အေးချမ်းသည့်ဆောင်းရာသီ၏ အရိပ် အာဝါသတို့ တဖြည်းဖြည်း မှေးမှိန်သွား ပြီး နွေဦးရာသီကာလသို့ ကူးပြောင်းစ ယခုလို တပေါင်းလတွင် ရှမ်းပြည်နယ် ၏သရုပ်ကို ဖော်ဆောင်ပေးသည့် ချယ်ရီပန်းများနှင့် နွေဦးလက်ပံပွင့် နီရဲရဲ၊ စိန်ပန်းပြာ၊ စိန်ပန်းနီနှင့် တော ပန်းများ စတင်ဖူးပွင့်လာပြီဖြစ်သည်။ ရှမ်းပြည်နယ်နေ့နှင့် ပြည်ထောင်စုနေ့ အထိမ်းအမှတ် ပျော်ပွဲရွှင်ပွဲများ ကျင်းပ ပြီးဖြစ်ကာ တပေါင်းလတွင် နှစ်စဉ် ကျင်းပမြဲ တပေါင်းဘုရားပွဲတော်ကြီး ကိုလည်း မကြာမီရက်များတွင် စတင် ကျင်းပတော့မည်ဖြစ်သည်။
တပေါင်းပွဲတော်များ
ရှမ်းပြည်နယ်အတွင်း အထင်ကရ ဘုရားစေတီများတွင် နှစ်စဉ် တပေါင်း လရောက်တိုင်း တပေါင်းပွဲတော်များ ကျင်းပလေ့ရှိကြရာ ရှမ်းပြည်နယ် မြောက်ပိုင်းရှိ သီပေါ ဘော်ကြိုတပေါင်း ပွဲတော်၊ ရှမ်းပြည်နယ်တောင်ပိုင်းရှိ ပင်းတယ တပေါင်းပွဲတော်နှင့် မိုင်းကိုင် မြို့နယ် ရွှေမြင်ထင်မွေတော်ဘုရား တပေါင်းပွဲတော်တို့မှာ အလွန်စည် ကား ထင်ရှားသော ပွဲတော်များဖြစ် သည်။
မိုင်းကိုင်မြို့နယ်၏တပေါင်းပွဲတော် ကျင်းပရာ ရွှေမြင်ထင် မွေတော်ဘုရား ကြီးသည် ဗုဒ္ဓသာသနာတော် သက္ကရာဇ် ၂၃၅ ခုနှစ်က မဇ္ဈိမဒေသမှ သီရိဓမ္မာ သောကမင်းကြီးက တည်ထားကိုးကွယ် ခဲ့သော တန်ခိုးကြီးဘုရားတစ်ဆူ ဖြစ် ကာ ရွှေမြင်ထင်စေတီတော်ကြီးကို တည်ထားရာအရပ်သည် ဘုရား အလောင်းတော် နုစဉ်အခါ ကြိုးကြာ ငှက်ဘဝက ဘေးမသီရန်မခ အသက် ထက်ဆုံး ပျော်ရွှင်စွာနေထိုင်ခဲ့ရာ အရပ် ဒေသလည်းဖြစ်သည်ဟု ရှေးအဆိုရှိခဲ့ ပေသည်။
ရွှေမြင်ထင်မွေတော်ဘုရား
ရွှေမြင်ထင်မွေတော်ဘုရား တပေါင်း ပွဲတော်ကြီးကို နှစ်စဉ် တပေါင်းလဆန်း ၈ ရက်မှ တပေါင်းလပြည့်နေ့အထိ စည်ကားသိုက်မြိုက်စွာ ကျင်းပလေ့ ရှိပြီး ဘုရားပွဲတော်သို့ မိုင်းကိုင်မြို့နယ် အတွင်းရှိ ရပ်ကွက်၊ ကျေးရွာများမှ ရှမ်း၊ ပလောင်၊ ပအိုဝ်းနှင့် အခြားတိုင်း ရင်းသားများအပြင် ရပ်နီးရပ်ဝေးမှ ဘုရားဖူးဧည့်သည်များ၊ ဘုရားပွဲ ဈေးသည်များလည်း လာရောက်ကြ၍ အထူးစည်ကားလှပါသည်။
