ကာမိုင်း ဇန်နဝါရီ ၁၁
နှစ်(၇၀)ပြည့်မြောက် ကချင်ပြည်နယ်နေ့အထိမ်းအမှတ်အဖြစ်ကချင်ရိုးရာမနောပွဲတော်ကို ကာမိုင်းမြို့၊ကောင်ရာကျေးရွာ ငါးပေါက်ကုန်း၌ ဇန်နဝါရီ(၁၀)ရက် နံနက် (၁၀း၀၀)နာရီက ကချင်ရိုးရာယဉ်ကျေးမှုနှင့် စာပေအဖွဲ့ချုပ်ကော်မတီမှ မနောကဦးဆောင်များနှင့် ကာမိုင်းမြို့ကချင်ရိုးရာယဉ်ကျေးမှုကော်မတီကဦးဆောင်၍စတင်ဖွင့်လှစ်ကျင်းပခဲ့သည်။
ကချင်ပြည်နယ်နေ့အထိမ်းအမှတ် မနောပွဲကျင်းပရာတွင် ဖားကန့်
မြို့နယ် ပြည်သူ့လွှတ်တော်ကိုယ်စားလှယ်များ၊ ဖားကန့်မြို့အုပ်ချုပ်ရေး မှူးနှင့် ဌာနဆိုင်ရာများ၊ မိမိတို့ရိုးရာဝတ် စုံဖြင့်လာရောက်သော တိုင်းရင်း သားများနှင့် ဧည့်သည်တော်များ၊ကျောင်း ဆရာ/ ဆရာမများ၊ ကျောင်းသား/ ကျောင်းသူများ၊ကျေးရွာများမှလာရောက်သောပြည်သူများက ကချင်ရိုးရာယဉ်ကျေးမှုနှင့် စာပေအဖွဲ့ချုပ်ကော်မတီမှ မနောကဦးဆောင်များနှင့်အတူ မနောအကတွင်ပါဝင်ဆင်နွှဲခဲ့ကြသည်။
အဆိုပါမနောပွဲတော်တွင် မန်မော်၊ ခခူး၊ မရူ၊ ဇိုင်ဝါး၊
ရဝမ်၊ လီဆူ စသည့်ကချင်တိုင်းရင်းသားများနှင့်အတူ
ရှမ်းကြီး၊ ရှမ်းနီ၊ ခန္တီးရှမ်းစသည့် ရှမ်းတိုင်းရင်းသားများ၊ ဗမာ၊ ရခိုင်၊ ကရင်၊ဂေါ်ရခါးစသည့် တိုင်းရင်းသားများ အတူတကွရင်းနှီးချစ်ခင်စွာပါဝင်ဆင်နွှဲခဲ့ကြရာ တိုင်းရင်းသားလူမျိုးပေါင်း ဦးရေ ၃၀၀၀ကျော်ခန့် မနောကပါဝင်ဆင်နွှဲခဲ့ကြကြောင်း၊ အလွန်ပျော်ရွှင်ခဲ့ကြကြောင်း၊ ကာမိုင်းမြို့တွင်ယနေ့ကျင်းပသည့် မနောပွဲတော်၏ တိုင်းရင်းသားတို့ပေါင်း
စည်းချစ်ကြည်ရင်းနှီးမှုမှသည် ငြိမ်းချမ်းရေးပန်းခင်းဆီသို့ အရောက်လှမ်းနိုင်မည့်ခြေလှမ်းအဖြစ် ကာမိုင်းမြို့ပြည်သူများကမျှော်မှန်းထားကြကြောင်းသိရှိရပါသည်။ပြန်/ဆက် ကာမိုင်း
No comments:
Post a Comment