ပင်လည်ဘူးမြို့အထွက်မှဘိန်းစိမ်းကျပ်သိန်း(၁၀၀၀) ကျော်ဖိုးဖမ်းမိ
ကသာ ဖေဖော်ဝါရီ ၂၃
စစ်ကိုင်းတိုင်းဒေသကြီး၊ကသာခရိုင်၊ပင်လည်ဘူးမြို့အထွက်နေရာမှ ဘိန်းစိမ်း ၄၆၅၃၈.၆၇ ဂရမ်၊ကာလတန်ဖိုးငွေကျပ်သိန်း(၁၀၀၀)ကျော်ဖိုးဖမ်းမိခဲ့ကြောင်းသိရသည်။
ဖြစ်စဉ်မှာ ၂၂၊၂၊၁၈ ရက်နေ့ညနေ ၅ နာရီအချိန်ခန့်တွင်ပင်လည်ဘူးမြို့မရဲစခန်းမှစခန်းမှူး ဒုရဲမှူးသောင်းဋ္ဌေး ဦးဆောင်သောရဲတပ်ဖွဲ့ဝင်များသည်သက်သေများနှင့်အတူမြို့အထွက်ပင်လည်ဘူး - ကောလင်းသွား ကားလမ်းတွင်မူးယစ်ဆေးဝါးသတင်းအရစောင့်ဆိုင်းနေစဉ်မြင့်အောင်ဆိုသူမောင်းနှင်လာသောဆိုင်ကယ်အားမသင်္ကာ၍ရပ်တန့်ခိုင်းစဉ်မြင့်အောင် မှာ ဆိုင်ကယ်အားရပ်တန့်ခြင်းမရှိဘဲမောင်းနှင်ထွက်ပြေးသွားသဖြင့်စခန်းမှူးနှင့်အဖွဲ့မှလိုက်လံ၍လုံးထွေးဖမ်းဆီးရမိပြီး
ဆိုင်ကယ်အားရှာဖွေစစ်ဆေးခဲ့ရာဆိုင်ကယ်ပေါ်တင်ထားသောပီနန်အိပ်အတွင်းအဝါရောင်တိတ်များဖြင့်ပတ်ထားသောဘိန်းစိမ်းအထုပ်(၃၄)ထုပ်၊ စုစုပေါင်းအလေးချိန် ၄၆၅၃၈.၆၇ ဂရမ်၊ကာလတန်ဖိုး ၁၃၉၆၁၆၀၀၀ ကျပ်အားရှာဖွေစစ်ဆေးတွေ့ရှိရသဖြင့် ဘိန်းစိမ်းသယ်ဆောင်သူ မြင့်အောင်၊နမ်းနောက်ကျေးရွာ၊လွိုင်ကော်မြို့နယ်၊ကယားပြည်နယ်နေသူအားပင်လည်ဘူးမြို့မရဲစခန်းမှဥပဒေအရဖမ်းဆီးအရေးယူဆောင်ရွက် ထားကြောင်းဒုရဲမှူးသောင်းဌေးမှပြောပြသိရှိရသည်။
လူအောင်(ကသာ)မြန်မာ့အလင်း
Subscribe to:
Post Comments (Atom)
No comments:
Post a Comment