်း မိမိတို့ဒေသအတွင်းလုံခြုံမှုရှိသော ခရီးစဉ်ဒေသများအား ဖြေလျှော့ပေးရေး အတွက် ကြိုးပမ်းဆောင်ရွက်လျက်ရှိပြီး ဒေသရှိတိုင်းရင်းသား အဖွဲ့အစည်းတို့၏ ဒေသဖွံ့ဖြိုးလိုစိတ်နှင့် ဟိုတယ်/ခရီးအပါအဝင် ဆက်နွှယ်သော ဝန်ကြီးဌာနများ၏ ထောက်ခံကူညီပံ့ပိုးမှု၊နိုင်ငံတော်အစိုးရ၏ဖြေလျှော့ပေးမှုများကြောင့် ကန့်သတ်ဒေသ အချို့မှာ ခရီးသွားဧည့်သည်များ သွားရောက်လည်ပတ်ခွင့်ရရှိခဲ့ပြီးဖြစ်ပါသည်။

ယခုအခါ ကယားပြည်နယ်အစိုးရအဖွဲ့၏ တင်ပြမှုကြောင့် ဒီမော့ဆိုမြို့နယ် ဒေါက လော်ဒူ ကျေးရွာအုပ်စုရှိ ဒေါကလော်ဒူနှင့် တနီးလာလဲကျေးရွာ၊ ငွေတောင်ကျေးရွာ အုပ်စုရှိ ငွေတောင်ကျေးရွာ၊ ပန်ပက်ကျေးရွာအုပ်စုရှိ ပန်ပက်ရွမ်းကူ၊ ပန်ပက်ဆောင်းလူး၊ ပန်ပက်ပယ်မဆောင်၊ ပန်ပက်ကတဲကူနှင့် ပန်ပက်ဒေါကီးကျေးရွာများ၊ ဘော်လခဲမြို့၊ ဖားဆောင်းမြို့နယ်နှင့် မယ်စဲ့မြို့တို့မှ မြို့ပေါ်ရပ်ကွက်များကို ကန့်သတ်နယ်မြေအဖြစ်မှ ဖြေလျှော့ပေးခဲ့သဖြင့် ယခုအခါတရားဝင် သွားရောက်လည်ပတ်ခွင့် ရရှိခဲ့ပြီဖြစ်ပါသည်။

ထို့အတူပင် ရှမ်းပြည်နယ်အစိုးရအဖွဲ့၏တင်ပြမှုကြောင့် တာချီလိတ်-တောင်ကြီး၊ ကုန်းလမ်းကြောင်းတွင်ရှိနေသော မိုင်းပျဉ်း၊ မိုင်းဖြတ် ကန့်သတ်မြို့နှစ်မြို့အား ဖြေလျှော့ ပေးလိုက်သဖြင့် အဆိုပါ လမ်းကြောင်းတစ်လျှောက်ခရီးစဉ်များ သွားလာဖြတ်သန်းခွင့်ရရှိခဲ့ပြီဖြစ်ပြီး ကချင်ပြည်နယ်အစိုးရအဖွဲ့၏ တင်ပြမှုကြောင့် ကချင်ပြည်နယ် ပူတာအိုမြို့တွင် မူလာရှီးဒီကျေးရွာအုပ်စုကို မြို့စည်ပင်နယ်နိမိတ်တွင်ထည့်သွင်း ပြင်ဆင်သတ်မှတ်ပေးခဲ့သဖြင့် ခရီးသွားဧည့်သည်များ လည်ပတ်တည်းခိုမှုအဆင်ပြေ ခဲ့ခြင်းများသည် ခရီးသွားလုပ်ငန်းအတွက် အပေါင်းလက္ခဏာဆောင်သော တိုးတက်မှုဖြစ်စဉ်များအဖြစ် အသိအမှတ်ပြုရမည်ဖြစ်ပါသည်။

ဤသို့ပင် မွန်ပြည်နယ်အစိုးရအဖွဲ့၏တင်ပြမှုကြောင့်လည်း ဘီးလင်းမြို့နယ် အတွင်း တောင်ကြီးကျေးရွာအနီးရှိ  ကေလာသတောင်၊  မဲလံကျေးရွာအနီးရှိ ကျောက်ပိဘုရားနှင့် ကျောက်တံခါးစေတီ၊ သထုံမြို့နယ်အတွင်း နန်းခဲရပ်ကွက်ရှိ မြသပိတ်စေတီ၊ သံဖြူဇရပ်မြို့နယ်အတွင်းရှိ ဝဲကလိရေပူစမ်း၊ ပငဆားကွင်း၊ သေမင်း တမန်ရထားလမ်းပြတိုက်၊ မဟာမိတ်စစ်သင်္ချိုင်း၊ ကျိုက္ခမီရေလယ်ဘုရားနှင့် စက်စဲ ကမ်းခြေဒေသများသို့  သွားရောက်လည်ပတ်ခွင့်ရရှိခဲ့ပြီဖြစ်သဖြင့်  အခြားသော ကန့်သတ်ဒေသများကိုလည်း ပြန်လည်စိစစ်ပြင်ဆင်သတ်မှတ် ဖြေလျှော့ပေးမည် ဆိုပါက ခရီးသွားလုပ်ငန်းဖွံ့ဖြိုးမှုကို အထောက်အကူဖြစ်စေမည်ဖြစ်ပါသည်။

