Latest News

Wednesday, January 17, 2018

ကျေးဇူးကန်းသူ


🌟ကျေးဇူးကန်းသူ🌟

ကျွန်တော် လူပျိုကြီးပေါ့...။
ကျွန်တော် မိန်းမ မရတာ ရုပ်ဆိုးလို့မဟုတ်ဘူးဗျ.. မိန်းမတစ်ယောက်ကို တာဝန်မယူနိုင်လို့ပါခင်ဗျား..။

ကျွန်တော့်အတွက်ကြောင့် သူတစ်ပါးကို စိတ်မဆင်းရဲစေချင်ဘူးလေ...။

ကျွန်တော် သူများတွေလို အမေ့ကို လူအိုရုံမပို့ချင်ဘူး..။ အမေကလည်း စိတ်ချမ်းသာလို့ ဒီလောက်အထိ အသက်ရှည်နေတာပေါ့...။

ကျွန်တော် ပျော်ပါတယ်..။ ကျွန်တော့်ဘဝ အမေရှိရင် ပြီးပါတယ်...။

**************************************

တောင်ကိုရီးယားနိုင်ငံ၊ ယောင်ဒုံဖိုမြို့နယ်၊ စင်ဂီးလ်ရပ်ကွက် (Yeongdeungpo-Gu, Singil- Dong ) တွင်ဖြစ်သည်။

ချွဲဆိုသော အမျိုးသားကြီးသည် အိမ်ထောင်မပြုဘဲ အမေအိုကြီးကို လုပ်ကျွေးပြုစုရင်း ဘဝကို ရိုးသားကြိုးစားစွာဖြင့် နေထိုင်လျှက်ရှိသည်။

ချွဲသည် ချမ်းသာသောသူတစ်ယောက် မဟုတ်ပါ..။

တောင်ကိုရီးယားတွင် မြေအောက်ခန်းများသည် ဈေးပေါသည်။ ချွဲသည် မိခင်ကြီးနှင့်အတူ ကိုယ်တိုင် မြေအောက်ခန်းတစ်ခု၌ အိမ်ငှား၍ အသက် ၉၀ ကျော် မိခင်ကြီးအား လုပ်ကျွေးရင်းဖြင့် ငြိမ်းချမ်းစွာ နေထိုင်နေလေသည်။

**************************************

ကျွန်တော်တို့နိုင်ငံက အိုးမဲ့အိမ်မဲ့လူတွေ အခုအထိရှိနေတုန်းပဲနော်..။ သူတို့က ထုံးစံအတိုင်း လှေကားအောက်တွေ မြေအောက်ဘူတာရုံအထဲတွေမှာ အိပ်ကြတယ်..။ သူတို့တတွေနေတဲ့ နေရာနဲ့ ကျွန်တော်တို့ရပ်ကွက်နဲ့ နီးတယ်ဗျ..။

သူတို့ကို အထင်မသေးပါနဲ့ ..သူတို့မှာ သူတို့ဘဝဇာတ်လမ်းတွေရှိတယ်...။ ကျွန်တော် စိတ်ဝင်စားတယ်..။ တချို့ဆို ပညာတတ်တွေဗျ.. ဆရာဝန်တွေတောင် ပါသေးတယ်..။

ကျွန်တော်တို့မှာ ပရဟိတအဖွဲ့ရှိတယ်။ ကျွန်တော်တို့ ငွေစုပြီး ထမင်းထုပ်ဝေကြတယ်။ အစားအသောက်ကျွေးတယ်.. နေမကောင်းရင် ဆေးကုပေးပေါ့..။

ကျွန်တော် ဘယ်တော့မှ မပျက်ကွက်ဘူး အမြဲ ပရဟိတလုပ်တယ်..။

ကျွန်တော် အဲဒီမှာ ဂန်ကို စတွေ့ခဲ့တာ..။

**************************************

ဂန်က မိန်းကလေးမဟုတ်ပါဘူး.. ယောက်ျားလေးပါဗျ..။ သူက ကျွန်တော့်ထက် ၈ နှစ်ငယ်တယ်..။ ရုပ်ရည်သန့်ပြန်တယ်။

