Latest News

Tuesday, January 30, 2018

နိုင်ငံတကာဈေးကွက်ဝင်၍ ဈေးမြင့်နေသည့် ငါးစည်ဖောင်း

နိုင်ငံတကာဈေးကွက်ဝင်၍ ဈေးမြင့်နေသည့် ငါးစည်ဖောင်း

ဖျာပုံ   ဇန်နဝါရီ   ၃ဝ

မြန်မာ့ပင်လယ်ပြင်မှ ဖမ်းယူရရှိသည့် ငါးအမျိုးမျိုးတွင် ငါးအကောင်လိုက်  ရောင်းချခြင်း၊  ငါးခြောက်နှင့် ငါးပိ များ  ပြုလုပ်ရောင်းချခြင်းတို့အပြင်   အချို့ငါးများ၏ ဝမ်းဗိုက်အတွင်းမှ ထုတ်ယူရရှိသည့် ငါးစည်ဖောင်းများ ကို    ပြည်တွင်း ပြည်ပ စားသောက်ဆိုင်ကြီးများနှင့် အဆင့်မြင့်ဟိုတယ်များတွင်  စားကောင်းသောက်ဖွယ် ဟင်းလျာအဖြစ် သုံးစွဲလျက်ရှိပြီး အချို့ငါးများ၏ ငါးစည် ဖောင်းများကို  ပြည်ပကားထုတ်လုပ်သူများက ကားမှန် များ ပြုလုပ်ရာတွင် ကုန်ကြမ်းအဖြစ် ထည့်သွင်းအသုံးပြု လျက်ရှိကြောင်း သိရသည်။

ဇန်နဝါရီ ၃ဝ ရက် နံနက်က ဖျာပုံမြို့ ငါးစည်ဖောင်း ဈေးကွက်ကို စုံစမ်းရာ  ငါးစည်ဖောင်း ရောင်းဝယ်မှုကို မျိုးရိုးစဉ်ဆက်    လုပ်ကိုင်နေသူ  ကိုသောင်းထွန်းက တစ်ချိန်က  ငါးမန်းတောင်ဟင်းချိုမှာ  လူကြိုက်များ၍ ဈေးကောင်းခဲ့ကြောင်း၊ ယခုအခါ ငါးမန်းများ မျိုးမသုဉ်း စေရေးအတွက် ငါးမန်းများ ဖမ်းဆီးခြင်းမပြုရန် ပိတ်ပင် ထားကြောင်း၊  ငါးမန်းတောင်ဈေးကွက်  ပျက်ပြယ်သွား ကြောင်း၊ ငါးမန်းတောင်ဈေးကွက်နေရာတွင် ပင်လယ်ပြင် မှ ဖမ်းဆီးရရှိသော    ငါးများ၏  ဝမ်းဗိုက်အတွင်းမှ ထုတ်ယူရရှိသည့် ငါးစည်ဖောင်းဈေးကွက်   ကောင်းမွန်လာကြောင်း၊ ငါးစည်ဖောင်းများကို ရန်ကုန်ဈေးကွက်၏ ၂ဝ ရာခိုင် နှုန်းမှ ၂၅ ရာခိုင်နှုန်းခန့် လျှော့ပြီးဝယ်ယူကြောင်း၊ ငါးစည်ဖောင်း အသေး၊ အကြီး လိုက်ပြီး ဈေးကွာကြောင်း၊ လက်ရှိဝယ်ဈေးကတော့ ငါးရွှေငါးစည် ဖောင်း တစ်ပိဿငွေကျပ်သိန်း ၁၁ဝဝဝဝဝမှ ငွေကျပ်သိန်း ၁၂ဝဝဝဝဝ၊ နတ်ကတော်ငါး  ငါးစည်ဖောင်း  တစ်ပိဿငွေကျပ်သိန်း ၆ဝဝဝဝဝ၊ ငါးရောင်ငါးစည်ဖောင်း အသေး၊ အကြီးအလိုက် တစ်ပိဿငွေကျပ် ၁၈ဝဝဝ မှ ငွေကျပ်သိန်း ၂၂ဝဝဝဝ၊ ငါးပုတ်သင် ငါးစည်ဖောင်း တစ်ပိဿငွေကျပ် ၁၇ဝဝဝဝ မှ ငွေကျပ်သိန်း ၁၈ဝဝဝဝ ဝယ်ယူလျက်ရှိကြောင်းနှင့် ယခင်နှစ်က ထက် ဈေးနှုန်းမြင့်နေသော်လည်း  ပစ္စည်းရှားလွန်းသဖြင့်  ဈေးကွက်တွင် ရောင်းလိုအားထက် ဝယ်လိုအား မြင့်မားနေကြောင်း ပြောသည်။

မြန်မာ့ပင်လယ်ပြင်တွင် ငါးသယံဇာတ ရှားပါးသွားခြင်းအပြင် ငါးစည် ဖောင်း ထုတ်ယူရရှိနိုင်သည့် ငါးများ အမိအရနည်းပါးသွားကြောင်းလည်း သိရသည်။

ငါးစည်ဖောင်းများသည်  တန်ဖိုးမြင့်မားလွန်းသဖြင့် လုပ်ငန်းအတွေ့   အကြုံရှိရန် အထူးလိုအပ်သကဲ့သို့ ရင်းနှီးငွေများစွာ လိုအပ်သဖြင့် သာမန် လူတို့ လုပ်ကိုင်ရန် ခက်ခဲကြောင်း လေ့လာသိရှိရသည်။

မြန်မာ့ပင်လယ်ပြင်မှငါးများ၏ ငါးစည်ဖောင်းများကိုနယ်စပ်ကုန်သွယ်ရေးလမ်းကြောင်းများဖြစ်သည့် မူဆယ်၊ မြဝတီ၊ မြိတ်၊ ထားဝယ်နှင့် ကော့သောင်း လမ်းကြောင်းတို့မှ တရုတ်၊ ထိုင်း၊ စင်ကာပူနှင့် ဂျပန် စသည့် နိုင်ငံများသို့ တင်ပို့ရောင်းချလျက်ရှိကြောင်း လေ့လာသိရှိရသည်။

ငါးစည်ဖောင်း ရောင်းဝယ်မှုလုပ်ငန်းသည် မသိသူကျော်သွား၊ သိသူ ဖော်စား ဆိုသကဲ့သို့ လုပ်ငန်းကျွမ်းကျင်မှုနှင့် ရင်းနှီးငွေ တတ်နိုင်သူများ အတွက်  အကျိုးအမြတ်ကောင်းမွန်သည့် လုပ်ငန်းတစ်ရပ်အဖြစ်  လေ့လာ သိရှိရသည်။                                           အောင်ဝင်း(ဖျာပုံ)​ကြေးမှုံ

No comments:

Post a Comment