နယ်စပ်ဝင်ပေါက်များ
ခရီးသွားဝင်ရောက်မှု တိုးတက်လိုပါက အပြည်ပြည်ဆိုင်ရာလေကြောင်း လိုင်းများသာမက အပြည်ပြည်ဆိုင်ရာနယ်စပ်ဝင်ထွက်ပေါက်များကိုလည်း တိုးချဲ့ ဖွင့်လှစ်ရန် လိုအပ်ပါသည်။ မြန်မာနိုင်ငံသို့ ဝင်ရောက်လာသော ခရီးသွားဧည့်သည် အရေအတွက်၏  ၆ဝ ရာခိုင်နှုန်းသည် နယ်စပ်ဒေသမှ ဝင်ရောက်လည်ပတ်ခြင်း ဖြစ်ပါသည်။ မြန်မာနိုင်ငံနှင့် နယ်နိမိတ်ထိစပ်နေသော နိုင်ငံများမှာ တရုတ်၊ ထိုင်း၊ လာအို၊ အိန္ဒိယ၊ ဘင်္ဂလားဒေ့ရ်ှနိုင်ငံများဖြစ်ရာ တရုတ်နိုင်ငံနှင့် ထိစပ်ရာနယ်စပ် တစ်လျှောက်တွင် ဗန်းမော်၊ ကန်ပိုက်တီး၊ လွယ်ဂျယ်၊ နမ့်ခမ်း၊ မူဆယ်၊ ကြူကုတ်၊ ချင်းရွှေဟော်၊ ရန်လုံကြိုင်း၊ မိုင်းလားနယ်စပ်ဂိတ်များရှိပြီး တရားဝင်အပြည်ပြည် ဆိုင်ရာ ဝင်ထွက်ပေါက်အဖြစ် သတ်မှတ်ခြင်းမရှိသေးပေ။ ထို့အတူ ထိုင်းနိုင်ငံနှင့် ထိစပ်နေသော နယ်စပ်တစ်လျှောက်ရှိ တာချီလိတ်၊ မြဝတီ၊ ထီးခီး၊ ကော့သောင်း ဝင်ပေါက်များကို အပြည်ပြည်ဆိုင်ရာနယ်စပ်ဂိတ်အဖြစ် သတ်မှတ်ဖွင့်လှစ်ပြီးဖြစ် သော်လည်း မောတောင်ဂိတ်မှာ အထူးယာယီနယ်စပ်ဂိတ် အဆင့်သာရှိပါသေးသည်။

လာအိုနိုင်ငံနှင့်ထိစပ်နေသော နယ်စပ်တစ်လျှောက်တွင် ကျိုင်းလတ်၊ ဝမ်ပုံ နယ်စပ်ဂိတ်များအား လတ်တလောအချိန်တွင် အပြည်ပြည်ဆိုင်ရာနယ်စပ်ဂိတ် များအဖြစ် ဖွင့်လှစ်နိုင်ခြင်းမရှိသေးသော်လည်း ကျိုင်းလတ်ဝင်ထွက်ပေါက်မှာ မကြာခင်ဖွင့်လှစ်နိုင်လိမ့်မည်ဟု မျှော်လင့်ရပါသည်။
အိန္ဒိယနိုင်ငံနယ်စပ်အနေဖြင့် တမူး၊ ရိခေါဒါရ်ဂိတ်နှစ်ခုရှိပြီး တမူးနယ်စပ်ဂိတ်မှာ အပြည်ပြည်ဆ်ိုင်ရာနယ်စပ်ဂိတ်အဖြစ် ဖွင့်လှစ်နိုင်ရန် စီစဉ်ဆောင်ရွက်လျက်ရှိ ကြောင်းသိရှိရသည်။ ဘင်္ဂလားဒေ့ရှ် နယ်စပ်တွင် ဂိတ် လေးခုစလုံး အပြည်ပြည် ဆိုင်ရာဂိတ်အဖြစ်ဖွင့်လှစ်ခြင်းမရှိပါ။ အပြည်ပြည်ဆိုင်ရာ နယ်စပ်ဝင်ထွက်ပေါက် ဖွင့်လှစ်ရန်အတွက် နယ်မြေလုံခြုံရေး အာမခံချက်ရှိရန်၊ နှစ်နိုင်ငံနယ်နိမိတ်ပိုင်ဆိုင် မှုကိစ္စများရှင်းလင်းမှုရှိရန်၊ လမ်းပန်းဆက်သွယ်ရေး ကောင်းမွန်ရန်၊ ဝင်ထွက် ပေါက်တွင် Customs,Immigration,Quarantine ကိစ္စရပ်များ ဆောင်ရွက် ရန်အတွက် အခြေခံအဆောက်အအုံများပြည့်စုံရန်စသည်တို့ လိုအပ်သည်ဖြစ်ရာ အဆိုပါအချက်အလက်များ ပြည့်စုံလုံလောက်စွာရှိမှသာလျှင် ဖွင့်လှစ်နိုင်မည်ဖြစ် ပါသည်။ နယ်စပ်ထွက်ပေါက်ဂိတ်များအား အပြည်ပြည်ဆ်ိုင်ရာ ဝင်ထွက်ပေါက်အဖြစ် ဖွင့်လှစ်နိုင်ပါက အိမ်နီးချင်းနိုင်ငံသားများသာမက တတိယနိုင်ငံသားများပါ               ဝင်ရောက်ထွက်ခွာမှုအဆင်ပြေစေမည်ဖြစ်သည့်အပြင် ယနေ့ခေတ် ပြောင်းလဲလာ သော ခရီးသွားလာမှုအခြေအနေအရ နယ်စပ်ဖြတ်ကျော် သွားလာလည်ပတ်မှုကို များစွာအထောက်အကူပြုစေမည်ဖြစ်ပါသည်။