ရှမ်းရိုးရာ လက်မှုပညာပစ္စည်းများ
ဘုရားပွဲဈေးတန်းတွင် ရောင်းချနေ သော မိုင်းကိုင်ဒေသ ဟိုနားကျေးရွာ ထွက် စဥ့်အိုး၊ စဥ့်ထည်ပစ္စည်းများ၊ ကလေးကစားစရာ ကျွဲရုပ်၊ နွားရုပ်၊ ငှက်ရုပ်များ၊ ကုန်းကန်ကျေးရွာဒေသ ထွက် ရေတခေါင်းနီ၊ ရေတခေါင်းနက်၊ ခုံမတ်မုံကျေးရွာထွက် ဝါးခမောက်၊ ဟမ်းငိုင်းကျေးရွာအုပ်စု နောင်အုံ ကျေးရွာထွက် ဓားနှင့် သံထည်ပစ္စည်း များ စသည်တို့မှာ လေ့လာစရာ ဗဟု သုတရစေသည့် ရှမ်းရိုးရာ လက်မှု ပညာပစ္စည်းများဖြစ်သည့် အပြင် ဘုရားဖူးဧည့်သည်များအတွက် အိမ် အပြန် လက်ဆောင်ပစ္စည်းများလည်း ဖြစ်ပါသည်။
သမိုင်းဝင်ဘုရားစေတီများ
မိုင်းကိုင်မြို့နယ် ရွှေမြင်ထင် မွေ တော်ဘုရား တပေါင်းပွဲတော်ကြီးသို့ လာရောက်ကြသော ရပ်ဝေးရပ်နီးမှ ဘုရားဖူးဧည့်သည်များအနေဖြင့် မိုင်း ကိုင်မြို့နယ်၏ ရှမ်းရာဇဝင် ခွန်ဆန် လောနှင့် နန်းဦးပျဉ်ဘုရား၊ ¤င်းတို့ကို မြှုပ်နှံခဲ့ရာသင်္ချိုင်း၊ လေ့လာစရာ သမိုင်း မှတ်တမ်းများအပြင် အခြားအထင်ကရ ဘုရားများဖြစ်သည့် သမိုင်းဝင် ဘုရား ငါးဆူ စေတီဘုရား၊ မိုင်းခွန် ကျေးရွာ အုပ်စုအတွင်းရှိ ဗုဒ္ဓမြတ်စွာ၏ခြေတော် ရာတည်ရှိရာ စက်တော်ရာ ဘုရား (ရှမ်း အခေါ် ဘုရားစက်)နှင့် အခြားသမိုင်း ဝင်ဘုရားစေတီများကိုလည်း ဖူးမြော် နိုင်ကြမည်ဖြစ်သည်။ ထို့အပြင် အလွန် သာယာလှသည့် စော်ဘွားကန်၊ နားလုံ ဆည်၊ ရေပူစမ်း စသည်တို့ကို လည်း သွားရောက် လေ့လာနိုင်ကြမည်ဖြစ် သည်။
ထို့ကြောင့် မိုင်းကိုင်မြို့နယ်၏ အနောက်ဘက်ရှိ တောင်ပြာပြာ ဆင် တောင်တန်းကြီးနှင့်အတူ တောင်မှ မြောက်သို့ ကွေ့ကောက်စီးဆင်းနေ သည့် နမ့်တိန်းချောင်းရေကိုချိုးရင်း၊ ဒေသ္တရဗဟုသုတများကို လာရောက် လေ့လာရင်း ကုသိုလ်လည်းရ အသိ ဉာဏ်ပြည့်ဝစေမည့် သာစွဌာနီ မိုင်း ကိုင်မြို့နယ်၏ တပေါင်းဘုရားပွဲတော် ကြီးဆီသို့ လှမ်းလာခဲ့ပါဟု ဖိတ်ခေါ် လိုက်ရပါသည်။ ။
နန်းလှိုင်လှိုင်ဦး(မိုင်းကိုင်)မြန်မာ့အလင်း
No comments:
Post a Comment