ဒီကောင့်ဘဝက သနားစရာပါ..။

ဒီကောင်က လူချမ်းသာဖြစ်ခဲ့ဖူးတယ်ဗျ..။ စီးပွားပျက်ပြီး လူအလိမ်ခံရတယ်ဆိုပဲ..။ ကုန်းကောက်စရာမရှိအောင် အကြွေးတွေဝိုင်းတဲ့ဘဝကို ရောက်သွားခဲ့တာ။ အသတ်ခံရမှာကြောက်လို့ ထွက်ပြေးရင်း ဒီနေရာကို ရောက်လာတာ..။

**************************************

အိမ်ရာမဲ့တွေထဲက ဂန်ကို ကျွန်တော် ထူးထူးခြားခြား ကရုဏာသက်မိတယ်။ သူက ကျန်းမာရေးက သိပ်မကောင်းဘူး ..။ ကျန်းမာရေးလေးကောင်းလာရင် အလုပ်ထွက်လုပ်လိုက် ..နေမကောင်းဖြစ်လိုက်နဲ့ ..။ နေမကောင်းဖြစ်ရင် အလုပ်နားရပြန်ရော.. ရတာလေးနဲ့ ခြွေတာစားလိုက်..။

ငွေကုန်သွားရင်တော့ နေမကောင်းရက်ကြီးနဲ့ အလုပ်လုပ်ပြန်တယ်ဗျာ...။

**************************************

တစ်နေ့တော့ ကျွန်တော် ဂန် အလုပ်က ပြန်လာတဲ့အထိ သူ အမြဲအိပ်တတ်တဲ့ လှေကားအောက်မှာ ထိုင်စောင့်နေလိုက်တယ်..။

**************************************

ဟော... မကြာခင်ဘဲ ဂန်တစ်ယောက် အလုပ်ကပြန်လာတယ်..။

"ခင်ဗျား ထမင်းစားပြီးပြီလားဗျ.."

ဂန်က ထမင်းထုပ် တစ်ခု မြှောက်ပြရင်း..

"ဟာ... အစ်ကိုပါလား...စိတ်မကောင်းစရာ ပြောရဦးမယ်ဗျ။ ဟိုတလောက ခြေထောက်ဒဏ်ရာရနေတဲ့ ဟိုလူ *** ခင်ဗျားသိလား? ဒီနေ့ ဆုံးသွားတယ်ဗျာ.. သူ့အတွက် ထမင်းထုပ်ပို့တဲ့ ပရဟိတသမားတွေက ကျွန်တော့်ကို သူ့ထမင်းထုပ်ပေးလိုက်တာ..ဒီနေ့တော့ ထမင်းထုပ် ၂ ထုပ်ဗျ.."

"ခင်ဗျားထမင်းထုပ်တွေ နောက်နေ့အတွက် ထားလိုက်ဗျာ.. ကျုပ် ခင်ဗျားကို ထမင်းကျွေးဖို့ စောင့်နေတာဗျ..ဆိုင်တစ်ဆိုင် သွားရအောင်.."

"ဗျာ..! ကျွန်တော့်လိုလူနဲ့ ခင်ဗျား ထမင်းဆိုင်ထိုင်ရဲလို့လားဗျ.. ကျွန်တော့် အဝတ်အစားတွေ အနံ့ဆိုးတယ်နော်.. "

" သိတယ်လေ.. ကျုပ် အဝတ်တွေယူလာတယ်.. လဲလိုက်ဗျာ.. ခင်ဗျားယူလိုက်..ဒါတွေ လက်ဆောင်ရထားတာဗျ အရောင်မကြိုက်လို့ဗျာ...ကျုပ်မဝတ်ဖြစ်ဘူးဗျ"