ပြည်ဝင်ဗီဇာများ
နိုင်ငံအတွင်းသို့ နိုင်ငံတကာဧည့်သည်များ ဝင်ရောက်ရာတွင် ပြည်ဝင်ဗီဇာ လွယ်ကူမှုသည် ခရီးသွားများလာရောက်ချင်မှု၊ လာရောက်လိုမှုအတွက် အဓိက ဆွဲဆောင်သော အချက်တစ်ချက်တွင် ပါဝင်ပါသည်။ ဝင်ရောက်မှုခက်ခဲသော (သို့မဟုတ်) ခက်ခဲသော ဗီဇာလုပ်ငန်းစဉ်များရှိနေသည့် နိုင်ငံများသို့ သွားရောက် လိုမှု နည်းကြပါသည်။ ကြိုတင်စီစဉ်သော Package Tour  ခရီးစဉ်များရှိသကဲ့သို့ ခရီးသွားလိုစိတ် ရုတ်ခြည်းပေါ်ပေါက်ကာ ချက်ချင်းခရီးသွားရန်စီစဉ်သော အလေ့ အထများကြောင့် မိမိသွားရောက်လိုသောနိုင်ငံ၏ ဗီဇာခွင့်ပြုပေးမှုအပေါ်မူတည်၍ ခရီးသွားရောက်လိုစိတ်များ ဖြစ်ပေါ်မှု၊ မဖြစ်ပေါ်မှုကလည်း အဓိကကျပါသည်။

ယနေ့အာဆီယံအတွင်း နိုင်ငံများသည်Visa on Arrivalစနစ်ကိုကျင့်သုံး နေသည့်အပြင် ဘရူနိုင်းနိုင်ငံသည် နိုင်ငံ ၅၄ နိုင်ငံ၊ က္ဘောဒီးယားနိုင်ငံသည်  ကိုး နိုင်ငံ၊ လာအိုနိုင်ငံသည် ၁၅ နိုင်ငံ၊ မလေးရှားနိုင်ငံသည် ၉၃ နိုင်ငံ၊ ဖိလစ်ပိုင်နိုင်ငံသည် ၁၅၇ နိုင်ငံ၊  စင်ကာပူနိုင်ငံသည် ခြောက်နိုင်ငံ၊  ထိုင်းနိုင်ငံသည်  ၅၅နိုင်ငံ၊ ဗီယက်နမ်နိုင်ငံသည် ၂၄ နိုင်ငံတို့အားVisa Exemption (Visa free) ဖြင့် ဝင်ရောက်ခွင့်ပြုလျက်ရှိပါသည်။ မြန်မာနိုင်ငံအနေဖြင့် ထိုင်းနိုင်ငံသားများနှင့် စင်ကာပူနိုင်ငံသားများကိုသာ အပြည်ပြည်ဆိုင်ရာလေဆိပ်မှ ဝင်ရောက်ပါက Visa free aပေးထားပြီး ကျန်မည်သည့် နိုင်ငံသားများကိုမျှ Visa Free ပေးထား မှုမရှိပါ။ ဆိုက်ရောက်ဗီဇာ(Visa on Arrival) စနစ်ကိုပင် Cruise နှင့် Charter Flight  မှ လွဲ၍ ခွင့်ပြုပေးနိုင်ခြင်းမရှိသေးပေ။ ယခုအခါ ASEAN+3 နိုင်ငံများ ဖြစ်သော တရုတ်၊ ဂျပန်နှင့်တောင်ကိုရီးယားန်ိုင်ငံသားများအား ဆိုက်ရောက်ဗီဇာ (VOA)  ခွင့်ပြုပေးနိုင်ရေးကို  ဆက်စပ်ဝန်ကြီးဌာနများနှင့်  ညှိနှိုင်းဆောင်ရွက်လျက်                ရှိပါသည်။
မြင့်ထွေး(ဟိုတယ်/ခရီး)မြန်​မာ့အလင်း