ပို့ဆောင်ရေးနှင့် ဆက်သွယ်ရေးဝန်ကြီး ဌာန မြန်မာ့ဆက်သွယ်ရေးလုပ်ငန်း၏ ယနေ့ပို့ မနက်ဖြန်ရောက် ပြည်တွင်း အမြန်ချောပို့ ဝန်ဆောင်မှုသစ်အား ၂ဝ၁၈ ခုနှစ် ဇန်နဝါရီ ၁ ရက်မှစတင်၍ နေပြည်တော်၊ ရန်ကုန်နှင့် မ္တလေးမြို့ တို့တွင် ဝန်ဆောင်မှုသစ်ဖြင့် စတင် ဝန်ဆောင်မှုပေးပြီဖြစ်ကြောင်း သိရ သည်။
နေပြည်တော်တွင် အစိုးရဌာန အားလုံးနှင့် မြို့မဈေး၊ သပြေကုန်းဈေး၊ မ္တလေးတွင် အောင်မြေသာစံ၊ ချမ်းအေး သာစံ၊ ချမ်းမြသာစည်၊ ပြည်ကြီးတံခွန်၊မဟာအောင်မြေနှင့် အမရပူရနှင့် ရန်ကုန်တွင် ရန်ကုန်စာတိုက်ကြီးနှင့် စာရွေးစာပို့ (ရန်ကုန်)ကို ဗဟိုပြု၍ မော်တော်ဆိုင်ကယ်များဖြင့် ဇုန်အဖွဲ့ငါးဖွဲ့က မြို့နယ် အလိုက် စာတိုက်များသို့ ချောပစ္စည်းများကို ပို့ဆောင်သွားမည်ဖြစ်ပြီး Delivery Monitoring System စနစ်ဖြင့်ပေးပို့သောDEMS Walking, Online Express, Online VPP, Online VPL အမြန်ချော၊ VPP, VPLများ အား တိုက်ရိုက်ပေးဝေမည့်နေရာများသို့ တစ်နေ့ နှစ်ကြိမ် ပို့ဆောင်မည်ဖြစ်ကြောင်း သိရသည်။
ပြောင်းလဲလာသောခေတ်နှင့် အညီ ပြည်သူတို့၏ လိုအပ်ချက်ကို ဝန်ဆောင်မှု အသစ်ဖြင့် ဆောင်ရွက်ခြင်းဖြစ်ပြီး Online မှ မှာယူသုံးစွဲသော ပစ္စည်းများ လျင်မြန် လွယ်ကူစွာ အသုံးပြုနိုင်စေရန်နှင့် မြန်မာ့စာတိုက်လုပ်ငန်း ခေတ်မီဖွံ့ဖြိုးတိုးတက်မှု နှင့်အတူ ဝင်ငွေတိုးတက်ရရှိစေရန် နှစ်သစ်တွင် စတင်ဆောင်ရွက်ခြင်းဖြစ်ကြောင်း၊ လူတိုင်းအတွက် မြန်မာ့စာတိုက် (Myanmar Post For Everyone) ဟူသော ဆောင်ပုဒ်နှင့်အညီ ယနေ့ပို့ မနက်ဖြန်ရောက်စနစ်ဖြင့်Special Delivery ဖြစ် သည့် အထူးစာဝေလုပ်ငန်းဖြင့် ဝန်ဆောင်မှုသစ်ကို စတင်ဆောင်ရွက်ခြင်းဖြစ် ကြောင်း သိရသည်။ သန်းထိုက်(လှိုင်သာယာ)မြန်မာ့အလင်း
No comments:
Post a Comment