ကသာ ဖေဖော်ဝါရီ ၁၁
စစ်ကိုင်းတိုင်းဒေသကြီး၊ကသာခရိုင်၊အင်းတော်မြို့တွင် အထက်တန်းပြ ဆရာမတစ်ဦး၏လက်ကိုင်အိတ်အားဆိုင်ကယ်စီးလာသူနှစ်ဦးမှ လုယူမောင်းပြေး သွားရာ ဖေဖော်ဝါရီ ၁၀ ရက်တွင်ဖမ်းမိထားကြောင်း သိရသည်။
အမှုမှာ ၂၆၊၁၊၁၈ ရက်နေ့တွင်အင်းတော်မြို့၊အောင်မင်္ဂလာရပ်နေအထက်တန်းပြဆရာမဒေါ်နွဲ့နွဲ့စိန်သည်မဲဇာကျောင်းသို့သွားရန်အိမ်မှ ထွက်လာပြီး ရေနားတန်းလမ်းပေါ်အရောက်နံနက် ၆ နာရီအချိန်ခန့် ဆီးနှင်းများ ကျနေပြီးမှောင်မဲနေစဉ်၎င်း၏ရှေ့မှအမည်မသ်ိလူနှစ်ယောက်ဆိုင်ကယ်တစ်စီးစီးလာပြီးလက်တွင်ကိုင်ထားသောအိတ်အားလုယူမောင်းပြေး သွားခဲ့ရာဟန်းဆက်နှစ်ဖုန်းနှစ်လုံး၊ငွေကျပ် ၄၀၀၀၀ နှင့်ဝန်ထမ်းကတ် များပါသွားကြောင်းသိရသည်။
အဆိုပါအမှု့လျှင်မြန်စွာပေါ်ပေါက်ရေးအတွက်အင်းတော်မြို့နယ်ရဲတပ်ဖွဲ့မှူးနှင့်စခန်းမှူးတို့မှအနီးကပ်ကြီးကြပ်၍နယ်ထိန်း ဒုရဲအုပ် အောင်အောင် ခေါင်းဆောင်သောရဲတပ်ဖွဲ့ဝင်များသည်သက်သေများနှင့်အတူမြို့တွင်လှည့်လည်စုံစမ်းခဲ့ရာ ၁၀၊၂၊၁၈ ရက်နေ့တွင် အထက်ပါပျောက်ဆုံးနေသောဖုန်းနှစ်လုံးအားအင်းတော်မြို့၊အောင်ဇေယျရပ်ကွက်ရှိမွန်းစတား ၂ မိုဘိုင်းဆိုင်တွင် လူငယ် နှစ်ယောက်မှ ရောင်းပေးရန်လာရောက်အပ်နှံ ထားကြောင်းရဲစခန်းသို့အကြောင်းကြားလာသဖြင့်ဒုရဲအုပ်အောင်အောင်နှင့်အဖွဲ့မှသွားရောက်ကြည့်ရှု့စစ်ဆေးခဲ့ရာလုယူသွားသောဖုန်း များဖြစ်နေကြောင်းစစ်ဆေးတွေ့ရှိရသဖြင့်လာရောက်ရောင်းချသူအင်းတော်မြို့၊နန့်ခင့်ကျေးရွာနေ ချမ်းငြိမ်းအောင် နှင့် နိုင်နိုင်အောင်တို့နှစ်ဦးအားအင်းတော်မြို့မရဲစခန်းမှဥပဒေအရဖမ်းဆီးအရေးယူဆောင်ရွက်ထားကြောင်း ဒုရဲအုပ်အောင်အောင်မှပြောပြသိရှိရသည်။လူအောင်(ကသာ)မြန်မာ့အလင်း
No comments:
Post a Comment