အမှန်တော့ ကျွန်တော်တောင် မဝတ်ရက်တဲ့ အင်္ကျီ အသစ်တွေကို ဂန်ကို ပေးလိုက်တာပါ..။

**************************************

ကျွန်တော်နဲ့ဂန် ထမင်းစား အရက်သောက်ကြတယ်.. အရက်၂ ပုလင်း ကုန်သွားတယ်..။

ကျွန်တော် ဂန်ကို သူငယ်ချင်းတစ်ယောက် ညီတစ်ယောက်လိုဆက်ဆံတာ သူအတော်ဝမ်းသာနေပုံရတယ်..။ မျက်ရည်တွေကျလာလို့ ကျွန်တော်မသိအောင် သုတ်နေတာ မသိချင်ယောင် ဆောင်နေလိုက်တယ်...။

"ကျွန်တော် ဆိုင်မှာ ထမင်းမစားဖြစ်တာ အနှစ် ၂၀ နီးပါးရှိပြီဗျာ...။

လူလိုသူလို ပြန်နေချင်လာမိတယ်"

**************************************

ကျွန်တော် သူ ထမင်းစားပြီးတဲ့အထိ စောင့်လိုက်တယ်..။ နောက်ဆုံး အရက်လက်ကျန်ကို ရှင်းလိုက်တယ်။

" ဂန်.. ကျုပ် ခင်ဗျားကို ပြောစရာရှိလို့ဗျ..."

" ပြောပါဗျာ.. ကူညီချင်ပါတယ်.."

" ခင်ဗျား အကူအညီမယူရပါဘူးဗျာ.. ဒီနေ့ ကျုပ် လစာတိုးတယ်ဗျ.. တစ်သိန်းတိုးရတာ"

"ဝမ်းသာလိုက်တာဗျာ.. အစ်ကို ဒါကြောင့် ကျွန်တော့်ကို ထမင်းလိုက်ကျွေးတာကိုးဗျ.."

" ဒီလကစပြီး အဲဒီတစ်သိန်းကို ခင်ဗျားကို လစဉ်ထောက်ပံ့မယ်ဗျာ..ရော့ .. တစ်သိန်း.."

"ဗျာ...!?!"

ဂန်တစ်ယောက် ဒူးထောက်ထိုင်ချလိုက်တော့တယ်..။

" အစ်ကို့ကျေးဇူး ကြီးမားလှပါပေတယ်"

"ဟာ… လူတွေကြည့်နေတယ်..ထပါကွာ.. ကျုပ်ကို ခင်ဗျားအစ်ကိုလို သဘောထားပါ.. ကျုပ် ဒီလိုလုပ်တာခံချင်လို့ ကူညီတာမဟုတ်ဘူး.. ခင်ဗျားကတော့ လုပ်ပြီ.."

အဲဒီနေ့ ကျွန်တော်ပျော်တယ်..။
အမေ့ကို ရေချိုးပေးရင်း တွေးမိတယ်။ ကျွန်တော် သူ့ကို ဒီထက်ပိုပြီး ဘယ်လိုကူညီရမလဲလို့...။

**************************************

အလုပ်ထဲမှာလည်း ဂန်အတွက် မဝတ်တဲ့အင်္ကျီတွေ ရှိရင်ပေးပါလို့ အလှူလိုက်ခံတယ်..။

ကျွန်တော် ထမင်း၊ ဟင်း၊ ဆန်၊ အင်္ကျီ ရသလောက် စုစည်းပြီး ဂန်ကိုပေးတယ်။

ကျွန်တော် အမေအိုကြီး လုပ်ကျွေးခွင့်ရတာနဲ့ ဆင်းရဲသားဂန်ကို ကူညီခွင့်ရတဲ့ အချိန်တွေဟာ ကျွန်တော့်ဘဝရဲ့ ပီတီအဖြစ်ရဆုံး အချိန်တွေပါပဲ...။

**************************************

ဒီလိုနဲ့ ဆောင်းရာသီရောက်လာတယ်..။

ဒီဆောင်းက တော်တော်ချမ်းတယ်ဗျာ...။
ကျွန်တော် ဟိုကောင်ဂန်တစ်ယောက် ဘယ်လိုအိပ်နေမလဲသိချင်လို့ သူနေတဲ့လှေကားအောက်ဖက်ကို လျှောက်လာခဲ့တယ်...။

ချမ်းလွန်းလို့ တုန်ယင်ပြီး ဖျားနေတဲ့ဂန်ကို သတင်းစာတွေကာထားတဲ့ လှေကားအောက်မှာ တွေ့လိုက်ရတယ်။

ကျွန်တော် တော်တော် စိတ်မကောင်းဖြစ်သွားတယ်...

