တော့မည့်၂၀၁၈ ခုနှစ် ရန်ကုန်မြို့တော်စည်ပင်သာယာရေးဥပဒေ
ခေတ်နှင့်အပြိုင် လျှောက်လှမ်းရန် နောက်ချန်နေရစ်သော ရန်ကုန်မြို့လမ်းမ ကြီးများ၊ ခေတ်ဟောင်းခေတ်သစ်အနိမ့်အမြင့် မညီညာသော တိုက်တာ အဆောက်အအုံများ၊ သူ့မြေငါ့မြေ အပြိုင်လုရင်း အငြင်းပွားနေသော တရားရုံးထက်မှ စကားသံများ၊ မြို့ပတ်လည်ရှိ ကျူးကျော်တဲအိမ်များက ရန်ကုန်မြို့ကြီးကို အကျဉ်းတန်အရုပ်ဆိုးအောင် ပြုလုပ်နေသလိုပင်။
မြို့အလှကို ရုပ်ဆိုးစေသောပုံရိပ်များ
စီးပွားရေးမြို့တော်တစ်ဖြစ်လဲ မြန်မာနိုင်ငံ၏ လူဦးရေအထူထပ်ဆုံး ရန်ကုန်မြို့တော်ကြီးကို အခြားအရုပ်ဆိုးစေသော မြင်ကွင်းများက လည်း ဒုနှင့်ဒေးရှိသေးသည်။ ချွေးတဒီးဒီးကျအောင် တစ်နေရာနှင့် တစ်နေရာ အားကုန်တွန်းနေရသော ရေသန့်တွန်းလှည်းများ၊ လမ်းဘေး ဓာတ်တိုင်နှင့် နံရံများတွင် ကပ်ထားသော ကြော်ငြာစာရွက်များ၊ ဥပဒေ ကို မျက်ကွယ်ပြုကာ စီးချင်တိုင်းစီးနေသောမော်တော်ဆိုင်ကယ်များ၊ ညနေ ၆ နာရီ ကျော်သည်နှင့် လမ်းမပေါ်တက်ပိုင်ခွင့်ကို အမိအရစောင့် နေသော လမ်းဘေးဈေးသည်များကား မရှိမဖြစ်သော်လည်း မြို့အလှကို ရုပ်ဆိုးစေသော ပုံရိပ်များဖြစ်သည်။
လွှတ်တော်သို့ တင်သွင်းခဲ့
ခေတ်မီမြို့တော်ကြီးအဖြစ် တက်လှမ်းရန် လိုအပ်နေသော ရန်ကုန်မြို့ ကြီးတွင် ထိုထိုသမျှသော အကြောင်းအရာ ပြဿနာပေါင်းစုံကို ဖြေရှင်းရန် အတွက် တိကျသော ဥပဒေတစ်ခုက လိုအပ်လာသည်။ ရန်ကုန်မြို့ကို အုပ်စိုးသူ အစိုးရတို့က ယင်းပြဿနာများကို ဖြေရှင်းနိုင်ရန် ရန်ကုန်မြို့တော်စည်ပင် သာယာရေးကော်မတီဥပဒေကြမ်းကို ဖေဖော်ဝါရီ ၂ ရက်က တိုင်းဒေသကြီး လွှတ်တော်သို့ တင်သွင်းခဲ့သည်။
ဥပဒေပြင်ဆင်ရေးဆွဲ တင်သွင်းရခြင်းအကြောင်းကို ရန်ကုန်မြို့တော်ဝန်က အောက်ပါအတိုင်း လွှတ်တော်တွင်ရှင်းပြသည်-
''ကျွန်တော်တို့ ရန်ကုန်မြို့တော်ဟာ မြန်မာနိုင်ငံအတွင်းမှာရှိတဲ့ မြို့ကြီးများအနက် လွန်စွာ ထူးခြားတဲ့ ဝိသေသလက္ခဏာများကို ပိုင်ဆိုင်တဲ့ မြို့ပြကြီးတစ်ခုဖြစ်ပါတယ်၊ ထူးခြားတဲ့ ဝိသေသ လက္ခဏာများအနက်မှ ဥပမာတင်ပြရရင် လူဦးရေဆိုင်ရာကိစ္စပဲ ဖြစ်ပါတယ်၊ ရန်ကုန်ုတိုင်း ဒေသကြီးရဲ့ လူဦးရေဟာ မြန်မာနိုင်ငံတစ်ဝန်းလုံးမှာရှိတဲ့ လူဦးရေရဲ့ ၁၂ ရာခိုင်နှုန်းရှိတယ်လို့ ခန့်မှန်းပြီးတော့ ရန်ကုန်မြို့တော် နယ်နိမိတ်အတွင်းမှာပါဝင်တဲ့ ၃၃ မြို့နယ်မှာ မြန်မာနိုင်ငံလူဦးရေရဲ့ ၁ဝ ရာခိုင်နှုန်းဖြစ်တဲ့ ခြောက်သန်းခန့် နေထိုင်လျက်ရှိပြီးတော့ မြန်မာနိုင်ငံရဲ့ စီးပွားရေးမြို့တော်တစ်ခုလည်း ဖြစ်နေပါတယ်။ ဒါ့အပြင် ၂ဝ၄ဝ ပြည့်နှစ်မှာလည်း ရန်ကုန်မြို့တော်ရဲ့ လူဦးရေဟာ ၁ဝ သန်းကျော်ရှိလာမယ်လို့ ခန့်မှန်းထားတဲ့အတွက် ရန်ကုန်မြို့တော်ကြီးဟာ မီဂါစီးတီးအဖြစ်သို့ ရောက်ရှိ လာတော့မှာ ဖြစ်ပါတယ်၊ ရန်ကုန်မြို့တော်စည်ပင်သာယာ ရေးကော်မတီရဲ့ ဧရိယာ အကျယ်အဝန်းဟာလည်း စတုရန်းမိုင် ၃ဝဝ ကျော်သာရှိတဲ့အတွက်ကြောင့် တစ်နိုင်ငံလုံး အကျယ်အဝန်းဖြစ်တဲ့ စတုရန်းမိုင် ၂၆၁ဝဝဝ ကျော်ရဲ့ ၈၅ဝ ပုံ တစ်ပုံသာရှိပြီးတော့ လူဦးရေ သိပ်သည်းမှုဟာ အဆမတန်များပြားတဲ့အတွက်ကြောင့် မြေနေရာတွေ လိုအပ်လာပါတယ်၊ သောက်သုံးရေတွေ လိုအပ်လာပါ တယ်၊ အိမ်ရာဆောက်လုပ်မှုတွေလည်း လိုအပ်လာသလို ပတ်ဝန်းကျင်အရည်အသွေးထိန်းသိမ်းမှုစတဲ့ လိုအပ်မှု ပေါင်းများစွာ ရှိလာပါတယ်။ ဒါ့အပြင် မြို့ပြဖွံ့ဖြိုးတိုးတက်မှုဆိုင်ရာ လိုအပ်ချက်တွေလည်း ရှိလာပါတယ်။
လူဦးရေထူထပ်သိပ်သည်းမှုနဲ့ ရွှေ့ပြောင်းဝင်ရောက်လာမှုများကြောင့် ရရှိလာတဲ့ လိုအပ်မှုများစွာကနေ ကျူးကျော်မှုပြဿနာတွေ၊ သောက်သုံးရေရှားပါးမှု ပြဿနာတွေ၊ တရားမဝင် ရေခိုးသုံးမှုပြဿနာတွေ၊ ယာဉ် အ္တရာယ်ပြဿနာတွေ၊ လျှပ်စစ်ခိုးယူသုံးစွဲမှုပြဿနာတွေ၊ ခွင့်ပြုချက်မဲ့ အဆောက်အအုံဆောက်လုပ်မှုပြဿနာ တွေ၊ ပတ်ဝန်းကျင်ညစ်ညမ်းမှုစတဲ့ ပြဿနာပေါင်းစုံကိုလည်းဖန်တီးပေးလျက်ရှိပါတယ်၊ ယင်းကနေတစ်ဆင့် ဆက်နွှယ် နေတာကတော့ တရားဥပဒေစိုးမိုးရေး၊ ပြည်သူ့ကျန်းမာရေး၊ စီးပွားရေး၊ ပညာရေးနဲ့ လူမှုရေးစတဲ့ နယ်ပယ်များအထိ အောင် မကောင်းတဲ့ရလဒ်တွေကို ပျံ့နှံ့စေပါတော့တယ်၊ ဒီရလဒ်တွေဟာ မြို့တော်ကို ဖွံ့ဖြိုးတိုးတက်မှုတွေ ရရှိစေမယ့် အစား လက်ရှိရင်ဆိုင်နေရတဲ့ မြို့ပြပြဿနာတွေကို ထွက်ပေါက်မရှိအောင် ပိတ်ဆို့ပြီး