ရန်ကုန် ဇန်နဝါရီ ၃ဝ
ရန်ကုန်မြို့၌ရောက်ရှိနေသည့် အင်္ဂလန်လိဂ်ချန်ပီယံရှစ်ကလပ် လိဒ်ယူနိုက်တက် အသင်းပိုင်ရှင် Mr. Andrea Radrizzani သည် မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော်အား ယနေ့ မွန်းလွဲပိုင်းတွင် နိုဗိုတယ်ဟိုတယ်၌ လာရောက်တွေ့ဆုံခဲ့ သည်။ ယင်းသို့ တွေ့ဆုံရာတွင် မြန်မာ့ဘောလုံးတိုးတက်ရေးအတွက် ပံ့ပိုးကူညီနိုင်မည့် အစီအစဉ်များ၊ ပူးပေါင်းဆောင်ရွက်မည့်အစီအစဉ်များနှင့် ပတ်သက်၍ ဆွေးနွေးခဲ့သည်။
အဆိုပါတွေ့ဆုံပွဲသို့ မြန်မာနိုင်ငံဘောလုံးအဖွဲ့ချုပ် ဒုတိယဥက္ကဋ္ဌ၊ မြန်မာနေရှင် နယ်လိဂ် ကော်မတီ ဒုတိယဥက္ကဋ္ဌ ဒေါက်တာစိုင်းဆမ်ထွန်း၊ မြန်မာနိုင်ငံဘောလုံးအဖွဲ့ချုပ် အမှုဆောင်အရာရှိချုပ် ဦးဘုန်းနိုင်ဇော်၊ အထွေထွေအတွင်းရေးမှူး ဦးကိုကိုသိန်း၊MNLအမှုဆောင်အရာရှိချုပ်ဦးစိုးမိုးကျော်၊ MNL COO ဦးဆူးအောင်တို့ တက်ရောက်ခဲ့သည်။ တွေ့ဆုံပွဲအပြီးတွင် မြန်မာနိုင်ငံဘောလုံးအဖွဲ့ချုပ်ဥက္ကဋ္ဌ ဦးဇော် ဇော်က မြန်မာအသင်းဂျာစီအပါအဝင် အမှတ်တရလက်ဆောင်များ အပြန်အလှန် ပေးအပ်သည်။ သတင်း-ဖိုးသော်ဇင်၊ ဓာတ်ပုံ-MFF
No comments:
Post a Comment