"ဒီနေ့တော့ ခင်ဗျား ကျုပ်အိမ် လာအိပ်ဗျာ။ ခင်ဗျား သေသွားလိမ့်မယ်..။"

မငြင်းရှာဘူး..။ ဂန် ကျွန်တော့်ကို အလွန်အားနာနေတဲ့ပုံရပေမယ့် တော်တော် အဖျားတက်နေလို့ မငြင်းသာတာလဲပါမယ်..။

ဒီလိုနဲ့ ရေခဲအောက်အမှတ်ရောက်တဲ့နေ့တွေတိုင်း ဂန်ကို ကျွန်တော်ကိုယ်တိုင်သွားခေါ်ပြီး ကျွန်တော့်အိမ်မှာ အိပ်စေခဲ့တယ်။

ဂန်က ကျေးဇူးတင်လွန်းလို့ သူလာအိပ်တဲ့နေ့တိုင်း ကျွန်တော့်တစ်အိမ်လုံးကို ရှင်းပေးတာများ အိမ်အသစ်လား ထင်ရတယ်..။

ဒီကောင် အလိုက်တော့ သိတတ်သား..။

**************************************

ဒီလိုနဲ့ ၂၀၀၉ ခုနှစ် ၁၀ လပိုင်း ဆောင်းဦးဝင်လာပြီ..။

"ခင်ဗျားပစ္စည်းတွေ သိမ်းဗျာ...ဒီမှာမနေနဲ့တော့.... "

ဂန် ထိတ်လန့်သွားသည်။

"မလုပ်ပါနဲ့ အစ်ကိုရာ .. ဒီနေရာရဖို့ မနည်းဦးထားရတာ။ လှေကားအောက်ဆိုတော့ အိမ်လေးလိုဗျ.."

"စကားမရှည်နဲ့ဗျာ.. ဒီနေ့ကစပြီး ကျုပ်နဲ့အတူ လိုက်နေတော့..."

"ဗျာ...!?! ကျွန်တော် အိမ်မက်များ မက်နေလား?!?"

"ကျုပ် အလုပ်သွားရင် အမေကြီးတစ်ယောက်တည်း အိမ်မှာကျန်ခဲ့တာ။ ခင်ဗျားအမေလို သဘောထားရမယ်နော်။ အမေက ကျွန်တော့်ဘဝဗျ..,"

ကျွန်တော် ဂန့်ကို သံယောဇဉ်ဖြစ်မိတယ်..။ သူ့ကို လမ်းဘေးအိပ်နေရတဲ့ ဒီဘဝက လွတ်စေချင်တယ်..။

**************************************
"အမေ.. သားပြန်လာပြီ.. ဂန်လည်းပါတယ်..."

အမေအိုကြီးက ဝမ်းမြောက်ဝမ်းသာ ကြိုဆိုသည်။

"သားတို့ညီအစ်ကို လာမယ်ဆိုလို့ အမေတစ်နေ့လုံး စောင့်နေတာ.."

"အိမ်က ကျဉ်းတယ်ဗျာ..ခင်ဗျား အဆင်ပြေရဲ့လား?"

"ဟာဗျာ … အစ်ကိုရာ ကျွန်တော်က လှေကားအောက်မှာနေလာတဲ့ကောင်ပါဗျ.. ကျွန်တော်က အားနာနေတာ.."

"မိသားစုလို သဘောထားပါ ညီလေးရာ"

ဒီလိုနဲ့ ဂန်ဟာ ကျွန်တော့်မိသားစုဝင်တစ်ယောက် ဖြစ်လာပါတယ်...။

အမေကဆို ပြုံးနေရောပဲ...