အဆိုးသံသရာနယ်မှာဝဲလည်နေ သလို လည်နေပါတယ်၊ ဒီအဆိုးသံသရာထဲက လွတ်မြောက်ရေးနည်းလမ်းတစ်ခုအဖြစ် အစိုးရသစ်တာဝန်ထမ်းဆောင်နေဆဲ ကာလအတွင်းမှာ ဒီမိုကရေစီစံချိန်စံòန်းနဲ့ ညီညွတ်ပြီးတော့ မြို့တော်သူ မြ်ို့တော်သားတွေရဲ့ ရပိုင်ခွင့်အခွင့်အရေးတွေကို ပွင့်လင်း မြင်သာစွာ အပြည့်အဝရယူခံစားနိုင်စေဖို့နဲ့ လူနေမှုဘဝမြင့်မားတိုးတက်စေဖို့ ရည်ရွယ်ပြီး ရန်ကုန်မြို့တော်စည်ပင်သာယာရေး ကော်မတီကို အစိုးရအဖွဲ့အစည်းများဌာနအဖြစ်မှ ဝန်ဆောင်မှုများ ပိုမိုတိုးတက်လာစေဖို့အတွက် ဌာနကြီးသုံးခု၊ Authority ခုနစ်ဖွဲ့နဲ့ စီးပွားရေးအဖွဲ့အစည်းများအဖြစ်ပြောင်းလဲဖွဲ့စည်းနိုင်မယ့် ယခုဥပဒေကြမ်းကိုလည်း ပြင်ဆင်ရေးဆွဲပြီး လွှတ်တော်သို့ တင်ပြရခြင်းဖြစ်ပါတယ်။''
တစ်ဆက်တည်းမှာပင် ဥပဒေကြမ်းရုပ်လုံးပေါ်လာနိုင်ရေးအတွက် အားထုတ် ကြိုးပမ်းမှုများကိုလည်း ရန်ကုန်မြို့တော်ဝန်က ယခုလို ဆက်လက်ရှင်းပြသည်။
''ရန်ကုန်တိုင်းဒေသကြီးအစိုးရအဖွဲ့အစည်းအဝေး အမှတ်စဉ် (၁၃/၂ဝ၁၇) ဆုံးဖြတ်ချက်အပိုဒ် ၄၉ အရ ရန်ကုန်မြို့တော်စည်ပင်သာယာရေးကော်မတီအတွင်းရေးမှူး ဒေါ်လှိုင်မော်ဦးက ဥက္ကဋ္ဌအဖြစ် ဦးဆောင်ပြီးအဖွဲ့ဝင် ၂၃ ဦးပါဝင်သော ၂ဝ၁၃ ခုနှစ် ရန်ကုန်မြို့တော်စည်ပင်သာယာရေးဥပဒေ ပြင်ဆင် ရေးဆွဲရေးကော်မတီ နဲ့ ဆုံးဖြတ်ချက်အပိုဒ် ၅ဝ အရ ရန်ကုန်တိုင်းဒေသကြီးလွှတ်တော် ဒုတိယဥက္ကဋ္ဌ ဦးလင်းနိုင်မြင့်ဥက္ကဋ္ဌအဖြစ် ဦးစီးပြီး အဖွဲ့ဝင် ၃၄ ဦးပါဝင်သော 1922 Act ကို အခြေပြု၍ ဥပဒေ ပြန်လည်ရေးဆွဲရေးကော်မတီတို့ကို ဖွဲ့စည်းပြီး ဖွဲ့စည်းပုံအခြေခံဥပဒေပါ ပြဋ္ဌာန်းချက်များနဲ့အညီ ရန်ကုန်မြို့တော် စည်ပင်သာယာရေးဥပဒေမူကြမ်းရေးဆွဲနိုင်ဖို့အတွက် ရန်ကုန်တိုင်းဒေသကြီးအစိုးရ အဖွဲ့ရုံးအစည်းအဝေးခန်းမ (၄)၌ ရန်ကုန်တိုင်းဒေသကြီးဝန်ကြီးချုပ် ဦးဆောင်၍ ၁၅-၈-၂ဝ၁၇ မှ ၈-၁ဝ-၂ဝ၁၇ ရက်အထိ ရှစ်ကြိမ်တိုင်တိုင် အစည်းအဝေးကျင်းပပြီး ဥပဒေမူကြမ်းတစ်ရပ်ကိုရေးဆွဲခဲ့ပါတယ်၊ ယင်းဥပဒေ မူကြမ်းနဲ့ပတ်သက်ပြီး ကော်မတီလက်အောက်ရှိဌာနများကို ဥပဒေဆိုင်ရာ လိုအပ်ချက် များ၊ အကြံပြုချက်များရယူပြီး ၂ဝ၁၃ ခုနှစ် ရန်ကုန်မြို့တော်စည်ပင်သာယာရေးဥပဒေ ပြင်ဆင်ရေးဆွဲ ရေးကော်မတီမှ အခန်း ၃၂ ခန်းပါဝင်တဲ့ ဒုတိယဥပဒေမူကြမ်းတစ်ရပ်ကိုထပ်မံရေးဆွဲခဲ့ပြီး တိုင်းဒေသ ကြီးဝန်ကြီးချုပ်ထံ ပေးပို့ခဲ့ပါတယ်၊ ဝန်ကြီးချုပ်ရဲ့ ညွှန်ကြားချက်အရ အဆိုပါ ဥပဒေ ဒုတိယမူကြမ်းကို ရန်ကုန်တိုင်းဒေသကြီးလွှတ်တော် ဥပဒေစိစစ်ရေးကော်မတီကို ဆက်လက်တင်ပြခဲ့ပါတယ်၊ ဥပဒေ စိစစ်ရေးကော်မတီမှ ၁၇-၁ဝ-၂ဝ၁၇ မှ ၄-၁၂-၂ဝ၁၇ ရက်အထိ ရန်ကုန်တိုင်းဒေသကြီးလွှတ်တော်ရုံး၊ ပုလဲခန်းမမှာ အစည်းအဝေး ၂၃ ကြိမ်ကျင်းပခဲ့ပါတယ်၊ တင်ပြပါဥပဒေကြမ်းကို စိစစ်ပြီး လိုအပ်ချက်တွေကို ဖြည့်စွက်ပြီး ကော်မတီကို ပြန်လည်ပေးခဲ့ပါတယ်၊ ပြန်လည်ပေးပို့ခဲ့တဲ့ ဥပဒေကြမ်းနဲ့ ပတ်သက်ပြီး ရန်ကုန်တိုင်းဒေသကြီးတရားလွှတ်တော်၊ တရားသူကြီး ဦးအောင်နိုင်ရဲ့ အကြံပြုချက်တွေကို ရယူပြီး အခန်း ၃၂ ခန်း၊ ပုဒ်မပေါင်း ၃၉၈ ခုပါဝင်တဲ့ ရန်ကုန်မြို့တော်စည်ပင်သာယာရေးဥပဒေကြမ်းကို ထပ်မံ ပြင်ဆင်ရေးဆွဲပြီး ယခုကျင်းပတဲ့ လွှတ်တော်ကို တင်ပြရခြင်းဖြစ်ပါတယ်''ဟု တက်ရောက်လာသော ရန်ကုန်တိုင်းဒေသကြီးအတွင်းမှ မြို့နယ်အသီးသီးသို့ ကိုယ်စားပြုသော လွှတ်တော်ကိုယ်စားလှယ် များအား ရှင်းပြခဲ့သည်။
မြို့တော်အင်္ဂါရပ်နှင့် ညီညွတ်သော ဥပဒေတစ်ရပ်
ကမ္ဘာ့အဆင့်မီ မြို့တော်ကြီးတစ်ခုအဖြစ် ရန်ကုန်မြို့ကို တက်လှမ်းတည်ဆောက်နိုင်ရန်မှာ အခြေခိုင် သော အုတ်မြစ်ဖြစ်သည့် တိကျသော မြို့တော်အင်္ဂါရပ်နှင့် ညီညွတ်သော ဥပဒေတစ်ရပ် လိုအပ်နေသည် မှာ အမှန်ပင် ဖြစ်သည်။ ပေါ်ပေါက်လာမည့် ဥပဒေအတိုင်း လေးစားလိုက်နာရန်အတွက်လည်း ရန်ကုန် သူ ရန်ကုန်သားတို့တွင် တာဝန်ရှိလှပေသည်။ ယခင်ကကဲ့သို့ ဥပဒေကို အလိုရှိသလို မကစားရန် အတွက်လည်း တာဝန်ရှိသူတို့က တာဝန်ခံရန်လိုအပ်ပေသည်။ မြို့တော်သူ မြို့တော်သားတို့အနေဖြင့် ဥပဒေကို လေးစားလိုက်နာကျင့်သုံးပြီး ရန်ကုန်မြို့တော်ကြီးကို နိုင်ငံတကာအဆင့်မီ မြို့တော်ကြီးအဖြစ် သို့ ပခုံးထမ်းတင်ပို့နိုင်ကြပါစေကြောင်း။
ထင်ပေါ်ဝင်း(မြန်မာ့အလင်း)
No comments:
Post a Comment