"သားအသစ်တစ်ယောက်ရပြီ.. အမေမပျင်းတော့ဘူး.." ..တဲ့

လူ့ဘဝတစ်ခုကို ကယ်တင်လိုက်ရတော့ ကျွန်တော် ဝမ်းသာတယ်..။

**************************************

၂၀၁၀ ခုနှစ် ၁ လပိုင်း ၉ ရက်နေ့

အိမ်နီးချင်းများက ချွဲ အိမ်အပြင်မထွက်ဘဲနေသည်မှာ ၂ ရက်ရှိကြောင်း ရဲစခန်းကို ဖုန်းဆက်သည်။

"သူ့အမေအတွက် အမြဲ ရေသန့်လာယူနေကျ။ မလာတာ ၂ ရက်ရှိပြီ။ တံခါးလည်း အပြင်က သော့ခတ်ထားတယ်.."

ရဲထောက်လှမ်းရေးတို့က သော့ဖျက်၍ ဝင်လိုက်ရာ မြေအောက်ခန်းအိမ်၌ အသက် ၅၄ နှစ်ရှိသည့် ချွဲဆိုသည့် အမျိုးသားကြီးနှင့် အသက် ၉၁ နှစ်ရှိသည့် ဂျန်းဆိုသည့် အမေအိုကြီးသည် ဓားဒဏ်ရာများစွာဖြင့် ကြမ်းပြင်ပေါ် လဲကျသေဆုံးနေလေသည်။

**************************************

ချွဲ၏ မျက်နှာ၊ ကျောပြင်၊ ခေါင်းတို့တွင် ဓားဒဏ်ရာများစွာ....

အမေအိုကြီးမျက်နှာတစ်ခုလုံးလည်း ဓားဒဏ်ရာတို့ဖြင့် စုတ်ပြတ်နေသည်။

မည်သို့ပင် အားစိုက်၍ ဓားဖြင့်ထိုးသည်မသိ...။ ဓားကျိုးသွားကာ နံဘေးမှ ကပ်ကြေးဖြင့် ဆက်ထိုးထားသည်ကို တွေ့ရလေသည်။

မည်သူက မည်သို့သော အငြိုးကြောင့် အရိုးများကျိုးသည်အထိ ဓား၊ ကပ်ကြေးတို့ဖြင့် ထိုးထားသနည်း..?

ချွဲသည် သူ့အမေကြီးအား ပြူးကျယ်သော မျက်လုံးတို့ဖြင့် ကြည့်နေသည်။ သူသည် အမေထံသွား၍ ကယ်ရန် ကြိုးစားခဲ့ပုံရသည်။

**************************************

" လွန်ခဲ့တဲ့ ၄ လလောက်တုန်းက ချွဲက အမျိုးသားတစ်ယောက်ကို အိမ်ခေါ်လာတယ်ရှင့်။ သူတို့နဲ့အတူနေတာ။ အခုပျောက်နေတာ မသင်္ကာစရာပဲ။ နာမည်က ဂန်** ဆိုလား?.. "

"အဲဒီနေ့က ချွဲရဲ့ အော်ဟစ်သံကို ကြားမိသလိုပဲ။ "အမေရေ … အမေရေ … "လို့ အော်သံသဲ့သဲ့ ကြားမိတယ်။ မြေအောက်ဆိုတော့ အသံသိပ်မကြားရဘူး"

အိမ်နီးချင်းအဒေါ်ကြီး၏ သတင်းပေးမှုကြောင့် ရဲတပ်ဖွဲ့ဝင်များက ဂန်ထံသို့ စစ်ဆေးမေးမြန်းကြတော့သည်။

ဂန်အား တံတားတစ်ခု၏ လှေကားအောက်တွင်တွေ့ရှိကြရသည်၊

**************************************
" ချွဲတို့သားအမိ သေဆုံးနေတာနဲ့ပတ်သက်ပြီး မေးချင်လို့ပါ.."

ရဲအရာရှိများ၏ DNA စစ်ဆေးချက်အရ ချွဲနှင့်မိခင်အိုကြီးအား ရက်ရက်စက်စက်သတ်ခဲ့သော လူသတ်သမားသည် ဂန်ဖြစ်နေလေသည်။

"မထင်ဘူးဗျာ...ခင်ဗျား ရက်စက်လိုက်တာ..။ ခင်ဗျားကို ကူညီထားတဲ့သူတွေကိုမှ သတ်ပစ်လိုက်တယ်လို့ဗျာ .. ခင်ဗျား ဘာကြောင့် အခုလိုလုပ်ခဲ့တာလဲ..?"

**************************************
ဂန်က သည်လိုဖြေသည်..။

သူတို့အိမ်က ကျဉ်းတယ်ဗျ။ သူတို့နှစ်ယောက်နဲ့ ကျွန်တော် သုံးယောက်အိပ်ရတာ ကြပ်တယ်။

ကျွန်တော် ချွဲကို ဒီထက်ကျယ်တဲ့ အခန်းငှားဖို့ပြောတာ မငှားဖူးဗျာ။ ဒီဘဲကြီး ပိုက်ဆံရှိရဲ့သားနဲ့ ကပ်နေတာ။

ပထမတော့ ကောင်းကောင်းပြောကြည့်တယ်။ ၁၀ သိန်းထပ်ပေးရင် ကျယ်တဲ့အိမ်ကို ပြောင်းလို့ရတယ်။ ကျွန်တော် အကုန်စုံစမ်းပြီးသား။

ချွဲက ၁၀ သိန်းမထုတ်ဘူး.. မရှိဘူးလို့ပြောတယ်။ စုထားတဲ့ငွေက သူ့အမေတစ်ခုခုဖြစ်ရင် ဆေးကုဖို့တဲ့။

သူ့အိမ်ရောက်ပြီးကတည်းက ထမင်း၊ ဟင်း တစ်ခါမှ ပြင်မကျွေးတော့ဘူး။ ကျွန်တော် လှေကားအောက်မှာနေတုန်းက ချိုင့်နဲ့ယူလာပြီး သူကိုယ်တိုင် ကျွေးခဲ့တာ။

သူတို့အိမ်ရောက်တော့ ကိုယ်ထမင်းဆာတဲ့အချိန် စားလို့လည်းမဖြစ်၊ အိမ်ရှင်ထက် အရင်စားရင်လည်း ရိုင်းရာကျမယ်..။

ကျွန်တော် ချွဲတို့သားအမိကို မကျေနပ်ဘူး..။

**************************************

ကျွန်တော် သူ့အိမ်မှာ အရက်သောက်တာ သူမကြိုက်ဘူး။ အိမ်ကကျဉ်းတော့ သူ့အမေကြီးက အရက်နံ့ နံတယ်ပေါ့ဗျာ။ ဒါဆို ကျယ်တဲ့အိမ်ပြောင်းပေါ့ ကပ်စေးနည်းတာ။

ကျွန်တော် တမင်သက်သက် သူ့အိမ်မှာ အရက်နေ့တိုင်းသောက်တယ်။

သူ လစဉ်ပေးနေကျ တစ်သိန်းပေ့မယ့်နေ့က တော်တော်ကျော်လာပြီဗျ။ မပေးသေးဘူး...။

သူ လစာထုတ်ထားတာလည်း ကျွန်တော်သိတယ်။

စောင့်နေတဲ့သူ ဘယ်လောက်ပင်ပန်းလဲ ဒီလူ မသိလေရော့လား။

အဲဒီမှာ ကျွန်တော့်ဒေါသတွေ မထိန်းနိုင်တော့တာပဲ..။

**************************************

၂၀၁၀ ခုနှစ် ၁ လပိုင်း ၇ ရက်နေ့

ကျွန်တော် ဒီကိစ္စကို ရှင်းမှဖြစ်မယ်ဆိုပြီး အရက်သောက်ရင်း စောင့်နေလိုက်တယ်..။

" ချွဲ.. ခင်ဗျားကြီး ကျွန်တော့်ကို တစ်လတစ်သိန်း ထောက်ပံ့မယ်ဆိုပြီး မပေးတော့ဘူးလား"

" ညီရယ် .. မင်းကို ထမင်းကျွေးထားတာ ပိုက်ဆံဘာလိုသေးလို့လဲ။ မင်းနေမကောင်းရင် ဆေးကုဖို့ ငွေလိုရင်လည်း ငါပဲပေးရမှာ.."

"ထမင်းမလိုဘူးဗျ … ဘူတာလှေခါးမှာနေရင် အစားအသောက် ပေါမှပေါ။ တစ်သိန်းက အရက်ဖိုးဗျ.."

"မင်း အရက်သောက်ဖို့ဆို လုံးဝမပေးတော့ဘူး..မင်းအရက်ဖြတ်ပါ.."

"ခင်ဗျားကြီး ကျွန်တော့်ကို ငွေမရှိလို့ အထင်သေးတာလား? အရက်ဖြတ်ဖို့ပြောရအောင် ခင်ဗျားက ဆရာကြီးလား..?

**************************************

ချွဲ ဒေါသဖြစ်တာ သည်တစ်ခါပဲသေချာတွေ့ဖူးတယ်..။

ကျွန်တော်နဲ့ အကြီးအကျယ် စကားများကြတယ်..

သူက ကျွန်တော့်ကို အိမ်ပေါ်ကနှင်ချတယ်..။

အေး...ခင်ဗျားကိုသတ်ပြီးမှ ဆင်းမယ်ဗျား ..လို့ကျွန်တော်ပြောတယ်..။

ကျွန်တော် နောက်ဖေးချောင်မှာရှိတဲ့ ဓားကိုယူပြီး ချွဲကို အကြိမ်ကြိမ်ထိုးချလိုက်တယ်..။

"ခင်ဗျားချစ်တဲ့အမေကိုလည်း ဒီလိုသတ်တယ်ဗျာ ... ဘာဖြစ်လဲ.."

မသေမရှင်ဖြစ်နေတဲ့ ချွဲအရှေ့ကိုရောက်အောင် သူ့အမေအိုကြီး တရွတ်တိုက်ဆွဲယူလိုက်တယ်..။

အမေအိုကြီးက ကြောက်လွန်းလို့ ဆွံ့အနေတယ်..။

ချွဲမြင်သာအောင် ကျွန်တော် သူ့ အမေအိုကြီးမျက်နှာကို ဓားဖြင့် အကြိမ်ကြိမ် ထိုးပြလိုက်တယ်

ဓားကျိုးသွားတဲ့အခါ ကပ်ကြေးနဲ့ ထပ်ထိုးတယ်..။

ပြီးတော့ ကျွန်တော် သူတို့အိမ်ကထွက်လာလိုက်တယ်။

**************************************

လူ့လောကကြီး ကြောက်ဖို့ကောင်းပေစွ...။

ကြင်နာတတ်သော၊ မိဘသိတတ်သော ချွဲသည် မကယ့်သင့် မကယ်ထိုက်သူကို ကယ်တင်မိသောကြောင့် မိမိအသက်အား ဆုံးရှုံးရသည့်အပြင် မိခင်ကြီးပါ ရက်စက်စွာ အသတ်ခံရလေတော့သည်။

တောင်ကိုရီးယားနိုင်ငံ၌ ထိုအဖြစ်အပျက်ဖြစ်ပြီးနောက် မိမိတို့ အလှူမလှူခင်၊ ဒုက္ခရောက်သူများအား မကူညီခင် တစ်ဖက်လူသည် ကူညီထိုက်ပါသလားလို့ စဉ်းစားတတ်စေခဲ့သည်။

**************************************

မိမိနှင့် အသေအချာမသိသော တစိမ်းများကို မိမိအိမ်တွင်အတူနေစေခြင်းထက် အဝေးမှကူညီခြင်း ..မိမိတတ်နိုင်လျှင် အိမ်ငှားပေးလိုက်ခြင်းက မိမိအတွက် ပို၍ အန္တရယ်ကင်းပေမည်။ ကုသိုလ်လည်းရသည်။ ဂန်နှင့်ချွဲကဲ့သို့ ဒေါသတို့ဖြင့်အဆုံးသတ်ရသောအခါ ကုသိုလ်က အကုသိုလ်အဖြစ်ပြောင်းသွားတော့သည်။

**************************************

အသက် ၄၆ နှစ်ရှိသော ဂန်အား တရားသူကြီးက တောင်ကိုရီးယားနိုင်ငံ၏ အကြီးလေးဆုံးသော အပြစ်ဒဏ်ဖြစ်သည့် အလုပ်ကြမ်းနှင့် မသေမချင်း ထောင်ဒဏ်ပေးခဲ့သည်။

**************************************
ဂန်သည် ထောင်ထဲ၌ အသိတရားဝင်လာသည်။

ကျေးဇူးရှင်အား ကျေးဇူးကန်းခဲ့လေပြီ...။

**************************************

ကျွန်တော့်ကို ဆောင်းအေးအေးနေ့တွေမှာ ထမင်းလာကျွေးတဲ့အစ်ကို..

အသက်ကြီးပေမယ့် တုန်တုန်ချိချိ ကော်ဖီဖျော်တိုက်တဲ့ အမေအိုကြီး...

ကျွန်တော် မှားပါတယ်ခင်ဗျာ...။ ကျွန်တော်သေပါရစေ..။

ဂန် စာတွေနေ့တိုင်းရေးသည်။ ထိုစာများကို ကြင်နာတတ်သော ချွဲနှင့် အမေအိုကြီးတို့ မဖတ်နိုင်တော့ပေ..။

**************************************

ဂန်သည် ထောင်ထဲ၌ အိမ်မက်ဆိုးများမက်၍ တစ်ရက်မှ နေ၍မရဟုဆိုသည်။

မိမိအား ဓားဖြင့်ထိုးနေသကဲ့သို့ နာကျင်သောဝေဒနာအား နေ့စဉ် ခံစားနေရလေသည်။
အိပ်စက်၍လည်း မရတော့ချေ..။

နာကျင်လွန်း၍ အရူးတစ်ယောက်လို အော်ဟစ်နေသည်ဟု အကျဉ်းသားများက ပြောပြကြသည်။

**************************************

၂၀၁၁ခုနှစ် ၇လပိုင်း

တောင်ကိုရီးယား နွေရာသီသည် ခြစ်ခြစ်တောက်အောင် ပူနေသည်။ သူ့ရောဂါအခံများ ပို၍ဆိုးလာသည်။ စိတ်လဲ မမှန်တော့ပေ..။

ကျေးဇူးကန်းသော ဂန်သည် ထောင်ထဲ၌ မည်သူကမှ မနှိပ်စက်ဘဲ ပူလောင် အော်ဟစ်ပြီး သေဆုံးသွားလေတော့သည်။

**************************************

ကျေးဇူးကန်းသူများ ခံစားရမည့်ဆိုးကျိုး ၁၁ မျိုး ရှိပါသည်။

၁။ ရောဂါကြီးမား

၂။ လျော့ပါးစည်းစိမ်

၃။ နေအိမ်မီးဖျက်

၎။ ကျိုးပျက်အင်္ဂါ

၅။ နူနာ

၆။ စိတ်ဖောက်

၇။ ကျရောက်မင်းဒဏ်

၈။ မမှန်စွပ်စွဲ

၉။ ပြိုကွဲမျိုးဆွေ

၁၀။ ရွှေ၊ ငွေ၊ ကျွဲနွား ယွင်းဖောက်ပြားသား ဆယ်ပါးမျက်မှောက် ဒဏ်ကြီးရောက်၍
နောက်၌အမြဲ..သေဖောက်လွဲသော်

၁၁။ ငရဲကြီးစွာ ခံရရှာသည်..။

ကျေးဇူးသိတတ်သောသူများဖြစ်နိုင်ကြပါစေ..။

မရွှေမိုး (ကိုရီးယား)
January 11th, 2018.

References

악마를 보았다-13 은혜를 원수로 갚은 인면수심의 살인마 신길동 모자 살인사건 노숙자 강정태








No comments:

Post a Comment